Ak bugdaý etrabyndaky tebigy we takyk ugurly dersleri çuňlaşdyryp öwredýän ýöriteleşdirilen 46-njy orta mekdepde “Altyn asyryň altyn zehinleri” atly döredijilik (taslama) bäsleşiginiň welaýat tapgyry geçirildi. Okuw dersleri boýunça geçirilmegi däbe öwrülen bäsleşige etraplaryň umumybilim berýän mekdeplerinden zehinli ýaşlar gatnaşdy.
Welaýat Baş bilim müdirligi tarapyndan guralan bäsleşigiň guramaçylykly geçmegi ugrunda giň mümkinçilikler döredildi. Onda okuwçy ýaşlar okuw derslerinden taýýarlan döredijilik-taslama işleri boýunça ukyp-başarnygyny görkezdiler. Emin agzalary ýaşlaryň şol işleri we çykyşlary esasynda zehin-başarnygyna mynasyp baha berdiler.
