Berkarar döwletimiziň täze eýýamynyň Galkynyşy döwründe hormatly Prezidentimiziň taýsyz tagallalary netijesinde medeniýet, sungat, ylym, bilim örän belent sepgitlere ýetdi. Gahryman Arkadagymyzyň «Döwlet adam üçindir!» diýen baş şygarynyň dowamyny «Watan diňe halky bilen Watandyr! Döwlet diňe halky bilen döwletdir!» diýen beýik şygar bilen dowam edýän Arkadagly Gahryman Serdarymyzyň baştutanlygynda ýurdumyzda ylym-bilime, sungata, edebiýata, şol sanda kitaba uly sarpa goýulýar.
Ata-babalarymyz gadymy döwürlerden bäri pähim-paýhasa, ylym-bilime uly sarpa goýup, dünýäde öçmejek şan-şöhrat gazanypdyrlar. Ýaş nesillerden Watana, il-ulsyna wepaly, mert, gaýduwsyz, maksada okgunly, ar-namysly, tutanýerli şahsyýetleri kemala getirmekde çeper edebiýat esasy çeşme bolup hyzmat edýär.
