Berkarar döwletiň täze eýýamynyň Galkynyşy döwründe halkymyzyň bagtyýar geljegini nazarlaýan toplumlaýyn özgertmeler ähli ugurlar boýunça üstünlikli durmuşa geçirilýär. Bu gün ýurdumyzda dünýäniň ösen döwletleriniň ylmy-tehniki ösüşiniň täze gazananlaryndan ugur alyp, döwrebap tehnologiýalardan, innowasiýalardan baş çykarýan hünärmenleri taýýarlamak esasy ugurlaryň biri bolup durýar.
Eziz Diýarymyzda durmuşa geçirilýän maksatnamalaýyn işleriň netijesinde ylym we bilim ulgamlarynyň ýokary derejä ýetendigi bütin dünýäde ykrar edilýär. Ýurdumyzyň ylym-bilim ulgamlaryndaky ösüşleriň esasy bilim bermegiň ýokary ülňülerini durmuşa ornaşdyrmakdan, düýpli hem-de amaly ylmy-barlaglary goldamakdan we höweslendirmekden, okuw işine döwrebap maglumat-aragatnaşyk tehnologiýalaryny ornaşdyrmakdan, bu ugurda halkara hyzmatdaşlygy giňeltmekden ybaratdyr.
