Türkmenmetbugat

"Türkmenistan" gazeti

Esaslandyryjysy: Türkmenistanyň Ministrler Kabineti
Salgysy: Aşgabat şäheri, Garaşsyzlyk şaýoly, 100, Türkmenbaşynyň erkin döredijilik mekany
Telefon belgileri: 38-60-88, 39-95-06, 39-95-67
Email: turkmenistan-gazeti@sanly.tm

Gazeti PDF görnüşinde ýükläp almak

Habarlar

Magtymguly Pyragynyň pähim-paýhas we döredijilik mirasy — umumadamzat gymmatlygy

Türkmenistanyň Prezidentiniň Kararyna laýyklykda, şu ýyl ýurdumyzda we daşary ýurtlarda Magtymguly Pyragynyň doglan gününiň 300 ýyllygy giňden bellenilýär. Munuň özi eserleri dünýä edebiýatynyň altyn hazynasyna giren beýik söz ussadynyň bahasyna ýetip bolmajak pähim-paýhas, döredijilik mirasyny öwrenmäge täze itergi berýär. Türki medeniýetiň halkara guramasynyň (TÜRKSOÝ) 2024-nji ýyly «Türki dünýäsiniň beýik şahyry we akyldary Magtymguly Pyragy ýyly» diýip yglan etmegi, şahyryň golýazmalar toplumynyň ÝUNESKO-nyň «Dünýäniň hakydasy» maksatnamasynyň halkara sanawyna girizilmegi, onuň doglan gününiň 300 ýyllygynyň 2024-2025-nji ýyllarda ÝUNESKO bilen bilelikde bellenilip geçiljek şanly seneleriň hataryna goşulmagy türkmeniň meşhur nusgawy şahyrynyň gymmatly mirasynyň halkara derejede ykrar edilýändiginiň güwäsidir. Watanymyzy mundan beýläk-de ösdürmek, onuň şan-şöhratyny, halkara abraýyny artdyrmak, Magtymguly Pyragynyň ömür-döredijiligini öwrenmek, dünýäde wagyz etmek maksadyndan ugur alyp, şeýle hem Gahryman Arkadagymyzyň beýik şahyra bagyşlap ýazan goşgusy bilen adybir atlandyrylan şu ýyl “Pähim-paýhas ummany Magtymguly Pyragy” şygary astynda geçýär. Bu şygaryň many-mazmuny ildeşlerimiziň watançylyk ruhuny belende götermekden, ýaşlaryň mynasyp terbiýelenmegine ýardam etmekden, halkymyzy täze üstünliklere ruhlandyrmakdan ybaratdyr. Şunuň bilen baglylykda, şu ýyl ýurdumyzd

8 Awgust 2024

«Ýaňlan, Diýarym!»

Bagtyýar durmuşymyzyň belent waspy Berkarar döwletiň täze eýýamynyň Galkynyşy döwründe ýurdumyzda aýdym-saz sungatyna, milli medeniýetimize belent sarpa goýulýar. Türkmenistanyň Prezidentiniň «Türkmeniň Altyn asyry» atly bäsleşiginiň çäklerinde her ýylda uly ruhubelentlikde geçirilýän «Ýaňlan, Diýarym!» telebäsleşigi aýdym-saza höwesli, zehinli ýaşlaryň birnäçesini ýüze çykarýar. Hormatly Prezidentimiziň: «Edebiýat, medeniýet we sungat işgärleriniň, höwesjeň aýdymçy ýaşlaryň hem-de zehinli çagalaryň arasynda Türkmenistanyň Prezidentiniň «Türkmeniň Altyn asyry» atly baýragyny almak ugrundaky bäsleşigiň çäklerinde geçirilýän «Ýaňlan, Diýarym!» telebäsleşigi höwesjeň aýdymçy ýaşlaryň özboluşly sungat baýramydyr. Bu telebäsleşikde ýerine ýetirilýän aýdymlar ýurdumyzyň beýik ösüşleriniň, halkymyzyň bagtyýar we abadan durmuşynyň belent waspyna öwrülýär» diýip belleýşi ýaly, bu bäsleşigiň welaýat tapgyry hem uly sungat baýramyna öwrüldi.

7 Awgust 2024

Ajaýyp döwrüň waspçysy

Şahyr Bazar Şalyýewiň edebiýat meýdanynda özboluşly ýoly bar. Şahyryň geçen zähmet we döredijilik ýoly hem muny tassyklaýar. Ol Hojambaz etrabynyň Mekan obasynda dünýä inýär. Obasyndaky 5-nji orta mekdebi gowy bahalar bilen tamamlap, 1974-nji ýylda Magtymguly adyndaky Türkmen döwlet uniwersitetiniň türkmen filologiýasy fakultetine okuwa girýär. Bazar Şalyýew okuwyny tamamlap, «Ahal durmuşy» gazetinde zähmet ýoluna başlaýar. Soňra «Türkmen gündogary» gazetinde habarçy, etrap «Watançy» gazetinde jogapkär kätip wezipelerinde işleýär. 2014-nji ýylda pensiýa çykýança, Hojambaz etrabyndaky 5-nji orta mekdepde türkmen dili we edebiýat mugallymy, şol mekdebiň müdiriniň terbiýeçilik işleri boýunça orunbasary wezipelerinde zähmet çekýär. Şahyr Bazar Şalyýewiň zähmet çeken ýerleri çeper döredijilik bilen meşgullanmagy üçin has-da oňaýly boldy. Türkmen diliniň jadylaýjy täsirlerini şygra siňdirip, okyjylaryň göwnünden orun almak abyrsyz zähmeti, yhlasdyr gaýraty talap edýär. Onuň durmuş wakalaryny çeper beýan edýän goşgularyny, rubagylaryny höwes bilen okaýarsyň.

7 Awgust 2024

Şöhratly menzillerde ýokary sepgitler

Ýurdumyzda ähli ugurlarda uly ösüşleriň gazanylmagy, belent sepgitlere eýe bolunmagy ata Watanymyzyň halkara abraýyny barha ýokarlandyrýar, halkymyzyň ýaşaýyş-durmuş şertlerini gowulandyrýar. Hormatly Prezidentimiziň parasatly döwlet syýasatynyň esasy maksady her bir raýatyň abadan durmuşda ýaşamagyny gazanmakdan, ilatyň durmuş mümkinçiliklerini we bähbitlerini berk üpjün etmekden, durmuş goraglylygyny we iş üpjünçilik ulgamyny kämilleşdirmekden ybaratdyr. Türkmen halkynyň Milli Lideri Gahryman Arkadagymyzyň «Döwlet adam üçindir!», Arkadagly Gahryman Serdarymyzyň «Watan diňe halky bilen Watandyr! Döwlet diňe halky bilen döwletdir!» diýen ynsanperwer taglymatlaryndan ugur alnyp durmuşa geçirilýän işler adam hakyndaky aladany öz içine alýar. Raýatlaryň bagtyýar hem eşretli durmuşynyň üpjün edilmegi ýurdumyzyň ösüş strategiýasynyň baş maksadydyr. Ata Watanymyzda medeniýet ulgamynyň ösmegine hem aýratyn üns berilýändigini bu ugurda durmuşa geçirilýän işler subut edýär. Olaryň hatarynda medeni maksatly binalaryň gurulmagyny, medeniýet ulgamynyň maddy-enjamlaýyn binýadynyň pugtalandyrylmagyny, sanly ulgamyň giňden ornaşdyrylmagyny, halkara medeni hyzmatdaşlygyň ösdürilmegini görkezmek bolar. Hormatly Prezidentimiziň aýdyşy ýaly, «Medeniýet ulgamynyň ösüşleri jemgyýetiň bitewüligini, milletiň ruhy galkynyşyny üpjün edýär».

7 Awgust 2024

Milli senetçilik we dünýä tejribesi

Göze gelüwli, owadan zatlaryň deňinden biparh geçip bolmaýar. Ine, şu gün – 7-nji awgustda Türkmenistanyň Beýik Saparmyrat Türkmenbaşy adyndaky Şekillendiriş sungaty muzeýinde Türkmenistanyň Medeniýet ministrliginiň Maddy däl medeni miras müdirliginiň guramagynda geçirilen «Türkmen milli senetçiligini ösdürmegiň meseleleri we dünýä tejribesi» atly maslahatda milli el işleriniň sergisiniň deňinden hem biparh geçip bilmedik. Kalbynda ylham, mähir çogýan türkmen zenanynyň döredýän gudratyna haýran galýarsyň. Maslahata gatnaşan Ýagşygeldi Kakaýew adyndaky Halkara nebit we gaz uniwersitetiniň «Çyzuw we materiallaryň garşylygy» kafedrasynyň mugallymy Arzygül Köşiliýewa:   

7 Awgust 2024

Ýaşlaryň joşgunly owazlary

Türkmenistanyň Prezidentiniň «Türkmeniň Altyn asyry» atly bäsleşiginiň çäklerinde geçirilýän «Ýaňlan, Diýarym!» telebäsleşiginiň Daşoguz welaýat tapgyryna sebitiň şäherdir etraplarynda bolan deslapky gözden geçirilişlerde öňe saýlanan estrada aýdymçylarynyň 10-sy gatnaşdy. Daşoguz şäheriniň gözel künjekleriniň birinde ýerleşýän «Türkmeniň ak öýi» binasynyň öňündäki ajaýyp meýdançada ýagty yşyklar bilen öwşün atyp, toý lybasyna beslenen giň sahna höwesjeň ýaşlaryň, täze zehinleriň hoş owazyna gurşaldy. Bäsleşige örän taýýarlykly gelen ýaş zehinleriň ýerine ýetiren halk heňleri, beýik döwrümizi wasp edýän estrada aýdymlary sungat muşdaklaryna lezzet paýlap, olarda aýratyn täsir galdyrdy. Ajaýyp görnüşlere, şatlyk-şowhuna beslenip, hakyky aýdym-saz baýramçylygyna öwrülen bäsleşigiň her bir tolgundyryjy pursady «Pähim-paýhas ummany Magtymguly Pyragy» ýylynyň toýly günlerine bezeg berdi. Ol Arkadagly Gahryman Serdarymyzyň we Gahryman Arkadagymyzyň taýsyz tagallalary bilen milli medeniýetimiziň gülläp ösýändiginiň nobatdaky aýdyň mysaly boldy.

5 Awgust 2024

Zehin uçgunjyklaryny kämilleşdirýän mekdep

Sungata aşyk bolmaýan ýokdur. Onda-da çeperçilik sungatyna. Suratkeşdir heýkeltaraşlar, keramikaçydyr nakgaşçylar ynsana ruhy lezzet, gözellik eçilýärler. Olar dünýäniň ajaýyplyklaryny we täsinliklerini inçelik bilen duýýarlar. Häzirki wagtda ýurdumyzyň çeperçilik sungatyna höwesli ýaş nesillerini göreniňde, olaryň sungata bolan söýgüsine guwanýarsyň, şekile geçirýän işlerine buýsanýarsyň. Çeperçilik sungatyny ösdürmek we kämilleşdirmek babatynda ýurdumyzda uly mümkinçilikler we şertler döredilýär. Gahryman Arkadagymyzyň we Arkadagly Gahryman Serdarymyzyň taýsyz tagallalary netijesinde beýik işler durmuşa geçirilýär. Žurnalymyzyň döredijilik topary zehin uçgunlaryny kämilleşdirýän ojak bolan Aşgabat şäher Medeniýet müdirliginiň Bäşim Nuraly adyndaky çagalar çeperçilik mekdebinde myhmançylykda boldy. Onda biz bu mekdebiň alyp barýan işleri, geljekki meýilnamalary, mümkinçilikleridir aýratynlyklary bilen tanyşdyk. Bular dogrusynda bize Aşgabat şäher Medeniýet müdirliginiň Bäşim Nuraly adyndaky çagalar çeperçilik mekdebiniň direktory Öwezgeldi Ýagmyrow şeýle gürrüň berdi:

5 Awgust 2024

Saýat Nowa

(Arutýun Saýadýan)(1712-1795) Arutýun Saýadýanyň edebi lakamy Saýat Nowa bolup, ol ermeni şahyrydyr. Saýat Nowa ermeni, gruzin, azerbaýjan, türk dillerinde goşgy ýazypdyr. Ilkinji goşgularyny heniz çaga wagtlary ýazypdyr. Öz goşgularyny çalan sazlaryna goşup, aýdym edip aýdypdyr. Saýat Nowa öz eserlerinde, esasan, umumadamzat gymmatlyklarynyň ileri tutulýan meselelerine ýüzlenipdir. Halklaryň dostlugy, doganlygy, bütin dünýäde parahatçylygy, ula hormat, kiçä söýgi, jomartlyk, watançylyk, ynsanperwerlik ýaly düşünjeler şahyryň şygyrlarynda çeper beýanyny tapypdyr. Şeýle hem ol öz döwrüniň ozanydyr, gözelligiň waspçysydyr. Onuň 200-den gowrak goşgulary biziň günlerimize gelip ýetipdir. Saýat Nowanyň türkmen diline terjime edilen kitaby 1976-njy ýylda çapdan çykýar. Ýurdumyzyň bagşylary Saýat Nowanyň sözlerine «Nurana Aý», «Ýokdur taýyň», «Sataşa-sataşa» ýaly birnäçe aýdymlaryny aýdýarlar. «Magtymguly Pyragy» medeni-seýilgäh toplumynda Saýat Nowanyň (Arutýun Saýadýanyň) ýadygärliginiň goýulmagy Türkmenistanyň we Ermenistan Respublikasynyň dostlukly gatnaşyklaryny has-da berkider.

5 Awgust 2024

Ýaşajyk suratkeşleriň sergisi

Eziz çagalar, biziň redaksiýamyza siziň zehinli suratkeş deň-duşlaryňyzyň çekýän suratlary yzygiderli gelip durýar. Olarda milli gymmatlyklarymyz, edebi mirasymyz, bagtyýar çagalaryň başdan geçirýän şadyýan pursatlary öz beýanyny tapýar. Mähriban çagalar, geliň, bilelikde şol suratlary synlalyň!

5 Awgust 2024

Oýlandyran waka

Gatnaşýarlar:Adyl.Emin.Süleýman.Enesi.Enesi. Sahnada Adyl öý işini edip otyr. Enesi bolsa saçak başynda çaý içýär. Şol wagt Adylyň telefonyna jaň gelýär. Adyl telefonynyň sesini ýapyp, öý işini etmegini dowam etdirýär. Salym geçmän, ýene jaň gelýär. Adyl ýene onuň sesini ýapýar.

5 Awgust 2024

Haýwanlary söýýän oglanjyk

Biziň aramyzda janly-jandarlary, haýwanlary söýmeýän barmyka?! Megerem, ýokdur. Iň bärkisi, pişijeklerden başlap, iň uly ýyrtyjylary — gaplaňy, ýolbarsy, aýyny... gowy görüp, olar bilen dostlaşmagy arzuw edýän çagalar hem bar ahyry. Bular hakynda gürrüň etsek, ilki bilen, tokaýda ýaşaýan şol edermen, gaýduwsyz Maugli göz öňüňize geldi gerek?! Şeýle dälmi?! Ýöne bu gezekki gürrüň etjek gahrymanymyz Maugli hakynda däl-de, şonuň ýaly batyrgaý, gorkmazak oglanjyk barada. Hany, göz öňüne getirip görüň, edil Maugli ýaly tokaý haýwanlaryny gowy görüp, olary dürli howplardan, awçylardan goramagy başarýan ol oglanjyk kimkä?! Eýýäm bilen bolsaňyz gerek! Hawa, ol oglan — Döwran. Siz, megerem, «Döwranyň başdan geçirenleri» atly çeper filme tomaşa edensiňiz. Çagalaryň gyzykly durmuşyndan söhbet açýan filmde Döwran atly oglanjyk tokaý haýwanlaryny — keýijegi, guşlary, sülgünleri... awçylaryň gazaply penjesinden halas edýär. Tokaý haýwanlaryny awlap, duzak gurup, janly-jandarlara uly zyýan ýetirmek isleýän üç sany awçydan ýeke özi rüstem gelýän Döwran diýseň ugurtapyjy, gaýduwsyz. Ol awçylaryň ýaraglaryny ýygnap goýup, öz guran duzaklaryna özleri düşer ýaly hile-tilsim oýlap tapýar. Awy oňman, dürli kynçylyklara sezewar bolan awçylar ahyrsoňy açlygyna çydaman, tokaýdan ökje göterýärler.

4 Awgust 2024

Dünýä edebiýatynyň döwresi

«Magtymguly Pyragy» medeni-seýilgäh toplumyna gaýybana syýahat «Pähim-paýhas ummany Magtymguly Pyragy» ýylynda Magtymgulynyň doglan gününiň 300 ýyllygy mynasybetli, paýtagtymyz Aşgabat şäherinde, Köpetdagyň eteginde dana şahyryň belent heýkeliniň açylmagy dünýä medeniýetiniň şanly wakalarynyň biri hökmünde äleme ýaň saldy. Milli Liderimiziň teklibi bilen, «Magtymguly Pyragy» medeni-seýilgäh toplumynda dünýäniň edebiýat we sungat ussatlarynyň onlarçasynyň heýkeli oturdyldy. Şol söz ussatlarynyň arasynda wenger edebiýatynyň görnükli wekilleriniň biri Şandor Petefiniň heýkeli hem bar. Şandor Petefi diýilse, tutuş wenger hakynyň taryhy we medeni aýratynlygy göz öňüňde janlanýar.

4 Awgust 2024

Akyldar türkmen kino sungatynda

1968-nji ýylda meşhur sungat ussady Alty Garlyýew «Magtymguly» çeper filmini döretdi. Alty Garlyýewiň Magtymguly Pyraga bolan gatnaşygy barada ýörite aýtmalydyrys. Ol Magtymgulyny tükeniksiz ruhy älem hasaplaýardy, ony irginsiz okaýardy, öwrenýärdi, ony il-gününe has giňden tanatmagyň arzuwynda gezýärdi. «Altynyň ýassygynyň aşagynda mydama Magtymgulynyň şygyrlar kitaby bardy» diýip, oňa juda belet kärdeşleri gürrüň berýärler. Alty Garlyýew bu ugurda iňňän kän çorba sowadýar, ýazýar, göwni ýetmän pozýar, ýene ýazýar... Ahyry uly söz ussady, dosty Berdi Kerbabaýew bilen awtorlykda «Magtymguly» operasynyň librettosyny döredýär. Ençeme ýyl geçse-de, Alty Garlyýew Magtymguludan ara açyp bilmeýär. Gaýtam, ol şahyryň syrly dünýäsine ymykly aralaşýar. «Magtymguly» filminde Magtymgulynyň keşbini janlandyrýan Hommat Müllük şeýle ýatlaýardy: «Alty aga maňa kyn, jogapkärli ýumşy tabşyrypdy. Men ony Alty Garlyýewiň ýakyndan hemaýaty, goldawy bilen alyp çykdym. Men şonda sungat ussadynyň Magtymgula niçiksi çuň düşünýändigine, halkymyzyň däbini, dessuryny iň maýdaja gyldyrganjygyna çenli ilik-düwme bilýändigine doly göz ýetirdim. Alty aga-da edil Magtymgulynyň özi ýaly, tüýs halkyň oglydy...»

2 Awgust 2024

Bagşyly halk — bagtly halk

«Ile döwlet geler bolsa, bagşy bilen ozan geler» diýýär, pederlerimiz. Bu, hakykatdan, şeýle. Şahandazlygy bilen asyrlar aşan türkmen iliniň saýrak owazly bagşy-sazandalary ýurdumyzyň ýeten belent sepgitlerini, bagtyýar ýaşaýşyny aýdym-sazyň üsti bilen wasp edip, halka hemişe ruhy lezzet berip gelýärler. Şu ýerde aýdym aýtmaga höwes bildirip, eline dutar alyp, kynçylyklara garamazdan, halkyň öňüne çykan ilkinji zenan bagşylar barada gürrüň bermek has gyzykly bolsa gerek. «Mukamyň syry» kinofilmine tomaşa eden her bir adam Karkaranyň gaýduwsyzlygyna buýsanýar, oňa meňzäsi gelýär. Şirin owazy bilen kalplara siňen zenan bagşylaryň ilkinjileriniň biri Türkmenistanyň at gazanan artisti Nurjemal Adyýewa diýsek, ýalňyşmasak gerek. Ahal welaýatynyň Kaka etrabynyň Artyk obasynda Hanaly aga bilen Aýlar ejäniň maşgalasynda dünýä inen Nurjemal kakasynyň günde-günaşa öýlerine çagyrýan bagşy-sazandalaryny, ýomakçylaryny çaga höwesjeňligi bilen diňlär eken. Hanaly aganyň dutaryň kirişlerine ezberlik bilen erk edişine haýran galyp, barmaklaryny oýnadyp, kirişleri yzarlar eken.

2 Awgust 2024

Sungata teşne ýürek

Gözellik dünýäsi uç-gyraksyz umman ýaly. Ajaýyp sungat eserlerini synlanyňda dideleriň gözellikleriň dünýäsine atygsaýar. Türkmenistanyň Döwlet çeperçilik akademiýasynyň mugallymy Gülara Babaýewa keramikadan dürli şekilleri ýasamagyň ussady, ol ökde nakgaşçy, küýzegär hem dizaýner hökmünde-de tanalýar. Bu zenana ukyp-başarnykdan ýeterlik paý berlipdir. Ussat zenan olaryň sazlaşygyndan ajaýyp sungat eserlerini döredýär. Gülara çagalykdan surat çekmäge höwesli bolýar. Ol, esasan, küýzeleriň, güldanlaryň, çäýnek-käsedir dürli gap-gaçlaryň suratlaryny çekip, ýüzüni dürli nagyşlar bilen bezemegi gowy görýär. Orta mekdebiň soňky synplarynda okaýan wagty ýaş gyzda öz çeken suratlarynyň şekillerini ýasamak höwesi hem döreýär. Gülara ilki plastilinden dürli şekilleri ýasaýar. Soňra olary palçykdan ýasamaga synanyşýar. Bu işde oňa kakasy Ereş aga, ejesi Hemragül ene ýerli-ýerden kömek berýärler. Çagalykdan ýüreginde beslän arzuwy ýaş zehini Türkmenabat şäherindäki çagalar çeperçilik mekdebine alyp barýar. Ol ýerde mugallymy Tatýana Ostaşowadan sungatyň inçe syrlaryny öwrenýär.

2 Awgust 2024

Welaýatymyzyň zähmetsöýer zenanlarynyň üstünligi

Türkmenistanyň Zenanlar birleşiginiň Merkezi Geňeşi, Kärdeşler arkalaşyklarynyň Milli merkezi hem-de Birleşen Milletler Guramasynyň Bilim, ylym we medeniýet boýunça guramasynyň (ÝUNESKO) işleri barada Türkmenistanyň Milli toparynyň Sekretariaty tarapyndan ýurdumyzyň zähmetsöýer zenanlarynyň arasynda yglan eden “Gülüň owadan!” atly bäsleşigiň döwlet derejesindäki jeýleýji tapgyry geçirildi. Aşgabat, Arkadag şäher we welaýat tapgyrlarynda ýeňiji bolan zenanlaryň gatnaşmagynda geçirilen bäsleşikde Ahal welaýatynyň topary hem üstünlikli çykyş etdi. Bäsdeş zenanlar degişli şertlerden ugur alyp, türkmen milli keçesini taýýarlamakda, gadymy nagyşlary keçä salmakda, keçe taýýarlananda ulanylýan gurallaryň dogry ulanylyşy barada gürrüň bermekde, şeýle-de keçe bilen baglanyşykly taryhy maglumatlary, rowaýatlary, gazallary, aýdyşyklary ýerine ýetirmekde ukyp-başarnygyny görkezdiler. Ahally zenanlaryň çykyşlaryna hem ýokary baha berildi. Şeýlelikde, bäsleşikde Ýazbibi Atageldiýewa, Jennet Wepaýewa ýaly eli çeper zenanlardan ybarat welaýatymyzyň topary baýrakly ikinji orna mynasyp boldy. Olar guramaçylar tarapyndan sylaglandy.

2 Awgust 2024

«Altyn baýragyň» eýeleri

25-28-nji iýul aralygynda Awstriýa Respublikasynyň paýtagty Wena şäherinde X Bütindünýä orkestr festiwaly geçirilip, oňa ýurdumyzyň zehinli sazandalaryndan ybarat bolan ýaşlar kamera orkestri ilkinji gezek gatnaşdy. Onunjy gezek geçirilýän festiwala türkmen sazandalary bilen bir hatarda Awstriýa, Fransiýa, Ispaniýa, Niderlandlar, Horwatiýa, Hytaý ýaly döwletleriň jemi 17 orkestri gatnaşdy. Dürli halklaryň meşhur kompozitorlarynyň döreden ajaýyp saz eserleri bilen bir hatarda türkmen kompozitorlarynyň saz eserleri hem belentden ýaňlandy. Dirižýor Resul Gylyjowyň ýolbaşçylygyndaky türkmen sazandalary festiwalda rus kompozitory P.I.Çaýkowskiniň «Serenada», norweg kompozitory E.Grihiň «Holberg döwrüniň prelýudiýasy», türkmen kompozitory B.Guliýewiň «Tansçylaryň prelýudiýasy» atly sazlaryny ýerine ýetirdiler. Maýa Kulyýewa adyndaky Türkmen milli konserwatoriýasynyň ýanyndaky ýörite sazçylyk mekdep-internatynyň okuwçysy Gulpolat Şadurdyýewiň dutarda halypa kompozitor Aman Agajykowyň täzeden işlän «Durdy bagşy» atly halk sazyny orkestr bilen bile çalmagy festiwala gatnaşanlarda ýatdan çykmajak täsir galdyrdy. Festiwalyň ýapylyş dabarasy Wenanyň «Altyn zal» ady bilen belli bolan meşhur «Muzikferaýn» zalynda geçirildi. Abraýly emin agzalarynyň biragyzdan ses bermegi netijesinde türkmen sazandalary «Kamera orkestri» ugry boýunça festiwalyň «Altyn baýragyna» mynasyp boldy.

1 Awgust 2024

Gadymy hyzmatdaşlyk

31-nji iýulda Türkmenistanyň Beýik Saparmyrat Türkmenbaşy adyndaky Şekillendiriş sungaty muzeýinde Saud Arabystany Patyşalygynyň Ilçihanasynyň guramagynda «Asyrlaryň dowamynda iki mukaddes metjitler, golýazmalaryň gözelligi we olaryň has seýrek duş gelýänleri» atly sergi öz işine başlady. 4-nji awgusta çenli dowam etjek serginiň çäginde bu ýerde «Hanbaly fikhi» diýlip atlandyrylýan arap sungatynyň seýrek duş gelýän golýazmalary, gadymy ýadygärlikleriň fotosuratlary, iki mukaddesligiň — Mekge, Medine metjitleriniň suratlaryny, arap halkynyň milli däp-dessurlarynyň gönezligi bolan eserlerini, mukaddes Gurhanyň nusgalaryny synlamak mümkin. Bu ýerde gadymy golýazmalaryň asyl nusgalaryna uly orun berlip, olardan Abdullah bin Ahmad bin Muhammadyň, Ibn Kudamanyň «Al-Muknyg fil-fikh» atly golýazmasy, «Magtymgulynyň diwany. Eserde şahyr mukaddes Mekge-Medinäni uly höwes we söýgi bilen ýatlaýar» atly golýazma nusgasy, pars dilinde ýazylan, Muhammad ibn Haj ibn Şagban tarapyndan göçürilen «Tabaranyň taryhy» atly eseriň golýazma nusgasy görkezilýär. Serginiň çäginde arap hat ýazuwyny dürs ýazmak boýunça ussatlyk sapaklary geçirildi. Şeýle-de iki halkyň arasynda ýola goýlan gatnaşyklar barada gürrüň berýän wideoşekiller görkezildi.

1 Awgust 2024

Mukama eýlenen kelam

GurbangulyBERDIMUHAMEDOW Jemal bagşy Siz!

1 Awgust 2024

Halypa

Hoş owaza maýyl kalbyň adyndan,Size köp dogaýy salam, halypa!Bagtyn guçmuş belent sesiň badyndan,Mukama eýlenen kelam, halypa! Beýik sungat dünýä saçýar ýalkymyn,Joşuňyz ýatladýar umman tolkunyn,«Bilbil bagşysy siz türkmen halkynyň»,Size bu dereje halal, halypa!

1 Awgust 2024

‹
1
2
...
25
26
27
28
29
30
31
...
292
293
›