Türkmenmetbugat

"Türkmenistan" gazeti

Esaslandyryjysy: Türkmenistanyň Ministrler Kabineti
Salgysy: Aşgabat şäheri, Garaşsyzlyk şaýoly, 100, Türkmenbaşynyň erkin döredijilik mekany
Telefon belgileri: 38-60-88, 39-95-06, 39-95-67
Email: turkmenistan-gazeti@sanly.tm

Gazeti PDF görnüşinde ýükläp almak

Habarlar

Ýangyn howpsuzlyk düzgünlerini bilmeli we berjaý etmeli

Halkymyzyň asuda ýaşaýşyny üpjün etmekde ýurdumyzyň içeri işler edarasynyň beýleki gulluklary bilen bir hatarda, ýangyn howpsuzlygy gullugynyň gullukçylarynyň öňünde-de ullakan wezipeler, şonuň ýaly-da, çagalaryň ot oýnamaklary zerarly döreýän ýangyn hadysalarynyň öňüni almak meselesi durýar. Ot bilen oýnamagyň howpludygyna, onuň nähili betbagtçylyga eltmeginiň mümkindigine çagalar heniz doly düşünmeýärler. Şonuň üçin çagalarda ot bilen seresaply bolmak başarnyklaryny terbiýelemek zerurdyr. Olaryň ot bilen oýnamak ýaly garagollukly hereketleriniň öňüni almak, çagalar bilen düşündiriş işlerini alyp barmak ata-eneleriň borjudyr.  Ýangynyň öňüni almak üçin çagalar ýangyn howpsuzlygynyň şu aşakdaky düzgünlerini bilmelidirler hem-de olary berjaý etmelidirler.

18 Dekabr 2024

Ýaş maşgalalaryň hukuklary düşündirilýär

Darganata etrabynyň Raýat ýagdaýynyň namalarynyň ýazgysy bölüminde etrabymyzyň ýaşaýjylarynyň gatnaşmaklarynda «Raýat hukuklarynyň goraglylygyny üpjün etmek mukaddes borçdur» atly wagyz-nesihat çäresi geçirildi. Oňa syýasy partiýalaryň we iri jemgyýetçilik guramalarynyň wekilleri hem-de kümüş saçly eneler gatnaşdylar. Duşuşygyň dowamynda ýaş maşgalalaryň raýatlyk hukuklary barada gürrüň edildi. Aýdylyşy ýaly, ýurdumyzda Gahryman Arkadagymyz we Arkadagly Gahryman Serdarymyz tarapyndan ýaş maşgalalaryň ösüp-örňäp, durmuşda ornuny tapyp gitmegi üçin ähli mümkinçilikler döredilýär. Şol mümkinçiliklerdir hukuklar kanunçylyk namalary arkaly berkidilýär. Duşuşykda çykyş eden harby we hukuk goraýjy edaralaryň işgärleri ýaş maşgalalaryň agzalaryna şol hukuklar barada giňişleýin düşündiriş berdiler. Özara alşylan sowal-jogaplar has-da netijeli boldy.

18 Dekabr 2024

Okuwçy ýaşlarda gyzyklanma döretdi

Kaka etrabyndaky 14-nji orta mekdebiň kitaphanasynda türkmen halkynyň Milli Lideri, Türkmenistanyň Halk Maslahatynyň Başlygy Gahryman Arkadagymyz Gurbanguly Berdimuhamedowyň “Hakyda göwheri” atly täze kitaby bilen tanyşdyrylyş çäresi geçirildi. Etrap bilim bölümi hem-de Ylym we bilim işgärleriniň Kärdeşler arkalaşygynyň etrap Geňeşi tarapyndan guralan çärä ýokary synp mekdep okuwçylary gatnaşdy. Mekdep kitaphanalarynyň kitaphanaçylarydyr bilim işgärleri çykyş edip, Gahryman Arkadagymyzyň “Hakyda göwheri” atly täze kitabynyň neşir edilip, halk köpçüligine ýetirilmegi mynasybetli ýaşlary gutladylar hem-de ajaýyp eseriniň terbiýeçilik ähmiýeti barada gürrüň berdiler. Täsirli gürrüňler çärä gatnaşanlar uly gyzyklanma döretdi. Bu ýere ýygnananlar “Hakyda göwheri” atly kitabyny sowgat eden Gahryman Arkadagymyzyň adyna alkyş sözlerini aýtdylar.

18 Dekabr 2024

Ýaş nesle şatlyk eçiler

Täze ýyl arçalarynyň yşyklarynyň ýakylmagy bilen baýramçylyk dabaralary giň gerimde badalga aldy. Bu dabaralara Gökdepe etrabynda hem taýýarlykly gelindi. Türkmenistanyň Magtymguly adyndaky Ýaşlar guramasynyň etrap Geňeşi, etrabyň beýleki jemgyýetçilik guramalary, etrap bilim we medeniýet bölümleri tarapyndan täsirli çäreleriň birnäçesi geçirilýär. Etrabymyzyň merkezindäki Medeniýet köşgüniň öňündäki meýdança bezeg berýän etrabymyzyň Täze ýyl arçasynda guraljak baýramçylyk çärelerine mekdep okuwçylarydyr çagalar baglarynyň körpeleri gatnaşar. Ol ýerdäki şowhunly çykyşlara Aýazbabadyr Garpamyk hem gatnaşyp, çagalara ruhy lezzet paýlap, şatlyklaryny goşalandyrar.

18 Dekabr 2024

Muzeýde geçen söhbetdeşlik

Türkmenistanyň Magtymguly adyndaky Ýaşlar guramasynyň Ak bugdaý etrap Geňeşiniň, etrabyň beýleki jemgyýetçilik guramalarynyň wekilleriniň hem-de işjeň agzalarynyň gatnaşmagynda Änew şäherindäki Milli “Ak bugdaý” muzeýinde “tegelek stoluň” başyndaky söhbetdeşlik geçirildi. “Pähim-paýhas ummany Magtymguly Pyragy” ýylynyň şanly wakalaryna we üstünliklerine bagyşlanan söhbetdeşlik diýseň täsirli boldy. Söhbetdeşlikde Magtymguly Pyragynyň doglan gününiň 300 ýyllygynyň giňden dabaralandyrylan, şeýle-de Änew şäheriniň “Türki dünýäsiniň medeni paýtagty” diýen derejäni göteren 2024-nji ýylda Watanymyzda toýlarymyzyň toýlara ulaşandygy, milli ykdysadyýetiň ähli ugurlarynda, halk hojalygynyň pudaklarynda, medeni ulgamlarda guwandyryjy üstünliklere eýe bolnandygy dogrusynda täsirli gürrüň edildi. Änew şäheriniň “Türki dünýäsiniň medeni paýtagty” diýen derejäni götermegi bilen baglanyşykly guralan çäreleriň taryhy ähmiýeti hakdaky aýdylanlar uly täsirleri döretdi.

18 Dekabr 2024

«Türkmenpoçtanyň» çaparçylyk hyzmaty: Täze ýyl sowgatlaryny ugratmak üçin oňaýly hyzmat

Täze ýylyň bosagasynda «Türkmenpoçta» ýurduň islendik künjegine baýramçylyk sowgatlaryny ugratmagyň ygtybarly we oňaýly usulyny hödürleýär. Kompaniýanyň çaparçylyk hyzmaty Türkmenistanyň dürli sebitlerine ýollamalary tiz we ýokary hilli eltip bermegi üpjün edýär. Kompaniýanyň çaparlary baýramçylyk döwründe aýratyn möhüm ähmiýete eýe bolan her bir sowgatlyk ýollamasyny alyjynyň gönümel öz eline gowşurmagy kepillendirýärler. Müşderiler sargyt etmegiň birnäçe amatly usullaryndan peýdalanyp bilerler:

18 Dekabr 2024

Baýramçylygy asudalykda garşylalyň!

Türkmenistanyň Içeri işler ministrliginiň Döwlet ýangyn howpsuzlygy gullugynyň işgärleri watandaşlarymyzy ýetip gelýän Täze ýyl baýramçylygy bilen tüýs ýürekden gutlap, ony asudalykda geçirmegi arzuw edýärler hem-de raýatlara öz maslahatlary bilen ýüzlenip, şulary ýatladýarlar. Köpçülikleýin çäreleriň geçirilýän ýerlerinde mugallymlaryň, synp ýolbaşçylarynyň, terbiýeçileriň nobatçylygy ýola goýlup, ýangyn howpsuzlyk düzgünleri doly berjaý edilmelidir. Nobatçylyga bellenilýän ähli işgärler bilen howpsuzlyk çäreleri, ýangyn dörän halatynda adamlary guramaçylykly halas ediş işleri barada gözükdirme geçirip, ol degişli howpsuzlyk kitabynda hasaba alynmalydyr. Köpçülikleýin çäräniň geçirilmegine jogapkär işgärler çäre başlanmazdan öň ähli otaglary, ätiýaçlyk çykalgalary barlap, howpsuzlyk düzgünleriniň berjaý edilişiniň talabalaýykdygyna, ähli otaglaryň ilkinji ýangyn söndüriş serişdeleri bilen üpjün edilendigine doly göz ýetirmeli. Ýangyn howpsuzlyk düzgünleriniň berjaý edilişine jogapkär işgärler arça baýramçylygynyň geçirilýän senesi we wagty barada ýerli ýangyn howpsuzlyk bölümine habar bermeli. Ýokarky örtükleri ýanmaga ukyply binalarda baýramçylyk çäreleri 2-nji gatdan ýokary bolmadyk ýerde geçirilmeli. Arça gurnalan otaglardan göni daşaryk ýa-da binanyň basgançaklaryna çykýan azyndan 2 çykalganyň bolmagyny üpjün etmeli. Geçelgeleriň, çykalgalaryň ugrunda arça g

18 Dekabr 2024

Arkadag şäheri — hiliň göwher öwüşgini

Bu gün Arkadag şäheriniň ady Garaşsyz döwletiň döredijilik kuwwatynyň beýany bolup, Berkarar döwletiň täze eýýamynyň Galkynyşy döwrüniň beýik eseri bolup taryha altyn sahypalar bilen ýazylýar. Ak mermere beslenen, belent-belent ymaratlary nur saçýan bu şäheriň keşbinde geljegiň şan-şöhraty şöhlelenýär. Türkmen halkynyň Milli Lideri, Türkmenistanyň Halk Maslahatynyň Başlygy, Hormatly il ýaşulusy Gurbanguly Berdimuhamedowyň Arkadag şäherine her bir iş sapary şäheriň täze ösüşine itergi berýän täze tutumlara, döwletli habarlara beslenýär. Ýakynda, 14-nji dekabrda Gahryman Arkadagymyz Arkadag şäherine iş saparynyň dowamynda şäheriň mynasyp bolan halkara sylaglary hem-de bu ýerde gurulmagy, durky täzelenmegi meýilleşdirilýän desgalaryň şekil taslamalary bilen tanşyp, degişli ýolbaşçylaryň gatnaşmagynda iş maslahatyny geçirmegi, Fransiýanyň «Buig» kompaniýasynyň ýurdumyzdaky wekili bilen duşuşmagy şähergurluşygynyň ösmeginiň toplumlaýyn häsiýete eýedigine şaýatlyk edýär. Iş maslahatynyň dowamynda Arkadag şäheriniň Wenada ýerleşýän Ýewropanyň Hil barlaglary boýunça jemgyýetiniň hil boýunça baýragyna, «Hil saýlawy — 2024» nyşany bolan «Diamond» derejesine mynasyp bolandygy baradaky hoş habaryň aýdylmagy agzybir jemgyýetimizde uly joşgun, buýsanç duýgusyny döretdi. Bu gün milli Liderimiziň başlangyjy bilen düýbi tutulyp, hormatly Prezidentimiziň ak patasy bilen açylan we gurluşygynyň i

17 Dekabr 2024

Baky bagtyýarlygyň toýy

Watanymyzyň baky Bitaraplygynyň 29 ýyllyk şanly toýy — Halkara Bitaraplyk güni Diýarymyzyň ähli ýerlerinde bolşy ýaly, Ahal welaýatynda hem şatlyk-şowhunly dabaralara beslendi. Welaýatymyzyň merkezi Änew şäherindäki baýramçylyk dabaralary has-da ýatda galyjy boldy. Welaýat häkimliginiň, edara-kärhanalaryň, jemgyýetçilik guramalarynyň ýolbaşçylarydyr işgärleriniň, il sylagly ýaşulularyň, mährem eneleriň, talyp we okuwçy ýaşlaryň gatnaşmagynda welaýat häkimliginiň golaýyndaky Mukaddeslik meýdançasynda geçirilen dabara welaýat derejesindäki esasy çäreleriň biri boldy. Günüň ir säherinde ýaýbaňlandyrylan dabaranyň başynda Watanymyzyň goragynda sak duran esgerler nyzam bilen Döwlet baýdagymyzy ýörite sütüniň ýanyna alyp geldiler. Döwlet senasynyň ýaňlanmagynda ýaşyl Tugumyz baýdak sütüni arkaly belende göterildi.

17 Dekabr 2024

Täze ýyl – agzybirligiň, bagtyýarlygyň baýramy

Täze ýyl ähli ynsanlaryň kalplaryna nur paýlap, uly umytlara, owadan arzuwlara besleýän maşgala baýramçylygydyr. Häzirki wagtda ýurdumyzyň ähli künjeginde täze — 2025-nji ýyly mynasyp garşylamaga batly depginlerde taýýarlyk görülýär. Biri-birinden owadan arçalar, meýdançalardyr seýilgähleri bezeýän dürli öwüşginli çyrajyklar eziz Diýarymyzyň gözelligine has-da gözellik goşýar. 15-nji dekabrda merjen paýtagtymyzyň, ýurdumyzyň welaýatlarynyň we Arkadag şäheriniň Baş arçalary şadyýan aýdymlaryň, ajaýyp sazlaryň belent owazlaryň astynda we çagalaryň ýerine ýetiren tansly kompozisiýalary bilen dürli öwüşginli çyralaryny ýakyp, töwerege ýalkym saçdy. Munuň özi uzak garaşylan, hemmeler üçin ýakymly Täze ýyl baýramynyň dabaralaryna özboluşly badalga boldy.

17 Dekabr 2024

Milli mirasymyza belent sarpa

Berkarar döwletiň täze eýýamynyň Galkynyşy döwründe Arkadagly Gahryman Serdarymyzyň parasatly ýolbaşçylygynda şöhratly taryhymyzy, meşhur şahsyýetlerimizi, milli mirasymyzy we edebiýatymyzyň mälim bolmadyk sahypalaryny ylmy esasda öwrenmekde, halka ýaýmakda giň gerimli işler alnyp barylýar. Hormatly Prezidentimiz Ministrler Kabinetiniň şu ýylyň 29-njy noýabrynda geçiren mejlisinde Gahryman Arkadagymyzyň «Hakyda göwheri» atly täze kitabynyň neşir edilendigini habar berdi. Milli Liderimiziň bu gymmatly eserinde merdana halkymyzyň asyrlaryň jümmüşine uzap gidýän şöhratly ýolunyň, dünýä ösüşine goşan ägirt uly goşandynyň, görnükli şahsyýetlerimiziň amala aşyran beýik işleri taryhy maglumatlar arkaly täsirli beýan edilýär.

17 Dekabr 2024

Asyl käri daýhançylyk

Wekilbazar etrabynyň Mülkbükri geňeşliginiň Gagşal obasynda ýaşaýan Nurmyrat Wellanowyň asly käri daýhançylyk. Şonuň üçin ol bu günki gün kärendesine alan ýerine «galla — gant şugundyry — gowaça» ekin dolanyşygynda oba hojalyk ekinlerini ekip, olardan ýokary hasyl alyp, köplere görelde bolýar. Munuň şeýledigini onuň gowaçadan ýokary hasyl alandan soň, geçen ýylyň güýzünde kärende ýerine bugdaý ekip, şu ýyl ady agzalan etrabyň G. Atabaýew daýhan birleşiginden alan bir gektar kärende ýerinden 40 sentner bugdaý almagy hem subut edýär. Ol bagbançylyk babatda-da hiç kimden pes oturanok. 0,25 gektara barabar mellek ýerinde üzüm, garaly, erik, alma ýaly miweli baglaryň 30-a golaý görnüşini ýetişdirip, bol hasyl alýar. Şonuň üçin miweli bagyň idegi, ony kemala getirmegiň inçe syrlary bilen gyzyklanyp, oňa ýüz tutup, maslahat soraýanlar az däl. Ony ýakyndan tanaýanlaryň köpüsiniň Nurmyrady ökde agaç ussasy hasaplaýandyklaryny hem belläsimiz gelýär. Elbetde, bu ýöne ýerden däl. Ol heniz mekdepde okaýarka-da, zähmet sapaklarynda dürtgüç, susak, oklaw, çemçe ýaly hojalyk senetlerini ýasamakda synpdaşlaryndan tapawutlanýardy. Bir gün bolsa, ol:

17 Dekabr 2024

Çyn güle solma ýok zemin ýüzünde

Geçen asyryň ikinji ýarymynda çeper döredijiligi bilen öňe çykan şahyrlaryň biri Ilmyrat Pudakowdyr. Ol öz döwründe ajaýyp goşgulary bilen gazet-žurnal sahypalarynda yzygiderli çykyş edýär. Ilmyrat 1924-nji ýylda Gökdepe etrabynyň Nowata obasynda dogulýar. 1956-njy ýylda häzirki Magtymguly adyndaky Türkmen döwlet uniwersitetiniň türkmen filologiýasy fakultetini tamamlaýar. Ilki Gökdepe etrabyndaky 2-nji orta mekdebinde mugallym, soňra tä hormatly dynç alşa çykýança (1986 ý.) şol wagtky Gökdepe etrap we etrabara gazetlerde dürli wezipelerde zähmet çekmek bilen, ol halypalardan öwrenenini ýaşlara öwretmek biln meşgullanýar. Ilmyrat Pudakow şahyr Kerim Gurbannepesow bilen dostlukly gatnaşykda bolupdyr. Ol metbugat söhbetdeşlikleriniň birinde ýurdumyzda belli ýazyjy-şahyrlaryň birnäçesi bilen ýakyndan tanyş bolmagyna hem hut Kerim şahyryň sebäp bolandygyny aýratyn belläpdir. Goşgularynyň ençemesi aýdyma öwrülip, häzirki döwürde-de diňleýjilere ýetirilip durulýar. Häzirki bagtyýar zamanamyzda şeýle halypalaryň hatyrasy belent tutulýar. Ýakynda Türkmenistanyň Medeniýet ministrliginiň, Ahal welaýat medeniýet müdirliginiň bilelikde gurnamagynda Gökdepe etrabynyň Gökdepe şäher Medeniýet öýünde şahyr Ilmyrat Pudakowyň doglan gününiň 100 ýyllygy mynasybetli edebi, aýdym-sazly duşuşyk geçirildi. Oňa şahyry ýakyndan tanaýan edebiýat we sungat işgärleri, obadaşlary, dogan-garyndaşlary, köp

17 Dekabr 2024

Eti saklamagyň halky usullary

Ata-babalarymyz ýerli howa şertlerimizde azyk önümlerini konserwirlemegiň önümleriň hilini ýokary derejede saklamaga mümkinçilik berýän özboluşly usullaryny oýlap tapypdyrlar we durmuşda giňden ulanypdyrlar. Gawundan taýýarlanýan sök we kak, garpyzdan taýýarlanýan toşap, şeýle hem semeni, künjüli gowurga munuň mysalydyr. Ýaza golaý taýýarlanan önümler azalanda semeni taýýarlanyp, olaryň ýetmezi ýetirilipdir. Eti gaýtadan işlemegiň hem özboluşly usullary oýlanyp tapylypdyr. Täze eti saklamak üçin gowurmak, kakatmak ýa-da garna dykyp saklamak usullaryndan peýdalanylypdyr. Eti gowurmak konserwirlemegiň esasy usullarynyň biridir. Et gowrulanda ondan suw doly aýrylýar. Eger, et çalarak gowrulsa we suwy doly bugaryp aýrylmasa, ol belli bir wagtdan soň zaýalanýar. Gowurma semizligi ýokary we orta semizlikdäki goýun, sygyr hem-de düýe etinden taýýarlanylýar. Ýagy kemter ýa-da hor mallaryň eti gowrulanda, oňa goşmaça içýagdyr guýruk ýagy garylmasa, ýagy azrak bolup, gowrulmaýar we olardan taýýarlanan gowurdagy uzak saklap bolmaýar. Gowurma taýýarlanylanda, suwy doly aýrylyp, gatap bişen etiň özem esli wagt zaýalanman durýar. Çünki ýaga gowrulan ýagly gowurma uzak saklanyp, tagamy diýseň gowy, hümmeti ýokary bolýar.

17 Dekabr 2024

Garpyzdan taýýarlanýan önümler

Bakja önümleriniň esasy bölegini, takmynan, 80 – 90 göterimini suw tutýar. Şeýle hem olarda beloklar, ýaglar, uglewodlar (gant, krahmal, kletçatka, pektin), organiki kislotalar, witaminler, mineral maddalar bar. Şeýle önümleriň biri-de, garpyzdyr. Garpyzly içgi. Daşy gowy ýuwlan garpyzyň 5 – 6 santimetr ýokarsyny kesýärler. Lötüni pyçak bilen bölüşdirip, çemçe bilen owýarlar, çigidinem aýyrýarlar. Emele gelen boşluga şeker guýýarlar we 20 – 30 minut salkyn ýerde saklaýarlar. Soňra gant garylan garpyz suwuny bulgurlara guýýarlar. Bu içgini adaty okarada hem taýýarlap bolýar. Garpyzyň lötüni ýukajyk kesip, üstüne şeker guýýarlar, 20 – 30 minut salkyn ýerde saklap, soňra şerbetdir gazly suw bilen garýarlar.

17 Dekabr 2024

Täze ýyl arçasynyň yşyklary ýakyldy

Ýurdumyzyň beýleki ýerlerinde bolşy ýaly, biziň welaýatymyzda hem Täze ýyl arçalarynyň yşyklary dabaraly ýagdaýda ýakyldy. 15-nji dekabrda agşamara şu mynasybetli geçirilen dabara Täze ýylyň baýramçylyk çärelerine badalga berdi. Ak bugdaý etrabynyň Nowruz ýaýlasyndaky «Türkmeniň ak öýi» binasynyň öňündäki giň meýdançasynda welaýatymyzyň baş arçasy ýerleşýär. Beýikligi we bezegi bilen göreni özüne çekýän Täze ýyl arçasynyň töweregi şol gün köp adamly boldy. Başy Gök direýän baýramçylyk arçasynyň ýanyna welaýatymyzyň dürli ýerinden gelen ýaş nesliň wekilleri, çagalar döredijilik toparlary ýygnandylar. Olar baýramçylyk arçasynyň daş-töweregindäki şagalaňa çäksiz höwes we buýsanç duýgusy bilen goşulyp, joşgunly sazlaryň astynda döwre gurap, aýdym aýtdylar, tans oýnadylar, şatlandylar.

17 Dekabr 2024

Gerbariý: syrlar we pikirler

Gadymy döwürlerden bäri adamlar gülleri we ösümlikleri guradypdyrlar hem-de bu ösümlikleri köplenç owadan küýzeleri ýa-da suratlary döretmek üçin ulanypdyrlar. Ýapraklardan nusga ýygnamak 600 ýyl ozal Ýaponiýada ýüze çykypdyr. Botanika gözlegleri üçin niýetlenen gerbariý XVI asyrda döräpdir. Guradylan ýapraklaryň atlary we jikme-jik beýany bolan ilkinji ýygyndy «Pisa Botanika» bagynyň lukmany italiýaly Luka Ghinä degişlidir. XVIII asyrda meşhur botanik Karl Linneý ösümlik dünýäsini ylmy taýdan öwrenmek üçin olary ýygnamagyň häzirki döwre çenli dowam edip gelýän esasy düzgünlerini döredipdir. Gerbariý ýygnamagyň onlarça usuly bolup, olaryň hemmesi döredijä we tehniki mümkinçilikler bilen baglydyr.

17 Dekabr 2024

Berjaý edilmeli düzgünler

Ýangyn howpsuzlygyny ygtybarly üpjün etmek üçin oba hojalyk kärhanalarynda, desgalarynda zähmet çekýän daýhanlar we maldarlar bilen ýangyn howpsuzlygy we ýangyna garşy göreş çäreleri barada düşündiriş işleri yzygiderli geçirilmelidir. Mallaryň we guşlaryň saklanýan desgalarynyň içi we çägi ot-çöplerden arassalanmaly. Mallar we guşlar üçin taýýarlanan ot-iýmleri mallaryň, guşlaryň çykarylýan ýollarynyň ugrunda ýa-da päsgel berjek ýerlerde goýmaly däl. Mallaryň, guşlaryň saklanýan desgalarynyň gapylary, derwezeleri diňe daş tarapa açylmaly. Desgalaryň ätiýaçlyk gapylaryny islendik wagtda açmaga mümkinçilik bolmaly.

17 Dekabr 2024

Göwünleri galkyndyran Täze ýyl dabarasy

Bosagada Täze, 2025-njy ýyl. Bütin Ýer ýüzünde bolşy ýaly, Garaşsyz Türkmenistan döwletimizde hem Täze ýyl baýramçylygyny zähmet üstünlikleri bilen garşylamak esasy däp-dessurlarymyzyň birine öwrüldi. Ynha, 17-nji ýanwarda Türkmenistanyň Jemgyýetçilik guramalarynyň Merkezinde Türkmenistanyň Kärdeşler arkalaşyklarynyň Milli Merkeziniň, Türkmenistanyň Zenanlar guramasynyň Merkezi Geňeşiniň, Türkmenistanyň Magtymguly adyndaky Ýaşlar guramasynyň Merkezi Geňeşiniň, Türkmenistanyň Demokratik partiýasynyň, Türkmenistanyň Agrar partiýasynyň hem-de Türkmenistanyň Senagatçylar we telekeçiler partiýasynyň Merkezi Geňeşleriniň bilelikde guramaklarynda aýdym-sazly, Täze ýyl dabarasy geçirildi. Giňden tutulan bu Täze ýyl dabarasyna ýurdumyzyň ähli pudaklaryndan öňdebaryjy hünärmenler gatnaşyp, ýetip gelýän Täze,  2025-nji ýyly mübärekläp, agzybir halkymyzy, türkmen halkynyň Milli Liderini hem-de Arkadagly Gahryman Serdarymyzy ýetip gelýän Täze ýyl bilen tüýs ýürekden gutladylar. Dabaranyň dowamyndaky estrada ýyldyzlarynyň aýdym-sazly çykyşlary gatnaşyjylaryň şatlykdan doly kalplaryny has-da ruhlandyrdy.

17 Dekabr 2024

Dost-doganlyk gatnaşyklarynda giň mümkinçilikler

16-njy dekabrda paýtagtymyzyň gözel künjeginde ýerleşýän Söwda-senagat edarasynda Eýran Yslam Respublikasynyň «Iran Agrofood» atly ýöriteleşdirilen sergisi öz işine başlady, şeýle hem onuň çäklerinde Türkmen-eýran işewürlik maslahaty geçirildi. Ýokary derejede guramaçylykly geçirilen bu dabaraly çärä ministrlikleriň we pudaklaýyn dolandyryş edaralarynyň ýolbaşçylary, daşary ýurtlaryň diplomatik wekilhanalarynyň, ýurdumyzyň köpçülikleýin habar beriş serişdeleriniň wekilleri gatnaşdylar. Berkarar döwletiň täze eýýamynyň Galkynyşy döwründe Garaşsyz, hemişelik Bitarap Türkmenistan sebitiň ýurtlary bilen söwda-ykdysady hyzmatdaşlygy yzygiderli ösdürýär. Şunda goňşy Eýran Yslam Respublikasyna hem möhüm orun degişlidir. Söwda-ykdysady hyzmatdaşlygy mundan beýläk-de pugtalandyrmaga täze itergi berjek, özara bähbitli täze ugurlary ýüze çykarmak, tejribe alyşmak, işewürlik gatnaşyklaryny ýola goýmak üçin netijeli meýdança bolup hyzmat edýän sergi hem-de işewürlik maslahaty bolsa munuň aýdyň subutnamasydyr.

17 Dekabr 2024

‹
1
2
...
13
14
15
16
17
18
19
...
1408
1409
›