Türkmenmetbugat

"Türkmenistan" gazeti

Esaslandyryjysy: Türkmenistanyň Ministrler Kabineti
Salgysy: Aşgabat şäheri, Garaşsyzlyk şaýoly, 100, Türkmenbaşynyň erkin döredijilik mekany
Telefon belgileri: 38-60-88, 39-95-06, 39-95-67
Email: turkmenistan-gazeti@sanly.tm

Gazeti PDF görnüşinde ýükläp almak

Habarlar

«Watan diňe halky bilen Watandyr! Döwlet diňe halky bilen döwletdir!»

2023-nji ýylyň 21-nji ýanwarynda ýurdumyzyň ähli sebitleriniň jemgyýetçilik wekilleriniň gatnaşmagynda geçirilen Halk Maslahaty döwletimiziň berkararlyk binýadyny we kanunçylyk-hukuk esaslaryny berkitmekde, döwlet dolandyrylyşyny kämilleşdirmekde taryhy ähmiýete eýe boldy. Milli ýörelgelere esaslanýan we hakyky halk demokratiýasyna daýanyp, watandaşlarymyzyň işjeň gatnaşmagynda amala aşyrylan konstitusion özgertmeleriň netijesinde Türkmenistanyň Halk Maslahaty döredildi. Jemgyýetimiziň bitewüligini, agzybirligini we jebisligini berkitmekde bitiren aýratyn hyzmatlary üçin halkymyzyň çäksiz sylagynyň, belent sarpasynyň we söýgüsiniň beýany hökmünde Gahryman Arkadagymyz Türkmenistanyň Halk Maslahatynyň Başlygy wezipesine bellenildi we türkmen halkynyň Milli Lideri diýlip, Konstitusion kanun esasynda ykrar edildi. Milli Liderimiz Gahryman Arkadagymyzyň baştutanlygynda Türkmenistanyň Halk Maslahaty:

24 Sentýabr 2024

Ak ýollaryň şamçyragy Arkadagly Gahryman Serdarymyz

Berkarar döwletiň täze eýýamynyň Galkynyşy döwründe Gahryman Arkadagymyzyň öňdengörüjilikli başlangyçlaryny üstünlikli dowam etdirýän Arkadagly Gahryman Serdarymyzyň durmuşa geçirýän özgertmeler syýasatyna, şeýle-de mukaddes Garaşsyzlygymyzyň şanly 33 ýyllygyna bagyşlanyp, 22-nji sentýabrda paýtagtymyzdaky Jemgyýetçilik guramalarynyň merkeziniň mejlisler jaýynda maslahat geçirildi. Ol «Arkadagly Gahryman Serdarymyzyň döwletlilik ýörelgesi — beýik geljegiň nusgalyk ýoly» diýlip atlandyryldy. Maslahata Türkmenistanyň Mejlisiniň Başlygy, Halk Maslahatynyň Diwanynyň iş dolandyryjysy, Gurbanguly Berdimuhamedow adyndaky Howandarlyga mätäç çagalara hemaýat bermek boýunça haýyr-sahawat gaznasynyň ýerine ýetiriji direktory, Birleşen Milletler Guramasynyň Bilim, ylym we medeniýet boýunça guramasynyň (ÝUNESKO) işleri barada Türkmenistanyň milli toparynyň jogapkär sekretary, bilim ministri, syýasy partiýalaryň we jemgyýetçilik guramalarynyň, köpçülikleýin habar beriş serişdeleriniň ýolbaşçylarydyr wekilleri, ýokary okuw mekdepleriniň professor-mugallymlary hem-de talyp ýaşlary gatnaşdylar.

24 Sentýabr 2024

Joşgunly owazlar belentden ýaňlandy

Ýurdumyzda döwlet ähmiýetli wakalar şatlyk we ruhubelentlik ýagdaýynda geçýär. Muňa 22-nji sentýabrda Türkmenistanyň Döwlet medeniýet merkeziniň Mukamlar köşgünde «Arkadagly Gahryman Serdarymyzyň ak ýoly, // Arşa göterilýär halkyň ykbaly» ady bilen geçirilen konsertiň mysalynda göz ýetirmek bolýar. Onda sahna ussatlary, halypa we ýaş estrada aýdymçylary, meşhur folklor-tans toparlary, Döwlet hory, çagalar döredijilik toparlary çykyş etdiler.

24 Sentýabr 2024

Magtymguly Pyragynyň ýadygärligine gül goýmak dabarasy

Aşgabat, 23-nji sentýabr (TDH). Şu gün ir bilen Türkmenistanyň Halk Maslahatynyň mejlisine gatnaşjak wekiller ýurdumyzyň Garaşsyzlygynyň 33 ýyllygy mynasybetli, «Magtymguly Pyragy» medeni-seýilgäh toplumynda ýerleşýän Magtymguly Pyragynyň ýadygärligine gül goýdular. Garaşsyz döwletimizde watandaşlarymyzyň netijeli zähmet çekmegi, döretmegi, dünýäniň ähli ýurtlary we halklary bilen dostlukly gatnaşyklary pugtalandyrmak üçin ähli şertler döredilýär. Halkymyz bagtyýar durmuşy alamatlandyrýan bu Garaşsyzlyk gününe aýratyn hormat goýýar.

24 Sentýabr 2024

Döwletlilik ýoly

Berkarar döwletiň täze eýýamynyň Galkynyşy döwri buýsançly günler bilen baýlaşýar. «Pähim-paýhas ummany Magtymguly Pyragy» ýylynda Türkmenistan döwletimiz özüniň şanly Garaşsyzlygynyň 33 ýyllyk baýramyny uly dabara bilen belleýär. Elbetde, Garaşsyzlygymyzyň gazanylmagy bilen taryh üçin uzak bolmadyk döwrüň içinde ýurdumyz dünýäniň syýasy giňişliginde ykdysady taýdan okgunly ösýän, durmuş abadançylygyna eýe bolan, deňhukukly, özara bähbitli hyzmatdaşlyga hemişe açyk döwlet hökmünde mynasyp orun aldy. Muňa Türkmenistanyň döwlet we jemgyýetçilik durmuşynda bolup geçýän wakalar hem aýdyň şaýatlyk edýär. Amala aşyrylýan köpugurly işler türkmen döwletiniň beýik ösüşleriniň ýyl ýazgysyna täze şanly seneleri, nurana sahypalary ýazýar. Bular bolsa halkyň bähbidine gönükdirilen strategik döwlet maksatnamalaryny üstünlikli durmuşa geçirmek boýunça anyk çözgütleriň kabul edilmegi bilen Gahryman Arkadagymyzyň özgertmeler ýolunyň Arkadagly Gahryman Serdarymyz tarapyndan üstünlikli dowam etdirilýändigini, has giň gerimde ösdürilýändigini görkezýär. Ýeri gelende, hormatly Prezidentimiz Arkadagly Gahryman Serdarymyzyň halkymyz tarapyndan uly ynama eýe bolup, döwlet Baştutany wezipesine saýlanylmagynyň ýokary ähmiýeti barada nygtamak raýatlyk borjumyz hökmünde ýerlikli bolar. Çünki halkymyz hormatly Prezidentimize öz ykbalyny we mähriban Watanymyzyň geljegini ynandy. Munuň özi täze döwlet Baştut

23 Sentýabr 2024

Belent maksatlar rowaçlanýar

Arkadagly Gahryman Serdarymyzyň «Watan diňe halky bilen Watandyr! Döwlet diňe halky bilen döwletdir!» diýen paýhasly ýörelgeleriniň rowaçlyklara beslenýän zamanasynda Garaşsyz, hemişelik Bitarap Türkmenistanyň dünýädäki at-abraýy Arşa göterilýär. Eziz Diýarymyz tutuş Ýer ýüzünde parahatçylygyň, dost-doganlygyň, sagdynlygyň we sportuň mekany hökmünde ykrar edilýär. Mukaddes Garaşsyzlygymyzyň 33 ýyllyk baýramynyň öňüsyrasynda ajaýyp ösüşler barada gürrüň etmek diýseň ýakymly. Çünki Garaşsyzlygyň miweleri ata Watanymyzyň ähli ugurlarda ýeten belent sepgitlerinde aýdyň şöhlelenýär. Ýurdumyzyň ykdysadyýetini, oba hojalygyny, senagatyny, medeniýetini ösdürmek, saglygy goraýşy, bilimi we ylmy dünýä derejesine çykarmak, ägirt uly şäher gurluşygyny amala aşyrmak babatda düýpli özgertmeler durmuşa geçirilýär. Alnyp barylýan gurluşyklaryň gerimi barha giňeýär. Gojaman Köpetdagyň eteginde sanlyja ýylyň içinde bina bolup, sebitde ilkinji «akylly» şäher hökmünde ykrar edilen Arkadag şäheri eziz Diýarymyzyň köptaraply ösüşleriniň aýdyň şaýadydyr. Ähli amatlyklary döredilen ýaşaýyş jaýlary, ylym, bilim ojaklary, häzirki zaman enjamlary ýerleşdirilen saglyk merkezleri, sport ulgamyna degişli desgalar täze şähere görk berýär.

23 Sentýabr 2024

Ak ýollar abadan durmuşyň hözirini artdyrýar

Berkarar döwletiň täze eýýamynyň Galkynyşy döwrüniň toýlara beslenýän günlerinde ýurdumyzda «Ýol hereketiniň howpsuzlygy — ömrümiziň rahatlygy» atly biraýlygyň geçirilmegi halkymyzyň abadan, asuda durmuşyny üpjün etmäge gönükdirilen möhüm işleriň biridir. Ýol hereketiniň howpsuzlygyny, düzgün-tertibini pyýadalaryň we sürüjileriň arasynda giňden wagyz etmek maksadyndan ugur alnyp, bu biraýlyk çäräniň geçirilmegi ýurdumyzda asylly däbe öwrüldi. Raýatlarymyzyň bagtyýar durmuşy, rahatlygy ýol hereketiniň howpsuzlygy bilen berk baglanyşyklydyr. Hormatly Prezidentimiziň tagallasy netijesinde ýurdumyzyň ýol-ulag ulgamy dünýäniň iň öňdebaryjy tehnologiýalary bilen üpjün edilýär. Şonuň bilen baglylykda, ýurdumyzda ýol hereketiniň howpsuzlygyny üpjün etmäge, ýol-ulag hadysalarynyň öňüni almak boýunça çäreleri guramaga we ýol hereketiniň howpsuzlygyny ýokarlandyrmaga möhüm mesele hökmünde garalýar.

23 Sentýabr 2024

Abadançylygyň goragynda

Ýangyn howpsuzlyk düzgünlerini berjaý etmegiň esasy watandaşlarymyzyň howpsuzlygydyr. Şeýle bolansoň, Türkmenistanyň Içeri işler ministrliginiň Döwlet ýangyn howpsuzlygy gullugy şulary ýatladýar: Otluçöpi, çakmagy çagalara elýetmez ýaly ýerlerde saklap, çagalara ot bilen garagolluk etmäge ýol bermeli däldir. Kiçi ýaşly çagalary gözegçiliksiz galdyryp, işläp duran gaz-elektrik enjamlaryna gözegçilik etmegi tabşyrmak örän howpludyr. Işläp duran gaz-elektrik durmuş enjamlaryny gözegçiliksiz galdyrmak, senetçilik usulynda ýasalan gaz-elektrik enjamlaryny ulanmak dürli hadysalaryň üstünden eltýändigini ýatdan çykarmaly däldir.

23 Sentýabr 2024

Baýramçylyk joşgunyna beslenen dabaralar

«Pähim-paýhas ummany Magtymguly Pyragy» ýylynda giňden bellenilýän mukaddes Garaşsyzlygymyzyň 33 ýyllyk baýramçylygy mynasybetli geçirilýän dabaralar uly ruhy joşguna beslenýär. Welaýat kitaphanasynda «Garaşsyzlyk – parahatçylygyň we dostlugyň gözbaşy» diýen şygar bilen geçirilen «tegelek stoluň» başyndaky söhbetdeşlik hem täsirli pursatlara baý boldy. Welaýat Medeniýet müdirligi bilen welaýat kitaphanasynyň guramagynda geçirilen söhbetdeşlige kitaphana işgärleri gatnaşdylar. Söhbetdeşligiň dowamynda çykyş edenler Garaşsyzlyk ýyllarynda ýetilen sepgitler barada buýsançly gürrüň etdiler. Şeýle hem çykyşlaryň dowamynda Garaşsyzlygyň parahatçylygy, dost-doganlygy berkitmekdäki ähmiýeti barada aýratyn durlup geçildi.

23 Sentýabr 2024

Mähirden doly dünýä

Il içinde: «Ýeke-täk zatlaryň ählisi-de mukaddesdir» diýilýär. Şonuň üçin şol mukaddeslikler dünýäniň söýgüsine, hormatyna mynasyp bolýar. «Şol mukaddeslikleriň iň naýbaşysy Watandyr, enedir» diýen sözler bolsa kalbymyzyň töründen hemişelik orun alandyr. Bu, hakykatdanam, şeýle. Ene Ýer ýüzünde beýik söýgä, hormata, mertebä mynasyp bolýan iň mähriban ynsan. Akyldarlaryň biriniň aýdyşy ýaly, adamzatda bar bolan ähli ajaýyplyklar Günüň altyn nurundan, enäniň mährinden kemala gelýärmiş. Watanymyzyň ata, göbek ganymyzyň siňen topragymyzyň enä deňelmegi, belki, şondandyr. Gowy saz ýa-da aýdym diňläniňde, göwnüň ganatlanýar. Ýürege ýakyn eser okanyňda bolsa, kalbyň has-da baýlaşýar. Eser ýürekden ýazylanda ol ruhy iýmit bolup, ýüreklere ýetýär. Biziň döredijilige uly itergi berýän, köňüllere ylham berýän bagtyýar döwrümiz bar. Kitaba, çeper söze, sungata sarpa goýýan Gahryman Arkadagymyz, hormatly Prezidentimiz Arkadagly Gahryman Serdarymyz bar. Okanyňda ähli köňüllere mähir paýlaýan, Gahryman Arkadagymyzyň paýhasyndan dörän «Enä tagzym — mukaddeslige tagzym» atly ajaýyp kitap her birimiziň kalbymyzda eziz enelerimize bolan çäksiz söýgini, hormat-sarpany janlandyryp, şol mähribanlyga bolan çäksiz mähir-muhabbeti has belentliklere göterýär. «Biziň bagtyýarlygymyz eziz eneleriň arzuwydyr. Biziň arzuwymyz bolsa eneleriň bagtyýar bolmagydyr» diýýän Gahryman Arkadagymyz bu eserinde

23 Sentýabr 2024

«Gyz we aždarha» filmi 143 million gezek görüldi

«Netflix» striming platformasy özünde ýerleşdirilen filmleriň we seriallaryň görülen sany baradaky maglumatlary paýlaşdy. Oňa laýyklykda, ýylyň birinji ýarymynda iň köp görlen film «Gyz we aždarha» kinokartinasy bolup, oňa 143 million gezek tomaşa edilipdir. Şeýle-de bu ugurda ikinji orny «Howadaky ogurlyk» (129 million) filmi eýeleýän bolsa, ilkinji üçlügi «Gar jemgyýeti» (103 million) filmi jemläpdir. Seriallaryň arasynda bolsa, birinji orun 107,5 million gezek görülen «Ýeke sapar ýalan gürlän» serialyna degişli.

23 Sentýabr 2024

Ýekeje ulanyja niýetlenen sosial tor işläp başlady

«App Storede» diňe bir ulanyja niýetlenilen sosial tor — «SocialAI» peýda boldy. Ol «Facebook» kompaniýasynyň ozalky işgäri Maýkl Saýman tarapyndan döredilip, bu torda ulanyjynyň özünden başga hakyky adamlaryň ýokdugy, ýagny onda diňe emeli aň esasynda işleýän botlaryň bardygy bilen tapawutlanýar. Bu sosial torda ulanyjy postlary ýerleşdirip, dürli botlardan teswir we laýk alyp biler. Käbir taraplary bilen öňki «Twitteri» ýadyňa salýan täze sosial torda emeli aň bilen işleýän botlar edil adam häsiýetlerine mahsus görnüşde, degişme, ýaňsylaýjy, ruhlandyryjy we beýleki ençeme äheňli teswirleri galdyrýarlar. Onuň iň gowy tarapy-da ulanyjy özüni yzarlaýjylaryň toplumyny kesgitläp bilýär: munuň üçin «akyllylar», «muşdaklar» we ş.m 32 sany görnüş hödürlenilýär.

23 Sentýabr 2024

Hiç haçan ýeke dolandyrmaň,

şeýle-de zamanabap liderligiň beýleki düzgünleri Keýt Ferrassi, «Hiç haçan ýeke naharlanmaň» bestselleriniň awtory.

23 Sentýabr 2024

Ýaýdanmaçlygy we ýaltalygy ýeňmegiň ýaponça ýedi usuly

IKIGAÝ * Ömrüňiziň manysyna düşüniň. Her gün irden näme maksat bilen oýanýandygyňyzy kesgitläň.

23 Sentýabr 2024

Mani ýa-da pul harplygy

(Başlangyjy gazetiň geçen sanlarynda). Bodo ŞEFER

23 Sentýabr 2024

Garaşsyzlyk ― ýaş nesliň belent bagty

Baş baýramymyzyň öňüsyrasynda Arkadagly Gahryman Serdarymyzyň gol çeken täze karary tutuş welaýatymyzyň, esasan hem, Çärjew etrabynyň bilim işgärleriniň şatlygyna şatlyk goşdy. Bu karara laýyklykda etrabymyzyň Hojaili geňeşliginiň Bekaryk obasynda 400 orunlyk täze umumybilim berýän mekdep gurlar. Şeýlelikde, bu täze mekdep biziň etrabymyzda soňky ýyllaryň içinde gurlan döwrebap bilim ojaklarynyň üçünjisi bolar. Geçen okuw ýylynyň ilkinji gününde hem etrabymyzyň ýaşaýjylary täze mekdepleriň ikisini sowgat alypdylar. Nesip bolsa, geljek okuw ýylynyň başy hem etrabymyzda täze mekdebiň açylyş dabarasyna beslener.

23 Sentýabr 2024

Ýürekleri ýyladan ynsanperwerlik

Gahryman Arkadagymyzyň we Arkadagly Gahryman Serdarymyzyň sahawatynyň nurundan ýurdumyzda ozal raýatlygy bolmadyk 1280 adam baş baýramymyzy ykbalynyň iň uly sowgady bilen garşylar. Türkmenistanyň Ministrler Kabinetiniň geçen hepdäniň anna gününde geçirilen mejlisinde hormatly Prezidentimiziň gol çeken resminamalary bilen 1146 adamyň Türkmenistanyň raýatlygyna kabul edilmegi we 134 adama Türkmenistanda ýaşamak üçin ygtyýarnamanyň berilmegi belent sahawatyň täze miwesidir. Hökümet mejlisinde hem nygtalyşy ýaly, geçen ýyllarda ýurdumyzda ýaşaýan we şol bir wagtyň özünde hiç bir döwletiň raýaty bolmadyk 30 müň 998 adam Türkmenistanyň raýatlygyna kabul edildi. Şeýle-de häzirki wagta çenli 5018 daşary ýurt raýatyna we raýatlygy bolmadyk adamlara Türkmenistanda ýaşamak üçin ygtyýarnama berildi. Bu ynsanperwer häsiýetli çözgütler Türkmenistanyň köptaraplaýyn halkara resminamalary, hususan-da, Birleşen Milletler Guramasynyň Bosgunlaryň statusy hakynda, Apatridleriň statusy hakynda we Raýatsyzlygy azaltmak hakynda Konwensiýalaryny üstünlikli berjaý edýändigini aýdyň görkezýär.

23 Sentýabr 2024

Baýramçylyk maslahaty geçirildi

Welaýat maliýe-ykdysady orta hünär okuw mekdebinde geçiren maslahatymyz mukaddes Garaşsyzlygymyzyň 33 ýyllyk baýramyna we Türkmenistanyň Agrar partiýasynyň döredilmeginiň 10 ýyllygyna bagyşlandy. Oňa agrosenagat toplumynyň işgärleridir hünärmenleri, işjeň partiýa agzalarymyz we talyplar gatnaşdylar. Maslahatda edilen çykyşlarda berkarar döwletimizde ýurdumyzyň agrosenagat toplumynda işleri öňe ilerletmekde durmuşa geçirilýän özgertmeler dogrusynda aýratyn nygtaldy. Şeýle hem ýylyň geçen döwründe welaýatymyzyň kärhanalarynda meýilnamalary üstünlikli berjaý etmekde we oba hojalyk önümleriniň öndürilişini has-da artdyrmakda ýetilen sepgitlere, ilaty zähmete höweslendirmekde alnyp barylýan işlere üns çekildi. Çykyşlarda partiýanyň döredilen gününden bäri alnyp barlan işlere, döwlet maksatnamalarynyň ýerine ýetirilişine hem seljerme berildi. Soňra öňdebaryjy partiýa agzalaryna Hormat hatlary we ýadygärlik sowgatlary dabaraly ýagdaýda gowşuryldy. Maslahata gatnaşyjylar pudagyň işini döwrebaplaşdyrmaga, hemmetaraplaýyn ösdürmäge giňden ýardam berýän Gahryman Arkadagymyzyň we Arkadagly Gahryman Serdarymyzyň beýik başlangyçlarynyň rowaçlyklara beslenmegini arzuw etdiler.

23 Sentýabr 2024

Maslahat geçirildi

Milli demokratiýanyň dabaralanmasy Golaýda etrapdaky 36-njy orta mekdepde TDP-niň etrap komitetiniň, TKA-nyň etrap birleşmesiniň, TMÝG-niň etrap geňeşiniň bilelikde guramagynda “Türkmenistanyň Halk Maslahaty — milli demokratiýanyň dabaralanmasy” atly maslahat geçirildi. Oňa TDP-niň etrap komitetiniň, TKA-nyň etrap birleşmesiniň, TMÝG-niň etrap geňeşiniň işgärleri hem-de etrapdaky orta mekdepleriň ýokary synp okuwçylarydyr mugallymlary gatnaşdylar.

23 Sentýabr 2024

Täsirli duşuşyk geçirildi

Ýakynda welaýat kitaphanasynyň kiçi mejlisler zalynda “Arkadagyň eserleri — ýaşlarymyza ýörelge” atly duşuşyk geçirildi. Duşuşyga welaýat kitaphanasynyň kitaphanaçylary hem-de ýaş okyjylary, “Marguş” çagalar we ýetginjekler döredijilik öýüniň mugallymlary we “Ýaş jahankeşde” gurnagynyň gurnak agzalary gatnaşdylar. Welaýat kitaphanasynyň guramagynda geçirilen duşuşyk diýseň täsirli boldy. Onda “Marguş” çagalar we ýetginjekler döredijilik öýüniň “Ýaş jahankeşde” gurnagynyň gurnak ýolbaşçysy Gülnar Meredowa, kitaphanaçylar Gülnabat Hojamyradowa, Güljahan Baýramowa we beýlekiler çykyş etdiler. Çykyş edenler Gahryman Arkadagymyzyň döwet galamyndan dörän ajaýyp eserleri dogrusynda giňişleýin gürrüň etdiler. Olar ýaşlara ajaýyp eserleriň many-mazmuny, gymmaty hakynda aýtdylar. Duşuşygyň dowamynda çykyş edenler Gahryman Arkadagymyzyň ajaýyp kitaplaryndan parçalar okalyp, manyly jümleleriň uly ähmiýete eýedigini aýtmak bilen, ýaşlara giňişleýin düşünje berdiler.

23 Sentýabr 2024

‹
1
2
...
101
102
103
104
105
106
107
...
1408
1409
›