Türkmenmetbugat

"Türkmenistan" gazeti

Esaslandyryjysy: Türkmenistanyň Ministrler Kabineti
Salgysy: Aşgabat şäheri, Garaşsyzlyk şaýoly, 100, Türkmenbaşynyň erkin döredijilik mekany
Telefon belgileri: 38-60-88, 39-95-06, 39-95-67
Email: turkmenistan-gazeti@sanly.tm

Gazeti PDF görnüşinde ýükläp almak

Habarlar

Watana söýginiň belent ykrary

Hormatly Prezidentimiz Gurbanguly Berdimuhamedow ýurdumyzy durmuş-ykdysady taýdan ösdürmek, halkymyzyň ýaşaýyş-durmuş derejesini yzygiderli ýokarlandyrmak boýunça giň gerimli, belent maksatly işleri üstünlikli amala aşyryp, bagtymyzyň gözbaşy bolan Garaşsyzlygymyza guwanjyny, Watanymyza we halkymyza söýgüsini dabaralandyrýar. Garaşsyz, hemişelik Bitarap Türkmenistanyň ösüşini, halkymyzyň durmuş abadançylygyny hem-de bagtyýarlygyny üpjün etmäge, Watanymyzyň halkara abraýyny artdyrmaga gönükdirilen işler milli Liderimiz bilen halkymyzy jebisleşdirýär. Garaşsyzlygyny gazanyp galkynan, Bitaraplygyny alyp bagta ýeten halkymyz Gahryman Arkadagymyza çuňňur hormat, belent sarpa goýýar, milli Liderimiziň durnukly ösüşe gönükdirilen, öňde goýýan wezipelerini amala aşyrmak üçin yhlasyny, ukyp-başarnygyny bagyş edip, tutanýerli zähmet çekýär. Bu zähmet joşguny hormatly Prezidentimiziň baştutanlygynda döwletimiziň içeri we daşary syýasatynyň durmuşa geçirilişinde yzygiderli dabaralanýar. Ýurt abadançylygynda, döwlet berkararlygynda, il agzybirliginde beýik Garaşsyzlygymyzyň şanly 30 ýyllygynyň dabaraly baýram ediljek ýylynda bu zähmet we bagtyýarlyk mukamy has-da belent ýaňlanýar.

11 Fewral 2021

Türkmeniň goşa ganaty

«Türkmenistan — parahatçylygyň we ynanyşmagyň Watany» ýyly! Ýylyň adyny hormatly Arkadagymyz çuňňur pelsepä besleýär. Parahatçylyk bar ýerinde gatnaşyklar, medeniýet, edebiýat, sungat hem-de halk hojalygynyň ähli pudaklary gülläp ösýär. Ynanyşmak bar ýerinde halklaryň dost-doganlygy berkeýär, dürli ugurlarda gatnaşyklar jebisleşýär. Bu bolsa diňe bir ýa iki ýurduň bähbidine däl, dünýäniň parahat ýol bilen ösmegine täsir edýär. Üns berip görsek, şu ýylyň nyşany hem many-mazmuny taýdan uly ähmiýete eýedir. Gahryman Arkadagymyz türkmen döwletini ganat ýaýýan laçyna meňzedip, onuň bir ganatynyň Garaşsyzlykdygyny, beýleki ganatynyň Bitaraplykdygyny aýdanda, jüpüne düşen bu meňzetmäniň düýbünde uly many bardygyny duýduk. Şunda ýylyň nyşanynyň türkmeniň tebigatyndan we milli häsiýetinden gelip çykandygyna göz ýetirdik. Biz bu nyşandaky şekilleri özümizçe beýan etmegi makul bildik. Uçup barýan laçyn guşy, göýä, Ýer togalagyny öz ganatlarynda göterip, Älem giňişliginde aýlanyp ýören ýaly duýgy döredýär. Onuň bir ganaty gök. Gök reňk arşy keramatlara ýol, halatlylyk, tükeniksizlik, älemiň reňki we bakylyk. Gök ganat — ýurdumyzyň baky Bitaraplygy. Ýaşyl reňk — ýaşaýyş, dowamat, düýnden şu güne, şu günden ertire barýan badalgaly ýol. Ýaşyl reňk ösüşi we miwe bermegi aňladýar. Ol Türkmenistanyň Döwlet baýdagynyň we Tugrasynyň beslenen reňki. Ýaşyl reňk — ata-babalarymyzyň ruhy siňip, nes

11 Fewral 2021

Milli Liderimiziň başlangyçlary rowaçlanýar

1. Dünýäde — Halkara parahatçylyk we ynanyşmak ýyly «Eger-de milletiň erkana we özerkli ýaşaýşyny bürgüt hem laçyn guşlaryň öz dünýäsinde erkana, parahat ýaýnaýşyna meňzetsek, olar şunda öz goşa ganatlaryna daýanýandyrlar. Şeýlelikde, çeper dil bilen aýtsam, Garaşsyzlyk hem Bitaraplyk türkmen döwletliliginiň goşa ganatydyr!». Dörediji Liderimiziň baky Bitaraplygymyzyň şanly 25 ýyllygy mynasybetli peşgeş beren «Türkmenistan — Bitaraplygyň mekany» atly kitabynda beýan edilýän pikir-garaýyşlaryň özen-örküni düzýän şu jümleleriň manysy hakda oýlananyňda, 25 ýaşy arka atan türkmen Bitaraplygynyň parahatçylyk döretmekde toplan tejribesi, Bitaraplygy ganat edinip, dünýä syýasatynyň işjeň gatnaşyjysyna öwrülen ýurdumyzyň daşary syýasatda ýeten menzilleri, yzygiderli hem maksada gönükdirilen halkara başlangyçlary... birin-birin göz öňüňde janlanýar. Geçen ýylda daşary syýasatymyzyň binýatlaýyn esasy bolan hemişelik Bitaraplygymyzyň 25 ýyllyk ýubileý senesi mynasyp derejede bellenildi. 2021-nji ýyl bolsa türkmen diplomatiýasynyň öňünde ýene bir täze sepgidi — Halkara parahatçylyk we ynanyşmak ýylyny üstünlikli geçirmek ýaly belent wezipäni goýýar.

11 Fewral 2021

Garaşsyzlyk — buýsanjymyz

Eziz Arkadagymyzyň saýasynda ýurdumyz günsaýyn ösýär, özgerýär. «Türkmenistan — parahatçylygyň we ynanyşmagyň Watany» ýylynda Diýarymyz ösüşleriň täze belentliklerine badalga aldy. Gahryman Arkadagymyzyň: «Ýurdumyzyň Garaşsyzlyk ýyllaryndaky syýasy we ykdysady galkynyşlary, medeni we durmuş özgertmeleri halkymyzyň maddy hem-de ruhy gymmatlyklaryny baýlaşdyrdy, döwletimiziň kuwwatyny artdyryp, berkararlygyny has-da pugtalandyrdy» diýip, uly buýsanç bilen aýdan sözleri bu günki gün durmuş hakykatyna öwrülýär. Garaşsyzlyk baýramy parahatçylygyň we abadançylygyň, agzybirligiň we jebisligiň baýramydyr. Mähriban Diýarymyzyň özbaşdaklygy, özygtyýarlylygy barada pikir ýöredeniňde, ata Watanymyzyň Garaşsyzlyk ýörelgeleriniň pugtalanmagynda, ýurdumyzyň ykdysady kuwwatynyň ýokarlanmagynda, döwletimiziň özygtyýarly döwlet hökmünde dünýäniň senagat taýdan ösen ýurtlarynyň hataryna goşulmagynda bimöçber işleriň durmuşa geçirilýändigini buýsanç bilen bellemek guwandyryjydyr. Eziz Arkadagymyz döwletimiziň Garaşsyzlygynyň möhüm ähmiýetiniň bardygyny aýratyn nygtamak bilen, «Garaşsyzlyk» diýen mukaddes hem-de çuň mazmunly düşünjäniň bahasyna ýetip bolmajak gymmatlykdygyny: «Garaşsyzlyk bahasyna ýetip bolmajak beýik düşünjedir, döwletimiziň mizemezliginiň, halkymyzyň agzybirliginiň we jebisliginiň müdimi binýadydyr. Bu beýik hem-de çuň manyly sözde ata-babalarymyzyň erkin, özygtyýar

10 Fewral 2021

Watana şan beren Arkadag!

Garaşsyz, hemişelik Bitarap Türkmenistan bu gün tutuş dünýä ýüzünde ykdysady kuwwatly, belent şan-şöhratly döwlet hökmünde giňden rowaçlanýar. Halkymyzyň ebedi adyny, baky şöhratyny, synmaz mertebesini dünýä ýaýmak, bäş müň ýyllyk taryhynyň ynsanperwerlik, adalatlylyk, goňşuçylyk ýaly ýörelgeleriniň has-da rowaçlanmagyna ýardam etmek boýunça beýik işler bolsa hormatly Prezidentimiziň ýiti paýhasynyň, zehininiň, umman deý parasadynyň esasynda amala aşýar. Berkarar döwletiň bagtyýarlyk döwrüni öz halkyna peşgeş bermek bilen, döwlet hem jemgyýetçilik durmuşynda örän gysga döwrüň içinde asyrlara barabar işleri amala aşyrýan we täze maksatly tutumlar bilen bagtyýar geljegi gurýan Gahryman Arkadagymyzyň halkymyz bilen jebisligi ösüşiň täze belentliklerine barýan nurana ýolda parlak güneş deýin ýalkym saçýar. Hormatly Prezidentimiz döwlet başyna geçen ilkinji gününden «Ilkinji nobatda meniň ähli aladam halkym bolar» diýen köňül maksadyny doly durmuşa geçirýär. Munuň şeýledigi geçen gysga döwrüň içinde döwletimiziň halkara derejesindäki abraýynyň has-da pugtalanandygynyň, jemgyýetimiziň dünýä derejeli ösüş sepgidini eýeländiginiň mysallarynda hem aýdyň görünýär.

10 Fewral 2021

Gözelligiň dürdänesi

Ýurdumyzyň paýtagty gözel Aşgabat ösen medeniýetiň, ruhubelentligiň we kämil sungatyň şäheridir. Bu barada hormatly Prezidentimiziň ýakynda paýtagtymyz boýunça amala aşyran iş saparynda Aşgabadyň dürli döwürlerde döredijilik işgärlerini, aýdymçylary we kompozitorlary täze eserleri döretmäge ruhlandyrandygyny, şeýlelikde, paýtagtymyz hakyndaky birnäçe çeper eserleriň, aýdymlaryň döredilendigini bellemegi hem muny aýdyňlygy bilen äşgär edýär. Gahryman Arkadagymyzyň tagallalary bilen paýtagtymyz Aşgabatda medeni maksatly binalardyr desgalar gurlup, ulanylmaga berilýär. Paýtagtymyzda ýerleşýän döredijilik edaralary, medeni-dynç alyş merkezleri, teatrlar, kitaphanalardyr muzeýler ýaş nesilleri milli ruhda terbiýelemekde, döredijilik mümkinçilikleriniň gerimini artdyrmakda, özboluşly dünýägaraýşy kemala getirmekde uly ähmiýete eýedir. Kaşaň teatrlarda, tomaşa zallarynda halkymyza hödürlenýän sahna eserlerinde, konsertlerde hem-de beýleki medeni çykyşlarda parahatçylygyň we ynanyşmagyň Watany bolan Türkmenistanyň gözellikleriniň, agzybir halkymyzyň gazanýan üstünlikleriniň hem-de bagtyýar durmuşymyzyň waspy belentden ýetirilýär.

10 Fewral 2021

Paýtagtymyz — ak bagtymyz

Gözel paýtagtymyz Aşgabadyň durmuş düzümini ösdürmek işleriniň sazlaşykly häsiýete eýe bolmagy ýurdumyzyň baş şäherini mundan beýläk-de ösdürmegiň esasy ýörelgesi bolup durýar. Ilatyň işlemegi, okamagy, dynç almagy, sport, döredijilik bilen meşgullanmagy, döwrebap söwda, dynç alyş we sagaldyş hyzmatlaryndan peýdalanmagy üçin zerur şertleriň döredilmegi ýaly asylly işler hormatly Prezidentimiziň hemişelik üns merkezinde saklanýar. «Türkmenistan — parahatçylygyň we ynanyşmagyň Watany» diýlip atlandyrylan üstümizdäki ýylyň ilkinji aýynda milli Liderimiziň paýtagtymyz hem-de onuň töweregi boýunça iş saparyny amala aşyrmagy hem muny dolulygyna tassyklaýar. Mälim bolşy ýaly, häzirki wagtda paýtagtymyzyň gözel künjeklerinde birnäçe binalaryňdyr desgalaryň, medeni dynç alyş zolaklarynyň gurluşygy dowam edip, olary Watanymyzyň mukaddes Garaşsyzlygynyň şanly 30 ýyllyk baýramy mynasybetli ulanmaga bermek meýilleşdirilýär. Şolaryň biri hem paýtagtymyzyň A.Nyýazow we Hoja Ahmet Ýasawy köçeleriniň ugrunda gurluşygy meýilleşdirilýän ajaýyp seýilgähdir.

10 Fewral 2021

Bilimli nesil — watanymyzyň guwanjy

Golaýda hormatly Prezidentimiz Gurbanguly Berdimuhamedow sanly wideoaragatnaşyk arkaly iş maslahatyny geçirdi. Onda ýurdumyzyň ylym, bilim, saglygy goraýyş, sport ugurlarynda we jemgyýetçilik guramalarynda 2020-nji ýylda ýerine ýetirilen işleriň netijelerine garaldy we olaryň işini kämilleşdirmek boýunça öňde durýan wezipeler kesgitlenildi. Iş maslahatyna Ministrler Kabinetiniň Başlygynyň käbir orunbasarlary, şeýle hem ministrlikleriň we pudaklaýyn dolandyryş edaralarynyň, jemgyýetçilik guramalarynyň ýolbaşçylary, ugurdaş ýokary okuw mekdepleriniň rektorlary çagyryldy.

10 Fewral 2021

Beýik işleriň aýy

Şähergurluşyk-binagärlik keşbi barha kämil görnüşe gelýän mähriban paýtagtymyz bu gün bagtyýar halkymyzyň göz-guwanjyna, Berkarar döwletimiziň bagtyýarlyk döwrüniň buýsanjyna öwrüldi. Hormatly Prezidentimiziň şähergurluşyk-binagärlik maksatnamasynyň üstünlikli durmuşa geçirilmeginiň netijesinde Aşgabatda ençeme medeni-durmuş maksatly desgalar gurlup ulanylmaga berildi. Berkarar döwletimiziň bagtyýarlyk döwründe hormatly Prezidentimiziň parasatly baştutanlygynda ýurdumyzyň ähli sebitlerinde maksatnamalaýyn özgertmeler durmuşa geçirilip, raýatlarymyzyň ýaşaýyş-durmuş şertlerini has-da gowulandyrmak babatda ägirt uly işler amala aşyrylýar.

10 Fewral 2021

Gazanylan üstünlikler, ýetilen sepgitler

Hormatly Prezidentimiziň belleýşi ýaly, taryhyň ähli asyrlarynyň dowamynda Türkmenistan Beýik Ýüpek ýolunyň ýüregi boldy we häzirki döwürde ol döwrebap derejede dikeldilýär. Milli Liderimiziň pähim-paýhasly baştutanlygynda dünýä ýurtlaryna tarap barýan bu ugur dost-doganlygyň, oňyn hyzmatdaşlyk gatnaşyklarynyň ýoluna öwrüldi. Şeýle-de mähriban Arkadagymyzyň başlangyjy bilen BMG-niň Baş Assambleýasy 2021-nji ýyly «Halkara parahatçylyk we ynanyşmak ýyly» diýip yglan etdi. Şonuň esasynda «Türkmenistan — parahatçylygyň we ynanyşmagyň Watany» şygary astynda geçýän bu ýylda mukaddes Garaşsyzlygynyň şanly 30 ýyllyk toýuny toýlajak hemişelik Bitarap Watanymyz ösüşlerden-ösüşlere barýar. Munuň şeýledigini döwlet Baştutanymyzyň ýurdumyzyň halk hojalyk toplumlarynda geçen ýylda edilen işlere, öňde durýan wezipelere bagyşlap, sanly wideoaragatnaşyk arkaly geçiren iş maslahatlary hem aýdyň şaýatlyk edýär. Berkarar döwletimiziň bagtyýarlyk döwründe ýurdumyzyň medeniýet ulgamy hem tanalmaz derejede ösdi-özgerdi. Hormatly Prezidentimiziň taýsyz tagallasy bilen ýurdumyzda kaşaň teatrlar, medeniýet öýleri, muzeýler, kitaphanalar, çagalar sazçylyk we çeperçilik mekdepleri, ýokary okuw mekdepleri gurlup, ulanylmaga berildi. Halk döredijiligine degişli eserler, edebiýatymyzyň nusgawy wekilleriniň, görnükli ýazyjy-şahyrlarymyzyň, alymlarymyzyň kitaplary yzygiderli çap edilip, halkymyza ýetirildi.

10 Fewral 2021

Watana gulluk etmek mukaddes borç

Her gezek taryhy kitaplary elime alyp, onuň saralyp giden sahypalarynda orun alan türkmen serkerdeleriniň görkezen edermenlikleri hakynda ýazylan maglumatlary okanymda, Watan üçin şirin janlaryny orta goýup, ene topragyň her daban ýerini hem gözleriniň göreji ýaly goran edermen ýigitlerimiziň görkezen gahrymançylyklary edil kinofilme tomaşa edýän ýaly göz öňümde janlanýar. Hawa, dünýäniň syýasy kartasyna göz aýlasaň, beýik şahsyýetlerimiziň guran, döreden döwletleri biygtyýar seriňe dolýar. Türkmen halkymyz diňe bir gurmak, döretmek däl, ony goramagyň hem hötdesinden gelýän millet. Muny taryhyň gatlaryna altyn harplar bilen ýazylan gymmatly maglumatlar doly subut edýär. Watan söýgüsi hakynda gürrüň gozgalsa, kitap sahypalarynda ýazylan şeýle sözler ýadyma düşýär: «Türkmenler beýleki milletleriň arasynda Watan söýgüsini iň ýokary derejä göteren milletdir. Çünki olaryň häsiýetinde we damarynda gan däl-de, öz ýurduna, topragyna, Watan suwuna bolan duýgular akýandyr». Hakykatdan-da, Watana bolan çäksiz söýgi türkmeniň ganynda aýlanýar ahyryn. Munuň şeýledigine, Türkmenistanyň Döwlet serhet gullugynyň düzüminde hereket edýän serhet birikmelere, serhet galalara döredijilik iş saparyna gidenimizde hem magat göz ýetirýäris.

10 Fewral 2021

Parahatçylygyň mekany

Mukaddes Garaşsyzlygymyzyň şanly 30 ýyllygynyň baýram ediljek «Türkmenistan — parahatçylygyň we ynanyşmagyň Watany» ýylynda Aşgabat şäheriniň döredilmeginiň 140 ýyllygynyň bellenilmeginiň meýilleşdirilmegi ähmiýetli wakadyr. Aşgabat şäher derejesini eýe bolan gününden bäri Türkmenistanyň syýasy, ykdysady we medeni merkezine öwrüldi. Ol häzirki döwürde Türkmenistanyň paýtagty bolmak bilen, sebitiň ylalaşdyryjy merkezine öwrülip, ýurdumyzyň hemişelik Bitaraplyk ýol-ýörelgesini durmuşa geçirýän döwrebap syýasy, ykdysady we medeni merkezleriň biridir.

10 Fewral 2021

Täzelikler

Çärjew etrabynyň çäginde ýerleşýän «Lebap» döwlet elektrik stansiýasynyň ýanynda kuwwatlylygy 432 megawat bolan gazturbinaly elektrik stansiýasynyň gurluşygy tamamlanyp barýar. Gurluşygy daşary ýurtly meşhur kompaniýalaryň gatnaşmaklarynda milli hünärmenlerimiz alyp barýarlar. Bu desga welaýatyň çäginde ozal ulanylmaga berlenleriniň arasynda has kuwwatlysy bolar. Türkmenistanyň ykdysadyýetiniň durnukly ösüşiniň esasy çeşmeleriniň birisi elektrik energiýasynyň bolelin öndürilmegi bilen baglanyşyklydyr. Garaşsyzlyk ýyllarynda halkymyzyň eşretli ýaşaýşyny üpjün edýän esasy zerurlyklaryň biri bolan elektrik energiýasynyň ýeterli ätiýaçlyk gorlary hem döredildi. Hut Lebap welaýatynda hem elektrik desgalary dünýä ülňülerine laýyk gelýän derejede döwrebaplaşdyryldy, täze elektrik stansiýalary we beketler işe girizildi, ýene-de möhüm taslamalaryň birnäçesi durmuşa geçirilýär. Welaýatymyzdaky döwrebap elektrik desgalary eksporta iberilýän elektrik energiýasynyň artmagyna hem uly goşant goşýar. Gurluşygyna 2018-nji ýylyň noýabr aýynda badalga berlen elektrik stansiýasynyň işe girizilmegi ýurdumyzyň ykdysady kuwwatynyň ýene-de güýçlenmegine ýardam berer.* * *Türkmenistanyň Senagatçylar we telekeçiler partiýasynyň welaýat komitetiniň guramagynda «Müň däne» hususy kärhanasynda ýaş hususyýetçiler bilen duşuşyk maslahaty geçirildi.

10 Fewral 2021

Oba milli maksatnamasy — eşrediň, bagtyň özeni

Gahryman Arkadagymyzyň döwlet Baştutanlygyna girişen döwründe: «Ilkinji nobatda meniň ähli aladam halkym bolar» diýip yglan etmegi halkymyzyň göwün guşuny ganatlandyryp, kalplaryna joşgun berdi, nurly ertirlere bolan ynamyny artdyrdy. Belent mertebe we çäksiz ynam bilen aýdylan bu sözler sanlyja ýyllaryň içinde iş ýüzünde özüniň anyk beýanyny hem tapdy. Hormatly Prezidentimiziň mähriban halkynyň egsilmez döredijilik güýjüne daýanmak bilen, onuň bähbidine gönükdirip amala aşyrýan işleri örän giň gerimli we uly möçberlidir. Hawa, Gahryman Prezidentimiziň durmuşa geçirýän parasatly syýasatlary halkymyzyň alnyndan ak Gün bolup dogup, onuň ykbalyny bagtyýarlyga besledi. Bitirilen bimöçber işleriň netijesinde ata Watanymyz tanalmaz derejede özgerdi, oba-kentlerimiz, şäherçelerimiz we şäherlerimiz ýaşamak, döretmek üçin has amatly boldy. Şeýle haýran galdyryjy özgerişlikleriň amala aşyrylmagynda döwlet Baştutanymyzyň başda durmagynda işlenilip düzülen we üstünlikli amala aşyrylan Oba milli maksatnamasynyň ähmiýeti örän uludyr. Bu maksatnama ýurdumyzyň ilatly ýerlerinde ýaşaýşyň täze hil derejesini gazanmaga ýardam etdi. 2008-nji ýyldan başlap, häzirki döwre çenli welaýatymyzda bu babatda möhüm işleriň uly toplumy üstünlikli ýerine ýetirildi. Has takygy, Oba milli maksatnamasyna we hormatly Prezidentimiziň Kararlaryna laýyklykda gürrüňi edilýän döwürde:

10 Fewral 2021

TOPH: energetika howpsuzlygynda möhüm çözgüt

Geografik ýerleşişine, ykdysady kuwwatyna, demografiýasyna, syýasy täsirine we harby güýjüne garamazdan, döwletleriň ählisi üçin energetika howpsuzlygynyň milli, sebit we ählumumy derejede üpjün edilmegi derwaýys häsiýete eýedir. Mälim bolşy ýaly, energiýa serişdelerini dünýä bazarlaryna çykarmagyň howpsuzlygy we durnuklylygy köp babatda dünýä ösüşiniň uzak möhletleýin geljeginiň umumy ugruny kesgitleýär. «British Petroleum Corporation» kompaniýasynyň 2040-njy ýyla çenli dünýä energetikasynyň ösüşi babatdaky çaklamasyna görä, dünýäde tebigy gaza bolan islegiň yzygiderli artmagyna garaşylýar. Halkara hyzmatdaşlykda energetika ulgamy Türkmenistanyň ileri tutulýan ugurlarynyň biri bolup, ol ýurdumyzyň ählumumy meseleleri çözmekdäki ornunyň ýokary ähmiýetini hem kesgitleýär. Mälim bolşy ýaly, Türkmenistan ätiýaçlyk gaz gory boýunça dünýäde dördünji orny eýeleýär. OPEC halkara guramasynyň her ýylda çap edýän statistiki maglumatlaryna görä, ýurdumyz tebigy gazy çykarmagyň möçberi boýunça Ýewropada we GDA-da 3-nji orny eýeleýär.

10 Fewral 2021

Maslahat geçirildi

Bäherden etrabynyň medeniýet öýünde «Türkmenistan — parahatçylygyň we ynanyşmagyň Watany» ýyly mynasybetli dabaraly maslahat geçirildi. Etrap häkimligi, etrabyň jemgyýetçilik guramalary hem-de etrap medeniýet bölümi tarapyndan bilelikde guralan dabaraly maslahata jemgyýetçilik guramalarynyň işgärleri we işjeň agzalary, ýaşuly nesliň wekilleri gatnaşdy. Dabaraly maslahatda çykyş edenler ýurdumyzyň arşa galýan şan-şöhraty, milli Liderimiziň Ýer ýüzünde gyzgyn goldaw tapýan halkara başlangyçlary barada uly buýsanç we guwanç bilen gürrüň berdiler.

9 Fewral 2021

Arkadagly, ajap çagly Watanym!

Çuňňur hormatlanylýan Arkadagymyz Gurbanguly Berdimuhamedowyň 2007-nji ýyldaky ählihalk saýlawlarynda Türkmenistanyň Prezidenti wezipesine biragyzdan saýlanylmagy bilen döwlet durmuşynyň ähli ugurlaryny täze ruhy galkynyşlar, bedew batly ösüşler gurşap aldy. Şondan bäri geçen ýyllaryň dowamynda, Gahryman Arkadagymyzyň «Döwlet adam üçindir!» diýen oýlanyşykly taglymatynyň netijesinde, eziz Diýarymyzda düýpli durmuş-ykdysady özgertmeler amala aşyrylýar, milli demokratik ýörelgelerimiz ösdürilýär, ýylsaýyn kämilleşýän kanunçylyk binýadymyz berkeýär, halkymyzyň durmuş derejesi ýokarlanýar, Garaşsyz, baky Bitarap Watanymyzyň halkara abraýy barha belende galýar. «EZIZ WATANYMYZ BEDEW BADY BILEN ÖŇE BARÝAR»(Hormatly Prezidentimiziň «Atda wepa-da bar, sapa-da» atly kitabyndan)

9 Fewral 2021

Arkadagyň yhlasyndan alyp bat, günbe-günden görke gelýär

Irki döwürlerde ýat ýurda düşen adam şol ýurduň umumy ýagdaýyny bilmek üçin, ilki bilen, bazaryna barar eken. Şoňa görä-de gadym wagtlarda jahankeşdeleriň arasynda: «Haýsy ýurduň ykdysady ýagdaýyny, halkynyň ýaşaýyş derejesini biljek bolsaň, bazaryna baryp gör» diýen aýtgy döräpdir. Hawa, bu aýtgy gadym wagtda döräpdir. Häzirki döwürde welin, islendik adamda ilki barýan ýurduna bolan garaýyş heniz uçaryň üstündekä şineleýär. Mende şeýle pikir birki ýyllykda Stambuldan gelýän uçaryň Aşgabada ýetip, pessaýlan mahaly gapdalymda oturan iki sany türkiýeli ýolagçynyň uçaryň äpişgejiginden biri-birine ak mermer binalary görkezip: «Bak-da, bak, çoh, güzel-de, çoh güzel!» boluşlaryny gören pursadym peýda boldy. Çünki men türkmen paýtagty baradaky ýakymly duýgularyň olarda heniz uçaryň üstündekä dörändigine gözli şaýat boldum. Şol pursat özümem biygtyýar olara goşulyp, äpişgejige örklendim. Bäh, ýurdumyzyň ýüreginiň gözelligini görsene! Gün ýaňy dogup, bütin barlygy süýt reňkine boýan çagy ol has-da owadan görünýär. Göýä diýersiň, türkmen paýtagtyna bir Gün däl-de, ýüzläp Gün gonup, çarýana nuruny saçýan ýaly bu wagt. Çünki ak mermer binalaryň hersiniň ýüzünde bir Gün peýda bolup, täze başlanýan güni has-da nurlandyrýardy.

9 Fewral 2021

Anyk wezipeler kesgitlenildi

Medeniýet, sungat we çeper döredijilik halkymyzyň ruhy gymmatlyklaryny, milli miraslaryny aýawly saklamakda, dünýä ýaýmakda, şeýle hem adamlaryň aň-düşünjesini ýokarlandyryp, dünýägaraýşyny giňeltmekde, işjeňligini artdyryp, agzybirligini berkitmekde, tutuş halky beýik işlere galkyndyrmakda uly güýje eýedir. Şoňa görä-de, islendik halkyň islendik ulgamda gazanýan üstünlikleri, eýeleýän sepgitleri şol halkyň medeniýetiniň ösüş derejesi bilen baglydyr. Şeýle bolansoň, hormatly Prezidentimiz milli medeniýetimizi gorap saklamak, halkymyza wagyz etmek, dünýä ýaýmak, döwrüň ruhuna laýyk täzeçe kämilleşdirmek işine aýratyn üns berýär. Munuň şeýledigini milli Liderimiziň bu ulgamyň işini ýeke pursat hem ünsden düşürmän, medeniýet we sungat wekilleri, ýazyjy-şahyrlar bilen häli-şindi duşuşyp, olaryň işi bilen gyzyklanyp durýandygy-da, özüniň gyzyldan gymmatly maslahatlarydyr tabşyryklaryny berip, medeniýet ulgamynyň işiniň ilerlemegi üçin edýän anyk ýardamlary-da, döwletimiziň her ýyl bu ulgama köp möçberde maýa goýumlaryny gönükdirýändigi-de aňryýany bilen subut edýär. Ýurdumyzyň medeniýet ulgamyny ösdürmäge, habar beriş serişdeleriniň işini kämilleşdirmäge bagyşlap, geçen ýylyň 23-nji dekabrynda wideoaragatnaşyk görnüşinde geçiren iş maslahaty, onuň dowamynda bu pudagyň ýolbaşçylaryna beren anyk tabşyryklary hem hormatly Prezidentimiziň medeniýetimizi, sungatymyzy, milli žurnalistikam

9 Fewral 2021

Aşgabat — gözelligiň we ösüşiň şäheri

Berkarar döwletimiziň bagtyýarlyk döwründe hormatly Prezidentimiziň parasatly baştutanlygynda ýurdumyzyň ähli sebitlerinde raýatlarymyzyň ýaşaýyş-durmuş şertlerini has-da gowulandyrmak maksady bilen netijeli işler amala aşyrylýar. Özboluşly binagärlik keşbi bolan desgalary özünde jemleýän, günsaýyn gözelleşýän Aşgabat dünýäniň iň gözel paýtagtlarynyň hatarynda mynasyp orun eýeleýär. Ýurdumyzyň baş şäheri bolan Aşgabady döwrebap ösdürmek we abadanlaşdyrmak, ösüş depgini durnukly ýokarlanýan şähere öwürmek ýurdumyzda ileri tutulýan wezipeleriň biri bolup durýar. “Türkmenistanyň Prezidentiniň ýurdumyzy 2019 — 2025-nji ýyllarda durmuş-ykdysady taýdan ösdürmegiň Maksatnamasyna” laýyklykda, Aşgabat şäheriniň binagärlik keşbini mundan beýläk-de özgertmek, ýaşaýyş-durmuş amatlyklaryny, paýtagtyň jemagat hojalygyny ösdürmek boýunça işleri üstünlikli durmuşa geçirmek meýilleşdirilýär. Bu babatda, ýokary we orta okuw mekdepleriniň edara binalarynyň, ýaşaýyş jaý we seýilgäh toplumlarynyň, söwda merkezleriniň we bazarlaryň, häzirki zaman ulag ýollarynyň we beýleki ýaşaýyş-durmuş desgalarynyň guruljakdygy döwletiň durmuş-ykdysady syýasatynyň baş ugrudygynyň tassyknamasy bolup durýar. Paýtagtyň giň möçberli mümkinçilikleriniň bardygyny göz öňünde tutmak bilen, şäheri ösdürmegiň ileri tutulýan ugurlarynyň hatarynda senagat, ýaşaýyş jaý we jemagat hojalygyny, ulag-aragatnaşyk ulgamyny, harytlar

9 Fewral 2021

‹
1
2
...
587
588
589
590
591
592
593
...
601
602
›