"Türkmenistan" gazeti

Esaslandyryjysy: Türkmenistanyň Ministrler Kabineti
Salgysy: Aşgabat şäheri, Garaşsyzlyk şaýoly, 100, Türkmenbaşynyň erkin döredijilik mekany
Telefon belgileri: 38-60-88, 39-95-06, 39-95-67
Email: turkmenistan-gazeti@sanly.tm

Gazeti PDF görnüşinde ýükläp almak

Habarlar

Mertebesi belent tutulýar

Etrek etrap bilim bölümi hem-de Ylym we bilim işgärleriniň kärdeşler arkalaşygynyň etrap geňeşi bilen bilelikde 7-nji çagalar bagynda Halkara zenanlar güni mynasybetli «Maşgalanyň edebi — öý-ojagyň sarpasy» ady bilen wagyz-nesihat çäresini guradyk. Onda çykyş edenler eziz Arkadagymyzyň parasatly baştutanlygynda ýurdumyzda zenanlara belent hormat-sarpa goýulýandygy, olara durmuşda ähli ýeňillikleriň döredilýändigi, nesil terbiýesinde zenanlaryň orny, olaryň ata Watanymyzyň ösüşlerine goşýan mynasyp goşandy barada buýsançly gürrüň etdiler. Çärä gatnaşyjylar zenanlaryň mertebesini belentde goýýan Gahryman Arkadagymyzyň janynyň sag, ömrüniň uzak, halk bähbitli işleriniň rowaç bolmagyny arzuw etdiler.

5 Mart 2021

Garaşsyzlyk

Watan goragçylaryna sarpa

Golaýda hormatly Prezidentimiz Gurbanguly Berdimuhamedow Döwlet howpsuzlyk geňeşiniň nobatdaky mejlisini geçirdi. Onda ýurdumyzyň harby we hukuk goraýjy edaralarynda «Türkmenistan — parahatçylygyň we ynanyşmagyň Watany» diýlip yglan edilen 2021-nji ýylyň geçen iki aýynda ýerine ýetirilen işleriň jemlerine garaldy. Milli Liderimiz harby we hukuk goraýjy edaralaryň hasabatlaryny diňläp, diňe goranyş häsiýetine eýe bolan Türkmenistanyň Harby doktrinasynyň Bitarap döwletimiziň parahatçylyk söýüjilikli syýasaty bilen baglylykda işlenip taýýarlanylandygyny we yzygiderli amala aşyrylýandygyny aýratyn belledi.

5 Mart 2021

Garaşsyzlyk

Saglyk ýörelgesi — durmuş kadasy

Sagdyn jemgyýet öz köküni sagdyn maşgaladan alyp gaýdýar. Şu ýörelgäni wagyz etmek maksady bilen Halkara zenanlar gününiň öň ýanynda welaýat häkimliginiň, Türkmenistanyň Magtymguly adyndaky Ýaşlar guramasynyň welaýat geňeşiniň hem-de Türkmenistanyň Telewideniýe, radiogepleşikler we kinematografiýa baradaky döwlet komitetiniň «Ýaşlyk» teleradioýaýlymynyň bilelikde guramaklarynda «Sagdyn maşgala ― sagdyn nesil» atly telebäsleşik geçirildi. Bu bäsleşik uly ruhubelentlige beslenip, onuň esasy aýratynlygy 8 we şondan köp çagaly maşgalalaryň gatnaşmaklaryndan ybarat boldy. Olar sportuň dürli görnüşleri boýunça ýaryşdylar. Bäsleşige gatnaşan her bir maşgala agzasy ezberligini, çalasynlygyny ähli ugurlarda işjeň ýagdaýda görkezdi. Ýaryş diýseň şowhunly, gyzykly boldy. Çünki oňa gatnaşan bäsdeşler sagdyn durmuş ýörelgelerine eýerýändiklerini, sport bilen yzygiderli meşgullanýandyklaryny görkezdiler. Çekeleşikli geçen ýaryşda Halaç etrabynyň Baý geňeşliginde ýaşaýan Agajan Söýegowdyr Almagül Tuýgunowanyň bagtyýar maşgalasy bäsdeşlerinden saýlanmagy başardy. Olar sportuň dürli görnüşlerinde öz ezberliklerini görkezmegi başardylar. Ýaryşyň ýeňijisi Agajan aga maşgalasynyň şatlykly pursatlaryny biziň bilen paýlaşdy:

5 Mart 2021

Garaşsyzlyk

Zeminiň zynaty

Berkarar döwletiň bagtyýarlyk döwründe Gahryman Arkadagymyzyň taýsyz tagallalary bilen ýurdumyzda zenanlara uly sarpa goýlup, olaryň jemgyýetde mynasyp orna, bagtyýar durmuş eşretlerine eýe bolmaklary ugrunda uly işler amala aşyrylýar. Hormatly Prezidentimiziň belleýşi ýaly, ata Watanymyzda giň gerimli işleri amala aşyrmakda, ösüp gelýän ýaş nesli milli däplerimize laýyk terbiýelemekde, maşgala mukaddesliklerimizi hem-de jemgyýetimiziň jebisligini berkitmekde zenanlarymyzyň ägirt uly paýy bar. Bu günki gün zenanlara özleriniň zehinini, başarjaňlygyny, bilimini islendik pudakda görkezmäge mümkinçilikler döredilýär. Türkmen halkynyň zenanlara goýýan hormaty öz gözbaşyny has gadymy döwürlerden alyp gaýdýar. Enäniň keramatdygy, ony razy etmekligiň aňyrsynda Beýik Allany razy etmek hakyndaky düşünje ýatandyr. Muny «Ene razy — Hudaý razy, ata razy — pygamber razy» diýen halk pähiminiň mysalynda-da görmek bolýar. Türkmenlerde asyrlar aşyp, kämilleşip gelýän, ýokary ahlaklylyga, adamkärçilige, halallyga ýugrulan, durmuşyň synaglaryndan geçip, halk tarapyndan ykrar edilip, durmuşa ornaşdyrylan terbiýe mekdebiniň düýp özeninde enäniň orny uludyr. Türkmen zenany, türkmen enesi Watany goramaklygyň, maşgala ojagyna, ýan-ýoldaşyna wepalylygyň, görüm-göreldäniň, merdi-merdanalygyň, zähmetsöýerligiň nusgalyk keşbini döredip bilen zenandyr.

5 Mart 2021

Garaşsyzlyk

Gün deý nurana, gül deý görkana

Halkara zenanlar gününe bagyşlanyp Türkmenabadyň Agrosenagat orta hünär okuw mekdebinde «Zemine görk berýär gelinler-gyzlar» diýen at bilen baýramçylyk dabarasy geçirildi. Onda çykyş edenler zenanlaryň mertebesini beýgeldýändigi we olaryň ýurdumyzyň ösüşlerine goşýan goşandyna ýokary baha berýändigi üçin hormatly Prezidentimize köp sagbolsun aýdyp, zenan mähriniň we söýgüsiniň gudraty barada giňişleýin gürrüň etdiler. Talyp gyzlaryň göwün nuruny siňdirip döreden el işlerinden guralan sergä tomaşa etmek dabara gatnaşyjylaryň her biriniň kalbynda gaýtalanmajak duýgulary oýardy. Sergide ene-mamalarymyzdan miras galan halyçylyk, dokmaçylyk, keşdeçilik, tikinçilik ýaly gadymy senetçiligiň mynasyp dowam etdirilýändigi giňden açylyp görkezildi. Mekdebiň giň däliziniň ugrunda guralan sergide ýurdumyzyň ösüşlerini wasp edýän nakgaşçylyk eserlerine hem giň orun berildi.

5 Mart 2021

Garaşsyzlyk

Önüm­çi­lik­de ze­nan eli­niň yzy

Türk­me­nis­ta­nyň Ag­rar par­ti­ýa­sy­nyň Türk­me­na­bat şä­her ko­mi­te­ti ta­ra­pyn­dan ýa­kyn­da Hal­ka­ra ze­nan­lar gü­ni my­na­sy­bet­li önüm­çi­lik kär­ha­na­la­ryn­da zäh­met çek­ýän ge­lin-gyz­la­ry iş ýe­rin­de gut­la­mak bo­ýun­ça ýö­ri­te çä­re ge­çi­ril­di. Mu­nuň üçin şä­he­ri­miz­dä­ki önüm­çi­lik kär­ha­na­la­ry­nyň bir­nä­çe­sin­de bo­lup, olar­da zäh­met çek­ýän ze­nan­la­ry gut­lap, baý­ram­çy­lyk sow­gat­la­ry­ny gow­şur­dyk. Bu baý­ram­da ze­nan­la­ry sar­pa­la­ma­gyň be­lent nus­ga­sy­ny gör­kez­ýän hor­mat­ly Pre­zi­den­ti­mi­ziň gö­rel­de­si­ne eýe­rip, ýur­du­my­zyň sy­ýa­sy par­ti­ýa­la­ry­nyň we iri jem­gy­ýet­çi­lik gu­ra­ma­la­ry­nyň we­kil­le­ri hem ola­ryň ar­ma­sy­ny ýe­ti­rip, baý­ram­çy­lyk bi­len gut­la­ýar­lar. Şu ge­zek­ki çä­rä­niň ba­şy­ny Türk­me­na­ba­dyň S.A.Ny­ýa­zow adyn­da­ky hi­mi­ýa za­wo­dyn­dan baş­la­dyk. Bu kuw­wat­ly kär­ha­na­da hä­zir­ki wagt­da 1400-den gow­rak iş­gär zäh­met çek­ýär. Şo­la­ryň 330-dan gow­ra­gy ge­lin-gyz­lar­dyr. Ýo­ka­ry we ýö­ri­te bi­lim­li ze­nan hü­när­men­le­riň eli­niň yzy­ny kuw­wat­ly kär­ha­na­nyň äh­li bö­lüm­le­rin­de di­ýen ýa­ly gör­ýär­siň. Ju­ma­gül Mäm­me­do­wa, Ma­ýa An­na­tu­la­ýe­wa, Zöh­re Oru­no­wa ýa­ly durmuşynyň köp bölegini bu za­wo­dyň işi­ne ba­gyş­lan ha­ly­pa ze­nan­lar ýaş­la­ra-da gö­rel­de gör­kez­ýär­ler. Iş­ba­şar­jaň, ýaş ge­lin-gyz­la­ryň ha­ta­ryn­da Og

5 Mart 2021

Garaşsyzlyk

Aşgabat — bagtyş şäheri

Garaşsyz, baky Bitarap ýurdumyzyň paýtagty ak mermerli Aşgabat hormatly Prezidentimiziň taýsyz tagallalary netijesinde, tanalmaz derejede özgerdi. Aşgabat şäherini ösdürmegiň baş meýilnamasyna laýyklykda gurlan we gurulýan, dünýä ülňüleriniň talaplaryna doly gabat gelýän ýaşaýyş jaýlarynyň, mekdepleriň, çagalar baglarynyň, edara-kärhanalaryň we medeni-durmuş ähmiýetli beýleki desgalaryň milli äheňi binagärlik-şähergurluşyk keşbiniň özgermeginde aýratyn ähmiýete eýedir.

4 Mart 2021

Garaşsyzlyk

Aşgabat

Aşgabadym — ak şäherim, giň gujagyň bossan bu gün,Aşgabadym — gül baharym, gözel görküň dessan bu gün. Joşan kalbym baglap gazal, aýdym aýtsam diýr şanyňa,Ýazlaryňda ýazladygym, şirin janym gurban saňa.

4 Mart 2021

Garaşsyzlyk

Aşgabadym sen

Ýüze sylyp, dag howasyn, serginin,Jahana nur paýlan, Aşgabadym sen.Günsaýyn giňeldýäň ösüş gerimin,Şäherleň gözeli, Aşgabadym sen. Ylalaşyk merkezi sen, paýtagtym,Miwesi datlydyr «dostluk daragtyň».Seniň bilen bagly ykbalym, bagtym,Hoş günden serpaýly, Aşgabadym sen.

4 Mart 2021

Garaşsyzlyk

Parahatlyk mekany sen, Aşgabat!

Paýtagtymyz Aşgabat gün-günden gözelleşýär. Owadan, üýtgeşik, gözüň ýagyny iýip barýan binagärlik özboluşlylygyny bolsa ajaýyp simfoniki esere meňzedesiň gelýär. Ýokary ussatlyk bilen döredilen islendik sungat eseri ynsan göwnüni galkyndyrýar. Hut şonuň ýaly-da, paýtagtymyz Aşgabadyň mysalynda-da, nepis, milli binagärlik aýratynlygy bilen tapawutlanýan sungat eserini görmek bolýar. Elbetde, bu sungat eseri Gahryman Arkadagymyzyň ýiti zehininiň netijesinde dörän eserdir. Paýtagtymyzyň gözelligi diňe bir öz halkymyzy däl, eýsem, goňşy ýurtlardyr daşary döwletleriň wekillerini-de haýrana goýýar. Soňky on bäş ýylyň içinde özboluşly binagärlik aýratynlyklary bilen tapawutlanýan ýaşaýyş jaýlarynyň, edara binalaryň, söwda we beýleki maksatly binalaryň ýüzlerçesi gurlup, ulanylmaga berildi. Paýtagtymyzyň gözelliginiň ýene bir aýratynlygy ýol çatryklaryndaky we ýoluň gyralaryndaky özboluşly milli äheňde bezelen binalar toplumydyr. Ýurdumyzyň asudalygyny, parahatçylygyny, sungata, däp-dessurlarymyza bolan sarpasyny, ahalteke bedewlerimizdir türkmen alabaýlaryna bolan söýgimizi özünde jemleýän ençeme binalar, ýadygärlikler paýtagtymyzyň görküne görk goşýar. Uzakdan seleňläp, ýurt Garaşsyzlygynyň, parahatçylygynyň we Bitaraplygynyň owazy bolup pasyrdaýan ýaşyl Baýdagymyz paýtagtymyzyň altyn gupbasynyň täjine meňzeýär. Şonuň ýaly-da, paýtagtymyzyň birnäçe binagärlik we beýleki gurluş aýrat

4 Mart 2021

Garaşsyzlyk

Gahryman Arkadagymyzyň beýik işleri ata Watanymyzy mundan hem gözel, has kuwwatly döwlete öwrer

«Türkmenistan — parahatçylygyň we ynanyşmagyň Watany» ýylymyzda her günki gazanýan ösüşlerimiz çuň mazmuny bilen taryhymyzy bezeýär. Ol ösüşler milli Liderimiziň taryhy başlangyçlary bilen bütin dünýäde yglan edilen «Halkara parahatçylyk we ynanyşmak ýylynyň» ähmiýetli wakalary bolup, dünýäde giň seslenme tapýar. Dünýäniň belli habar beriş serişdeleri milli Liderimiziň halkara ähmiýetli amala aşyrýan taslamalaryna, köpmilletli agzybir halkymyzyň döredijilikli zähmetine Türkmenistanyň parahatçylykly ösüşi wagyz etmekdäki aýdyň tejribeleri hökmünde baha berýärler. Döwlet Baştutanymyzyň 25-nji fewralda ýurdumyzyň deputatlar düzümi bilen geçiren taryhy ähmiýetli duşuşygy Berkarar döwletimiziň bagtyýarlyk döwrüniň hemmetaraplaýyn beýik ösüşleriniň täze sepgitlerini kesgitledi.

4 Mart 2021

Garaşsyzlyk

Sanly ulgam kämilleşdirilýär

Berkarar döwletimiziň bagtyýarlyk döwrüniň «Türkmenistan – parahatçylygyň we ynanyşmagyň Watany» ýylynda mähriban Arkadagymyzyň parasatly baştutanlygynda ýurdumyzyň halk hojalygynyň ähli pudaklaryny sanlylaşdyrmak we ylmy işläp taýýarlamalary döwrüň talaplaryna laýyklykda önümçilige ornaşdyrmak, sanly aragatnaşyk ulgamynyň öňünde döwlet Baştutanymyzyň goýan wezipelerini doly ýerine ýetirmek boýunça maksatnamalaýyn işler alnyp barylýar. Munuň özi şol bir wagtda Diýarymyzda giňden ornaşdyrylýan sanly ulgamyň maglumat howpsuzlygyny üpjün etmäge hem gönükdirilendir. Hormatly Prezidentimiz Sanly ulgam merkezinde alnyp barylýan işleriň barşy bilen tanyşdy. Häzirki döwürde bu ugurda öňde goýlan wezipeleri çözmek ileri tutulýan möhüm meseleleriň hatarynda durýar. Bu merkeziň alyp barýan işiniň esasy ugry ýurdumyzda maglumat-aragatnaşyk ulgamlarynyň kiberhowpsuzlygyny üpjün etmekden ybaratdyr.

4 Mart 2021

Garaşsyzlyk

Resmi habarlar

Syýasy durmuşyň senenamasy 18-nji fewralda hormatly Prezidentimiz Gurbanguly Berdimuhamedow «Lukoýl» açyk paýdarlar jemgyýetiniň ýolbaşçysy Wagit Alekperowy kabul etdi.

4 Mart 2021

Garaşsyzlyk

Belent ynam bilen beýik maksatlara tarap

«Türkmenistan arzuw-maksatlaryň hasyl bolýan ýurdudyr, gülläp ösüşiň we bagtyýarlygyň mekanydyr». Türkmenistanyň Prezidenti Gurbanguly Berdimuhamedow.

4 Mart 2021

Garaşsyzlyk

Döwrümiziň nyşany bolan Aşgabady ajaýyp şähere öwrüp, çagalarymyza we agtyk-çowluklarymyza miras galdyrmalydyrys

2021-nji ýylda hormatly Prezidentimiziň şähergurluşyk syýasaty netijesinde, Berkarar döwletimiziň bagtyýarlyk döwründe dünýäniň iň owadan şäherleriniň birine öwrülen ak mermerli paýtagtymyz 140 ýyllygyny belleýär. Munuň özi Garaşsyz, Bitarap Türkmenistanyň döredijiligiň we ösüşiň belentliklerine tarap ynamly gadam urýandygynyň aýdyň nyşanydyr. Gür bagly seýilgähleri, ýaşyl zolaklary, altynsow gümmezleri bolan köşkleri hem-de köpsanly döwrebap suw çüwdürimleri bilen Aşgabat özboluşly binagärlik aýratynlygy bolan beýik binalary we desgalary bilen Watanymyzyň şu günki ajaýyp döwrüni hem-de nurana geljegini aýdyň görkezýär. «Türkmenistan -- parahatçylygyň we ynanyşmagyň Watany» ýylynda 140 ýyllygy bellenilýän Aşgabady ösdürmek, täze desgalaryň gurluşygy we onuň durmuş düzümini toplumlaýyn esasda döwrebaplaşdyrmak bilen baglanyşykly meseleler döwlet Baştutanymyzyň hemişe üns merkezinde saklanylýar.

4 Mart 2021

Garaşsyzlyk

Aziýanyň merjeni ak mermerli Aşgabat

Häzirki wagtda Aşgabadyň esaslandyrylmagynyň 140 ýyllyk baýramyna giňden taýýarlyk görülýär. Golaýda hormatly Prezidentimiz paýtagtymyzyň häkimliginde taýýarlyk görmek hem-de paýtagtymyzy mundan beýläk-de ösdürmek meselelerine bagyşlanan maslahatda hem birnäçe möhüm wezipeleri öňde goýdy. Elbetde, döwletler paýtagt şäherleri bilen tanalýar. Ýurtlara paýtagtyna görä baha kesýärler. Durky bilen aklyga bürenen Aşgabat, ylla diýersiň, ak asmany ýatladyp, göwünleri joşa getirýär. Türkmenistanyň at gazanan arhitektory hormatly Prezidentimiziň yhlasyndan, ylhamyndan bina bolan paýtagtymyz bu gün Aziýanyň merjeni diýlip tanalýar.

4 Mart 2021

Garaşsyzlyk

Aşgabat

(Aýdym üçin) Baky ýaşlyk nyşany bar adyňda seň, Aşgabat!

4 Mart 2021

Garaşsyzlyk

Sazlaşygyň şäheri

Aşgabat. Aşyklaryň şäheri. Garaşsyz Watanymyzyň ýüregi. Dünýäniň ýüzünde ylalaşdyryjy merkez, parahatçylygyň mekany hökmünde uly ynam, buýsanç bilen bakylýan şäher. Biziň islendigimiz üçin ol Watan sözi bilen manydaş. Hut şonuň üçin hem biz şahyr tarapyndan: Mähir, söýgi bardyr eziz adyňda,Okgun bardyr seniň bedew badyňda,Elmydama ak Gün dogsun alnyňda,Paýtagtym sen, ak bagtym sen, Aşgabat!

4 Mart 2021

Garaşsyzlyk

Rowaçlygyň röwşen ýoly

«Türkmenistan — parahatçylygyň we ynanyşmagyň Watany» ýylymyz uly ösüşlere, belent üstünliklere beslenýär. Hormatly Prezidentimiziň parasatly baştutanlygynda beýik işler durmuşa ornaşdyrylýar, iň döwrebap ugurlar kemala gelýär. Eziz Diýarymyzyň şeýle beýik ösüşleri halkymyzyň abadan durmuşyny üpjün edýär, parahatçylyk söýüjilik ýolumyzy has-da ösdürmäge giň mümkinçilik döredýär.

4 Mart 2021

Garaşsyzlyk

Ösüşlere beslenýän paýtagtymyz

Türkmen halky iňňän gadym döwürlerde hem ajaýyp desgalary gurmakda, olaryň özboluşly binagärlik keşbini döretmekde dünýäde meşhurlyk gazanypdyr. Munuň hut şeýledigine Beýik Ýüpek ýolunyň ugrundaky gadymy Amul, Merw, Köneürgenç, Dehistan, Nusaý ýaly öz döwründe iň bir owadan şäherler aýdyň şaýatlyk edýär. Berkarar döwletimiziň bagtyýarlyk döwründe Garaşsyz, baky Bitarap Türkmenistanyň paýtagty gözel Aşgabat ata-babalarymyzyň binagärlik sungatyndan gözbaş alyp, Gündogaryň merjen şäherine öwrüldi. Gahryman Arkadagymyzyň “Biziň borjumyz iň gözel we arassa, adamlaryň ýaşamagy üçin oňaýly şäher hökmünde paýtagtymyzyň belent abraýyny saklamakdan ybaratdyr. Şonuň üçin biz Aşgabady has-da gözelleşdirmelidiris. Ony döwrümiziň nyşany bolan ajaýyp şähere öwrüp, çagalarymyza we agtyk-çowluklarymyza miras galdyrmalydyrys” diýip parasatly bellemegi, eziz paýtagtymyzyň bedew batly ösüşlerinden habar berýär.

4 Mart 2021

Garaşsyzlyk