Bu gün Türkmenistan abraýly halkara ýaryşlaryň geçirilýän merkezine öwrüldi. Häzirki wagtda paýtagtymyz Aşgabatda 14 ýaşa çenli ýetginjek oglan-gyzlaryň arasynda tennis boýunça «Ashgabat Open 2024» atly halkara ýaryş dowam edýär.
Ýaryşa gatnaşyjy daşary ýurtly tälimçilerdir türgenler bäsleşigiň guramaçylygynyň ýokary derejededigini biragyzdan belleýärler. Olaryň ak şäherimiz Aşgabadyň sport mümkinçilikleri barada aýdan sözleri bolsa buýsanjymyza buýsanç goşýar. Ýokary amatlyklary bolan sport desgalary tennis ýaryşynyň hem ýokary guramaçylykda geçirilmegini üpjün edýär. «Ashgabat Open 2024» halkara ýaryşynyň çäklerindäki duşuşyklar oglanlaryň hem-de gyzlaryň arasynda ýekelikde we jübütleýin görnüşde 4 ugur boýunça geçirilýär.
