Ýaşlarda sporta höwesiň ýokarydygyny, futbolyň meşhurlygynyň barha artýandygyny Tejen etrabyndaky 42-nji orta mekdebiň sport meýdançasynda geçirilen kiçi futbol ýaryşy anyk subut etdi. «Türkmenistan — ruhubelentligiň we sagdynlygyň ýurdy» atly XIV spartakiadanyň çäginde geçirilen etrap derejesindäki ýaryşa etrabyň mekdep okuwçylaryndan düzülen toparlaryň birnäçesi gatnaşdy.
“Türkmenistan” Ýaşlar bedenterbiýe-sport guramasynyň welaýat bölüminiň, etrabyň bedenterbiýe we sport bölüminiň, etrap bilim bölüminiň hem-de jemgyýetçilik guramalarynyň bilelikde guramagynda geçen ýaryşyň netijesinde ýer eýeleri bolan 42-nji orta mekdebiň okuwçylary ýeňiş gazandylar. Olar aýgytlaýjy duşuşykda 27-nji orta mekdebiň toparyndan üstün çykmagy başardylar. Şeýlelikde kiçi futbol ýaryşynyň etrap tapgyrynda 27-nji orta mekdebiň topary ikinji, 35-nji orta mekdebiň topary bolsa, üçünji orna mynasyp boldy.
