Ýakynda «Pähim-paýhas ummany Magtymguly Pyragy» ýyly mynasybetli Ýaş olimpiýaçylary taýýarlaýyş mekdebiniň guramagynda 2010-2011-nji ýyllarda doglan oglanlaryň arasynda mekdebiň sambo boýunça birinjiligi geçirildi. Ýaryşa Aşgabat şäheriniň bedenterbiýe we sport baradaky Baş müdirliginiň sport mekdepleriniň türgenleri gatnaşdylar.
Çekeleşikli geçen ýaryşda sport mekdebimiziň ýaş pälwanlary hem ukyp-başarnyklaryny görkezdiler. Olardan Rasul Muhammedow (42 kg), Aly Baýramow (55 kg) 2-nji orny eýelediler. Ýurdaman Mämiýew (50 kg), Pena Myradow (+65 kg) 3-nji orna mynasyp boldular. Tapawutlanan türgenleri ýaryşa mekdebimiziň sambo boýunça tälimçisi Nurberdi Öwezgulyýew taýýarlady.
