7-nji oktýabr. Türkmenistanyň futbol çempionatynyň Ýokary ligasynyň 28-nji tapgyrynyň senesi süýşürilen duşuşygy. Geçen ýylyň çempiony «Arkadag» topary öz meýdanynda «Nebitçini» kabul edýärdi. Şol gün taryhy netije hasaba alynmalydy. Arkadag şäheriniň adybir topary ýeňiş gazanan ýagdaýynda bassyr ikinji gezek çempion bolýardy.
Duşuşygyň emini Jumamyrat Jumamyradowyň jürlewüginiň sesi ýaňlanan dessine hüjüme geçen ýer eýeleri 8-nji minutda Arslanmyrat Amanowyň 17 metr çemesi aralykdan ýerine ýetiren jerime urgusyndan soň öňe saýlanýar – 1:0. Şondan soň oýun az wagtlyk orta gürpde dowam edýär. Şol pursatlar ýer eýeleriniň baş tälimçisi Wladimir Baýramow gyraky ýarymgoragçylary tijenmäge çagyrýar. Bu oýun tilsimi az wagtdan soň öz miwesini berýär. Duşuşygyň 23-nji
