Geçen hepdede paýtagtymyz Aşgabat şäherindäki A.S. Puşkin adyndaky döwlet drama teatrynyň sahna ussatlary welaýat döwlet drama teatrynda myhmançylykda boldular. Olar çagalar üçin B. Orlowyň pýesasy esasynda goýlan «Üç jojuk we güneý tilki», A. Wasilýewiň pýesasy esasynda goýlan «Uýalar» atly sahna oýunlaryny görkezdiler.
Çagalary ata Watany, ene topragy, zähmeti söýmäge çagyrýan «Üç jojuk we güneý tilki» atly sahna oýny ýaş tomaşaçylaryň şowhunly el çarpyşmalaryna mynasyp boldy.
