Ýakynda Arkadag şäheriniň jemgyýetçilik guramalarynda Türkmenistanyň saglygy goraýyş we dermen senagaty işgärleriniň güni mynasybetli Arkadag şäher häkimliginiň, Türkmenistanyň Kärdeşler arkalaşyklarynyň Arkadag şäheriniň birleşmesiniň, Arkadag şäheriniň Saglygy goraýyş müdirligi bilen bilelikde guramagynda «Sagdyn nesil — kuwwatly Watan» atly maslahat geçirildi.
Bu maslahatda Türkmenistan döwletimizde saglygy goraýyş ulgamynda amala aşyrylýan nusgalyk işler, Berkarar döwletiň täze eýýamynyň Galkynyşy döwründe milli saglygy goraýyş ulgamyny ösüşleriň täze belentliklerine çykarmak ugrunda ägirt uly işleriň amala aşyrylýandygy, «Saglyk» Döwlet maksatnamasy esasynda milli saglygy goraýyş we derman senagaty pudagynyň düzümini öňdebaryjy dünýä tejribelerine laýyklykda kämilleşdirmek, ilatyň saglygyny berkitmek, ynsan ömrüniň dowamlylygyny uzaltmak, bedenterbiýäni we sporty ösdürmek, sagdyn durmuş ýörelgelerini ornaşdyrmak üçin zerur şertleriň döredilýändigini çykyş edenler buýsanç bilen bellediler.
