Hoşallyk maslahaty geçirildi
Berkarar döwletiň täze eýýamynyň Galkynyşy döwründe hormatly Prezidentimiziň baştutanlygynda Türkmenistan döwletimiz ýeňişli ýol bilen ynamly öňe barýar. Milli ykdysadyýetimizde gazanylýan ýokary görkezijiler ösüşli menzillerimize şaýatlyk edýär. Ýurdumyzyň çar künjeginde gurlup, ulanylmaga berilýän dürli maksatly binalaryň we desgalaryň sany ýylsaýyn artýar. Muňa “Pähim-paýhas ummany Magtymguly Pyragy” ýylynda welaýatymyzyň çäginde bitirilýän işlerem aýdyň subutnamadyr. Golaýda Mary şäheriniň Togrulbeg köçesiniň ugrunda welaýat we Mary şäher arassaçylyk we keselleriň ýaýramagyna garşy göreşmek gulluklarynyň 4 gatdan ybarat täze döwrebap binasynyň açylyş dabarasy şatlykly waka boldy.
