Ýapon heýkeltaraşy Isamu Noguçiniň 1971-nji ýylda döreden «Study for Energy Void» atly mermer heýkeli 4 million 650 müň dollara satyldy. «Sotheby’s» auksion öýi «Abrams» maşgala kolleksiýasyna degişli jemi 27 eseri satuwa çykardy. Olaryň arasynda ýapon heýkeltaraşynyň eseri has gymmat bahadan satyldy. 3,5 million dollara satuwa çykarylan heýkeli 4 million 650 müň dollara näbelli adam satyn aldy. Heýkeliň ölçegi 116,5x91,4x35,6 santimetr.
1904–1988-nji ýyllar aralygynda ýaşap geçen Noguçi heýkeltaraş, peýzaž arhitektory hökmünde dürli eserleri döretdi. Amerikada dünýä inen Noguçi ýapon binagärligini döwrebap nusgalar bilen baýlaşdyrdy. Çagalyk ýyllary Ýaponiýada geçen sungat ussady belli binagärleriň ýanynda hünär öwrendi.
