Tejen etrap bilim bölüminde etrap häkimliginiň, etrabyň jemgyýetçilik guramalarynyň hem-de etrap kazyýetiniň bilelikde guramagynda wagyz-nesihat maslahaty geçirildi. Paýtagtymyzdaky Maslahat köşgünde Gahryman Arkadagymyz Gurbanguly Berdimuhamedowyň başlyklyk etmeginde geçirilen Türkmenistanyň Halk Maslahatynyň nobatdaky mejlisinden gelip çykýan wezipelere bagyşlanan maslahata edara-kärhanalaryň işçi-hünärmenleri, jemgyýetçilik guramalarynyň işjeň agzalary gatnaşdy.
Maslahatda täsirli çykyşlaryň birnäçesi diňlendi. Çykyş edenler Türkmenistanyň Halk Maslahatynyň nobatdaky mejlisinden gelip çykýan wezipeler, şol umumy milli forumda hormatly Prezidentimiziň we Gahryman Arkadagymyzyň çuň manyly çykyşlarynyň taryhy ähmiýeti, kabul edilen çözgütler dogrusynda durup geçdiler.
