Sport mekdebimizde Türkmen bedewiniň milli baýramy mynasybetli el pökgüsi boýunça ýaryş geçirildi. Oňa orta mekdepleriň okuwçylaryndan düzülen toparlar gatnaşdylar.
Çekeleşikli geçen duşuşyklaryň netijeleri boýunça Köýtendag etrabyndaky 1-nji orta mekdebiň oglanlary iň ýokary netijeleri görkezip, birinji orna mynasyp boldular. 29-njy we 3-nji orta mekdepleriň toparlary bolsa degişlilikde ikinji we üçünji orunlary eýelediler. Ýeňijilere Türkmenistanyň Kärdeşler arkalaşyklarynyň etrap birleşmesi tarapyndan ýadygärlik sowgatlary gowşuryldy.
