"Aşgabat" gazeti

Esaslandyryjysy: Türkmenistanyň Ministrler Kabineti
Salgysy: Aşgabat şäheri, Garaşsyzlyk şaýoly, 100, Türkmenbaşynyň erkin döredijilik mekany
Telefon belgileri: 38-62-24, 39-95-24, 39-96-24
Email: asgabat-gazeti@sanly.tm

Gazeti PDF görnüşinde ýükläp almak

Habarlar

Pudagara toparyň mejlisi

Golaýda Daşary işler ministrliginiň maslahatlar zalynda Türkmenistanyň adam hukuklary babatda halkara borçnamalarynyň we halkara ynsanperwer hukugynyň ýerine ýetirilmegini üpjün etmek boýunça pudagara toparyň nobatdaky mejlisi geçirildi. Oňa Mejlisiň, käbir ministrlikleriň we pudaklaýyn dolandyryş edaralarynyň, jemgyýetçilik guramalarynyň wekilleri gatnaşdylar. Mejlise gatnaşyjylar hormatly Prezidentimiz Gurbanguly Berdimuhamedowyň BMG-niň Baş Assambleýasynyň mejlislerinde öňe süren başlangyçlaryndan hem-de degişli ugurda pudagara toparyň işini kämilleşdirmek babatda beren tabşyryklaryndan ugur almak bilen, adam hukuklaryny üpjün etmek hem-de halkara ynsanperwer hukugyň kadalaryny durmuşa geçirmek barada döwlet edaralarynyň we jemgyýetçilik birleşikleriniň ýerine ýetirmeli işleriniň esasy ugurlaryny ara alyp maslahatlaşdylar.

29 Ýanwar 2021

Garaşsyzlyk

Aşgabat — belent ösüşleriň kerwenbaşysy

Hormatly Prezidentimiziň çuň parasaty bilen Garaşsyz, baky Bitarap Diýarymyz bedew bady bilen özgerýär, ösýär. Gözel paýtagtymyzda gurluşyk işleri batly depginlerde alnyp barylýar. Paýtagtymyzyň binagärlik keşbi gün-günden özgerip, dünýäde iň owadan şäherleriň birine öwrüldi. Ýurdumyzyň ykdysady taýdan ösmegi şähergurluşyk maksatnamalarynyň üstünlikli berjaý edilmegine, paýtagtymyzyň tapgyrlaýyn we toplumlaýyn usullarynda ösdürilmegine uly ýardam etdi.

29 Ýanwar 2021

Jemgyýet

Täze tehnologiýalara daýanyp

Berkarar döwletimiziň bagtyýarlyk döwründe hormatly Prezidentimiziň durmuşa ornaşdyrýan sanly ulgama geçmek babatdaky strategik maksatnamalary bu ugurda kämil hünärmenleriň ýetişdirilmegini talap edýär. Şunda «Türkmenistanda sanly bilim ulgamyny ösdürmegiň Konsepsiýasyna» laýyklykda orta hünär we ýokary okuw mekdeplerinde guralýan okuw-tejribelik, tälimçilik işi ýokary hilliligi bilen tapawutlanyp, baý many-mazmuna eýe bolýar. Ýurdumyzyň beýleki ýokary okuw mekdepleri bilen bir hatarda, Türkmenistanyň Telekommunikasiýalar we informatika institutynda hem alnyp barylýan okuw işleri hut şu möhüm özgertmeler bilen berk baglanyşygy emele getirip, sazlaşykly ösüşe ýardam edýär. «Türkmenistan — parahatçylygyň we ynanyşmagyň Watany» ýylymyzda hormatly Prezidentimiziň Karary bilen kabul edilen «Türkmenistanda ýaşlar baradaky döwlet syýasatynyň 2021 — 2025-nji ýyllar üçin Döwlet maksatnamasynyň» orny örän ýokarydyr. Çünki bu resminama Berkarar döwletimiziň bagtyýarlyk döwründe ýaşlar baradaky döwlet syýasatyny üstünlikli amala aşyrmak, ylym-bilim, ösen tehnologiýalara erk edýän zehinli ýaşlary ýüze çykarmak, sanly ulgama çekmek ýaly aýdyň maksatlary öňde goýýar.Şu nukdaýnazardan hem häzirki wagtda institutymyzyň binýadynda ornaşdyrylan sanly ulgamyň mümkinçiliklerinden peýdalanmagyň gerimi has-da giňeldilýär.

29 Ýanwar 2021

Tehnologiýa

Ajaýyp eserlerde Watan waspy

Dünýä giňişliginde mynasyp orny eýeläp, BMG-niň durnukly ösüş maksatlaryny üstünlikli durmuşa geçirýän Türkmenistan Watanymyzyň parahatçylyk söýüjilikli syýasaty uly üstünliklere beslenýär. 2021-nji ýylyň «Türkmenistan — parahatçylygyň we ynanyşmagyň Watany» diýlip atlandyrylmagy saýlap alan milli ösüş ýolumyzyň döredijilikli dowam etdirilýändiginiň aýdyň görkezijisine öwrüldi. Ýurdumyzyň medeniýet we sungat ulgamynyň edaralarynda dürli döwrebap medeni köpçülik çäreleri yzygiderli geçirilýär. Türkmenistanyň Döwlet medeniýet merkeziniň Döwlet kitaphanasynda ähli welaýat kitaphanalary hem-de Bazar Amanow adyndaky Döwlet çagalar kitaphanasy, Aşgabat şäher Merkezleşdirilen kitaphanalar ulgamy bilen bilelikde «Gahryman Arkadagymyzyň ylmy hem-de edebi çeper eserlerinde watançylyk temasy» atly wideoaragatnaşyk arkaly söhbetdeşlik geçirildi. Bu söhbetdeşlikde hormatly Prezidentimiziň bize peşgeş beren gymmatly eserlerinde Watana bolan söýgi, dost-doganlyk, agzybirlik ündelýän temalar hakynda giňişleýin gürrüň edildi. Şeýle-de söhbetdeşligiň dowamynda kitaplar hakyndaky maglumatlary elektron ulgama geçirmek işi dogrusynda durlup geçildi. Munuň özi kitaphanalarda alnyp barylýan täze iş usullaryna kömek bolar. Bu çäre mynasybetli «Hormatly Prezidentimiziň kitaplary — watansöýüjiligiň belent nusgasy» ady bilen kitap sergisi hem guraldy.

29 Ýanwar 2021

Medeniýet

Beýik başlangyçlar rowaçlanýar

Berkarar döwletimiziň bagtyýarlyk döwrüniň «Türkmenistan — parahatçylygyň we ynanyşmagyň Watany» atly ajaýyp ýylynda hormatly Belent Serkerdebaşymyzyň il-ýurt bähbitli alyp barýan giň möçberli işleriniň netijesinde ýurdumyz ähli ugurlar boýunça uly ösüşleri gazanyp, aýdyň geljege tarap ynamly öňe barýar. Türkmenistanyň Döwlet gümrük gullugynda hem işleri döwrüň ösen talaplaryna laýyk guramak, maddy-enjamlaýyn binýadyny yzygiderli pugtalandyrmak we sanly ulgamy ornaşdyrmak boýunça uly işler alnyp barylýar. Häzirki wagtda bu öňdebaryjy ulgam örän çalt depginler bilen ösüp, dünýäniň köp ýurtlarynda giňden ulanylýar. Bu ulgam önümçilik, bilim, saglygy goraýyş, ulag kommunikasiýa ulgamlarynda, işewür telekeçilikde hem-de beýleki dürli ugurlarda giňden peýdalanylýar. Sanly ykdysadyýet ýokary hil we amatlylyk babatynda has netijeli, köptaraplaýyn ähmiýete eýe bolup durýar. Sanly ulgamyň ornaşdyrylmagy bilen harytlaryň we hyzmatlaryň ählumumy bazarlar gurşawyna çykmak we olaryň dünýäniň islendik ýerindäki sarp edijiler üçin elýeterli bolmak şerti has-da ýokarlanýar. Harytlary we hyzmatlary göni aragatnaşyk ulgamynda hödürlemek mümkinçiligi artýar. Şeýle hem sanly ykdysadyýetiň ornaşdyrylmagy esasy ykdysady işleriň ähli görnüşleriniň awtomatlaşdyrylmagyny we merkezleşdirilen tertipde dolandyrylmagyny üpjün edýär. Önümçilik we sarp ediş bazarlarynyň ösdürilmegine, özara maglumat alyşmagy

29 Ýanwar 2021

Garaşsyzlyk

Bagtyýarlyk mekany

Ak mermerli Aşgabadyň barha özgerýän nurana keşbi hormatly Prezidentimiziň ýurdumyzyň baş şäherini mundan beýläk hem hemmetaraplaýyn ösdürmek barada edýän taýsyz tagallalaryndan, döwletli tutumlaryndan gözbaş alýar. Mälim bolşy ýaly, Gahryman Arkadagymyz paýtagtymyz boýunça iş saparyny yzygiderli amala aşyryp, merjen şäherimizde ýaýbaňlandyrylan şähergurluşyk-binagärlik maksatnamasynyň durmuşa geçirilişini hemişe öz gözegçiliginde saklaýar. Häzirki wagtda Aşgabadyň möhüm düzüm bölegini düzýän desgalar, daş-töweregi döwrebap abadanlaşdyrylan jemgyýetçilik binalary, suw çüwdürimlerine beslenen seýilgähler, ýaşyl zolaklar özara sazlaşygyň ajaýyp nusgasyny kemala getirýär, ak mermerli şäheriň gözelligini artdyrýar. Milli Liderimiz golaýda paýtagtymyza iş saparynyň barşynda Aşgabadyň gözel künjekleriniň birinde bina edilýän köpugurly işewürlik merkezli kaşaň «Garagum» myhmanhanasynyň we onuň golaýynda ýerleşen seýilgähiň hem-de Aşgabat — Türkmenabat awtobanynyň gurluşyk işleriniň barşy bilen tanyşdy. Özboluşly döwrebap gurluşy we bezeg aýratynlygy bilen tapawutlanýan 6,9 gektar meýdany eýeleýän 9 gatly bu myhmanhana ýakyn wagtlarda Aşgabadyň kämil binagärlik toplumynyň aýrylmaz bölegine öwrüler. Şeýle hem bu ýerde gurulýan Söwda-dynç alyş merkezi we 9,75 gektar meýdany öz içine alýan döwrebap seýilgäh diňe bir şäherimiziň ýaşaýjylarynyň däl, eýsem, Aşgabada gelýän myhmanlaryň hem wa

29 Ýanwar 2021

Jemgyýet

Üns beriň, bäsleşik!

Mukaddes Garaşsyzlygymyzyň şanly 30 ýyllygynyň giňden bellenilýän, «Türkmenistan — parahatçylygyň we ynanyşmagyň Watany» ýylynda Aşgabat şäheriniň döredilmeginiň 140 ýyllygy mynasybetli Aşgabat şäher häkimligi, Türkmenistanyň Demokratik partiýasynyň Aşgabat şäher komiteti, Türkmenistanyň Magtymguly adyndaky Ýaşlar guramasynyň Aşgabat şäher geňeşi, «Aşgabat» gazetiniň redaksiýasy bilelikde iň gowy makalalaryň we goşgularyň, dürli žanrlarda ýazylan eserleriň hem-de paýtagtymyzyň gözel künjeklerinden düşürilen fotosuratlaryň «Arkadagyň ak şäheri — Aşgabat» atly döredijilik bäsleşigini yglan edýär. Bäsleşige döredijilik işgärleri bilen bir hatarda, paýtagtymyzda we ýurdumyzyň dürli künjeklerinde ýaşaýan ildeşlerimiz gatnaşyp bilerler.

29 Ýanwar 2021

Medeniýet

Ykbalyň bagt ýyldyzy hemmelere miýesser etsin

Hamal (guzy 21.03-20.04) Geljek hepde hamallar üçin wakalara baý bolup, örän gyzgalaňly geçer. Hepdäniň birinji ýarymy şowly bolar, öňden galan meseleleriňizi çözmek üçin amatly pursada öwrüler. Hamallara täze tanyşlyklar garaşýar. Ýöne olara dostluk bilen işewürlik aragatnaşyklarynda araçäk goýup, şertnamalary içgin öwrenmek maslahat berilýär.

29 Ýanwar 2021

Jemgyýet

Lukman maslahat berýär

Bir gezeklik örtügi 2 sagatdan artyk ulanmak maslahat berilmeýär. Kesellemegiň öňüni almak üçin arassa agyz suwy we iýmit önümlerini ulanmaly.

29 Ýanwar 2021

Saglyk

Arkadagyň ak şäheri ajaýyp

Hormatly Prezidentimiz Gurbanguly Berdimuhamedow Aşgabatda we tutuş ýurdumyzda ýaýbaňlandyrylan özgertmeler maksatnamalarynyň durmuşa geçirilişini berk gözegçilikde saklap, raýatlarymyzyň ähli amatlyklaryň hözirini görüp ýaşamaklary üçin döredilýän oňaýly şertler, öňdebaryjy tehnologiýalary ornaşdyrmak hem-de ekologiýa abadançylygyny üpjün etmek bilen baglanyşykly meselelere hemişe aýratyn üns berýär. Uzak geljegi nazara almak bilen, ýurdumyzyň baş şäherini ösdürmek milli Liderimiziň öňe süren täzeçil şähergurluşyk maksatnamasynyň esasy ugurlarynyň biri bolup durýar. Paýtagtymyzyň häzirki keşbinde tutuş ýurdumyzyň durmuş-ykdysady ösüşiniň depginleri, onuň köpugurly kuwwaty, mähriban halkymyzyň baý taryhy we medeni däpleri öz aýdyň beýanyny tapýar.

27 Ýanwar 2021

Garaşsyzlyk

Gatnaşyklar berkidilýär

Golaýda Türkmenistanyň Daşary işler ministrliginde türkmen-belarus geňeşmeleri geçirildi. Oňa Belarus Respublikasynyň daşary syýasat edarasynyň ýolbaşçysy Wladimir Makeý gatnaşdy. Wideomaslahat görnüşinde geçirilen duşuşygyň gün tertibine syýasy-diplomatik, söwda-ykdysady we medeni-ynsanperwer ulgamlardaky ikitaraplaýyn hyzmatdaşlygyň wajyp meseleleri girizildi. Şunda däbe öwrülen dostlukly döwletara gatnaşyklary pugtalandyrmakda ýokary derejedäki özara gatnaşyklaryň ähmiýeti aýratyn nygtaldy. Geňeşmeleriň dowamynda BMG, ÝHHG, GDA ýaly abraýly sebit we halkara düzümleriniň ugry boýunça gatnaşyklaryň netijeliligi bellenildi. Hususan-da, dürli ugurlarda hyzmatdaşlygyň netijeli ugry bolan Garaşsyz Döwletleriň Arkalaşygynyň çäklerinde özara gatnaşyklar meselesi barada aýdyldy.

27 Ýanwar 2021

Hyzmatdaşlyk

Paýtagtymyzyň täsin keşbi

Öňňin hormatly Prezidentimiz Gurbanguly Berdimuhamedow paýtagtymyz boýunça iş saparyny amala aşyryp, köpugurly işewürlik merkezli kaşaň “Garagum” myhmanhanasynyň we onuň golaýynda ýerleşen seýilgähiň hem-de Aşgabat — Türkmenabat awtobanynyň gurluşygynda alnyp barylýan işler bilen tanyşdy. Hormatly Prezidentimiz ilki bilen paýtagtymyzyň demirgazyk künjeginde, A.Nyýazow we Hoja Ahmet Ýasawy köçeleriniň ugrunda gurulýan desgalaryň gurluşyk meýdançasyna geldi. Bu ýerde döwlet Baştutanymyzy Ministrler Kabinetiniň Başlygynyň käbir orunbasarlary, Aşgabat şäheriniň häkimi, ministrlikleriň we pudaklaýyn dolandyryş edaralarynyň birnäçesiniň ýolbaşçylary garşyladylar.

27 Ýanwar 2021

Garaşsyzlyk

Nurly binalaryň öwüşgini

Berkarar döwletimiziň bagtyýarlyk döwründe Gahryman Arkadagymyzyň parasatly baştutanlygynda ýurdumyzyň dürli künjeklerinde bolşy ýaly, paýtagtymyz Aşgabatda hem gurluşyk işleri giň gerimde ýaýbaňlandyryldy. Şeýle işleriň netijesinde kemala gelen merjen şäherimiziň täsin binagärlik keşbi halkymyzyň göz-guwanjyna öwrüldi. Soňky ýyllarda bina edilýän desgalaryň hasabyna paýtagtymyzyň çägini giňeltmek işleri yzygiderli durmuşa geçirilýär. Munuň aýdyň mysaly bolsa gojaman Köpetdagyň etegindäki gurluşygy batly depginler bilen alnyp barylýan desgalar toplumynda hem duýulýar.

27 Ýanwar 2021

Jemgyýet

Türkmen-owgan hyzmatdaşlygynyň täze ugurlary

Belent mertebeli Prezidentimiz Gurbanguly Berdimuhamedow 2021-nji ýylyň 14 — 15-nji ýanwarynda ýurdumyzyň Lebap welaýatyna amala aşyran iş saparynyň çäklerinde halkara ulag, energetika we aragatnaşyk ulgamlarynyň işe girizilmegi mynasybetli dabaralara gatnaşdy. Şonda milli Liderimiziň olaryň işine ak pata bermegi «Türkmenistan — parahatçylygyň we ynanyşmagyň Watany» diýlip yglan edilen ýylymyzyň ilkinji günleriniň şanly wakalary bolup, ähli türkmenistanlylary guwandyrdy. 14-nji ýanwarda Owganystan Yslam Respublikasynyň Akina — Andhoý beketleriniň arasyndaky 30 kilometrlik demir ýoluň ulanylmaga berilmegi, şeýle hem Kerkiden Owganystanyň Şibirgan şäherine çenli ugur boýunça güýjenmesi 500 kilowolt bolan 153 kilometrlik elektrik geçiriji ulgamyň we ýurtlarymyzyň arasyndaky Ymamnazar (Türkmenistan) — Akina (Owganystan) hem-de Serhetabat (Türkmenistan) — Turgundy (Owganystan) optiki-süýümli halkara ulgamyň işe goýberilmegi mynasybetli dabaralar boldy. Dabaralara hormatly Prezidentimiz Gurbanguly Berdimuhamedow hem-de Owganystan Yslam Respublikasynyň Prezidenti Mohammad Aşraf Gani gatnaşdylar.

27 Ýanwar 2021

Hyzmatdaşlyk

Milli ykdysadyýetimiziň kuwwaty ýokarlanýar

Hormatly Prezidentimiziň ylmy taýdan esaslandyrylan öndengörüjilikli ykdysady syýasatynyň üstünlikli amala aşyrylmagynyň netijesinde bazar ykdysadyýetiniň kemala gelmeginde uly ösüş gazanylýar, düýpli sepgitlere ýetilýär. Maýa goýum syýasaty ýurdumyzyň mundan beýläk hem ýokary depginli ösüşini üpjün etmäge, täze iş ýerlerini döretmäge we ilatyň ýaşaýyş-durmuş şertlerini has-da gowulandyrmaga mümkinçilik berýär. Ýurdumyzyň milli ykdysadyýetinde maýa goýumlaryň artmagy jemi içerki önümiň ösüşine uly täsirini ýetirýär. Bu görkeziji netijeli häsiýete eýe bolup, ol belli bir hojalyk subýektine goýlan maýa goýumyň netijesinde, şol subýektiň önümçiliginiň ýokarlanmagyna hem uly ýardam edýär. Maýa goýumlaryny çekmek we olary netijeli peýdalanmak, ýurdumyzyň ykdysady syýasatynyň ileri tutulýan ugurlarynyň biri bolup durýar. Maýa goýumlaryň maksatlaýyn ugrunyň möhümdigini bellemek zerurdyr. Ýurdumyza daşyndan çekilýän we içinde özleşdirilýän maýa goýumlar, bularyň ikisi hem, halkyň bähbidine, abadan ýaşaýşyna, milli ykdysadyýetiň ösüşine gönükdirlendir. Halkymyzyň ýaşaýyş-durmuş şertlerini mundan beýläkde has-da gowulandyrmak maksady bilen, milli Liderimiz «Türkmenistanyň 2020-nji ýyl üçin maýa goýum Maksatnamasyny» kabul etdi. Bu kabul edilen Maksatnamany üstünlikli durmuşa geçirmekde ýurdumyzyň Senagatçylar we telekeçiler birleşmesiniň agzalary bolan hususy ulgamyň paýy hem uly boldy.

27 Ýanwar 2021

Ykdysadyýet

Ählumumy parahatçylygyň we abadançylygyň bähbidine

Berkarar döwletimiziň bagtyýarlyk döwründe ösýän, özgerýän ýurdumyz adamzadyň umumy bähbitleriniň hatyrasyna dünýäniň ençeme ýurtlary, Birleşen Milletler Guramasy we beýleki halkara guramalary bilen strategik hyzmatdaşlygy has-da ösdürýär. Işjeň halkara hyzmatdaşlygy dünýäde ählumumy parahatçylygyň, howpsuzlygyň hem-de durnukly ösüşleriň bähbitlerine gönükdirilendir. Muňa ýurdumyzyň paýtagtynda Birleşen Milletler Guramasynyň Merkezi Aziýa üçin Öňüni alyş diplomatiýasy boýunça Sebit merkeziniň, Ýewropa Öýüniň hereket etmegi, döwletimiziň birnäçe gezek BMG-niň Baş Assambleýasynyň mejlisleriniň wise-başlyklygyna saýlanylmagy hem şaýatlyk edýär. Munuň özi sebitiň ýurtlarynyň, iri halkara guramalarynyň, şeýle hem Birleşen Milletler Guramasynyň uly hormatyna mynasyp bolan Bitarap Türkmenistanyň dünýäde abraý-mertebesiniň örän ýokarydygynyň subutnamasydyr. Hormatly Prezidentimiziň parasatly baştutanlygynda ata Watanymyz halkara borçnamalaryna hem-de halkara hukugynyň ýörelgelerine berk we gyşarnyksyz eýerýän döwlet hökmünde dünýä jemgyýetçiliginiň ykrarnamasyna eýe boldy. Baky Bitaraplyk hukuk ýagdaýyna eýe bolan ýurdumyzyň geosyýasy hem-de geoykdysady mümkinçilikleri parahat durmuşy pugtalandyrmakda, döredijilikli ösüşleri gazanmakda möhüm orun eýeleýär. Garaşsyz, baky Bitarap döwletimiz Gahryman Arkadagymyzyň baştutanlygynda Birleşen Milletler Guramasy bilen syýasatda, ykdysadyýetd

27 Ýanwar 2021

Bitaraplyk

Watan mukaddesdir

Golaýda Aşgabat şäher Medeniýet müdirliginiň Bagtyýarlyk medeniýet öýünde Watan goragçylarynyň güni mynasybetli «Sylagymyzam, sarpamyzam Watandyr» ady bilen aýdym-sazly dabara geçirildi. Aşgabat şäher Medeniýet müdirliginiň Gypjak hem-de Bagtyýarlyk medeniýet öýleriniň bilelikde guramagynda geçirilen çärede eziz Diýarymyzyň asudalygyny üpjün edýän Watan goragçylarynyň merdanalygy dogrusynda giňişleýin çykyşlara orun berildi.

27 Ýanwar 2021

Garaşsyzlyk

Arassaçylyk — saglygyň girewi

Elleriň arassaçylygy köp keselleriň öňüni almakda esasy usullaryň biri bolup durýar. Elleri nahardan öň, daşardan ýa-da işden geleniňizden, öý-hojalyk işlerini bitireniňizden soň hökmany ýagdaýda ýuwmalydyr. Hapa elleriň üsti bilen ýiti respirator wirus keselleri geçip bilýär. Özüňizi goramaly, agyz-burun örtüklerini dakynmaly, adamlar bilen gatnaşyklaryňyzda howpsuz 2 metr araçägi saklamaly, arassaçylygy berjaý etmeli, çygly süpürgiçleri köpräk ulanmaly. Iýmit önümleriniň saklanyşyna üns bermeli. Bedeniň immun ulgamyny berkitmeli, sagdyn durmuş ýörelgesini alyp barmaly, wagtly-wagtynda dynç almaly, dogry iýmitlenmeli we fiziki maşklar bilen yzygiderli meşgullanmaly. Bellenilişi ýaly, el ýuwujy serişdeleriniň oýlanyp tapylmazyndan ozal, adamlar dürli otlardan ýasalan melhemleri ulanypdyrlar. Bu serişdeler derini gowy tämizläp, ýakymly hoşboý yslary berýär. Hormatly Prezidentimiz Gurbanguly Berdimuhamedowyň «Türkmenistanyň dermanlyk ösümlikleri» atly köp jiltli ylmy-ensiklopedik kitabynda ýurdumyzda bitýän melhemlik ösümlikleriň arasynda köp keselleri bejermekde ulanylýan üzärlik, süýji buýan köki barada gymmatly maglumatlar bar. Bu ösümliklerden taýýarlanylýan melhemleri ulanmak maslahat berilýär. Elleri birnäçe sekuntlap ýuwujy serişde bilen ýuwup, akar suwda durlamaly. Bu ýagdaýy günüň dowamynda yzygiderli gaýtalamaly. Eger elleriňizi ýuwmaga mümkinçilik bolmasa, bu ýagdaýda

27 Ýanwar 2021

Saglyk

Bereketli topragyň nygmaty

Güneşe baý türkmen topragynda ösdürilip ýetişdirilýän gök we bakja ekinleri, dürli miweler ynsan saglygyna örän peýdalydyr. Ýurdumyzda has gadymy döwürden bäri ekilip gelinýän künjüdir zeýtun tebigatyň eçilen täsin ösümlikleri bolup, olaryň ikisinden-de ýag alynýar. Pederlerimiz bu gymmatly ekinleri ösdürip ýetişdirip, ýörite guralyň — juwazyň kömegi bilen olardan ýag alypdyrlar. Ynsan üçin peýdaly bolan künji we zeýtun ýaglary diňe bir iýmitlik üçin däl, eýsem, halk lukmançylygynda-da giňden ulanylypdyr. Ata-babalarymyzyň nusgalyk ýol-ýörelgelerini mynasyp dowam etdirýän hormatly Prezidentimiz ýurdumyzda oba hojalyk ekinlerini ösdürip ýetişdirip, halkymyzy ýokary hilli, ekologiýa taýdan arassa önümler bilen üpjün etmek babatda yzygiderli alada edýär. Munuň özi diňe bir mukaddes saçaklarymyzda, ak bazarlarymyzda bereket bolçulygyny döretmek baradaky alada bolman, halkymyzyň saglygy baradaky aladany hem öz içine alýar. Daýhanlarymyza uzakmöhletli ýer bölekleriniň bölünip berilmegi, ýeňillikli karz serişdeleriniň goýberilmegi, dökün, suw, tehnika bilen yzygiderli üpjün edilmegi ekerançylaryň, bagbanlaryň ene toprakdan bol hasyl almaklaryna oňaýly şertleri döredýär. Netijede, dürli gök we bakja ekinleri, miweli baglar bilen birlikde, künjüdir zeýtunyň ösdürilip ýetişdirilmegine hem aýratyn ähmiýet berilýär.

27 Ýanwar 2021

Tebigat

Lukman maslahat berýär

Her bir maşgalada nahar taýýarlamak işi azyklyk çig maly satyn almakdan başlanýar. Şonuň üçin hem bu önümleri diňe azyk söwdasynyň satuwy rugsat berlen söwda nokatlaryndan — bazarlardan we azyk harytlarynyň söwdasyny amala aşyrýan dükanlardan almaly. Azyk önümleriniň söwdasy edilende, onuň belgileniş nyşanynda görkezilýän maglumatlara, ýagny, hökmany suratda ýaramlylyk möhletine, saklanyş şertlerine, düzümine, daşky görnüşine, önümiň ysyna, reňkine we beýleki ýagdaýlaryna üns bermeli. Azyk önümleri satyn alnanda, çalt zaýalanýanlaryny, ýagny, süýt, et we şöhlat, konditer, balyk we deňiz önümlerini, ýumurtgany diňe zerur mukdarda almaga endik edinmeli, ylaýta-da, howanyň yssy wagtlary bu endigi berk berjaý etmek hökmandyr.

27 Ýanwar 2021

Saglyk