Türkmenmetbugat

Ylym-bilim — ömürlere şamçyrag

Hormatly Prezidentimiziň parasatly baştutanlygynda Garaşsyz, hemişelik Bitarap Diýarymyz il-ýurt, şöhratly geljek üçin bitirilýän möhüm ähmiýetli beýik işler bilen özgerýär, ösýär, bagtyýarlygyň röwşen ýoly bilen öňe gidýär. Şu günler berkarar Diýarymyz özüniň mukaddes Garaşsyzlygynyň 33 ýyllyk baýramçylygyny ýetilen beýik sepgitler, gazanylan zähmet üstünlikleri bilen garşylamaga uludan taýýarlyk görýär. Bagtyýar halkymyz dünýäde şan-şöhraty barha artýan Watanymyzyň beýik geljeginiň hatyrasyna uly ruhubelentlik bilen gurýar we döredýär, Garaşsyzlygyň peşgeş eden bagtyýarlyk zamanasynda çäksiz buýsanç duýgusy bilen ýaşaýar. Geçen ýyllara nazar salyp, Watan, halk, sebit we umumadamzat üçin bitirilen beýik işleri, ýetilen üstünlikli menzilleri aňyňda aýlanyňda, Gahryman Arkadagymyzyň, Arkadagly Gahryman Serdarymyzyň Watana, halkymyza bolan belent söýgüsiniň, hormat-sarpasynyň belentligine bolan buýsanjyň artýar. Döwür türkmeniň öňde-soňda eden arzuwynyň amala aşyrylýandygyny äleme äşgär etdi. Aýratyn bellemeli zatlaryň biri hem, uzaklary nazarlaýan, ilkinji nobatda durýan möhüm wezipeleriň çözgüdi kesgitlenildi, olar babatda tutuş asyra barabar işler durmuşa ornaşdyryldy. Ylym-bilim ulgamyna ylmyň gazananlarynyň, önümçilige täze tehnologiýalaryň, öňdebaryjy tehniki enjamlaryň ornaşdyrylmagy babatda edilen ägirt uly işleriň gerimi köpleri haýran galdyrýar. Gahryman Arkadagymyzyň

1 gün öň

Arkadagyň ak ýoly — bagtyýarlyk ýolumyz, Arkadagly Serdarymyz — şöhratymyz, şanymyz!

Türkmen halkynyň milli lideri, Türkmenistanyň halk maslahatynyň başlygyGurbanguly BERDIMUHAMEDOW: — Türkmen-owgan gatnaşyklarynyň gadymdan gelýän köpasyrlyk taryhy kökleri bar. Hemme döwürlerde-de özara hormat, mertebe, deňhukuklylyk, deňagramlylyk, dost-doganlyk nyşany şu güne çenli dowam edip gelýär. Bu gatnaşyklar häzirki döwürde täze many-mazmuna eýe bolýar.

1 gün öň

Dost-doganlygyň ýurdy

Berkarar Diýarymyz tebigy gazyň ägirt uly gorlaryna eýelik etmek bilen, diwersifikasiýanyň, dünýä bazarlaryna energiýa serişdelerini ibermegiň köpasyrlaýyn ulgamyny döretmek arkaly, mawy ýangyjy eksport etmek boýunça giň gerimli işleri alyp barýar. «Galkynyş» ýatagyndan gözbaş alýan TOPH gaz geçirijisiniň taslamasynyň durmuşa geçirilmegi, sebitde öňde duran meseleleri çözmek bilen birlikde, parahatçylygy we durnukly ösüşi berkitmäge hem uly ýardam eder. Hemmämize mälim bolşy ýaly, 2018-nji ýylyň 23-nji fewralynda Mary welaýatynyň Tagtabazar etrabynda «Türkmenistan — Owganystan — Pakistan — Hindistan» gaz geçirijisiniň owgan böleginiň gurluşygyna badalga berlipdi, şeýle hem Türkmenistan — Owganystan — Pakistan elektrik we optiki-süýümli aragatnaşyk geçirijileriniň düýbi tutuldy.

1 gün öň

Hyzmatdaşlyk

Güller — kalbyň mukamy

Düýn Türkmenistanyň Jemgyýetçilik guramalarynyň merkezinde gülleri ösdürip ýetişdirýän gyz-gelinleriň arasynda «Güller — gözelligiň, parahatçylygyň aýdymy» ady bilen hünär bäsleşigi we täsin gülleriň sergisi geçirildi. Türkmenistanyň Kärdeşler arkalaşyklarynyň Milli merkeziniň, Türkmenistanyň Zenanlar birleşiginiň Merkezi Geňeşiniň, şeýle-de Aşgabat şäher häkimliginiň bilelikde guramagynda geçirilen bäsleşik we sergi özüniň ýokary ruhubelentligi bilen tapawutlandy. Ýakymly ysy, gözel görnüşi bilen ähli ýaşdaky adamlary özüne bendi edýän älemgoşar reňkli gülleriň sergisi bu ýere gelenlerde ýakymly duýgulary döretdi. Dabaranyň dowamynda ajaýyp güller dogrusynda täsin çykyşlar guraldy. Dünýäde 300 müňden gowrak görnüşi gabat gelýän güller dermanlyk we bezeg ähmiýetli ulanylýar. Iň owadan güllerden boglan çemeniň sowgat edilmegi ähli döwletlerde hem sylag-hormatyň, söýginiň nyşany hasaplanypdyr. Bilermenleriň aýtmaklaryna görä, durmuşyň gözelligi bolan anbar ysly bägüllere seredeniňde, kalbyňda döredijilige bolan söýgiň artýar. Aýtmaklaryna görä, owadan güller döredijiligiň hem ylham çeşmesi bolup hyzmat edýär. Şweýsariýaly we fransiýaly alymlaryň geçiren barlaglaryna görä, ilkinji gülleriň döreýşi, ýagny dinozawrlaryň Ýeriň ýüzünde ýaşaýan döwürlerine gabat gelipdir.

1 gün öň

Medeniýet

Röwşen geljegi nazarlap

Golaýda paýtagtymyzdaky Çagalar awtoşäherçesiniň tejribelik meýdançasynda Türkmenistanyň Içeri işler ministrliginiň Polisiýanyň ýol gözegçiligi müdirliginiň, Aşgabat şäheriniň Polisiýa müdirliginiň, Aşgabat garnizonynyň Harby awtomobil gözegçiliginiň, Ýangyn howpsuzlygy müdirliginiň, Türkmenistanyň Saglygy goraýyş we derman senagaty ministrliginiň Saglygy goraýyş awtoulaglary kärhanasynyň, Aşgabat şäher Baş bilim müdirliginiň bilelikde guramagynda ýol hereketiniň düzgünleri bilen tanyşdyrmak boýunça amaly-tejribe okuwlary geçirildi. «Ýol hereketiniň howpsuzlygy — ömrümiziň rahatlygy» atly biraýlygyň işjeň geçirilmegi indi asylly däbe öwrüldi. Biraýlyk mynasybetli Meýilnama boýunça tassyklanan toplumlaýyn çäreler yzygiderli geçirilýär. Bu amaly-tejribe okuwlarynyň geçirilmeginiň esasy maksady mekdep okuwçylaryna köçelerde we ýollarda howpsuz hereket etmegiň kadalaryny öwretmekden ybaratdyr. Amaly-tejribe okuwlarynda degişli gullugyň tejribeli hünärmenleri mekdep okuwçylaryna ýörite duýdurmalar ulanýan awtoulaglarda bar bolan enjamlar, olaryň ýerine ýetirýän wezipeleri we aňladýan duýdurmalary, enjamlaryň ulanylyşy barada düşündiriş işlerini geçirdiler. Şeýle hem, enjamlaryň we duýdurmalaryň ulanylyşyny tejribe usulynda mekdep okuwçylaryna görkezdiler. Okuwlaryň ahyrynda degişli gulluklaryň işgärleri we hünärmenleri okuwçylary gyzyklandyrýan sowallara jogap berdiler. Bu ýerde gu

1 gün öň

Diýarymyň ýüregi sen, Aşgabat!

Berkarar döwletiň täze eýýamynyň Galkynyşy döwründe Gahryman Arkadagymyzyň, Arkadagly Gahryman Serdarymyzyň taýsyz tagallalary netijesinde Aşgabat gün-günden gözelleşýär. Ajaýyp binagärligi özünde jemleýän, milli öwüşginleri bilen göreni haýrana goýýan, hatar guraýan owadan binalaryň, önümçilik kärhanalaryň, medeni-durmuş, ylym-bilim, saglyk maksatly desgalaryň, ýokary amatlyklary bolan ýaşaýyş jaýlaryň utgaşykly sazlaşygy paýtagtymyzyň görküne görk goşýar. Bu binalar diňe daşky gözelligi bilen däl, eýsem, ýokary hil derejesi, dünýä ülňülerine laýyk gelýändigi bilen hem tapawutlanýar. Paýtagtymyzdaky köpsanly binalar halkara derejede geçirilen binagärlik bäsleşikleriniň abraýly baýraklaryna mynasyp bolup, olaryň ençemesi Ginnesiň Bütindünýä rekordlar kitabyna girizildi. Gahryman Arkadagymyzyň jöwher paýhasyndan kemala gelýän Aşgabady binagärlik sungatynyň kämil nusgasyna öwürmek işleri häzirki wagtda hormatly Prezidentimiz tarapyndan üstünlikli dowam etdirilýär. Gözel paýtagtymyzda giňden bellenilýän Bilimler we talyp ýaşlar gününde hormatly Prezidentimiz Serdar Berdimuhamedowyň gatnaşmagynda ýurdumyzyň baş şäheriniň ajaýyp binagärlik keşbine sazlaşykly utgaşýan täze desgalaryň açylyş dabaralary boldy. Açylyp ulanylmaga berlen Aşgabat şäher häkimliginiň toplumynyň binasy halkymyzyň bagtyýar zamanamyza bolan buýsanjyny goşalandyrýar. Şähergurluşyk-binagärlik keşbi barha kämil gö

1 gün öň

Dillerimiziň dessany

Golaýda Türkmenistanyň Jemgyýetçilik guramalarynyň merkezinde Dünýä türkmenleriniň ynsanperwer birleşiginiň XXV maslahaty geçirildi. Ýurdumyzyň baş baýramy — Garaşsyzlyk gününiň öňüsyrasynda geçirilen maslahatyň işine daşary ýurtlarda ýaşaýan türkmenleriň wekilleri hem gatnaşdylar. Maslahatyň öňüsyrasynda halkymyzyň baý medeni mirasynyň, geçmişiniň we özboluşly däp-dessurlarynyň köpöwüşginliligini görkezýän şekillendiriş we amaly-haşam sungatynyň sergisi ýaýbaňlandyryldy. Maslahatda hormatly Prezidentimiz Serdar Berdimuhamedowyň maslahata gatnaşyjylara iberen Gutlagy uly ruhubelentlik bilen diňlenildi. Häzirki wagtda daşary ýurtlaryň 14-sinde, hususan-da, Russiýa Federasiýasynda, Beýik Britaniýada, Germaniýa Federatiw Respublikasynda, Şwesiýada, Ukrainada, Owganystanda, Birleşen Arap Emirliklerinde, Saud Arabystany Patyşalygynda, Pakistan Yslam Respublikasynda, Türkiýede, Özbegistanda, Gazagystanda, Gyrgyz Respublikasynda we Täjigistanda Dünýä türkmenleriniň ynsanperwer birleşiginiň bölümleriniň 27-si hereket edýär.

1 gün öň

Mukaddes Garaşsyzlyk — döwürleriň ganaty

«Pähim-paýhas ummany Magtymguly Pyragy» ýylynda mähriban halkymyz mukaddes Garaşsyzlygymyzyň 33 ýyllyk baýramçylygyny guwandyryjy üstünliklere, buýsançly wakalara besläp, uly dabara bilen belleýär. Müňýyllyklara uzap gidýän şöhratly geçmişi bolan türkmen topragynda bu günler taryha altyn harplar bilen ýazylýan bagtyýarlyk döwrüniň şanly senesi — beýik Garaşsyzlyk toýy toýlanýar. Türkmen halky döwletliligiň, azatlygyň, galkynyşyň röwşen belentliklerine çykyp, ata-babalarymyzyň arzuwlan berkarar döwletinde, agzybirlik suprasynyň başynda bagtyýar ýaşaýar. 33 ýylda ädimme-ädim geçilen ýol, döwlet bilen halkyň ägirt uly tagallalary jemgyýetimiziň kämilligini, milletimiziň çuňňur paýhasyny, asyrlarboýy kemala getiren beýik taryhynyň şan-şöhratyny dünýä ýaýdy. Garaşsyzlygyň ýoly syýasy babatda-da, durmuş-ykdysady ösüşleri nazara alanyňda-da, uly taryhy zamananyň gerimine barabar döwürdir. Garaşsyzlyk ýyllarynda Gahryman Arkadagymyzyň milliligi döwlet syýasaty derejesinde belende galdyrmagy, Arkadagly Gahryman Serdarymyzyň bu syýasaty paýhasly dowam etdirmegi jemgyýetçiligiň durmuşyna täsir eden oňyn çözgüt boldy.

1 gün öň

Köňülleriň kelamy

Mähriban halkymyz bu gün mukaddes Garaşsyzlygymyza guwanyp, bagtyýarlygymyza buýsanyp, beýik geljegimize, has belent sepgitlere tarap ynamly öňe barýar. Gahryman Arkadagymyzyň, Arkadagly Gahryman Serdarymyzyň taýsyz tagallalary bilen il-ýurt, umumadamzat ähmiýetli bitirilen beýik işler kalbymyzdaky ynamy artdyryp, durmuşymyza giň many-mazmun çaýýar. Garaşsyzlyk ýyllarynda ýurdumyzyň dürli ulgamlarynda beýik ösüşler gazanyldy, ählumumy parahatçylyk we howpsuzlyk babatynda netijeli işler amala aşyryldy, hoşniýetli goňşuçylyk, dostluk we hyzmatdaşlyk gatnaşyklary ösdürildi. Bu günki günde paýtagtymyzyň ajaýyp künjeginde ýerleşýän Garaşsyzlyk binasy mähriban halkymyzyň buýsanjyny goşalandyrýan, uly höwes bilen gezelenç edýän ýerine öwrüldi. Berkarar Diýarymyzyň paýtagty gözel Aşgabat, beýik ösüşlerimiziň serweri Arkadag şäheri bu gün täze gurlan we gurulýan, öňdebaryjy tehnologiýalar bilen üpjün edilen täsin ymaratlary, ýaşaýyş jaýlary, umumybilim berýän orta, ýörite orta, ýokary okuw mekdepleri, çagalar baglary, medeniýet öýleri, sport desgalary, saglygy goraýyş edaralary bilen görenleri haýrana goýýar. Türkmen döwleti hormatly Prezidentimiziň çuň parasaty netijesinde, sözüň doly manysynda bedew bady bilen beýik ösüşleriň röwşen ýoluny külterleýär. Syýasatda, medeniýetde, ykdysadyýetde gazanylýan üstünlikler ähli halkymyzy guwandyrýar. Milli kanunçylygymyz kämilleşdirilýär, jemg

1 gün öň

Türkmenistanyň Halk Maslahaty: ösüşiň aýdyň menzilleri

Türkmen halkynyň Milli Lideri Gahryman Arkadagymyzyň «Döwlet adam üçindir!» diýen şygary, hormatly Prezidentimiziň «Watan diňe halky bilen Watandyr! Döwlet diňe halky bilen döwletdir!» diýen baş ýörelgesi bu gün dillerimiziň senasy, köňüllerimiziň owazy bolup ýaňlanýar. Mukaddes Garaşsyzlygymyzyň 33 ýyllyk baýramçylygynyň öňüsyrasynda geçiriljek Türkmenistanyň Halk Maslahatynyň nobatdaky mejlisi jemgyýetimiziň agzybirligini, jebisligini berkidip, milli demokratiýanyň aýdyň dabaralanmasyna öwrüler. Aslyny Oguz han türkmeniň döwründen alyp gaýdýan halk bilen maslahatlaşmak ýörelgesi mukaddes Garaşsyzlygymyzy, baky Bitaraplygymyzy täze many-mazmun bilen baýlaşdyrýar. «Pähim-paýhas ummany Magtymguly Pyragy» ýylynda uly syýasy-jemgyýetçilik waka öwrüljek taryhy forum türkmen halkynyň Milli Lideri Gahryman Arkadagymyzyň gol çeken Karary esasynda 2024-nji ýylyň 24-nji sentýabrynda Aşgabat şäheriniň Maslahat köşgünde geçiriler. Maslahatda jemgyýetimiziň we döwletimiziň beýik ösüşlerine gönükdirilen möhüm çözgütlerdir kararlar kabul ediler. Ata-babalarymyzyň agzybirligiň we abadançylygyň synmaz sütüni hasaplanýan ýaşuly nesil bilen maslahatlaşmak ýaly asylly ýörelgeleri häzirki wagtda hem öz güýjüni ýitirmän gelýär. Türkmen halkynyň Milli Lideri, Türkmenistanyň Halk Maslahatynyň Başlygy Gahryman Arkadagymyz şol pähime we milli demokratik ýörelgelere eýerip, ata-babalarymyzyň baý taryhy

1 gün öň

Magtymguly pyragy eýýamlaryň şahyry

Gahryman Arkadagymyzyň, Arkadagly Gahryman Serdarymyzyň taýsyz tagallalary bilen häzirki wagtda edebi mirasymyz we Magtymguly Pyragynyň döredijiligi hemmetaraplaýyn çuňňur öwrenilýär. Şeýle uly hormatyň netijesinde şahyryň sarpasy öňküden-de belende galýar. Magtymguly Pyragy durmuşynyň ähli pursatlarynda il-halkynyň agzybirligini we abadançylygyny gazanmak ugrunda alada edipdir. Magtymguly Pyragynyň eserlerini okanyňda, şahyryň türkmen halkynyň ykbaly baradaky alada bilen ýaşandygyna doly göz ýetirýärsiň. Magtymguly Pyragy dünýäniň ruhy hazynasyna uly goşant goşan beýik akyldardyr. Türkmen edebiýatynyň görnükli wekili, söz äleminiň zergäri Magtymguly Pyragynyň edebi mirasy, ýiti pähim-paýhasy, dil baýlygy, pikir ummany çäksizdir. Gahryman Arkadagymyz «Magtymguly Pyragy adamzada tämiz ruhly, sagdyn ahlakly, şirin zybanly ajaýyp şygyrlary miras galdyran akyldar şahyrdyr. Bu günki gün adamzat türkmen halkynyň beýik akyldar ogly Magtymguly Pyragynyň hatyrasyny belentde tutup, söz ussadynyň şygyrlaryndan egsilmez ylham, ruhy güýç alýar» diýip, beýik akyldara ýokary baha berýär.

1 gün öň

Ykbalyň bagt ýyldyzy hemmelere miýesser etsin!

Hamal (guzy 21.03-20.04) Geljek hepdede işleriniň biraz haýallamagy hamallary pikirlendirip biler. Ýöne beýle ýagdaýyň gysga wagtlykdygyny unutmaň we ruhdan düşmäň! Ýüze çykýan ýagdaýlardan netijeli peýdalanmagy başaryň we ünsüňizi meýilnamalaryňyzy kämilleşdirmäge gönükdiriň!

1 gün öň

Asudalyk — abadançylygyň gözbaşy

Ýurdumyzda her ýylyň 1 — 30-njy sentýabry aralygynda «Ýol hereketiniň howpsuzlygy — ömrümiziň rahatlygy» atly biraýlyk geçirilýär. Biraýlygyň çäginde Polisiýanyň ýol gözegçiligi gullugynyň wekilleriniň gatnaşmagynda geçirilýän wagyz-nesihat, düşündiriş işleri özüniň oňyn netijelerini berýär. Mekdep okuwçylarynyň, edara-kärhanalarda zähmet çekýän ýaşlaryň, şeýle-de ýaş sürüjileriň arasynda geçirilýän wagyz-nesihat duşuşyklarynyň netijesinde ýol hadysalary has-da azaldy. Duşuşyklaryň barşynda okuwçy ýaşlara köçe-ýol hereketiniň düzgünlerine eýermek boýunça gymmatly ündewler aýdylýar. Wideogözegçilik ulgamy sürüjileriň we pyýadalaryň ýol hereketiniň kadalaryny doly we dogry berjaý etmegini gazanmaga uly ýardam edýär. Bu döwrebap enjamlar toplumy ýol-ulag hadysalaryny seljermäge, bu baradaky maglumatlary we hereketiň ýygjamlygyny bilmäge, awtoulaglaryň görnüşlerini, kysymlaryny hem-de ýol hadysalarynyň netijelerini öwrenmäge, bu ugurdaky möhüm wezipeleri pugta berjaý etmäge şert döredýär.

1 gün öň

Paýhas çeşmesinden

■ Güýç ýetmeze akyl ýeter. ■ Gepiň azy ýagşy, aşyň — duzy.

1 gün öň

Edebiýat

Saglyk — başymyzyň täji

■ Güýzde howa çigrek bolýar, pasla laýyk geýinmegi unutmaly däl. ■ Sagdyn durmuş ýörelgesini berk berjaý etmeli, zyýanly endiklerden saplanmaly.

1 gün öň

Saglyk

Täsin myhmanhana

Dubaý şäherinde ýerleşýän suwasty myhmanhana özüniň ýokary amatlyklary bilen tapawutlanýar. 2014-nji ýylda gurlan bu bina «Suw diskusy» diýlip atlandyrylýar. Ýylyň ähli paslynda syýahatçylardyr myhmanlary güler ýüz bilen garşylaýan myhmanhanada 21 sany kaşaň otag we ajaýyp howuz ýerleşýär. Şeýle-de, bu ýerde dürli deňiz önümlerinden taýýarlanan tagamlary hödürleýän restoran hem-de sport toplumy bar. Suwuň astynda ýerleşýändigine garamazdan, ajaýyp tropiki howa gurşawy bu ýerde oňat dynç almaga we suwuň astyndaky täsinlikleri synlamaga mümkinçilik berýär. Otaglaryň yşyklandyrylyş aýratynlyklary we täsin aýna örtükleri deňizdäki iň kiçijik jandarlary hem synlamaga ýardam edýär.

1 gün öň

Syýahatçylyk

Ata-eneleriň dykgatyna!

Aşgabat şäheriniň döwlet ätiýaçlandyryş guramasy, mekdep okuwçysynyň ata-enesini, onuň beýleki kanuny wekillerini ýa-da bilelikde ýaşaýan garyndaşlaryny, çagalarynyň howpsuzlygyny üpjün etmek maksady bilen mekdep okuwçylaryny betbagtçylykly hadysalardan meýletin ätiýaçlandyryş hyzmatyndan peýdalanmaga çagyrýar. Ätiýaçlandyrylan mekdep okuwçysynyň ömrüne we saglygyna zyýan ýetmegi bilen bagly bolan şahsy bähbitleri ätiýaçlandyryş obýekti bolup durýar.

1 gün öň

Hyzmatdaşlygyň täze sepgitlerine ýetmek ugrunda

Hormatly Prezidentimiz Serdar Berdimuhamedow ikinji “Merkezi Aziýa — Germaniýa” sammitine gatnaşdy Aşgabat — Astana — Aşgabat, 17-nji sentýabr (TDH). Şu gün hormatly Prezidentimiz Serdar Berdimuhamedow Merkezi Aziýa döwletleriniň Baştutanlarynyň Germaniýa Federatiw Respublikasynyň Federal Kansleri Olaf Şols bilen Astanada geçirilýän ikinji duşuşygyna gatnaşmak üçin Gazagystan Respublikasyna iş sapary bilen ugrady.

1 gün öň

Türkmenistanyň Prezidenti Serdar Berdimuhamedowyň “Merkezi Aziýa — Germaniýa” formatyndaky ýokary derejeli ikinji duşuşykdaky ÇYKYŞY

(Astana şäheri, 2024-nji ýylyň 17-nji sentýabry) Hormatly jenap Federal Kansler!Hormatly Merkezi Aziýa döwletleriniň Baştutanlary!Hanymlar we jenaplar!Wekiliýetleriň agzalary!

1 gün öň