Saňa ösüş garaşýar
Göz öňüne getiriň, aýdaly durmuşdaky ähli şowsuzlyklar siziň başyňyza düşýär. Haýsy işiň gapdalyndan barsaňyz, şowsuzlyga uçraýarsyňyz. Ýaşaýşa bolan ähli höwesiňiz gaçýar we çuňlugyň düýbüni boýlaýarsyňyz. Näme ederdiňiz?! Bu ýerde: «Durmuşda bolýan zat», «Ýykylanyňdan soň, ýeriňden turmagy başarmalysyň» diýen ýaly, lenç edilen sözleri ulanjak däl. Ýüpüň iki ujunyň bolşy ýaly, şol pursady başgarak görnüşde peýdalanmagy başarmaly. Ine, şonda üstünlige äkidýän ýoly görmegi-de başararsyňyz. Öz ýoluny şowsuzlyklar bilen başlap, üstünlige ýetip, meşhurlyga eýe bolan Pýotr Mamonowyň, hamala diýersiň, ýokarky sowalymyza jogap berip aýdan jümlesi bar: «Eger sen iň pes hala düşen bolsaň, bu gowulygadyr: saňa indi ösüşden başga ýol ýokdur». Şu jümle bilen ýola çykyp, onuň kim bolandygy hakynda gyzyklanyp başladym. Gysgaça maglumat hökmünde, Pýotr Mamonowyň kim bolandygy barada azajyk durup geçeliň! Ol rus «rok-n-rol» aýdymçysy, sazanda, aktýor, şahyr, radio alypbaryjysy. Emma ol ähli zatdan beter «rok-n-rol» žanryndaky aýdymlary diňlemegiň we aýtmagyň ölermen aşygy bolupdyr. Çünki onuň edýän hereketleri hiç kimiňkä meňzemändir. Ol asla özgelere meňzemegem islemändir. Ýaş aýdymçynyň durmuşynda öte kän şowsuzlyklar bolupdyr. Şonuň üçinem ol dürli işlerde işlemäge mejbur bolupdyr. Ähli işlerinden hem baş alyp çykyp, aýdym-saza bolan höwesini ýitirmändir. Umuman, onuň döreden «rok-n-rol» sa