Dünýä derejeli ösüşler

Berkarar döwletimiziň bagtyýarlyk döwründe Gahryman Arkadagymyzyň parasatly başlangyçlary ýurdumyzy senagat taýdan ösen ýurda öwürdi. Dünýäde ykrar edilýän milli Liderimiziň ulag diplomatiýasy, suw-ekologiýa diplomatiýasy, energetika diplomatiýasy ýurdumyzda, şol bir wagtyň özünde dünýä döwletleriniň ençemesinde önümçiligiň artyp, ykdysady ösüşleriň ýokarlanmagyna, iş orunlaryň köpelmegine, ekologiýa taýdan arassa önümleriň öndürilmegine giň mümkinçilikler döredýär. Arkadagly eýýamymyzyň dünýä ähmiýetli ösüşleri baky Bitaraplyk ýörelgelerimize laýyklykda rowaçlyklardan-rowaçlyklara beslenýär. Ol ösüşler milli Liderimiziň ösüş arkaly parahatçylyk taglymatynyň buýsançly beýanydyr. Döwlet Baştutanymyzyň «Türkmenistan — parahatçylygyň we ynanyşmagyň Watany» ýylymyzyň 8-nji ýanwarynda sanly wideoaragatnaşyk arkaly geçiren Ministrler Kabinetiniň ilkinji mejlisi hem taryhyň gatlaryna altyn harplar bilen ýazylýan ösüşlerimiziň nobatdaky sahypasyny ýazdy.

Bu Bitarap, bu bagtyýar Watanda

Hormatly Belent Serkerdebaşymyzyň ýurdumyzda parahatçylygy, asudalygy üpjün etmek, Watanymyzyň ykdysady we syýasy durnuklylygyny berkitmek, durmuş we medeni özgerişleriň ýagty geljegini kepillendirmek babatynda atalyk aladasy jemgyýetçilik jebisliginiň esasyny emele getirdi. Hukuk döwletiniň aýrylmaz wezipeleriniň biri hem ýurdumyzda gozgalmaýan emläge bolan hukuklaryň, hukuklaryň borçlanmalarynyň ykrar edilmegini we goralmagyny kämilleşdirmek, şeýle hem döwlet belligine almakdan ybarat bolup durýar. Döwlet belligine almak boýunça ygtyýarlyklar adalat edaralarynyň işini düzgünleşdirýän ýörite kanunlarynda öz beýanyny tapýar. Şolaryň biri hem «Gozgalmaýan emläge bolan hukuklaryň we onuň bilen bagly geleşikleriň döwlet tarapyndan bellige alynmagy hakynda» Türkmenistanyň Kanuny bolup durýar. Kanuna laýyklykda, Gozgalmaýan emlägiň bazarynyň emele gelmegine ýardam edilmegi gozgalmaýan emläge bolan hukuklaryň we onuň bilen bagly geleşikleriň döwlet tarapyndan bellige alynmagynyň esasy wezipeleriniň biridir.

Eziz Watanymyzyň parahatçylyk ýoly

Parahatçylyk atly beýik ýörelgäniň özenini düzýän adalatlylyk, agzybirlik, düşünişmek, hormat-sarpa türkmen halkynyň ata-baba zandynda bar häsiýetlerdir. Bu günki gün hormatly Prezidentimiziň dünýä ýaýýan parahatçylyk taglymatynyň esasynda birek-birege uzan dostlukly gollarda geljekki ösüşlere bolan beýik ynam, egsilmez ruhy güýç bar. Ýer ýüzüne parahatçylyk ýörelgesini ýaýmak bilen, Garaşsyz, hemişelik Bitarap Türkmenistan Diýarymyz adamzadyň ykbalyna dahylly meselelere oňyn täsir edýän ýurtdugyny dünýä jemgyýetçiligine aýan edýär. Hormatly Prezidentimiz Watanymyzyň abraýly halkara guramalar bilen netijeli hyzmatdaşlygy ösdürmek arkaly adamzadyň ömrüniň manysyna öwrülen parahatçylygy hem-de howpsuzlygy pugtalandyrmak, sebit we ählumumy derejede abadançylygy hem-de ösüşi üpjün etmek boýunça umumy tagallalara uly goşant goşýandygyny hemişe nygtaýar. Baky Bitarap Türkmenistan häzirki döwrüň möhüm meseleleri boýunça dünýäniň abraýly halkara guramalary bilen giň gatnaşyklary ýola goýmagy ugur edinýär. Şolaryň hatarynda parahatçylygy, howpsuzlygy hem-de durnuklylygy üpjün etmek, Durnukly ösüşiň maksatlaryna ýetmek, sebit we dünýä boýunça energetika howpsuzlygynyň täsirli gurallaryny döretmek, durnukly ulag ulgamyny kemala getirmek, ykdysady, ynsanperwer hem-de ekologiýa taslamalaryny ilerletmek wezipeleri bar. Hormatly Prezidentimiziň belleýşi ýaly, Bitaraplyk syýasatymyz diňe bir ý

Bitaraplyk senasy

Eziz Diýarymyzyň ähli künjeklerinde milli senenamamyzda möhüm orun eýeleýän Türkmenistanyň hemişelik Bitaraplygynyň 25 ýyllygy bellenilip geçilen ýylda giň möçberli işler amala aşyryldy. Ähli pudaklarda bolşy ýaly, ýurdumyzyň saglygy goraýyş ulgamy hem şanly senäni ýokary üstünlikler bilen jemledi. Soňky ýyllarda ýurdumyzda şanly seneler mynasybetli durmuş we beýleki maksatly desgalaryň açylyş dabaralaryny guramak asylly däbe öwrüldi. Bu şanly senä gabatlanyp, mähriban Arkadagymyzyň gatnaşmagynda saglygy goraýyş ulgamyna degişli täze lukmançylyk merkezleriniň açylyş dabaralary boldy. Munuň özi milli lukmançylyk ulgamyny hemmetaraplaýyn döwrebaplaşdyrmaga, ýokary halkara ölçeglerine laýyk gelýän lukmançylyk hyzmatlaryny ýola goýmaga gönükdirilen giň möçberli tagallalaryň aýdyň netijesi bolup durýar.

Bitaraplyk syýasaty halkara gatnaşyklarynyň möhüm şertidir

«Türkmenistan – Bitaraplygyň mekany» şygary astynda geçen 2020-nji ýyl ýurdumyz üçin şanly seneleriň ýyly boldy – Watanymyzyň hemişelik Bitaraplyk derejesine eýe bolmagynyň 25 ýyllyk toýy giňden tutuldy. BMG-niň derejesine üýtgewsiz ygrarly döwletimiz bu gün hormatly Prezidentimiziň paýhasly ýolbaşçylygynda milli we umumadamzat bähbitlerine laýyk gelýän oňyn hyzmatdaşlygyň ösdürilmegine gönükdirilen daşary syýasat strategiýasyny alyp barýar. Çärýek asyryň döwründe parahatçylyk söýüjilik we hyzmatdaşlyk syýasatyny yzygiderli alyp barýan Türkmenistan bitaraplyk ýörelgelerine ygrarly bolup galýar. Şu döwürde ýurdumyz ägirt uly ösüşleri gazanyp, halkara giňişliginde kuwwatly ykdysadyýetli we durmuş düzümli, sazlaşykly ösýän döwletleriň hatarynda ornuny pugtalandyrdy hem-de Milletler Bileleşiginiň ygtybarly hyzmatdaşy we abraýly agzasy hökmünde ykrar edildi.

Ýylyň şygaryna bagyşlandy

2021-nji — «Türkmenistan — parahatçylygyň we ynanyşmagyň Watany» ýylynyň şygaryny il içinde wagyz etmek, dabaralandyrmak we mahabatlandyrmak maksady bilen, şu günler ýurdumyzyň ähli welaýatlarynda wagyz-nesihat çäreleri geçirilýär. Olara gatnaşýan ildeşlerimiz, ylaýta-da, ýaşlar ýylyň şygarynyň many-mazmun taýdan tüýs ýerine düşendigi dogrusynda buýsançly sözleri aýdýarlar. Ýakynda şeýle dabaraly maslahatlaryň biri Mary şäherinde ýerleşýän «Mary» myhmanhanasynda geçirildi. Türkmenistanyň Demokratik partiýasynyň Mary welaýat komitetiniň hem-de welaýat medeniýet müdirliginiň bilelikde guramagynda geçirilen maslahata Mejlisiň deputatlary, syýasy partiýanyň işjeň agzalary, medeniýet işgärleri gatnaşdylar. Onda çykyş edenler ýurtda we dünýäde parahatçylygy berkitmek, birek-birege ysnyşmak arkaly ykdysady ösüşleriň täze belentliklerine çykmak dogrusynda buýsançly gürrüň etdiler. Hormatly Prezidentimiziň öňe sürýän dünýä nusgalyk başlangyçlarynyň esasynda ýurdumyzyň goňşy döwletler bilen hoşniýetli gatnaşyklarynyň barha jebisleşýändigini aýratyn bellediler. “Türkmenistan — parahatçylygyň we ynanyşmagyň Watany” ýylynyň şygarynyň düýp many-mazmunyny halk köpçüligine düşündirmekde, onuň maksatlaryny wagyz etmekde alnyp barylmaly giň gerimli çäreler, sanly wideoaragatnaşyk arkaly geçirilmeli onlaýn duşuşyklardyr maslahatlar barada durlup geçildi. Öz halkynyň erkana durmuşy,

Lebap welaýaty: guwandyryjy netijeler, belent wezipeler

Tamamlanan «Türkmenistan — Bitaraplygyň mekany» ýyly şanly wakalara baý ýyllaryň biri boldy. Ýurduň, milletiň, mähriban Arkadagymyzyň abraý-mertebesini beýgelden şeýle wakalaryň üsti bilen dünýä jemgyýetçiligi türkmeniň şöhratly ösüş ýolunyň mizemezdigine, halkynyň agzybir we bir maksada gulluk edýändigine ýene-de bir gezek göz ýetirdi. Parahatçylygyň gadyr-gymmatyna oňat düşünýän halkymyz gazanýan üstünlikleriniň hözirini görýär. Muny Lebap welaýatynyň obadyr şäherleriniň ösüş-özgerişlerinde-de aýdyň görmek bolýar.

Bitaraplyk, parahatlyk merkezi sen, Aşgabat!

Hormatly Prezidentimiz Hytaý Halk Respublikasynyň adatdan daşary we doly ygtyýarly ilçisini kabul etdi

Aşgabat, 12-nji ýanwar (TDH). Şu gün hormatly Prezidentimiz Gurbanguly Berdimuhamedow Hytaý Halk Respublikasynyň Türkmenistanda täze bellenilen Adatdan daşary we Doly ygtyýarly ilçisi Sýan Naýçeni kabul etdi. Ilçi döwlet Baştutanymyza wagt tapyp kabul edendigi üçin hoşallyk bildirip, ynanç hatyny gowşurdy hem-de pursatdan peýdalanyp, HHR-iň Başlygy Si Szinpiniň mähirli salamyny hem-de Türkmenistanyň başlangyjy bilen BMG-niň Baş Assambleýasynyň ýörite Kararnamasy esasynda, «Halkara parahatçylyk we ynanyşmak ýyly» diýlip yglan edilen täze, 2021-nji ýyl baradaky iň gowy arzuwlaryny ýetirdi.

Dünýä nusga ýörelgämiz, ýolumyz

Güneşli Diýarymyzda uly ynam bilen garşylanan täze, 2021-nji ýylyň hormatly Prezidentimiz Gurbanguly Berdimuhamedowyň başlangyjy bilen «Türkmenistan — parahatçylygyň we ynanyşmagyň Watany» diýlip yglan edilmegi Berkarar döwletimiziň bagtyýarlyk döwründe ýurdumyzyň halkara abraýyny, dünýä döwletleri bilen dostlukly gatnaşyklaryny we syýasy, ykdysady hem-de medeni hyzmatdaşlygyny aýdyň alamatlandyryp, täze üstünliklere, has uly öňegidişliklere ýol açdy. Milli Liderimiziň öňe süren ajaýyp başlangyjy esasynda BMG-niň Baş Assambleýasy tarapyndan «2021-nji ýyl — Halkara parahatçylyk we ynanyşmak ýyly» atly Kararnamanyň kabul edilmegi bolsa, halkymyzyň ynsanperwerlik, dost-doganlyk ýörelgeleriniň bütin dünýä nusga bolýandygynyň aýdyň nyşanyna öwrüldi. Gahryman Arkadagymyzyň parasatly ýolbaşçylygynda Garaşsyz, hemişelik Bitarap Türkmenistan döwletimiziň halkara bileleşigindäki orny has-da pugtalanýar, parahatçylyk söýüji halkymyzyň abraý-mertebesi belende göterilýär. Muny baky Bitaraplygymyzyň şanly 25 ýyllygynyň giňden bellenilen ýylynda bolup geçen dünýä ähmiýetli taryhy wakalar ýene bir gezek aýdyň görkezdi. Ýurdumyz tarapyndan halkara ähmiýetli iri möçberli taslamalara badalga berilmegi halkymyzyň ýaşaýyş-durmuş derejesiniň ýokarlanmagyny üpjün etdi we şol bir wagtyň özünde dünýä döwletleri bilen ykdysady hyzmatdaşlyk gatnaşyklarynyň has giňelmegine-de oňyn şertleri döretdi. Bu bol

Bagy-bossanly diýarymyz

Hormatly Prezidentimiz ýurdumyzyň gülläp ösmegi, halkymyzyň bolelinlikde, oňat durmuşda ýaşamagy üçin yzygiderli alada edýär. Taryh üçin uzak bolmadyk ýyllaryň dowamynda ýurdumyzda gazanylan ykdysady ösüşler, durmuşa geçirilen dürli maksatnamalar, alnyp barylýan öňdengörüjilikli ykdysady, syýasy ösüşi dowam etdirip, halkymyz üçin uly möçberli mümkinçilikleri berdi we bu işler dowam edip gelýär. Garaşsyzlygymyzyň her bir ýyly syýasy, ykdysady hem-de medeni taýdan taryhy ähmiýetli wakalara baý boldy. Watanymyzyň ösüşiň täze sepgitleri bilen ak geljegi nazarlap barmagy halkara abraýynyň ýokarlanýandygyndan, hormatly Prezidentimiziň alyp barýan içeri we daşary syýasatynyň dünýä döwletleri we halkara guramalar tarapyndan goldanylýandygyndan, ikitaraplaýyn hem köptaraplaýyn hyzmatdaşlygy giňeltmäge uly isleg bildirilýändiginden nyşandyr.

Rowaçlyga beslenen ýyl bolar

Ýurt Garaşsyzlygymyzyň 30 ýyllyk taryhy senesiniň giňden belleniljek ýylynyň «Türkmenistan — parahatçylygyň we ynanyşmagyň Watany» diýlip atlandyrylmagy agzybir halkymyzyň kalbyny buýsanja besledi. Eziz Arkadagymyzyň tutuş dünýäde uly gyzyklanma, goldawa eýe bolýan döwlet syýasatynda ählumumy parahatçylygy berkitmek, dostlugy, hoşniýetliligi, birek-birege ynanyşmagy dabaralandyrmak asylly ýörelgeler bolup durýar. Dünýäniň abraýly halkara bileleşigi tarapyndan iki gezek ykrar edilen hemişelik Bitaraplyk hukuk derejämizden gelip çykýan bu ýörelgeler ýurdumyzyň alyp barýan içeri we daşary syýasatynyň binýatlyk esasyny düzýär, dünýä döwletleri, halklary bilen alyp barýan hoşniýetli gatnaşyklarymyzy baýlaşdyryp, onuň ugurlaryny kesgitleýän netijeli gural bolup durýar, Garaşsyz döwletimiziň sazlaşykly ösüşini üpjün edýär. Berkarar Diýarymyz halkara ähmiýetli iri taslamalaryň üstünlikli durmuşa geçirilýän ajaýyp mekanyna öwrülýär, özüniň geosyýasy we geoykdysady mümkinçiliklerini parahatçylykly durmuşyň, döredijilikli ösüşiň rowaçlyklaryna gönükdirýär. «Türkmenistan — parahatçylygyň we ynanyşmagyň Watany» ýyly beýik tutumlary bilen bu hakykaty ýene bir ýola dünýä ýaýar.

Täzelikler

Türkmenabat şäherindäki pamyk egriji fabrigiň işçileri Türkmenistan — Bitaraplygyň mekany ýylynda ýurdumyzyň ykdysady ösüşlerine mynasyp zähmet goşantlaryny goşdular. Geçen ýylda fabrigiň öndüren ýokary hilli nah ýüplükleriniň 80 göterimi Russiýa, Beýik Britaniýa, Türkiýe, Polşa ýaly döwletlere eksporta ugradyldy. Bu ýerde ýerli çig malyň hasabyna öndürilýän ýüplük önümleri dünýä ölçeglerine laýyk gelýän ýokary hili bilen aýratyn tapawutlanýar. Kämil tilsimatlar ornaşdyrylan önümçilikde işleýänleriň iş şertleri öňküsinden has gowulandy. Üç çalşykda işleýänleriň ulaglarda gatnadylmagy kadaly ýola goýuldy, işçileriň saglygyna lukmançylyk gözegçiligi amala aşyrylýar, iş arakesmelerinde dynç almak we naharlanmak üçin ähli amatlylyklar döredildi. Bu bolsa zähmet görkezijileriniň ýokarlanmagyna-da täsirini ýetirýär. Kärhananyň ýolbaşçysy Nargül Abdyýewa 2020-nji ýylda meýilleşdirilen 27 million 609 müň 630 manatlygyň ýerine 31 million 740 müň 394 manatlyk önüm öndürilendigini aýdyp, täze ýyla ruhubelent gadamlar bilen girişendiklerini aýdýar.

Žurnallaryň nobatdaky sany

Ministrler Kabinetiniň ýanyndaky Baş arhiw müdirliginiň Türkmenistanyň Prezidentiniň Arhiw gaznasy tarapyndan neşir edilýän «Syýasat we jemgyýet» ylmy-amaly žurnalynyň ýörite sany çapdan çykdy. Onda ýerleşdirilen makalalar Bitaraplyga, «Türkmenistan — Bitaraplygyň mekany» şygary astynda geçen ýylda Watanymyzyň hemişelik Bitaraplyk derejesine eýe bolmagynyň 25 ýyllyk senesine we onuň çäklerinde geçirilen dabaralara bagyşlandy. Umumy syn beriji häsiýetdäki makala döwlet Baştutanymyz Gurbanguly Berdimuhamedowyň Türkmenistanyň dünýä giňişliginde alyp barýan möhüm işleriniň biri hökmünde kesgitlän Birleşen Milletler Guramasy bilen köpugurly gatnaşyklary ösdürmek meselelerine garalýar.

Hemişelik Bitaraplyk — ösüşleriň şamçyragy

Berkarar döwletimiziň bagtyýarlyk döwründe ýurdumyzyň hemişelik Bitaraplyk hukuk ýagdaýy häzirki wagtda sözüň doly manysynda bagtyýar halkymyzyň abadan, asuda ýaşaýşynyň ygtybarly binýady bolmak bilen Ýer ýüzünde dabaralanýan syýasat ugry bolup durýar. Paýtagtymyzyň özgerýän, günsaýyn gözelleşýän, abadanlaşýan keşbi hormatly Prezidentimiziň alyp barýan hemişelik Bitaraplyk hukuk ýagdaýyna esaslanýan parasatly, öňdengörüjilikli içeri we daşary syýasatynyň netijeleridir.

Milli Liderimiziň amala aşyrýan «Açyk gapylar» syýasatynyň ugry bilen

Daşary ýurtly hyzmatdaşlar bilen nobatdaky wideoduşuşyk AŞGABAT, 12-nji ýanwar (TDH). Şu gün Ýewropanyň täzeleniş we ösüş bankynyň (ÝTÖB) wekilleri bilen geçirilen wideoduşuşygyň gün tertibine ikitaraplaýyn hyzmatdaşlygy ösdürmek we onuň geljegi bilen baglanyşykly meseleler girizildi. Duşuşyga Maliýe we ykdysadyýet ministrliginiň, «Halkbank» paýdarlar täjirçilik bankynyň ýolbaşçylary hem-de hünärmenleri, ÝTÖB-niň Türkmenistandaky wekilhanasynyň ýolbaşçysy gatnaşdylar.

Balkan welaýaty: täze üstünliklere ynamly badalga

Ýurdumyzyň Balkan welaýaty dünýäniň ähli künjeklerine uzaýan polat, howa, deňiz-derýa we gara ýollaryň, uglewodorod çig mallaryny akdyrmaga niýetlenen turbageçirijileriň künjegidir. Welaýat bilen içgin tanşanyňda, ummasyz uly giňişlikde asuda çaýkanyp ýatan mawy deňizde, ululy-kiçili derýalardyr çeşme-çaýlarda, belent başly daglaryň aýagujundan ýaýlyp gidýän uç-gyraksyz sähralardyr mes toprakly ýaýlalarda, ýokumly ot-çöplere baý bolan öri meýdanlarda nazaryň eglenýär. Çar ýany beýik dag gerişleri bilen gurşalan Margyz, Sumbar, Çendir jülgeleriniň okgeçmez jeňňellikleridir gyrymsy tokaýlyklary, çeşme-bulaklary, Hazar deňziniň durnanyň gözi ýaly arassa suwly hem çägesöw kenary, uç-gyraksyz Garagum sährasynyň pasly-baharlarda läle-reýhana gark bolýan giňişlikleri özüne jennetiň bir künjegidir diýdirýär. Diňe bir Garabogaz köli sözüň doly manysyndaky hazynalar ojagydyr. Guwlyduzuň ätiýaçlyk gorlary hem tapylgysyz baýlyklarymyzyň hatarynda durýar. Ýurdumyzda çykarylýan nebitiň esasy bölegi, tebigy gazyň milliardlarça kub metri, balyk we balyk önümleriniň köp bölegi, şonuň ýaly-da nahar duzunyň, tehniki ýoduň, uglerodyň, bromuň ähli möçberleri sebitde jemlenendir. Sapaly dynç alşyň merjenine öwrülýän “Awaza” milli syýahatçylyk zolagynyň, Demirgazyk — Günorta demir ýol geçelgesiniň, «Altyn asyr» Türkmen kölüniň, Gündogar — Günbatar gaz geçirijisiniň, Garabogazdaky karbamid zaw

Türkmenistan ─ parahatçylyk dörediji döwlet

Edil taryhdaky ýaly, häzirki döwürde-de türkmen halky parahatlyk tuguny göteren halk hökmünde tanalýar. Parahatçylygyň tarapdarydygy mundan 25 ýyl öň türkmen diplomatiýasynyň şowly, pähimli ädimleriniň biri, ýagny baky Bitaraplygyň gazanylmagynda has aýdyň görünýär. Baky Bitaraplyk türkmen halkynyň bütin dünýäde pasyrdadyp ýören Parahatlyk baýdagydyr. Şol baýdagyň saýasynda Türkmenistan ― parahatçylygyň we ynanyşmagyň Watanyna öwrüldi. Mälim bolşy ýaly, 2019-njy ýylyň 12-nji sentýabrynda BMG-niň Baş Assambleýasynyň 73-nji mejlisinde Garaşsyz, hemişelik Bitarap Türkmenistanyň başlangyjy boýunça «2021-nji ýyl — Halkara parahatçylyk we ynanyşmak ýyly» atly Kararnama kabul edildi. Munuň özi ýurdumyzyň parahatçylyk söýüjilikli syýasatynyň dabaralanýandygynyň ýene-de bir subutnamasy bolmak bilen, hormatly Prezidentimiziň «Parahatçylyk sazy, dostluk, doganlyk sazy» atly kitabyndaky: «Dünýäde parahatçylyk söýüjilikli meýilleri aýan etmek biziň döwlet syýasatymyzda jemlenendir» diýen sözleriniň durmuşda aýdyň şöhlelenmesidir.

Ýyllara at ýaraşýar

Soňky ýyllarda hormatly Prezidentimiziň parasatly başlangyjy bilen durmuşymyza ajaýyp bir däp ornaşdy — ýyllara at dakyp, olary adyna laýyk geçirmek däbi. Onuň netijesinde, ýyllarymyza has-da öwüşgin çaýylyp, durmuşymyz has-da gözelleşýär. Atlary ýyllaryna, ýyllary hem atlaryna şan getirip taryh sahypalaryny bezäp otyr. «Türkmenistan — parahatçylygyň we ynanyşmagyň Watany» atlandyrylan 2021-nji ýylymyz hem hut şeýle ýyllaryň biri bolar. Sebäbi parahatçylyk hem ynanyşmak baky Bitaraplyk syýasatymyzyň baş ýörelgeleri. Bu düşünjeler çuňňur mana eýe. Aýdylyşy ýaly, Dünýä biziň umumy öýümiz. Biziň bagtyýar durmuşymyz onuň parahat aýlanmagyna bagly. Şonuň üçin-de gojaman Zeminiň asuda dem almagy tutuş ynsanyýetiň arzuwy. Şol arzuwy wysala gowuşdyrjak hem hut adamzadyň özi. Ata-babalarymyzyň asudalyk taglymaty bolan baky Bitaraplygymyz türkmeni bu isleglerine ýetirdi. Berkarar döwletimiziň bagtyýarlyk döwründe parasatly Liderimiziň baştutanlygynda Bitaraplyk syýasaty bilen Türkmenistan tutuş ynsanyýetiň ýagty ertirlerini nazarlaýar.

Žurnalyň täze sany

Ministrler Kabinetiniň ýanyndaky Baş arhiw müdirliginiň Türkmenistanyň Prezidentiniň Arhiw gaznasy tarapyndan neşir edilýän «Syýasat we jemgyýet» ylmy-amaly žurnalynyň ýörite sany çapdan çykdy. Onda ýerleşdirilen makalalar Bitaraplyga, 2020-nji ýylda Watanymyzyň hemişelik Bitaraplyk derejesine eýe bolmagynyň 25 ýyllyk senesine we onuň çдklerinde geçirilen dabaralara bagyşlandy. Umumy syn beriji häsiýetdäki makalada döwlet Baştutanymyz Gurbanguly Berdimuhamedowyň Türkmenistanyň dünýä giňişliginde alyp barýan möhüm işleriniň biri hökmünde kesgitlän, Birleşen Milletler Guramasy bilen köpugurly gatnaşyklary ösdürmek meseleleri öz beýanyny tapýar.