Berdiliniň atbakar bolup gelenine onçakly kän wagt geçmese-de, onuň bedewe bolan söýgüsi eýýäm belli bolupdy. Ol eýersiz atyň üstünde: «Bu oglan atbakar däl-de, tüýs baryp ýatan çapyksuwar» diýdirýärdi. Sadyk seýsiň oňa göwni ýetdi. Bir gün ony synap görmek üçin ýaňy münüş öwredilen atyň jylawyny onuň eline tutduryp şeýle diýdi:
— At çapyşyňy görjek, eýeriň gaşyna berk ýapyş!
