"Esger" gazeti

Esaslandyryjysy: Türkmenistanyň Ministrler Kabineti
Salgysy: Aşgabat şäheri, Garaşsyzlyk şaýoly, 100, Türkmenbaşynyň erkin döredijilik mekany
Telefon belgileri: 38-62-23, 38-60-09, 38-61-93
Email: esger-gazeti@sanly.tm

Gazeti PDF görnüşinde ýükläp almak

Habarlar

Şäherler içinde bir şäher gördüm

Binýady söýgüden tutulan her bir zadyň ösüşi-de, özgerişi-de başgaça bolýar. Türkmen halkynyň Milli Lideri Gahryman Arkadagymyzyň kämil paýhasy bilen düýbi tutulyp, Arkadagly Gahryman Serdarymyzyň taýsyz tagallasynyň netijesinde bina bolan Arkadag şäheri-de, hut şeýle bagta eýe şäher. Milli Liderimiziň bu şäherde alnyp barylýan işler bilen tanyşmak üçin amala aşyrýan yzygiderli iş saparlary özüniň ýokary netijeliligini görkezip, onda gaýnap-joşýan durmuşyň has-da gözelleşmegine öz täsirini ýetirýär. 24-nji sentýabrda geçirilen Türkmenistanyň Halk Maslahatynyň dowamynda hormatly Prezidentimiz Serdar Berdimuhamedow Arkadag şäheriniň ähli ulgamlaryny sazlaşykly we durnukly ösdürmek, ilatyň ýaşamagyna, zähmet çekmegine, dynç almagyna gönükdirilen amatlyklary yzygiderli üpjün etmek, ýaşaýyş-durmuş derejesini has-da ýokarlandyrmak maksady bilen, Permana gol çekmegi «akylly» şäheriň täze taryhyna aýratyn möhüm waka bolup ýazyldy. Bu resminama laýyklykda, Arkadag şäherini 2024 — 2052-nji ýyllarda ösdürmegiň Konsepsiýasy tassyklanyldy we Konsepsiýanyň amala aşyrylmagyny üpjün etmek degişli ministrliklere, pudaklaýyn dolandyryş edaralaryna we Arkadag şäheriniň häkimligine tabşyryldy.

2 Oktýabr 2024

Syýasat

Harby gullukçylara belent sarpa

Mukaddes Garaşsyzlygymyzyň şanly 33 ýyllygy mynasybetli hormatly Prezidentimiz, ýurdumyzyň Ýaragly Güýçleriniň Belent Serkerdebaşysy, goşun generaly Serdar Berdimuhamedowyň gol çeken Permanlaryna laýyklykda, harby we hukuk goraýjy edaralarynyň harby gullukçylaryna hem-de işgärlerine döwlet sylaglaryny gowşurmak, harby we ýörite atlary dakmak, hünär derejelerini bermek dabarasy turuwbaşdan ýatda galyjy wakalara beslendi. Ýurdumyzda watansöýüji, lebzine ygrarly nesilleri kemala getirmekde netijeli işler alnyp barylýar. Şeýle asylly işleri amala aşyrmakda ýurdumyzyň her bir garyş topragyny, garadan gaýtmaz pederlerimiziň watançylyk ruhuny kalbyna siňdirip goraýan merdana Watan goragçylarymyzyň hyzmaty örän uludyr. «Pähim-paýhas ummany Magtymguly Pyragy» ýylynda mukaddes Garaşsyzlyk baýramy mynasybetli harby we hukuk goraýjy edaralarynyň harby gullukçylaryny sylaglamak dabarasy ýurdumyzda her bir adamyň zähmetine mynasyp baha berilýändiginiň ajaýyp beýany bolup, olary täze üstünliklere ruhlandyrdy.

2 Oktýabr 2024

Garaşsyzlyk

Berkararlygymyzyň baky bahary

Eşretli zamanada ýaşaýan türkmen halkymyz däp bolşy ýaly, mukaddes Garaşsyzlygymyzyň 33 ýyllyk baýramyny uly şatlyk-şowhuna besläp garşylady. Ata Watanymyzy, ene topragymyzy gözleriniň göreji ýaly goraýan Watan goragçylarymyz hem bu şanly toýa uly dabaralara beslenen baýramçylyk sowgatlary bilen bardylar. Her ýyl bu toý mynasybetli geçirilýän dabaraly ýöriş eziz Watanymyzyň goranyş kuwwatyny hem-de mukaddes Garaşsyzlygymyzyň gazananlarynyň, mähriban topragymyzyň parahatçylygynyň we asudalygynyň, halkymyzyň döredijilikli durmuşynyň goragynda duran türkmen esgerleriniň ýokary hünär ussatlygyny, şeýle hem türkmen halkynyň gadymdan gelýän mertlik, edermenlik, batyrlyk ýaly häsiýetleriniň subutnamasy hasaplanýar. Ýurdumyzyň goranyş häsiýetli Harby doktrinasynyň ýörelgelerine laýyklykda geçirilýän dabaraly harby ýöriş, Garaşsyzlyk baýramynyň esasy dessury bolup, Türkmenistanyň Ýaragly Güýçleriniň ähli goşun görnüşleriniň gatnaşmagynda geçirilýär. Munuň özi ýurdumyzda Watan goragçylarynyň sarpasynyň has-da belentde tutulýandygyndan nyşandyr. Ynha, mukaddes Garaşsyzlygymyzyň şanly 33 ýyllyk toýy mynasybetli geçirilen dabaraly ýörişde hem Watanymyzyň merdana ýurt goragçylary başlaryny belent tutup, iň kämil harby tehnikalara erk edip, döwlet münberiniň öňünden uly ruhubelentlikde geçdiler.

2 Oktýabr 2024

Garaşsyzlyk

Türkmen tebigatynyň waspy

Berkarar döwletiň täze eýýamynyň Galkynyşy döwründe türkmen halkynyň Milli Lideri Gahryman Arkadagymyzyň, Arkadagly Gahryman Serdarymyzyň taýsyz tagallalary netijesinde ýurdumyzyň ekologiýa syýasatyny, şeýle-de akyldar şahyrymyz Magtymguly Pyragynyň şygyrlaryndan tebigata söýgini we onuň täsinliklerini beýan etmek, akyldar şahyryň arzuwlan Berkarar döwletinde eşretli durmuşda ýaşaýan watandaşlarymyzyň ekologiýa medeniýetini açyp görkezmek maksady bilen, «Türkmen dünýäsi» gazetiniň redaksiýasynyň Türkmenistanyň Tebigaty goramak jemgyýeti bilen bilelikde yglan eden «Reňbe-reň gül açar ýaşyl ýaýlasy» atly döredijilik bäsleşiginde maňa hem ýeňiji bolmak bagty miýesser etdi. Ýurdumyzyň gözel tebigatyny goramak boýunça alnyp barylýan işleri, şeýle hem ekologiýa medeniýetini öz taýýarlan makalalarymda beýan etmegimiň maňa üstünlik getirendigine diýseň buýsanýaryn. «Pähim-paýhas ummany Magtymguly Pyragy» ýylynda ýaşlara okamaga, döretmäge, döredijilik äleminde öz ukyp-başarnyklaryny görkezmäge döredip berýän giň mümkinçilikleri üçin Gahryman Arkadagymyza, Arkadagly Gahryman Serdarymyza çäksiz alkyşlarymyzy aýdýarys!

2 Oktýabr 2024

Garaşsyzlyk

Kämil bilim — kämil şahsyýet

Islendik döwletiň ösüş derejesi ýurtdaky alnyp barylýan syýasatyň esasynda ýüze çykýar. Her bir raýatyň intellektual kuwwatyny ýokarlandyrmak, ylym we bilim ulgamyny dünýä tejribelerine daýanyp, ýurdumyzy hemmetaraplaýyn ösdürmek ýaly öňde goýlan möhüm wezipeler Arkadagly Gahryman Serdarymyzyň durmuşa geçirýän döwlet syýasatynyň hem esasy ugrudyr. Hut şonuň üçin, ýurdumyzyň has güýçli we sazlaşykly ösdürilýän ykdysadyýetinde gazanylýan üstünlikler we belent sepgitler ylym-bilim bilen aýrylmaz baglanyşykly bolup durýar. Bu babatda gürrüň edilende türkmen halkynyň Milli Lideri Gahryman Arkadagymyzyň hem-de hormatly Prezidentimiz Arkadagly Gahryman Serdarymyzyň akyl-paýhaslaryndan dörän dürdäne kitaplar ýaş nesle bilim-terbiýe bermekde biz — mugallymlaryň iň ýakyn ýardamçysy. Şolaryň hatarynda, Arkadagly Gahryman Serdarymyzyň «Änew — müňýyllyklardan gözbaş alýan medeniýet» atly türkmen, iňlis, rus dillerinde neşir edilen kitaby her bir pedagogyň hem ygtybarly gollanmasydyr. Döwlet Baştutanymyzyň bütindünýä mirasynyň aýrylmaz bölegi bolup durýan gadymy Änew medeniýeti baradaky gymmatly maglumatlardan, ony düýpli öwrenmekde alnyp barlan arheologik barlaglar baradaky gyzykly gürrüňlerden söhbet açýan bu kitap taryhy gymmatlyklarymyzy öwrenmekde, olaryň ähmiýetini ýaş nesillere düşündirmekde tapylgysyz çeşmedir.

2 Oktýabr 2024

Bilim

Aýdyň geljegimiziň binýady

Ýurdumyzyň Garaşsyzlygynyň şanly 33 ýyllyk baýramy her bir türkmenistanly üçin mukaddes bolup, bu şatlykly senäniň «Pähim-paýhas ummany Magtymguly Pyragy» ýylyndaky dabaralarynyň aýratyn many-mazmuna beslenendigini buýsanç bilen aýdyp bileris. Çünki halkymyz bu ýyl Garaşsyzlygyň toýuny üç asyrlap ýurt berkararlygyny arzuwlan dana Pyragynyň şanly senesi bilen bilelikde toýlaýar. Garaşsyz, hemişelik Bitarap Türkmenistan diýlende, dünýä jemgyýetçiliginiň göz öňünde, ilki bilen, onuň ak mermere beslenen paýtagtynyň janlanýandygy döwrüň aýdyň hakykatydyr. Häzir Garaşsyz, hemişelik Bitarap Watanymyz sebitde we dünýäde ählumumy parahatçylygy, howpsuzlygy we durnukly ösüşi üpjün etmäge uly goşant goşýan döwlet hökmünde ýokary abraýa eýedir. Türkmenistanyň parahatçylyk söýüjilik, hoşniýetli goňşuçylyk, ynsanperwerlik ýörelgeleri Milli Liderimiziň başyny başlan, hormatly Prezidentimiz tarapyndan üstünlikli durmuşa geçirilýän oýlanyşykly hem-de öňdengörüjilikli syýasatyň netijesi bolup durýar. Bu syýasat döwlet Garaşsyzlygymyzyň esaslaryny pugtalandyrmaga gönükdirilendir.

2 Oktýabr 2024

Garaşsyzlyk

Mertebeli menzilleriň buýsanjy

Mukaddes Garaşsyzlygymyzyň şanly 33 ýyllyk baýramçylygyny giňden bellän halkymyz dürli pudaklarda, şol sanda mukaddes Watan goragynda hem aýratyn tapawutlananlary dürli sylaglardyr hormatly atlar, baýraklar bilen mertebeleýär. Şolaryň hatarynda mukaddes araçäklerimizde ygtybarly gulluk alyp barýan merdana serhetçilerimiziň hem bolmagy bolsa aýratyn buýsandyryjydyr. Parahat IŞANGULYÝEW, podpolkownik:

2 Oktýabr 2024

Garaşsyzlyk

Beýik ynama ygrarly ýaşlar

Ýaş deprekçiler batalýony eýýäm birnäçe ýyldan bäri mukaddes Garaşsyzlygymyzyň şanly toýy mynasybetli geçirilýän dabaraly harby ýörişiň öňbaşçysy bolup joşgunly ýagdaýda harby ýörişden geçýärler. Ýaşlygyndan ýüreklerini watanperwerlige beslän harby okuwçylar jebis hereketleri bilen, özleriniň nyzam tejribeleriniň we taýýarlygynyň kämil derejesini görkezmegi başarýarlar. Mälim bolşy ýaly, ýaňy-ýakynda hormatly Belent Serkerdebaşymyzyň gatnaşmagynda TGM-niň Berdimuhamet Annaýew adyndaky Ýöriteleşdirilen harby mekdebiniň täze binalar toplumynyň açylyp ulanmaga berilmegi, deprekçiler batalýonynyň harby okuwçylarynyň ruhuna ruh, dogumyna dogum, gaýratyna gaýrat goşdy. Muny dabaraly harby ýörişiň pursatlaryny synlanyňda-da görmek bolýar. Ýaşlyk döwründen başlap, Ýaragly Güýçlerimiziň hatarynda Watany goramagy özleri üçin bagt we mertebe saýýan harby okuwçylar özleri hakynda döwletimiziň, Gahryman Arkadagymyzyň, Arkadagly Gahryman Serdarymyzyň edýän çäksiz aladalaryny kalplary bilen duýup, oňa mynasyp bolmaga çalyşýarlar.

2 Oktýabr 2024

Garaşsyzlyk

Merdana serhetçileriň nusgalyk göreldesi

Ynha, ene topragyny başynyň täjine deňeýän ýigitlerimiz dost-doganlyk serhetlerimiziň asudalygyny, parahatlygyny gorap, ata Watanymyzyň, halkymyzyň öňünde ýerine ýetiren harby kasamyna ygrarly bolup, ak ýürekden harby gulluklaryny üstünlikli alyp barýarlar. Dostlugyň, parahatlygyň, agzybirligiň, jebisligiň başlanýan ýeri bolan mukaddes serhetlerimizde gulluk edýän serhetçilerimize döwrebap serhet birikmelerinde, harby bölümlerde, şeýle-de ilatly nokatlardan uzakda ýerleşýän serhet galalarynda ähli şertler döredilen. Döredilýän şeýle giň mümkinçiliklerden ýerlikli peýdalanýan serhetçi harby gullukçylar özleriniň ukyp-başarnyklaryny görkezip, gullugymyz tarapyndan Hormat hatlaryna, gymmat bahaly sowgatlara mynasyp bolýarlar. Mukaddes Garaşsyzlygymyzyň şanly 33 ýyllygy mynasybetli goraglylygy mizemez araçäklerimizde ak ýürekden gulluk edýän şeýle ýigitlerimiziň ençemesine, has takygy, polkownik Atajan Orunowyň serkerdelik edýän serhet birikmesiniň harby gullukçylary — uly leýtenant Allaberdi Pollyýew, kiçi seržant Daýanç Orazgulyýew, esgerler Atahan Emedow, Atajan Çaryýew daga Hormat hatlary we gymmat bahaly sowgatlar gowşuryldy. Mukaddes serhetlerimiziň asudalygyny gözüniň göreji ýaly goraýan serhetçi ýigitlerimiziň üstünlikleri hakynda söz açylanda, podpolkownik Magtymguly Nurberdiýewiň serkerdelik edýän serhet birikmesiniň şahsy düzüminiň üstünlikleri hem ýatlanmaga mynasyp. Ka

2 Oktýabr 2024

Jemgyýet

Tebigatymyzyň melhemlik ösümligi

Ýandak — kösükliler maşgalasynyň adybir urugyna degişli bolmak bilen, köpýyllyk otjumak ösümlikdir. Gymmat bahaly dermanlyk, ot-iýmlik, bal beriji bu azyklyk ösümligiň dünýäde we ýurdumyzda birnäçe görnüşi duşýar. Onuň kökünde krahmal, witaminler, karotin, antraglikozidler, otunda triterpenoidler, saponinler, flawonoidler bar. Tikenekli şahalarynda, ýapraklarynda, güllerinde organiki turşulyklar, flawonoidler, bulardan başga-da, ýandakda natriý, kalsiý, magniý, demir, allýuminiý, titan, fosfor, margenes, kremniý saklanýar. Lukmançylykda ýandak — ganly içgeçmede, tonzilitde, stomatitde, ginekologik kesellerde, şeýle hem derlediji, iç sürüji serişde hökmünde ulanylýar. Halk lukmançylygynda ýandagyň otundan taýýarlanylýan jöwheri we peti köplenç aşgazan-içege, öthalta, dalak, bagyr, böwrek, ýürek-damar kesellerinde peýdalanylýar. Sowuklama keselleri zerarly dörän gurak üsgülewügi ýumşatmak üçin hem içilýär. Ol gan basyşyny kadalaşdyrýar.

2 Oktýabr 2024

Saglyk

Kämil hünärmenler taýýarlanylýar

Berkarar döwletiň täze eýýamynyň Galkynyşy döwründe ýurdumyzyň her bir raýatyna ýokary hilli saglygy goraýyş hyzmatlaryny bermek boýunça ähli ýerlerde täze saglyk öýleriniň, hassahanalaryň, halkara derejeli ylmy-kliniki, bejeriş we anyklaýyş merkezleriniň, şeýle hem şypahanalaryň, sagaldyş-dynç alyş merkezleriniň gurlup ulanylmaga berilmegi saglygy goraýyş ulgamyndaky özgertmeleriň subutnamasy bolup durýar. Gahryman Arkadagymyzyň, Arkadagly Gahryman Serdarymyzyň taýsyz tagallalary bilen ulanylmaga berilýän saglygy goraýyş merkezlerinde raýatlarymyzyň saglygy bilen bir hatarda, ata Watanymyzyň asudalygy ugrunda gulluk edýän merdana Watan goragçylarymyzyň we olaryň maşgala agzalarynyň saglygy hakynda hem uly aladalar edilýär. Şol merkezlerde işlejek watansöýüji, giň dünýägaraýyşly, sagdyn lukmanlary ýetişdirmek babatynda edilýän aladalaryň nyşany bolan Myrat Garryýew adyndaky Türkmenistanyň Döwlet lukmançylyk uniwersitetinde Harby lukmançylyk fakulteti hem hereket edýär. Bu fakultetiň esasy maksady Türkmenistanyň Ýaragly Güýçleriniň we beýleki goşunlarynyň hem-de harby edaralarynyň lukmançylyk gulluklary üçin ýokary hünär bilimli harby lukmanlary taýýarlamakdan ybaratdyr. Harby talyp ýaşlara ýokary okuw mekdebimiziň beýleki kafedralary bilen bir hatarda, Harby lukmançylyk fakultetiniň kafedralarynda degişi ugurlar boýunça bilim berilýär. Lukman harby talyplary okatmak we terbiýe

2 Oktýabr 2024

Bilim

Öwrüldiň köňülde synmaz joşa sen, Garaşsyz Watanym, baky ýaşa sen!

Mukaddes Watan goragy damarynda merdana pederleriň gany aýlanýan her bir türkmen ýigidiniň jana-jan borjudyr. Watan ynsanyň barlygydyr, bu dünýäde gazanan we gazanyp biläýjek iň gymmatly baýlygydyr. Ol ata-babalarymyzyň mirasy, bizden bolsa nesillerimize galjak gymmatlykdyr. Mukaddes Garaşsyzlygynyň şanly 33 ýyllygyny uludan toýlan Diýarymyzda Watan waspy belentden ýaňlanyp, watansöýüjilik duýgusy ýüreklere ýalkym saçdy. Göýä diýersiň, jümle-jahan eziz Watanymyzyň berkararlyk baýramyny gutlan ýaly, täsin bir görnüşe beslendi. Tylla güýzüň ajaýyp keşbi bilen toý toýlan Diýarymyzyň gözelligi biri-biriniň üstüni ýetirip, dumly-duşa joşgun berdi. Şeýle pursady synlap durşuňa, öz ýanyňdan Watan goragçysy bolmak ýaly belent mertebeli ykbalyň eýesidigiňe tüýs ýürekden buýsanýarsyň. Watan goragçysy diýilse, parahat il, abadan ýurt, ýagny Garaşsyz, hemişelik Bitarap Türkmenistan barada ýüregiň joşup, kalbyňa täsin bir owaz dolýar.

2 Oktýabr 2024

Garaşsyzlyk

Ýol çyzgytlarynyň talaplaryny ýerine ýetireliň!

Ýurdumyzyň ýollarynda awtoulag serişdeleriniň sanynyň barha artmagy bilen, bu ugurda edilýän aladalaryň gerimi has-da giňeldilýär. Şu aýdyň wezipelerden ugur alyp, Türkmenistanyň Içeri işler ministrliginiň Polisiýanyň ýol gözegçiligi gullugy size ýol çyzgytlarynyň talaplaryny olaryň niýetlenişine görä berjaý etmelidigini, ulagy dolandyranyňyzda olaryň üstünden basmagyň gadagandygyny ýatladýar! Ýol hereketiniň howpsuzlygyny üpjün etmekde ýol belgileriniň düzgünleri bilen bilelikde, ýol çyzgytlarynyň talaplarynyň berjaý edilmeginiň hem ähmiýeti örän uludyr. Kähalatlarda sürüjileriň käbiriniň ýol çyzgytlarynyň ýol hereketiniň kadalarynda bellenen talaplaryny berjaý etmäge biparhlyk edýändiklerine gabat gelmek bolýar. Galyberse-de, ulag dolandyrylanda 1.1 garşy ugurly ulag akymlarynyň arasyny bölýän goşa çyzgytlaryň, 1.15 iki ýa-da üç zolakly ýollarda garşy ugurdaky ulag akymlarynyň arasyny bölýän ýa-da bir ugra hereket etmek üçin niýetlenen iki we has köp zolak bolanda hereket zolaklarynyň çäklerini aňladýan çyzgytlarynyň, basmak ýa-da ýolyşygynyň rugsat beriji duýdurmasyna garaşyp duranlarynda 1.12 stop çyzygynyň üstüni basmak, ýa bolmasa 1.14.1 pyýadalar üçin niýetlenen geçelgäniň üstünde durmak ýaly düzgün bozulmalara ýol berýärler. Bu bolsa, ilki bilen, ýol hereketiniň kadalarynyň bozulmagyna, ýol çyzgytlarynyň möhletinden öň reňkiniň solmagyna getirip, herekete gatnaşyjylar

2 Oktýabr 2024

Jemgyýet

Mukaddes toýumyzyň şanyna

«Pähim-paýhas ummany Magtymguly Pyragy» ýylynda türkmen halky bir başa jem bolup, mukaddes Garaşsyzlygymyzyň şanly 33 ýyllygyny uludan toýlady. Ýurdumyzyň ähli künjeginde bolşy ýaly, Türkmenistanyň Döwlet serhet gullugynda hem bu mukaddes baýramçylyk mynasybetli maslahatlar, medeni çäreler, kitaphanalara we muzeýlere gezelençler guraldy. Dabaraly maslahatlarda Garaşsyzlyk ýyllarynda Gahryman Arkadagymyzyň, Arkadagly Gahryman Serdarymyzyň saýasynda ata Watanymyzyň ösüşleri, özgerişleri, gullugymyzyň düzüminde durmuşa geçirilen taryhy işler, merdana serhetçilerimiziň gazanýan üstünlikleri barada bellenildi. Ýolaman TOMANOW,maýor.

2 Oktýabr 2024

Jemgyýet

Türkmenistanyň Prezidenti Serdar Berdimuhamedowyň Türkmenistanyň Halk Maslahatynyň mejlisindäki ÇYKYŞY

(Aşgabat şäheri, 2024-nji ýylyň 24-nji sentýabry) Eziz watandaşlar!

25 Sentýabr 2024

Syýasat

Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň Türkmenistanyň Halk Maslahatynyň mejlisindäki ÇYKYŞY

(Aşgabat şäheri, 2024-nji ýylyň 24-nji sentýabry) Hormatly Halk Maslahatynyň mejlisine gatnaşyjylar!

25 Sentýabr 2024

Syýasat

Halk maslahaty – halkyň göwün isleginiň beýany

Öňňin, has takygy 24-nji sentýabrda paýtagtymyzdaky Maslahat köşgünde türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň başlyklyk etmeginde Türkmenistanyň Halk Maslahatynyň nobatdaky mejlisi geçirildi. Şanly senäniň — eziz Watanymyzyň Garaşsyzlygynyň 33 ýyllyk baýramynyň öňüsyrasynda geçirilen umumymilli forumyň gün tertibine halkymyzyň bagtyýar we abadan durmuşyny üpjün etmäge, ýurdumyzyň mundan beýläk-de ösüş hem rowaçlyk ýoly bilen üstünlikli öňe gitmegine gönükdirilen möhüm meseleler girizildi. Geçirilmegi asylly däbe öwrülen bu halk bähbitli döwlet çäresiniň gönüden-göni ilimiziň abadan durmuşy hakyndaky üns-alada ýugrulmagy biziň hemmämiziň kalbymyzda bagtyýar ýurduň raýatydygymyza bolan çäksiz buýsanjy döredýär. Ýurdumyzyň Garaşsyzlygy — halkymyzyň asyrlaryň dowamynda arzuwlan döwletliligini, bagtyýarlygyny berkarar etdi, erkana gurmaga, döretmäge aýdyň ýollary açdy. Her bir gysym topragy merdana ata-babalarymyzyň watansöýüjiligine, gahrymançylygyna, paýhas-parasadyna ýugrulan ata Watanymyz Berkarar döwletiň täze eýýamynyň Galkynyşy döwründe Arkadagly Gahryman Serdarymyzyň baştutanlygynda nura beslenýär, ähli ýerde egsilmez joşgun, beýik işleriň rowaçlygy, raýatlarymyzyň bagtyýarlygy höküm sürýär. Mukaddes Garaşsyzlygymyzyň uly zähmet ýeňişleri bilen garşylanylýan, toý-dabaralar bilen ýokary derejede belle

25 Sentýabr 2024

Syýasat

Geňeşmek — döwletliligiň binýady

Türkmen halkynyň asyrlaryň dowamynda ýöredip gelýän asylly ýörelgeleriniň naýbaşysy ýurt ähmiýetli, halk bähbitli meseleleri maslahatlaşyp, agzybirlikde çözmek dessurydyr. Türkmenistanyň Halk Maslahatynyň Başlygy Gahryman Arkadagymyzyň başlyklyk etmeginde hem-de hormatly Belent Serkerdebaşymyz Arkadagly Gahryman Serdarymyzyň gatnaşmagynda milli demokratik däplerimize, aýanlyk, adalatlylyk, döwletlilik, kanunylyk wejemgyýetçilik pikirini nazara almak bilen, her ýylda mukaddes Garaşsyzlyk baýramymyzyň öňüsyrasynda Halk Maslahatynyň mejlisi geçirilýär. Çünki halk bilen geňeşmek — döwletliligiň binýady. Bu mejlisde döwlet ähmiýetli,il-ýurt bähbitli sowallary halk bilen maslahatlaşyp çözmekdetoplan milli tejribämizdenugur alyp, Garaşsyzlykýyllarynda gazananüstünliklerimizi has-da berkitmek,halkymyzyň abadan ýaşaýşynyň bähbidineöňde duran örän möhüm meselelerimaslahatlaşyp, anyk wezipelerikesgitlemek babatynda döwletli başlangyçlar we çözgütler kabul edilýär. Halk Maslahatynyň mejlisi döwletimizi hemme taraplaýyn ösdürmegiň, halkyň hal-ýagdaýyny ýokarlandyrmagyň, halkara hyzmatdaşlygy giňeltmegiň täze gözýetimlerini açýar.

25 Sentýabr 2024

Syýasat

Baky beýik bagtymyz

Päk asmanda ak kepderiniň erkana uçmagy asudalygyň, erkinligiň, baky bagtyň alamaty hasaplanylýar. Diýmek, inkär edip bolmajak bir hakykat bar, ýagny şahyr aýtmyşlaýyn, Garaşsyzlyk — garaşdyran kepderi! Abadan ýurdumyzyň durmuşyndaky ösüşleriň özeninde mukaddes Garaşsyzlygymyz bilen birlikde, Gahryman Arkadagymyzyň çuňňur paýhasy, Arkadagly Gahryman Serdarymyzyň ýiti zehinine ýugrulan nusgalyk işler bar. Şeýlekin eşretleriň hak eýesi bolan halkymyzyň ümzügi islendik babatda ileridir. Matematikanyň takyklygyndaky san jähetden alanyňda 33 ýaşy tegelän Garaşsyzlygymyz, ýyllar geçdigi saýy durmuş babatdaky pikirlerimize aýratyn öwüşgin çaýdy. Ony milli däp-dessurlarymyzyň dikeldilmegi, ençeme ulgamlarda ägirt uly üstünlikleriň gazanylandygy bilen delillendirip bolar.

25 Sentýabr 2024

Garaşsyzlyk

Garaşsyz Watanym Türkmenistanym!

Älem içer owazasy ýaýylan,Garaşsyz Watanym Türkmenistanym!Topragyna Günüň mähri çaýylan,Garaşsyz Watanym Türkmenistanym! Arzuwlaryň hasyl bolýan ülkesi,Ýaňlanýar goýnunda çaga gülküsi.Şu güni asuda, aýdyň ertesi,Garaşsyz Watanym Türkmenistanym!

25 Sentýabr 2024

Garaşsyzlyk