Kämillik ýolundaky ynamly ädimler
Hormatly Prezidentimiziň taýsyz tagallalarynyň netijesinde ýurdumyzyň ylym we bilim ulgamy täze belentliklere çykýar. Munuň özi bu ulgamda alnyp barylýan özgertmeleriň oňyn netije berýändiginiň aýdyň subutnamasydyr. Ýurdumyzyň halk hojalygynyň dürli pudaklary üçin ylymly-bilimli, ýokary derejeli hünärmenleri taýýarlamakda milli Liderimiziň parasatly başlangyçlary esasynda açylan Döwlet gullugy akademiýasyna hem uly orun degişlidir. Akademiýada hormatly Prezidentimiziň tabşyryklaryndan ugur alyp, okuw sapaklary dünýä ülňülerine laýyklykda guralýar. Professor-mugallymlar — halk hojalyk toplumynyň dürli pudaklarynyň tanymal bilermenleri, meşhur ykdysadyýetçiler, hukukçylar, ynsanperwer ugurlar boýunça ussat hünärmenler tarapyndan guralýan sapaklar mazmun baýlygy hem-de döwrebaplygy bilen tapawutlanýar. Zähmet hukugy, dolandyryş hukugy, dolandyryşyň psihologiýasy, sosial barlaglaryň nazaryýeti hem-de usulyýeti, ykdysadyýetiň ösüş aýratynlyklarynyň kanunalaýyklygy, bazar ykdysadyýetiniň häsiýeti, harytlaryň içerki we daşarky bazarlarda bäsdeşlige ukyplylygy, halkara ykdysady hyzmatdaşlygynyň guralyşy, onuň ileri tutulýan ugurlary, önümçilige täze tehnologiýalaryň ornaşdyrylyşy, kärhanalaryň maddy-tehniki üpjünçiliginiň ýola goýulyşy, adam faktory, hünärmeniň dil taýýa