HABARLAR

Berkararlygyň baky binýady

Arkadagly Gahryman Serdarymyzyň parasatly baştutanlygynda Garaşsyz, hemişelik Bitarap Türkmenistan döwletimiziň her bir güni şatlykly wakalara beslenýär. Bu gün biz Halkara Bitaraplyk gününi uly dabaralar bilen garşylaýarys. 1995-nji ýylyň 12-nji dekabry Türkmenistanyň halkara abraýynyň ýokarydygyny, ynsanperwer syýasatymyzyň dünýä derejesinde ykrar edilendigini aýdyň görkezýän taryhy senedir. Garaşsyz, hemişelik Bitarap ýurdumyz ylalaşygyň, parahatçylygyň we dostlugyň merkezine öwrüldi. Türkmenistan oňyn Bitaraplygyň esasy ýörelgelerinden ugur alyp, sebitiň we dünýäniň beýleki döwletleri bilen dostluk, birek-biregi hormatlamak, ynam bildirmek we ýardam bermek esasynda gatnaşyklary ösdürip, köp ýurtlar bilen syýasy, ykdysady, söwda we medeni ugurlarda gatnaşyklary berkidýär. Köp asyrlyk tejribä, medeni hem-de ruhy ýakynlyga esaslanyp, Türkmenistan hoşniýetli goňşuçylyk we özara düşünişmek däpleriniň nesilden-nesle geçirilmegini, häzirki şertlerde umumy maksatlary, ileri tutulýan ugurlary birleşdirmek, goňşy ýaşaýan halklaryň we döwletleriň taryhy ykballarynyň bitewüligini nazara alyp, hyzmatdaşlygyň netijeli guralyny döretmegi başardy. Bu bolsa parahatçylygy we durnuklylygy saklamaga hem-de berkitmäge, ykdysady, söwda, ynsanperwer gatnaşyklary ösdürmäge, Durnukly ösüş

Belentden ýaňlanýan bagtyýarlyk aýdymy

Berkarar döwletimiziň halkara abraýynyň täze derejelere çykýandygy ýurdumyzyň alyp barýan daşary syýasatynyň rowaçlanyp, halkara gatnaşyklarda täze sahypalaryň ýazylmagynda aýdyň görünýär. Ata Watanymyzyň parahatçylygy pugtalandyrmak, halklaryň arasynda dostlugy, doganlygy berkitmek babatda ýöredýän daşary syýasaty umumadamzadyň abadançylygyna we gülläp ösüşine gönükdirilendir. Ýurdumyzyň Birleşen Milletler Guramasy bilen işjeň hyzmatdaşlykda ýöredýän daşary syýasaty bitaraplyk ýörelgelerine esaslanýar. Her bir geçýän gün bizi hemişelik Bitaraplygymyzyň şanly 28 ýyllygyna ýakynlaşdyrýar. Döwletimiziň Esasy Kanunynda ýurdumyzyň hemişelik Bitaraplygynyň onuň içeri we daşary syýasatynyň esasy bolup durýandygy barada aýdylyp: «Türkmenistan dünýä bileleşigi tarapyndan ykrar edilen we kanun esasynda berkidilen hemişelik hukuk ýagdaýyna eýedir» diýlip bellenip geçilýär. Bilşimiz ýaly, Birleşen Milletler Guramasynyň Baş Assambleýasy 1995-nji ýylyň 12-nji dekabrynda we 2015-nji ýylyň 3-nji iýunynda «Türkmenistanyň hemişelik Bitaraplygy» atly Kararnamalary kabul etdi. Munuň özi ata-babalarymyzdan dowam edip gelýän ynsanperwerlik, hoşniýetlilik, birek-birege ynam bildirmek we hormat goýmak ýaly ýörelgelerimiziň döwletimiziň alyp barýan daşary syýasatynyň düýp

«Parahatçylyk: çagalaryň sesi» atly döredijilik bäsleşiginiň jemi jemlenildi

Halkara Bitaraplyk güni mynasybetli «Güneş» žurnalynyň redaksiýasy, Türkmenistanyň Bilim ministrligi, Türkmenistanyň Parahatçylyk gaznasynyň müdiriýeti hem-de Türkmenistanyň Magtymguly adyndaky Ýaşlar guramasynyň Merkezi geňeşi tarapyndan ýurdumyzyň umumybilim berýän orta mekdepleriň 4-11-nji synplarynda okaýan okuwçylaryň arasynda «Parahatçylyk: çagalaryň sesi» ady bilen yglan edilen döredijilik bäsleşiginiň jemi jemlenildi. Döredijilik bäsleşigine mekdep okuwçylarymyz işjeň gatnaşyp, olar «Dünýä dursun parahat!» diýen temada ýazan düzmelerini, çeken suratlaryny we maketlerini hödürlediler.

Bitaraplyk — bu biziň bagtly dünýämiz

Arkadag Serdarly bagtyýar ýaşlar ýyly ahyrlap gelýär. Bu ýyl özüniň ösüş-özgerişleri, şanly wakalary bilen hemişelik Bitaraplygymyzyň altyn şuglalaryndan barha nurlanýar. Mähriban halkymyz ýene-de sanlyja günden başymyzyň täji, eziz Watanymyzyň hemişelik Bitaraplyk baýramyny uly ruhubelentlik bilen belläp geçer. Hemişelik Bitaraplyk Türkmenistanyň özüniň erk-ygtyýarynyň meýletinlikde saýlap alan ýol-ýörelgesiniň miwesidir. 1995-nji ýylda Garaşsyz Türkmenistan döwletine Birleşen Milletler Guramasynyň Baş Assambleýasy tarapyndan hemişelik Bitaraplyk hukuk derejesiniň berilmegi, şeýle hem bu derejäniň ikinji gezek hem ykrar edilmegi Türkmenistan döwletine bildirilen uly ynamdyr. Türkmenistanyň özygtyýarly döwlet hökmünde halkara-hukuk ýagdaýyna eýe bolmagy onuň ähli ýurtlar bilen deňhukukly halkara ykdysady hyzmatdaşlyk etmegini üpjün etdi. Ýurdumyza öz içerki hem-de halkara ösüşini amala aşyrmagyň bütinleý täze ýollaryny açmaga örän giň mümkinçilikler döretdi. Şeýle bolansoň hemişelik Bitaraplygyň halkara hukuk ýagdaýyna esaslanýan Türkmenistanyň daşary syýasat strategiýasy häzirki taryhy döwürde hil taýdan täze many-mazmuna eýe boldy.

Garaşsyzlyk — ruhy galkynyş bady, Bitaraplyk — baky bagtyň binýady

12-nji dekabr — Halkara Bitaraplyk güni

Parahatçylygyň güwänamasy Berkarar döwletiň täze eýýamynyň Galkynyşy döwrüniň Arkadag Serdarly bagtyýar ýaşlar ýylynyň her bir güni uly ösüş-özgerişlere beslenýär. Bu ajaýyp wakalaryň gözli şaýady bolup, raýatlarymyzyň bagtyýarlygyny, asudalygyny, erkana durmuşyny görýäris. Halkymyz mukaddes Garaşsyzlygyna, hemişelik Bitaraplygyna eýe bolup, Milli Liderimiziň, hormatly Prezidentimiziň saýasynda baky bagtyň gujagynda ýaşaýar. Bitaraplygyň nyşany hökmünde zeýtun baldajygy ýerleşdirilen Döwlet baýdagymyz bu gün ýaşaýşyň, ýaşlygyň, berkararlygyň hem-de gülläp ösüşiň ajaýyp beýany bolup parlaýar. Ol milletimiziň agzybirligini, erkinligini, hemişelik Bitaraplygyny dünýä ýaýýar.

Özgerýär Bitarap Watan

Ýakynda Daşoguz welaýat maliýe-ykdysady orta hünär okuw mekdebiniň mejlisler jaýynda şeýle şygar astynda ata Watanymyzyň hemişelik Bitaraplygynyň 28 ýyllyk baýramyny hem-de Halkara Bitaraplyk gününi dabaralandyrmak maksady bilen, wagyz-nesihat duşuşygy geçirildi. Ony döwlet edaralary işgärleriniň kärdeşler arkalaşygynyň Daşoguz şäher geňeşi we orta hünär okuw mekdebiniň jemgyýetçilik guramalary bilelikde gurady. Duşuşyga il sylagly ýaşulular, mährem eneler, halypa mugallymlar, talyp ýaşlar we jemgyýetçilik guramalarynyň wekilleri gatnaşdy. Täsirli geçen duşuşykda türkmen halkynyň Milli Lideri Gahryman Arkadagymyzyň, döwlet Baştutanymyz Arkadagly Gahryman Serdarymyzyň asylly başlangyçlary esasynda ýurdumyzyň barha ilerleýän içeri we daşary syýasaty, döwletimiziň halkara giňişligindäki işjeňligi, milli hem-de bitaraplyk ýörelgelerimiziň sazlaşykly bitewüligi, halkymyzyň eşretli durmuşy, ýaşlar we döwür dogrusynda çykyşlar edildi. Türkmen Bitaraplygy hakyndaky baý mazmunly çykyşlaryň dowamynda hormatly Prezidentimiziň BAE we Gahryman Arkadagymyzyň paýtagtymyz boýunça amala aşyran iş saparlarynyň ähmiýeti hem aýratyn nygtaldy.

Ýurdumyzyň Bitaraplyk syýasaty – parahatçylygyň hem-de jebisligiň gönezligi

Berkarar döwletiň täze eýýamynyň Galkynyşy eýýamynyň eşretli günlerinde bedew bady bilen öňe barýan Türkmenistan döwletimiziň hemişelik Bitaraplygyna bu gün 28 ýyl dolýar. Bu döwrüň içinde parahatçylygy söýüjilik syýasatyny amala aşyryp, Türkmenistan ikitaraplaýyn hem-de köptaraplaýyn syýasy geňeşmeleriň, gepleşikleriň geçirilýän, üstaşyr ulag geçelgeleriniň ygtybarly hereket edýän ýerine öwrüldi. Bu babatda Türkmenistanyň Bitaraplyk syýasatynyň we türkmen goňşuçylyk hem-de ynsanperwerlik ýörelgeleriniň ähmiýeti uludyr. “Arkadag Serdarly bagtyýar ýaşlar” ýylynda hormatly Prezidentimiz Serdar Berdimuhamedowyň ýolbaşçylygynda türkmen Bitaraplygy sebitleýin durnuklylygyň, parahatçylygyň we ösüşiň möhüm faktory bolup çykyş edýändiginiň hem-de ähli ýurtlaryň hem-de halklaryň bähbitlerine laýyk gelýändiginiň aýdyň subutnamasyna öwrüldi. Bitaraplyk - munuň özi milletiň ähli içerki ruhy durmuşynyň, ýaş döwletiň daşary syýasat ugrunyň tebigy we kanuny ösüşidir, şol ugur bolsa halkara syýasy gatnaşyklarynda öz ornuna düşünmegi türkmen halkynyň daşarky dünýä bilen gatnaşyklar baradaky taryhy däplerini birleşdirdi. Türkmenler owalda-ahyrda belent adamkärçilik sypatlaryny tug edinip, goňşy döwletler bilen dostlukly gatnaşyklary ýo

Parahatçylygyň belent ykrarnamasy

Türkmenistan özbaşdak ösüş ýoluna gadam basan ilkinji günlerinden başlap, dünýä döwletleri bilen hoşniýetli goňşuçylyga, birek-birege hormat goýmaga we özara bähbitli hyzmatdaşlyga daýanýan gatnaşyklary ýola goýdy. Ýurdumyzyň daşary syýasaty hyzmatdaşlygyň berkarar edilmeginde, bütin dünýäde ählumumy parahatçylygy, howpsuzlygy hem-de abadançylygy üpjün etmäge gönükdirilen wezipelerinde öz beýanyny tapdy. Bu gün parahatçylyk söýüjilikli, netijeli daşary syýasaty alyp barýan hemişelik Bitarap Türkmenistanyň dünýä jemgyýetçiligindäki abraýy yzygiderli ýokarlanýar. Bitaraplyk düşünjesi giň mana eýe bolup, onda adamzadyň uzak taryhyň dowamynda döreden parahatçylyk söýüjilik ýoly, halkara we döwletara gatnaşyklarynyň möhüm guraly hem-de ýurduň halkara hukuk ýagdaýyny kesgitleýän syýasy ýörelge jemlenendir. BMG-niň Baş Assambleýasynyň 2017-nji ýylyň 2-nji fewralynda bolan 71-nji mejlisinde biragyzdan kabul edilen Kararnama bilen her ýylyň 12-nji dekabrynyň Halkara Bitaraplyk güni hökmünde yglan edilmegi taryhy waka boldy. Bu bolsa geçen ýyllaryň dowamynda toplanan tejribeler Türkmenistanyň daşary syýasatynyň netijeliligini subut etdi.

Bitaraplyk — baky bagtymyz

Şu günler ýurdumyzyň beýleki ýerlerinde bolşy ýaly, biziň welaýatymyzda hem Türkmenistanyň hemişelik Bitaraplygynyň 28 ýyllyk şanly toýy mynasybetli baý many-mazmunly çäreler geçirilýär. Olara bagtdan paýly ildeşlerimiz ruhubelentlikde gatnaşýarlar. GÖKDEPE. Etrabyň Yzgant şäherçesiniň Mälikguly Berdimuhamedow adyndaky Medeniýet köşgünde «Ak daňlaryň rysgal bolup atany, Türkmenistan — Bitaraplygyň Watany!» ady bilen geçirilen dabaraly maslahat köp adamly boldy. Welaýat häkimligi, Türkmenistanyň Daşary işler