HABARLAR

Küşt ýaryşynda ussatlar ýeňdi

«Türkmenistan — ruhubelentligiň we sagdynlygyň ýurdy» atly XIV spartakiadanyň çägindäki küşt ýaryşynyň Kaka etrap tapgyryna gyzyklanma uly boldy. Etrapdaky 21-nji orta mekdepde mekdep okuwçylarynyň gatnaşmagynda geçirilen ýaryşa ýaş küştçüler höwesli gatnaşdylar. “Türkmenistan” Ýaşlar bedenterbiýe-sport guramasynyň welaýat bölüminiň, etrap bilim bölüminiň, etrabyň bedenterbiýe we sport bölüminiň hem-de jemgyýetçilik guramalarynyň bilelikde guran ýaryşynda ýeňijiler toparlaýyn kesgitlendi. 14-nji orta mekdebiň okuwçylary birinji, 16-njy orta mekdebiň okuwçylary ikinji, 20-nji orta mekdebiň okuwçylary üçünji orny eýelediler.

21 Noýabr 2024

Sport

Babadaýhanly ýaş küştçüler başarnygyny görkezdi

“Türkmenistan” Ýaşlar bedenterbiýe-sport guramasynyň welaýat bölüminiň, Babadaýhan etrap bilim bölüminiň hem-de etrabyň bedenterbiýe we sport bölüminiň bilelikde guramagynda etrapdaky 19-njy orta mekdepde küşt ýaryşy geçirildi. «Türkmenistan — ruhubelentligiň we sagdynlygyň ýurdy» atly XIV spartakiadanyň çägindäki bu ýaryşa etrapdaky orta mekdepleriň okuwçylary gatnaşdy. Okuwçy oglan-gyzlaryň arasyndan akyl-paýhas oýny boýunça ussatlary ýüze çykarmakda nobatdaky ýaryşyň ähmiýeti uly boldy. Okuwçy ýaşlar öz aralarynda gyzykly duşuşyklary alyp bardylar. Şol duşuşyklaryň netijesi güýçlüleri öňe saýlady. Etrapdaky 15-nji orta mekdebiň okuwçylary ýaryşyň ýeňijileri boldy. Ikinji orny 17-nji orta mekdebiň topary, üçünji orny bolsa 12-nji orta mekdebiň topary eýeledi.

21 Noýabr 2024

Sport

Sport we bagtyýar ýaşlar

Sarahs etrabynyň sport mekdebinde “Sport we bagtyýar ýaşlar” ady bilen wagyz-nesihat duşuşygy geçirildi. Türkmenistanyň Demokratik partiýasynyň etrap komitetiniň hem-de etrabyň bedenterbiýe we sport bölüminiň bilelikde guramagynda bolan duşuşyga sport mekdebinde tälim alýan ýaşlar gatnaşdy. Duşuşykda hormatly Prezidentimiziň ýaşlaryň döwrebap bilimli, hünärli, giň dünýagaraýyşly, berk bedenli, sagdyn ruhly bolup ýetişmegi hakdaky aladalary barada söhbet açylyp, sport bilen yzygiderli meşgullanmaga we sportda barha taplanmaga döredýän giň şertleridir mümkinçilikler dogrusynda giňişleýin gürrüň edildi.

21 Noýabr 2024

Sport

Sportuň dostlaşdyryjylyk güýji

Käbir duşuşyklary iki sagatdan gowrak dowam etse-de, tennis janköýerleri asla ýadatmaýan sport görnüşleriniň hataryna girýär. Gaýtam, türgenleriň haýsydyr birine janköýerlik edip oturyşyňa, wagtyň nähili geçenini hem duýman galýarsyň. Bu duşuşyk seniň üçin hakyky baýramçylyga öwrülýär. Ýakynda merjen paýtagtymyz şeýle sport baýramçylygyny kabul etdi. Ýer ýüzüniň 12 döwletinden iň güýçli ýetginjek tennisçileriň 60-dan gowragy «Ashgabat Open 2024-iň» ýeňijisi bolmak üçin göreşdiler.

20 Noýabr 2024

Sport

Çempionyň ýoly

Geçen hepdäniň şenbe güni ýurdumyzyň öňdebaryjy ýaşlarynyň 135-si Türkmenistanyň Ýaşlar baýragynyň eýeleri boldular. Olaryň 9-sy lebaply ýaşlardyr. Bu arzyly baýraga eýe bolanlaryň arasynda kuraş boýunça dünýä çempiony, Kerki etrabyndaky 22-nji orta mekdebiň bedenterbiýe mugallymy Daýanç Omirow hem bar. Daýanç Omirow — 2023-nji ýyldaky kuraş boýunça dünýäniň çempiony. Beýle diýmek, şol ýyl dünýäde pälwanyň arkasyny ýere degiren tapylmady diýmekdir. 1996-njy ýylyň 23-nji sentýabrynda Kerki etrabynyň Ussalar obasynda doglan Daýanç maşgaladaky üç çaganyň körpesi. Ol sportuň dzýudo, kuraş, türkmen milli göreşi görnüşlerini çagalykdan bäri gowy görýänini aýdýar. Häzirem boş wagtlary yzygiderli türgenleşýän pälwan toýlarda-da göreş tutup, ussatlygy bilen tanalýar. Ol: « 9 — 10 ýaşlarymdadyryn, şol wagtlar ilkinji halypam Kerki etrabyndaky 1-nji sport mekdebiniň tälimçisi Alymerdan Döwranowdan tälim alyp başladym. Soňra-da yzygiderli türgenleşikler bilen dünýäniň çempionlygyna çenli ýetdim» diýip, çempionlyga çenli geçen ýoluny gürrüň berýär.

20 Noýabr 2024

Sport

Ýurt goragçylarynyň halkara üstünlikleri

Türkmenistan — sagdynlygyň, ruhubelentligiň we bagtyýarlygyň ýurdy. Munuň şeýledigini dünýäniň dürli ýurtlarynda geçirilýän halkara sport bäsleşiklerinde türkmen Tuguny buýsançly pasyrdadyp, Döwlet senamyzy belentden ýaňlandyrýan ýaş türgenleriň ýeňişleri aýdyňlygy bilen delillendirýär. Şeýle ýeňişleriň ýylsaýyn artýandygy bolsa, Gahryman Arkadagymyzyň, Arkadagly Gahryman Serdarymyzyň pähim-paýhaslary esasynda sport bilen meşgullanýan ýaş nesillere ägirt uly mümkinçilikleriň döredilýändiginden habar berýär. Şu ýylyň 10 — 13-nji noýabry aralygynda hem Russiýa Federasiýasynyň Tatarystan Respublikasynyň Kazan şäherinde guşakly göreş boýunça dünýä çempionaty geçirildi. Bu bäsleşikde Türkmenistanyň Ýaragly Güýçleriniň Guryýer goşunlary müdirliginiň tabynlygyndaky podpolkownik Halnepes Meläýewiň serkerdelik edýän harby bölüminiň harby gullukçylaryndan Abdyresul Durdyýew 62 kilogram agramda çykyş edip, 1-nji, esger Nobatgeldi Nazarow 100 kilogram agramda çykyş edip, 3-nji, Türkmenistanyň Ýaragly Güýçleriniň Harby-howa güýçleri we howa hüjüminden goranmak goşunlary müdirliginiň tabynlygyndaky maýor Çaryýar Ataýewiň serkerdelik edýän harby bölüminiň harby gullukçysy, seržant Pälwan Gurbangeldiýew 100 kilogram agramda çykyş edip, 1-nji orna myn

20 Noýabr 2024

Sport

Ýeňişli ýollar

Ýakynda paýtagtymyzda sportuň kik-boksing görnüşinden Aşgabat şäheriniň we Kik-boksing federasiýasynyň bilelikdäki açyk birinjiligi we Türkmenistanyň kubogyny almak ugrundaky ýaryş geçirildi. Bu bäsleşige TGM-niň Harby-deňiz institutynyň we Ýöriteleşdirilen harby-deňiz mekdebiniň türgenleri-de gatnaşdylar. Ýaryşda 63 kilogram agramda Harby-deňiz institutynyň çagyryş boýunça harby gullukçysy, matros Kemal Annamuhammedow 1-nji, Harby-deňiz institutynyň 5-nji ýyl harby talyby Amanmyrat Gökow 2-nji, harby-deňiz mekdebiniň 10-njy synp harby okuwçysy Arslan Kasymow 3-nji orna mynasyp boldular. Ýeňijiler Hormat hatlary, medallar, kuboklar we ýadygärlik sowgatlary bilen sylaglandylar. Gazanylan üstünliklere bilim ojagymyzyň Bedenterbiýe we sport kafedrasynyň mugallymy, uly leýtenant Sähet Ýagşymedowyň goşandy uludyr.

20 Noýabr 2024

Sport

Sport. Sport. Sport.

Türkmen türgeni — dünýäniň çempiony Berkarar döwletiň täze eýýamynyň Galkynyşy döwründe hormatly Prezidentimiziň tagallalary bilen türkmen sportuny ösdürmekde uly işler durmuşa geçirilýär. Ýurdumyzda gurlup, ulanylmaga berilýän döwrebap stadionlar, sport mekdepleri we sport desgalary indi sporta höwesek ýaşlaryň islegli mekanyna öwrüldi. Türgenlerimiziň dünýä çempionatlaryna, halkara ýaryşlaryna gatnaşyp, baýrakly orunlara mynasyp bolmagy guwandyrýar.

20 Noýabr 2024

Sport

Jemgyýetiň sazlaşykly ösüşinde sportuň ähmiýeti

Ösüşlere beslenýän Berkarar döwletiň täze eýýamynyň Galkynyşy döwründe eziz Diýarymyzda halkymyzyň saglygyny goramaga, jemgyýetimizde sagdyn durmuş ýörelgelerini giňden ornaşdyrmaga, ruhy we beden taýdan kämil ýaşlary ýetişdirmäge, bedenterbiýäni we sporty ösdürmäge gönükdirilen giň gerimli işler hormatly Prezidentimiziň alyp barýan döwlet syýasatynyň ileri tutulýan ugurlarynyň biri bolup durýar. Häzirki wagtda türkmen türgenleriniň dünýä möçberinde we halkara derejede geçirilýän dürli ýaryşlarda gazanýan üstünlikleri biri-birine ulaşmak bilen, olar Arkadagly Gahryman Serdarymyzyň sporty hem-de onuň düzümlerini ösdürmäge berýän aýratyn uly ünsüniň, döredýän ajaýyp şert-mümkinçilikleriniň aýdyň netijesidir. Ilatyň bedenterbiýe we sport bilen yzygiderli meşgullanmagy diňe bir kämil türgenleriň kemala gelmeginde däl, eýsem, jemgyýetiň sazlaşykly ösmeginde hem wajyp hasaplanylýar. Şol esasdan, ýurdumyzda raýatlaryň sagdyn durmuş ýörelgelerine eýermegi, bedenterbiýe we sport bilen meşgullanmagy döwlet derejesinde ileri tutulýar we ilatyň arasynda giň goldawa eýe bolýar. Häzirki wagtda şäherlerde, şäherçelerde, obalarda gurlan sport desgalarynda saglygyny berkidýän, öz höwes edýän sport görnüşi bilen meşgullanýan dürli ýaşdaky raýatlarymyzy gören

20 Noýabr 2024

Sport

Hemişelik hemramyz

Hormatly Prezidentimiziň taýsyz tagallalary bilen Berkarar döwletiň täze eýýamynyň Galkynyşy döwründe ýurdumyzda bilim ulgamyny has-da kämilleşdirmäge gönükdirilen özgertmeler giň gerime eýe bolýar, dünýä ýurtlarynyň ylym-bilim merkezleri bilen gatnaşyklar hem yzygiderli giňeldilýär. Bu bolsa ýaşlaryň bilim basgançaklary bilen öňe gitmegine, häzirki zaman ylmyny çuňňur öwrenmegine, daşary ýurt dillerini netijeli özleşdirmegine ýakyndan ýardam edýär. Türkmen ýaşlarynyň dürli halkara ders bäsleşiklerinde öňdäki orunlara mynasyp bolmaklary Watanymyzyň abraýyna abraý goşýar. Ylym-bilim bilen bir hatarda, biziň — ýaşlaryň sportuň dürli görnüşleri bilen yzygiderli meşgullanmagymyz, sagdyn durmuş ýörelgelerine eýermegimiz üçin hem giň mümkinçilikler döredilýär. Şeýle bolansoň, biz okuwdan boş wagtlarymyz sport bilen meşgullanmagy durmuş endigimize öwürdik. Bu biziň sagdyn bedenli, sagdyn ruhly adamlar bolup ýetişmegimizde möhüm ähmiýete eýedir.

20 Noýabr 2024

Sport