Hormatly Prezidentimiz Gurbanguly Berdimuhamedow 29-njy oktýabrda Aşgabat — Türkmenabat ýokary tizlikli awtomobil ýolunyň Aşgabat — Tejen bölegini ulanmaga bermek dabarasyna gatnaşdy.
Şol gün irden hormatly Prezidentimiz Aşgabat — Türkmenabat awtomobil ýolunyň başlanýan ýerinde ýerleşen «Aşgabat» menziline bardy. Ýokary tizlikli awtomobil ýoly Aşgabat — Daşoguz awtomobil ýolunyň 24-nji kilometrinde gurlan çatrykdan başlanýar. Bu ýerde elektron tölegi hem göz öňünde tutulan töleg merkezleri, ýol gözegçilik gullugynyň nokady, dynç almak üçin niýetlenen meýdançalar ýerleşýär.
