Aý dogsa, älem görýändir, bu gün dünýä görýär Sizi,
Ussat, ezber diýilýänler aňy sünnä görýär Sizi,
Toýumyz toýa ulaşýar, bäri bolsun dostuň ýüzi,
Biz — ýaş nesil kalbymyza ýazýas her bir sözüňizi,
Şu berkarar Watan üçin gurbandyr şirin janymyz!
Döwrümiziň Gahrymany Arkadagly Serdarymyz!
Siz milletiň pähmi dana, ömri juwan kethudasy,
Eserňizde ýaňlanyp dur asyrlaň synmaz sedasy,
Sözüňizde jemlenipdir asyl türkmeniň edasy,
Ýörelgäňiz — ata pendi, il-halka ogul wepasy,
Eýýamlaryň gatlaryna ýazylýar şöhrat-şanyňyz,
Döwrümiziň Gahrymany Arkadagly Serdarymyz!
