Berkarar döwletiň täze eýýamynyň Galkynyşy döwründe ýurdumyzyň dünýä döwletleri bilen barha ösýän hyzmatdaşlygy, hoşniýetli goňşuçylyk däplerimizi täze mazmun bilen baýlaşdyrýar.
Türkmen halkynyň Milli Lideri Gahryman Arkadagymyzyň 4-5-nji aprelde Täjigistan Respublikasyna bolan resmi sapary köpasyrlyk dostluk ýörelgelerine, taryhy, ruhy, medeni umumylygyna esaslanýan türkmen-täjik gatnaşyklarynda hyzmatdaşlygyň täze mümkinçiliklerini açmak bilen, «Pähim-paýhas ummany Magtymguly Pyragy» ýylynyň şanly wakalaryny has-da baýlaşdyrdy.
