Türkmenmetbugat

"Adalat" gazeti

Esaslandyryjysy: Türkmenistanyň Ministrler Kabineti
Salgysy: Aşgabat şäheri, Garaşsyzlyk şaýoly, 100, Türkmenbaşynyň erkin döredijilik mekany
Telefon belgileri: 38-62-50, 38-62-75, 38-62-38
Email: adalat-gazeti@sanly.tm

Gazeti PDF görnüşinde ýükläp almak

Habarlar

Türkmenistanyň Prezidenti hormatly Serdar Berdimuhamedowa

Çuňňur hormatlanylýan Türkmenistanyň Prezidenti! Sizi doglan günüňiz mynasybetli Türkmenistanyň Halk Maslahatynyň adyndan tüýs ýürekden gutlaýaryn. Siziň berkarar Watanymyzy mundan beýläk-de gülledip ösdürmäge, ykdysady kuwwatyny artdyrmaga, mähriban halkymyzyň durmuş hal-ýagdaýyny has-da ýokarlandyrmaga gönükdirilen döwrebap özgertmeleriňiziň, parahatçylyk söýüjilik, dostluk ýörelgelerine esaslanýan içeri we daşary syýasatyňyzyň, döretmek, gurmak başlangyçlaryňyzyň elmydama üstünliklere beslenmegini arzuw edýärin.

3 sagat öň

Halkymyzyň bagtyýarlygy — döwletimiziň berkararlygy

Tarypy taryhyň şöhratly sahypalaryna ýazylýan döwrümiziň her bir güni halkymyza egsilmez şatlyk duýgusyny eçilýär. Şunda möhüm syýasy-jemgyýetçilik waka — «Pähim-paýhas ummany Magtymguly Pyragy» ýylynyň 24-nji sentýabrynda paýtagtymyzdaky Maslahat köşgünde geçiriljek Halk Maslahatynyň nobatdaky mejlisi il agzybirliginiň, türkmen döwletliliginiň ýene bir aýdyň mysaly bolar. Halk jebisligi, döwlet berkararlygy baradaky düşünjeler Gündogaryň beýik söz ussady, akyldar şahyrymyz Magtymguly Pyragynyň edebi mirasynyň içinden hem eriş-argaç bolup geçýär. Akyldar şahyryň döredijiliginiň islendik ynsanyň kalbynda täze ylham, ruhubelentlik, çäksiz joşgun döretmegi onuň şygyrlarynyň umumadamzat gymmatlygydygyny tassyklaýar. Gahryman Arkadagymyz dana şahyrymyzyň goşgular çemeniniň pähim-parasadyň, çuňňur halk pelsepesiniň, milli terbiýeçilik ündewleriniň türkmen halkyna ýol görkeziji bolup, asyrlar içre hyzmat edip, şygyrlar älemi bilen milletimiziň mertebesini belende göterip gelendigine aýratyn üns çekip, bu barada «Ynsan kalbynyň öçmejek nury» atly kitabynda şeýle diýýär: «Magtymguly Pyragy ajaýyp eserleri döreden, halkymyzyň müňýyllyklaryň dowamynda kemala gelen pelsepesini, kalbynyň owazyny, isleg-arzuwlaryny dünýä ýaýan beýik söz ussadydyr. Akyldar şahyrymyzyň agzybirlige, jebislige, ynsanperwerlige çagyrýan ajaýyp şygyrlaryny halkymyz ruhy ýörelge, durmuş kanuny hökmünde kabul

3 sagat öň

Geňeşli salamat bolar

Agzybirlik we jebislik biziň jemgyýetimiziň esasy gymmatlyklary, döwlet berkararlygymyzyň synmaz sütünleri bolup, ýurdumyzda uly ösüşleriň gazanylmagynda, halkymyzyň bähbidine, röwşen geljegine gönükdirilen ägirt uly özgertmeleriň durmuşa geçirilmeginde möhüm orna eýedir. Şunda il agzybirligini alamatlandyrýan möhüm jemgyýetçilik-syýasy platformanyň — Türkmenistanyň Halk Maslahatynyň mejlislerinde kabul edilýän çözgütleriň ähmiýeti örän uludyr. Gahryman Arkadagymyzyň dana paýhasy bilen başy başlanan, Arkadagly Gahryman Serdarymyz tarapyndan üstünlikli dowam etdirilýän beýik işleriň netijesinde ýurdumyz ähli ugurlar boýunça uly ösüşlere beslenýär. Nusgawy şahyrymyz Magtymguly Pyragynyň doglan gününiň 300 ýyllygyny uludan toýlaýan ildeşlerimiz mynasyp zähmet ýeňişleri bilen mukaddes Garaşsyzlygymyzyň şanly 33 ýyllyk baýramyny garşylaýar. Bu ajaýyp wakanyň öňüsyrasynda — 24-nji sentýabrda paýtagtymyzda geçiriljek Türkmenistanyň Halk Maslahatynyň nobatdaky mejlisi bolsa milli ýörelgelerimiziň şöhratlanýandygynyň aýdyň güwäsine öwrüler.

3 sagat öň

Aşgabat — ak arzuwlaryň şäheri

Paýtagtymyzda täze ýaşaýyş jaýlary ulanmaga berildi Häzirki wagtda halkymyzyň bagtyýar durmuşda ýaşamagy we döredijilikli zähmet çekmegi üçin oňyn şertleriň döredilmegi bilen bagly meseleler hormatly Prezidentimiziň parasatly baştutanlygynda durmuşa geçirilýän döwlet syýasatynyň ileri tutulýan ugurlarynyň biridir. Gahryman Arkadagymyzyň ýurdumyzyň baş şäherini ösdürmek boýunça başyny başlan şähergurluşyk maksatnamasynyň häzirki wagtda Arkadagly Gahryman Serdarymyz tarapyndan üstünlikli amala aşyrylmagy netijesinde, Aşgabat dünýäniň iň owadan we ýaşamak üçin amatly şäherleriniň biri hökmünde ykrar edildi. Şu jähetden, 20-nji sentýabrda ýurdumyzyň Garaşsyzlyk baýramynyň öňüsyrasynda paýtagtymyzyň «Parahat — 7» ýaşaýyş toplumynda 13 sany 9 gatly ýaşaýyş jaýynyň we seýilgähiň dabaraly ýagdaýda ulanmaga berilmegi möhüm ähmiýetli wakadyr.

3 sagat öň

Kämillik uzakda däl ýa–da perzendiň ata–enä edýän täsiri hakynda

«Ene bolanymdan soň, bar zat başgaça boldy, düýpgöter üýtgäýdim», «Perzent aladasy süýji. Ata bolanyňdan soň, dünýä täzeçe seredip başlaýýan ekeniň-aý!» diýen sözlere köp gabat gelýäris. Hatda ony özümiziňem diýip goýberýän wagtymyz az däl. Özem biz bu sözleri kiçi dilden bärde däl-de, aňyrdan — hut janymyzdan syzdyrypjyk diýýäris. Sebäbi ol — hakykat. Arada çaý içip otyrkam, 6 ýaşly uly gyzym edil gabat garşyma geçdi-de, birazajyk ondan-mundan gürrüň eden boldy. Yzyndanam meniň adyma uly bir «bellik» etdi:

3 sagat öň

Ýaşaýşy söý! (Kämillige tarap)

Durmuş — bu dowamly döredijilikdir. Wagtyň dynuwsyz akyp duranlygy üçin durmuş hemişe ösüş-özgerişde. Hereket edýän zatlar özgermek bilen bolýar. Dünýä demsaýyn özgerýär. Bu özgeriş bolany üçin adamzat ýaşaýşy gözel görünýär. Ýaşaýşa, durmuşa söýgi iň beýik söýgüdir. Islendik işe höwes, aslynda, ýaşaýşa söýgüden gözbaş alýar. Adam öz ýaşaýan dünýäsi barada oýlanmaly, öz dirilik çeşmesiniň nämedeligine akyl ýetirmäge çalyşmaly. Biz söýgüden binýat bolan dünýä geldik. Dünýe bolsa togalakdyr, ony elde saklap bolmaýar, diňe söýüp bolýar. Şonuň üçin şahyryň: «Ýaşa dünýäni gujaklap» diýşi ýaly, dünýäni söýüp ýaşamaly. Söýýänler her gününi söýgi bilen ötürýär. Her bir işi ýürekden ýerine ýetirýär. Ömrüň manysy, durmuşyň gyzyk-gyzgalaňy — mähir bilen söýgiňdedir. Ýaşaýyş söýgi bilen aýlanýar, dost-doganlyk gatnaşyklary bilen gözel durmuş dowam bolýar.

3 sagat öň

Türkmenistanyň Prezidenti hormatly Serdar BERDIMUHAMEDOWA

Çuňňur hormatlanylýan Türkmenistanyň Prezidenti! Sizi doglan günüňiz mynasybetli Türkmenistanyň Halk Maslahatynyň adyndan tüýs ýürekden gutlaýaryn. Siziň berkarar Watanymyzy mundan beýläk-de gülledip ösdürmäge, ykdysady kuwwatyny artdyrmaga, mähriban halkymyzyň durmuş hal-ýagdaýyny has-da ýokarlandyrmaga gönükdirilen döwrebap özgertmeleriňiziň, parahatçylyk söýüjilik, dostluk ýörelgelerine esaslanýan içeri we daşary syýasatyňyzyň, döretmek, gurmak başlangyçlaryňyzyň elmydama üstünliklere beslenmegini arzuw edýärin.

4 sagat öň

Ýollaryňyz ak bolsun!

Ap-ak göwnüňiz bolsun,  süýt gaýmagy — säher deý,Tämiz howaňyz bolsun,  bag-bakjaly şäher deý,Bu ykbal ýollarynda gülläp pasly bahar deý,Ýollaryňyz ak bolup, işlerňiz rowaç bolsun! Şanly Garaşsyzlygymyzyň 33 ýyllyk toýuna barýan Gahryman Arkadagly, Arkadagly Gahryman Serdarly ýurdumyz toý donuny geýdi. Dabaraly çäreler, çykyşlar, dürli ugurdaky bäsleşikler bu uly toýuň şowhunyna şowhun, şatlygyna şatlyk goşýar.

4 sagat öň

Döwrebap aragatnaşyk binasy

Ýakynda Tagtabazar etrabynyň Tagtabazar şäherçesinde «Türkmenaragatnaşyk» agentliginiň «Türkmentelekom» elektrik aragatnaşyk kärhanasynyň etrap bölüminiň iki gatdan ybarat, dünýä ölçeglerine gabat gelýän täze binasy gurlup ulanmaga berildi. Bu binada media hyzmatlaryny aňsatlaşdyrmak üçin täze sanly hyzmatlar girizildi. «Belet film» onlaýn kinoteatr platformasy dürli filmleriň, teleseriallaryň, multfilmleriň, dokumental filmleriň giň ýygyndysyny bir saýtda jemlemek bilen onlaýn kinoteatry bolup hyzmat eder. «Älem TV» hyzmaty giňeldilip, dünýäniň dürli we meşhur teleýaýlymlaryny özünde jemleýär. Täze binanyň açylyş dabarasynda çykyş edenler hormatly Prezidentimize ajaýyp döwrebap binany gurduryp berendigi üçin hoşallyk sözlerini aýtdylar. Binanyň gurluşygynda tapawutlanan gurluşykçylara hormatly Prezidentimiziň adyndan gymmat bahaly ýadygärlik sowgatlary gowşuryldy.

4 sagat öň

Eşretli zamananyň höziri

Ýene sanlyja günden agzybir türkmen halky mukaddes Garaşsyzlygymyzyň şanly 33 ýyllyk baýramyny uludan belläp geçer. «Pähim-paýhas ummany Magtymguly Pyragy» ýylynda uly şatlyk-şowhun bilen belleniljek bu baýramyň öňüsyrasynda Lebap welaýatynyň Polisiýa müdirliginiň Hojambaz etrabynyň polisiýa bölüminde awtoulaglaryň tehniki ýagdaýyny anyklaýyş we hasaba alyş toparlarynyň döwrebap edara binasy açylyp ulanmaga berildi. Bu ajaýyp toý sowgady edaranyň işgärleri bilen bir hatarda ähli ýaşaýjylary hem begendirdi. Şeýle hem 1-nji sentýabrda bellenip geçilen Bilimler we talyp ýaşlar güni mynasybetli etrapdaky Hojambaz şäherinde ähli amatlyklary bolan täze döwrebap 2 gatly, 960 orunlyk mekdep gapylaryny giňden açdy. Her ýyl şeýle binalaryň birnäçesi ýurdumyzyň ähli sebitlerinde gurlup, halkymyzyň hyzmatyna berilýär. Bularyň ählisi mukaddes Garaşsyzlygymyzyň bize beren miweleridir. Halkymyzyň bolelin durmuşda bagtyýar ýaşamagy, döredijilikli zähmet çekmegi ugrunda döredilýän ähli şert we mümkinçilikleriň aňyrsynda hormatly Prezidentimiziň irginsiz tagallalary ýatyr. Hormatly Prezidentimizi ýetip gelýän mukaddes Garaşsyzlygymyzyň şanly 33 ýyllyk toýy hem-de doglan güni bilen tüýs ýürekden gutlaýarys.

4 sagat öň

Ýaşlar we Ýaşlar guramasy

■ Jemgyýetçilik guramalarynyň merkezi binasynda ýurdumyzyň ýaşlarynyň arasynda yglan edilen «Müň parasat, müň many, köňülleriň çyragy — pähim-paýhas ummany Magtymguly Pyragy» atly döredijilik bäsleşiginiň ýeňijilerini sylaglamak dabarasy geçirildi. Bu çäräni Türkmenistanyň Magtymguly adyndaky Ýaşlar guramasynyň Merkezi geňeşi «Garagum» žurnalynyň redaksiýasy bilen bilelikde gurady. Şamämmet TÄÇJANOW,TMÝG-niň Merkezi geňeşiniň bölüm müdiri.

1 gün öň

Beýik ynamyň eýeleri (Döwür we ýaşlar)

Berkarar döwletiň täze eýýamynyň Galkynyşy döwründe ýaşlara örän uly ynam bildirilýär. Şol belent ynam bu günki gün durmuşymyzyň ähli ugurlarynda aýdyň duýulýar. Şu nukdaýnazardan, ýurdumyzda ýaşlar babatda ýaýbaňlandyrylýan giň gerimli işler Gahryman Arkadagymyzyň hem-de Arkadagly Gahryman Serdarymyzyň baştutanlygynda durmuşa geçirilýän öňdengörüjilikli, ynsanperwer we parasatly syýasatyň aýdyň beýanydyr. Türkmen ýaşlary jemgyýetiň ähli gurşawyndaky özgerişleri, täzelikleri durmuşa geçirmäge we ösdürmäge ukyplydyrlar. Ýaşlar döwletiň işjeň we örän wajyp güýjüdir, olaryň islegleri, gymmatlyklary, garaýyşlary geljegiň binýadydyr. Şoňa görä-de, hormatly Prezidentimiziň: «Ýaşlarymyz ylymlaryny we bilimlerini ilimiziň baky bagtyýarlygyna, Watanymyzyň beýik geljegine, dünýädäki abraý-mertebämiziň has-da belende galmagyna bagyş etmelidirler» diýen sözlerinden ugur alyp, ajaýyp döwrümiziň bagtyýar ýaşlary beýik geljegimiz üçin bilim alýarlar, döredýärler, eziz Watanymyzyň at-abraýyny has-da şöhratlandyrýarlar.

1 gün öň

Üçe çenli — aýny wagty!

MASARU IBUKA (Irki terbiýe bilen bagly 76 maslahat) KIÇIJEKKÄ GÖREN HEM EŞIDEN ZADY SOŇRA ÇAGANYŇ ÖSÜŞINE ÝARDAM BERÝÄR

1 gün öň

Ykdysady üstünliklerimiziň sergisi

19-njy sentýabrda paýtagtymyz Aşgabadyň gözel künjekleriniň biri bolan «Garagum» myhmanhanasynyň ýanyndaky meýdançada Garaşsyzlygymyzyň 33 ýyllygy mynasybetli ýurdumyzyň ykdysady üstünlikleriniň sergisi öz işine başlady. Serginiň açylyş dabarasyna Türkmenistanyň Mejlisiniň Başlygy, Türkmenistanyň Ministrler Kabinetiniň Başlygynyň orunbasarlary, ýurdumyzyň ministrlikleriniň we pudaklaýyn dolandyryş edaralarynyň, Türkmenistanda ýerleşýän daşary ýurtlaryň we halkara guramalaryň diplomatik wekilhanalarynyň, jemgyýetçilik guramalarynyň we köpçülikleýin habar beriş serişdeleriniň ýolbaşçylary gatnaşdylar.

1 gün öň

Guwandyryjy üstünliklerden täze sepgitlere

19-njy sentýabrda paýtagtymyzyň gözel künjeginde ýerleşýän «Garagum» myhmanhanasynyň arka tarapynda gurnalan sergi meýdançasynda ýurdumyzyň Garaşsyzlygynyň 33 ýyllygy mynasybetli Türkmenistanyň ykdysady üstünlikleriniň sergisi dabaraly ýagdaýda açyldy. Milli ykdysadyýetimiziň guwandyryjy üstünliklerini şöhlelendirýän gözden geçirilişe halk hojalygynyň dürli pudaklaryna degişli düzümleriň, bilim, medeniýet, sport, syýahatçylyk ulgamlarynyň, Aşgabat, Arkadag şäherleriniň we ýurdumyzyň welaýatlarynyň häkimlikleriniň wekilleri, şeýle hem hususy telekeçiler gatnaşýar. Sergi meýdançasynda halkymyzyň ýaşaýyş derejesiniň yzygiderli ýokarlandyrylmagyna gönükdirilen döwlet maksatnamalarynyň durmuşa geçirilmeginde ykdysadyýetimiziň dürli pudaklarynyň goşýan goşandy we geljegi uly mümkinçilikleri görkezilýär. Türkmenistanyň döwlet we hususy kärhanalarynyň täze önümleriniň, taslamalarynyň mahabat-tanyşdyryş çäreleriniň, halk senetçilik sungatynyň görnüşleri boýunça ussatlyk sapaklarynyň, aýdym-sazly dabaralaryň geçirilmegi şu gün öz işini tamamlaýan serginiň ähmiýetini has-da artdyrýar. Bizem sergä gatnaşyjylar bilen söhbetdeş bolanymyzda ünsümizi çeken gyzykly maglumatlary okyjylaryň dykgatyna ýetirmegi makul bildik.

1 gün öň

Kanunçylygyň talaplary düşündirildi

Baş Kanunymyzda adamyň döwletiň we jemgyýetiň iň ýokary gymmatlygy hasaplanylýandygy baradaky kada beýan edilýär. Hormatly Belent Serkerdebaşymyzyň parasatly baştutanlygynda Berkarar döwletiň täze eýýamynyň Galkynyşy döwründe ýurdumyzyň her bir ulgamynda gazanylýan üstünlikler, ýetilýän belent sepgitler bagtyýar raýatlarymyzyň abadan durmuşyny üpjün edýär. Bu sazlaşyk döwletiň we jemgyýetiň rowaçlygyny berkidýär. Şeýle derejeli döwletde ýaşaýan adamlar öz orunlarynda halal hem ýadawsyz zähmetleri bilen ösüşlere mynasyp goşant goşmaga borçludyrlar. Şunda, ilkinji nobatda, arassa ýaşamak, halal işlemek, jenaýatçylykly işlerden daşda durmak esasy şertleriň biridir. Bu babatda biz — kazyýet işgärleri wagyz-nesihat duşuşyklaryny geçirenimizde hem tekrarlap gürrüň edýäris, degişli kanunçylyklaryň talaplaryny giňişleýin düşündirýäris. Golaýda şu maksat bilen Daşoguz şäher Ýaşaýyş jaý ulanyş trestinde wagyz-nesihat maslahaty geçirildi. Oňa trestiň işgärleri guramaçylykly gatnaşdylar. Maslahatda edilen çykyşlarda Türkmenistanyň Jenaýat kodeksiniň talaplary düşündirildi. Kodekse döwrüň talaplaryna laýyklykda, degişli üýtgetmeleriň we goşmaçalaryň girizilýändigi, jenaýat hadysalarynyň öňüni almak barada kadalaryň beýan edilýändigi, olardan gelip çykýan netijeler barada gürrüň edildi. Jenaýata getirýän işlerden daşda durup, halal zähmetiň bilen gazanmagyň, ony maşgalaňa, çagalaryňa iýdirme

1 gün öň

Rahat durmuşyň goragynda

Türkmenistanyň Goranmak ministrliginiň Alp Arslan adyndaky harby mekdebiniň sürüjileriniň hem-de harby okuwçylarynyň arasynda ýol hereketiniň kadalary bilen baglanyşykly wagyz-nesihat çäresi guraldy. Onda harby lukman maýor A.Gubyrowyň, harby awtomobil gözegçiliginiň ýol hereketine gözegçiler wzwodynyň gözegçisi A.Jumaniýazowyň, Polisiýanyň ýol gözegçiligi bölüminiň wagyz-nesihat işleri boýunça gözegçisi, maýor A.Saparmedowyň, hünärmenleri taýýarlaýan harby mekdebiň mugallymy D.Öwelekowň, Raýat goranyşy we halas ediş işleri müdirliginden kapitan M.Gurbanalyýewiň gatnaşmagynda ýol hereketiniň düzgünleri, ýol-ulag hadysalary, olaryň getirýän agyr netijeleri hakyndaky gürrüňler geçirilýän çäräniň täsirliligini has-da artdyrdy.

1 gün öň

Hereketiň howpsuzlygy ugrunda

Berkarar döwletimizde her ýylyň sentýabr aýynda «Ýol hereketiniň howpsuzlygy — ömrümiziň rahatlygy» atly biraýlygyň geçirilmegi raýatlarymyzyň abadan, asuda durmuşda ýaşamagyny gazanmak ugrundaky beýik işleriň bir nusgasydyr. Çünki ýollaryň asudalygyny üpjün etmek, hereket howpsuzlygyny gazanmak häzirki döwrüň möhüm wezipeleriniň biri bolup durýar. Bu ugurda öňümizde duran wezipe-borçlary üstünlikli amal etmek maksady bilen, biz sürüjiler bilen düşündiriş işlerini yzygiderli geçirýäris. Şeýle ähmiýetli çärelerde ýol hereketiniň kadalaryny berjaý etmekligiň, ulaglary bellenilen tizlikde sürmekligiň ähmiýetine aýratyn üns çekilýär. Sürüjilere çatryklarda, pyýada geçelgelerde we aýlawlarda berjaý etmeli borçlaryny aýratyn ýatladýarys.

1 gün öň

Okuwçy gyzlaryň el işleriniň sergisi

Gökdepe etrabyndaky Annak Sähetmyradow adyndaky ýöriteleşdirilen 42-nji orta mekdebinde okuwçy gyzlaryň el işleriniň sergisi guraldy. Mukaddes Garaşsyzlygymyzyň şanly 33 ýyllygy mynasybetli guralan sergi özboluşlylygy bilen tapawutlandy. Onda okuwçy gyzlaryň gadymy nusgalary döwrebaplaşdyryp, döreden dürli görnüşli bezegli ýakalary, kürteleri, çabytlary, tahýalary sergä tomaşa edenlerde aýratyn täsir galdyrdy. Sergidäki gözel görnüşler, gyzlaryň el işleriniň haýran galdyrýan nagyşlary mekdebiň mugallymlarynyň terbiýeçilik babatdaky alyp barýan işleriniň miwesidigini aýdyň görkezdi.

1 gün öň

Halkara ylmy maslahat geçirildi

19-20-nji sentýabrda Türkmenistanyň Oba hojalyk ministrliginiň guramagynda «Oba hojalyk ekinleriniň tohumçylygynda ýetilen sepgitler we öňde durýan wezipeler» diýen at bilen halkara ylmy maslahat geçirildi. Oňa Türkmenistanyň Oba hojalyk toplumynyň jogapkär wekilleri, topluma degişli edara-kärhanalarda zähmet çekýän hünärmenler, daşary ýurtly hünärmenler, köpçülikleýin habar beriş serişdeleriniň wekilleri we talyp ýaşlar gatnaşdy. Maslahatyň birinji gününde oňa gatnaşanlar Türkmenistanyň Ylymlar akademiýasynyň Halkara ylmy-tehnologiýa parkynda guralan oba hojalyk önümleriniň sergisini synladylar. Soňra «Ýyldyz» myhmanhanasynyň mejlisler zalynda halkara ylmy maslahat öz işine başlady. Ilki bilen Türkmenistanyň Prezidenti Serdar Berdimuhamedowyň oba hojalyk toplumynyň gazananlaryna bagyşlanan sergä we «Oba hojalyk ekinleriniň tohumçylygynda ýetilen sepgitler we öňde durýan wezipeler» atly halkara ylmy maslahata gatnaşyjylara iberen Gutlagy okaldy.

1 gün öň

1
2
3
4
5
6
7
8
...
1303
1304
›