Hormatly Prezidentimiziň başlangyjy bilen yglan edilen «Türkmenistan — parahatçylygyň we ynanyşmagyň Watany» ýylynda Türkmen bedewiniň milli baýramy we Türkmen alabaýynyň baýramy has dabaraly, täze öwüşginlere beslenip bellenilip geçilýär. Şu mynasybetli biz Görogly etrabynyň Ýagtylyk geňeşliginiň Akguýy obasynda ýaşaýan belli itşynas, Halkara «Türkmen alabaý itleri» assosiasiýasynyň agzasy Şaguly Taganlyýew bilen gürrüňdeş bolduk.
— Şaguly, Berkarar döwletiň bagtyýarlyk döwründe türkmen bedewleri bilen birlikde alabaý itleriniň hem abraý-mertebesi belende göterildi. Şu ýyl Türkmen bedewiniň milli baýramy bilen bir wagtda Türkmen alabaýynyň baýramynyň bellenilmegi-de munuň aýdyň mysalydyr.
