"Arkadag" gazeti

Esaslandyryjysy: Türkmenistanyň Ministrler Kabineti
Salgysy: Arkadag şäheri, Arkadag şaýoly, 28
Telefon belgileri: 57-39-65, 57-39-66
Email: arkadag_gazeti@sanly.tm

Gazeti PDF görnüşinde ýükläp almak

Habarlar

Ýüzugra edilen bellikler (Pikir ýöretme)

GIJE MAHMAL PERDESINI ÖRTENDE Iňrik çöküp, göz çöp başyny saýgarman başlanda, ýagny garaňky düşüp, gije mahmal perdesini örtende, oýalykdaky durmuş arakesme alyp, nepesini durlap, uka berilmäge hyýallananda, köplenç, aňymda tersine bolýar. Onuň sahna perdesi syrylýar...

12 Fewral 2021

Jemgyýet

Bagtyýarlyk şäheridir Aşgabat

Hormatly Arkadagymyzyň parasatly baştutanlygynda gözel paýtagtymyz ösüşleriň belent sepgitlerini eýeleýär. Ak şäherimizde häzirki wagtda möhüm ähmiýetli, dürli maksatly desgalaryň onlarçasynyň gurluşygy batly depginlerde alnyp barylýar. Beýik ösüşlere, dünýä jemgyýetçiliginiň ünsüni çekýän taryhy wakalara beslenýän «Türkmenistan — parahatçylygyň we ynanyşmagyň Watany» ýylynda ak şäherimiz Aşgabady mundan beýläk-de ösdürmek, gözelleşdirmek babatda alnyp barylýan beýik işler çuň many-mazmuny bilen dabaralanýar. Şu ýyl mähriban halkymyz mukaddes Garaşsyzlygymyzyň 30 ýyllyk hem-de paýtagtymyzyň döredilmeginiň 140 ýyllyk toýuny bitirilen beýik işler, gazanylýan uly üstünlikler bilen garşylaýar. Paýtagtymyzy ösdürmegiň 13, 14, 15, 16-njy tapgyrlarynyň çäklerinde dünýä ülňülerine laýyk gurlan döwrebap täsin ýaşaýyş jaýlarydyr dürli maksatly desgalar, ajaýyp ýollar, ösdürilip ýetişdirilen täsin baglar, al-elwan güller, bularyň ählisi, türkmen döwletiniň beýik ösüşlerinden habar berýär. Gurulýan desgalaryň ählisi hem, gözelligi we amatlylygy, öňdebaryjy inžener-tehniki çözgütleri, döwrebap şertleri bilen görenleri haýrana goýýar. Şunda Magtymguly şaýolunyň ugry boýunça, Taslama we Tähran köçeleriniň arasyndaky giň çäkde paýtagtymyzy ösdürmegiň 16-njy tapgyrynyň çäklerinde gurlan täze binalaryň — 12 gatly ýaşaýyş jaýlarynyň, «Gül zemin» söwda-dynç alyş merkeziniň, ajaýyp ýoluň dünýäniň

12 Fewral 2021

Jemgyýet

Gözelligiň mekany

Hormatly Arkadagymyzyň parasatly baştutanlygynda paýtagt şäherimiz Aşgabat geçen sanlyja ýyllarda uly ösüşlere beslendi. Paýtagtymyzyň has-da gözel keşbe getirilmegi, abadanlaşdyrylmagy ugrunda alnyp barylýan işler häzirki wagtda oňyn netijelere beslenýär. Paýtagtymyzda alnyp barylýan giň gerimli, düýpli gurluşyk we abadanlaşdyryş işlerine gözüň düşende hem muňa aýdyň göz ýetirmek bolýar. Elbetde, munuň özi paýtagtymyzyň has kämil şäherleriň biri bolmagyny şertlendirýär. Häzirki wagtda paýtagtyň haýsy künjegine göz aýlanyňda hem, gije-gündiz päk zähmetiň gaýnap-joşýandygyny görmek bolýar. Şol asylly işleriň hatarynda bolsa, Aşgabadyň esaslandyrylmagynyň 140 ýyllyk toýuna barýan günlerimizde ak şäherimizi gülzarlyga, bagy-bossanlyga beslemek, paýtagtyň keşbinde baýramçylyk öwüşginini döretmek ýaly aýdyň maksatlar dur. Hormatly Prezidentimiziň başlangyjy bilen Berkarar döwletimiziň bagtyýarlyk döwründe ekologiýa abadançylygy, ýurdumyzy bagy-bossanlyga, gülzarlyga beslemek işleri döwlet syýasatynyň ileri tutulýan ugurlarynyň birine öwrüldi. Ýurdumyzyň dürli künjeklerinde şol sanda ak şäherimiz Aşgabatda ýylyň ähli paslynda gök öwüsýän dürli baglar, pasyllaryň hersine mahsus bolan ajaýyp güller oturdylýar. Aslynda hem baglaryň we gülleriň ynsan saglygyna ýetirýän oňyn täsirine, onuň töweregimizi gurşap alan tebigata üýtgeşik bezegdigine, şeýle-de adamlaryň saglygy üçin arassa howan

12 Fewral 2021

Jemgyýet

Ykbalyň bagt ýyldyzy hemmelere miýesser etsin

Hamal (guzy 21.03-20.04) Geljek hepde hamallar üçin ähli zat babatda amatly bolar. Sowukganly we parahat boluň, ähli arzuwlaryňyza ýetersiňiz. Hamallaryň durmuşynda uly zatlary wada berýän mümkinçilikler dörär. Bu döwürde önüm öndürýän hamallar önümçiligini giňeldip bilerler.

12 Fewral 2021

Jemgyýet

Dalaşgärler hödürlenildi

«Türkmenistan — parahatçylygyň we ynanyşmagyň Watany» ýylynyň taryhy wakasyna öwrüljek Türkmenistanyň Milli Geňeşiniň Halk Maslahatynyň agzalarynyň saýlawlaryna häzirki wagtda giňden taýýarlyk görülýär. Bu syýasy çäre bilen baglanyşykly işler welaýatymyzda hem ýokary guramaçylyk derejesinde geçirilýär. Häzirki wagtda degişli kanunçylyga we kodekse laýyklykda, Milli Geňeşiň Halk Maslahatynyň agzalygyna dalaşgärleri hödürlemek işleri dowam edýär. Şu mynasybetli golaýda welaýat kitaphanasynyň mejlisler eýwanynda Daşoguz şäher halk maslahatynyň mejlisi geçirildi. Oňa şäher halk maslahatynyň agzalary gatnaşdylar. Mejlisiň gün tertibine Türkmenistanyň Milli Geňeşiniň Halk Maslahatynyň agzalarynyň saýlawlary boýunça dalaşgär hödürlemek meselesi girizildi. Mejlisiň başynda Daşoguz şäher halk maslahatynyň başlygy Begenç Myradow çykyş edip, hormatly Prezidentimiziň pähim-parasatly başlangyçlary bilen ýurdumyzda durmuşa geçirilýän konstitusion özgertmeleriň ähmiýeti dogrusynda belläp geçdi. Soňra mejlisiň guramaçylyk meselelerine seredildi. Daşoguz şäher halk maslahatynyň agzasy Babageldi Kurbanow çykyş edip, Halk Maslahatynyň agzalygyna dalaşgär hödürlemek barada öz teklibini aýtdy. Daşoguz şäher halk maslahatynyň agzalary Batyr Otuzow, Döwletmyrat Saparmämedow, Bahar Atabaýewa dagy bolsa hödürlenen dalaşgärleriň syýasy sowatlylygynyň ýokarydygy, il-ýurt bähbitli, döwlet ähmiýetli çärel

12 Fewral 2021

Jemgyýet

Üstünlikler wagyz edilýär

Bedew bady bilen öňe barýan Garaşsyz ýurdumyz ykdysadyýetiň möhüm pudaklarynda gazanýan belent ösüşleriniň netijesinde günsaýyn kuwwatly döwlete öwrülýär. Şonuň bilen birlikde-de, ylymda-bilimde, medeniýetde, sportda we beýleki ugurlarda ýetilýän sepgitler ata Watanymyzyň abraý-mertebesini barha ýokary göterýär. Hormatly Prezidentimiziň taýsyz tagallalarynyň netijesinde saglygy goraýyş ulgamynda hem uly işler amala aşyrylýar. Şeýlelikde, ähli şäherdir obalarda täze hassahanalar, saglyk öýleri gurlup, ulanylmaga berilýär, olaryň ozaldan bar bolanlary döwrebaplaşdyrylýar. Bu bolsa halkymyza edilýän lukmançylyk hyzmatlarynyň gowulandyrylmagyna düýpli şertleri döredýär.

12 Fewral 2021

Jemgyýet

Dokmaçy zenanlar bäsleşdiler

Türkmenistanyň Dokma senagaty ministrliginiň, Türkmenistanyň Zenanlar birleşiginiň Merkezi geňeşiniň we Kärdeşler arkalaşyklarynyň Milli merkeziniň bilelikde «Türkmenistan  —  parahatçylygyň we ynanyşmagyň Watany» ýylyny dabaralandyrmak hem-de Halkara zenanlar güni mynasybetli dokma senagatyna degişli kärhanalarda zähmet çekýän zenanlaryň arasynda yglan eden «Arkadagly Diýarda gözelligiň nusgasy dokmaçy gelin-gyzlar» atly baýramçylyk bäsleşiginiň welaýat tapgyry geçirildi. Bäsleşige welaýatymyzyň dokma kärhanalarynda zähmet çekýän gyz-gelinler gatnaşdylar. Bagtyýarlyk döwrümizde dokma senagatynda ýetilen belent sepgitleri açyp görkezmek, ene-mamalarymyzdan miras galan milli däp-dessurlarymyzyň, lybaslaryň aýratynlygyny, ähmiýetini, gymmatyny wasp etmek, dokmaçy zenanlaryň tejribe alyşmaklaryna ýardam bermek maksadynda, S.A.Nyýazow adyndaky etrabyň Gaýrat geňeşliginiň medeniýet öýünde geçirilen bäsleşik ýokary guramaçylyk derejesine eýe boldy.

12 Fewral 2021

Jemgyýet

Wajyp wezipeler kesgitlenildi

“Türkmenistan — parahatçylygyň we ynanyşmagyň Watany” diýlip yglan edilen üstümizdäki ýylda Garaşsyz döwletimizi durmuş-ykdysady taýdan ösdürmekde öňümizde möhüm wezipeler durýar. Golaýda Türkmengala etrap häkimliginiň mejlisler jaýynda geçirilen maslahat hem geçen ýylda ýetilen sepgitler seljerilip, öňde durýan wezipeleri durmuşa geçirmegiň meseleleri ara alnyp maslahatlaşyldy. Bu çäre TDP-niň etrap komiteti tarapyndan guralyp, oňa TDP-niň welaýat komitetiniň jogapkär işgärleri, etrap komitetiniň işgärleri we işjeň agzalary gatnaşdylar. Maslahatda TDP-niň etrap komitetiniň başlygy, Türkmenistanyň Mejlisiniň deputaty Muhammetnazar Täşliýew, TDP-niň etrap komitetiniň işgäri Serdar Jumageldiýew, etrapdaky 14-nji we 16-njy orta mekdepleriň mugallymlary Bahar Gurbanmyradowa, Muhammetmyrat Durdyýew, etrapdaky 8-nji çagalar bagynyň aýdym-saz mugallymy Nurgeldi Garaýew çykyş etdiler. Olar 2020-nji ýylda bitirilen işlere seljerme berip, üstümizdäki ýylda ýetilmeli sepgitler dogrusynda giňişleýin durup geçdiler. Şeýle hem bu maslahatda ýaşlaryň birnäçesi partiýa agzalygyna kabul edildi. 2020-nji ýylda zähmetde tapawutlanan partiýa agzalaryna ýadygärlik sowgatlar dabaraly ýagdaýda gowşuryldy.

12 Fewral 2021

Jemgyýet

Adam. Jemgyýet. Kanun.

Ösüşli döwrüň talaby Berkarar döwletimiziň bagtyýarlyk döwründe Garaşsyz döwletimiziň ykdysadyýetiniň ähli pudaklarynda giň gerimli özgertmeler amala aşyrylýar. Raýatlaryň ýaşaýyş-durmuş şertlerini gowulandyrmaga gönükdirilen tagallalar rowaçlyklara beslenýär. Netijede, türkmen halky bagtyýar durmuşda ýaşap, abadan geljegine ynamly gadam urýar. Bularyň hemmesiniň gözbaşynda hormatly Belent Serkerdebaşymyzyň durýandygy guwanjymyza guwanç goşýar.

12 Fewral 2021

Jemgyýet

Ýol hereketiniň düzgünleri düşündirildi

Bereket etrabyndaky 19-njy orta mekdepde welaýat Polisiýa müdirliginiň polisiýanyň ýol gözegçiligi bölüminiň, etrap polisiýa bölüminiň polisiýanyň ýol gözegçiligi bölümçesiniň we etrap bilim bölüminiň bilelikde guramaklarynda mekdep okuwçylarynyň arasynda ýol hereketiniň düzgünleri barada çäre geçirildi. Onuň dowamynda okuwçylara interaktiw enjam arkaly ýollarda pyýadalaryň borçlary baradaky wideoşekil görkezildi. Şeýle-de, okuwçylaryň ýol hereketiniň düzgünlerine bolan düşünjelerini artdyrmak maksady bilen, ýol belgileriniň we ýolyşyklaryň hereketiň sazlaşygyny üpjün etmekdäki ähmiýeti barada sorag-jogap alşyldy. Ýol-ulag hadysalarynyň öňüni almak, hereket howpsuzlygyny üpjün etmek meselesine has oýlanyşykly we jogapkärli çemeleşmegiň zerurdygy, bu babatda raýatlarymyzyň her biriniň şahsy jogapkärçiligini duýmalydygy nygtaldy. Soňra mekdebiň kitaphanasynda hormatly Prezidentimiziň jöwher paýhasyndan dörän eserleri esasynda guralan sergä syn edildi. Halkymyza ajaýyp eserleri peşgeş berýän Gahryman Arkadagymyzyň janynyň sag, ömrüniň uzak bolup, alyp barýan beýik işleriniň has-da rowaçlanmagy arzuw edildi.

12 Fewral 2021

Jemgyýet

Bagt bagynyň bägülleri

Türkmenabadyň pagta egriji fabriginde «Arkadagly Diýarda gözelligiň nusgasy ― dokmaçy gelin-gyzlar» diýen at bilen hünär bäsleşigi geçirildi. Türkmenistanyň Kärdeşler arkalaşyklarynyň welaýat birleşmesiniň we Türkmenistanyň Zenanlar birleşiginiň welaýat bölüminiň bilelikde guran bu bäsleşigine welaýatymyzyň dokma senagatyna degişli edara-kärhanalarynda zähmet çekýän gelin-gyzlaryň köpsanlysy gatnaşdy. Bäsdeşler dört tapgyr boýunça öz şahsy başarnyklaryny görkezdiler. Olar bäsleşigiň birinji şertine laýyklykda hormatly Prezidentimiziň «Enä tagzym ― mukaddeslige tagzym» kitabyndan bölekleri ýatdan aýtdylar, milli däp-dessurlarymyzyň dowam etdirilişi dogrusynda gürrüň berdiler. Bäsleşigiň ikinji şertine laýyklykda gelin-gyzlar gadymy milli lybaslaryň we olara salynýan nagyşlaryň aýratynlyklaryny, gelip çykyşyny gürrüň berýän slaýd usuly bilen taýýarlan şekillerini ýörite ekranda görkezdiler. Täze usullara esaslanýan bäsleşigiň bu şertine laýyklykda taýýarlanylan slaýdlarda ene-mamalarymyzdan miras galan el işlerimiz millilik ruhunda täze röwüşde janlandyryldy.

12 Fewral 2021

Jemgyýet

Hukuk terbiýesi — geljegi nazarlaýan iş

Hormatly Prezidentimiziň kakasy gulluk eden döwründe ýedi gezek ýokary döwlet sylaglaryna mynasyp bolan, «Içerki goşunlarda gullukda tapawutlanandygy üçin» diýen döşe dakylýan nyşan bilen sylaglanan, 1982-nji ýylda içeri işler edaralarynda podpolkownik harby adynda gullugyny tamamlap, zähmet ýoluny Türkmenistanyň Bilim ministrliginiň düzümleýin edaralarynda dürli wezipelerde dowam eden, ilhalar ynsan, Türkmenistanyň içeri işler edaralarynyň hormatly weterany Mälikguly Berdimuhamedowyň zähmet we durmuş ýoly bütin türkmen halkymyz bilen birlikde, biziň bilim ojagymyzda hem okuw-terbiýeçilik işlerini mynasyp alyp barmakda beýik mekdep bolup durýar. Çünki, döwletimizde ylym-bilimiň döwrebap ösdürilmegi hem-de bu ulgama ornaşdyrylýan ýokary hilli tehnologiýalar talyp ýaşlarymyzyň ählitaraplaýyn kämil bilim almagyna oňyn täsirini ýetirýär. Bagtyýar talyp ýaşlarymyz ylmy tehnologiýanyň gazananlaryny üstünlikli ele almakda, daşary ýurt dillerini öwrenmekde, ylmy işler, şeýle-de sportuň dürli görnüşleri, aýdym-saz, sungat bilen meşgullanmakda öz başarnyklaryny görkezýärler. Ýaşlarymyzyň eşretli durmuşda ýaşamagy, okamagy, öwrenmegi, ýokary derejeli hünärmenler bolup ýetişmegi üçin döwlet tarapyndan yzygiderli tagallalar edilýär.

11 Fewral 2021

Jemgyýet

Buýsançly waka

Golaýda, Türkmenistanyň Döwlet migrasiýa gullugynyň harby gullukçylary bilen «Türkmenistan: Altyn asyr» teleýaýlymynyň döredijilik toparynyň işgärleriniň bilelikde guramagynda Türkmenistanyň raýatlygyna kabul edilen adamlaryň maşgala durmuşynda bolan özgerişler, ösüşler barada olaryň berýän buýsançly gürrüňleri, özleriniň ýürek arzuwlaryny wysal eden, baky bagtyýarlygy peşgeş beren hormatly Prezidentimize egsilmez alkyş sözlere beslenen ýürek buýsançlary sanly ulgam arkaly, göni wideoaragatnaşygynda, onlaýn görnüşinde teleýazgy edilip, ýaýlyma berildi. Teleýazgynyň dowamynda Türkmenistanyň raýatlygyna kabul edilen adamlar ýurdumyzda ynsanperwerligiň ajaýyp nusgasyny giňden dabaralandyrýan mähriban Arkadagymyza tüýs ýürekden egsilmez sagbolsunlaryny aýdyp, hemişelik Bitarap Türkmenistanda adam hakyndaky aladanyň iň öňdäki orunda durýandygyny, raýatlaryň erkana, parahat we bolelin durmuşda ýaşamagy üçin ähli mümkinçilikleriň döredilýändigini buýsanç bilen bellediler. Olar: «Men Türkmenistanyň raýaty» şeýle belent heň bilen ýaňlanan bu mukaddes jümläniň her bir adamyň kalbyndan syzylyp çykmagy, adamlaryň bagtyýarlygynyň aýdyň nyşany bolup, ýüreklere ornady.

11 Fewral 2021

Jemgyýet

Saýlaw möwsüminde

Hormatly Prezidentimiziň parasatly baştutanlygynda ýurdumyzyň milli kanunçylyk ulgamyny düýpli kämilleşdirmegiň barşynda üstünlikli amala aşyrylan konstitusion özgertmeleriň netijesinde iki palataly parlament ulgamy girizildi. Şundan gelip çykýan wezipeleri çözmek üçin yglan edilen saýlaw möwsümi «Türkmenistan — parahatçylygyň we ynanyşmagyň Watany» ýylynyň esasy jemgyýetçilik-syýasy wakasy bolmak bilen, ýurdumyzyň syýasy durnuklylygynyň üpjün edilmeginde we ykdysady kuwwatlylygynyň has-da ýokarlandyrylmagynda, raýatlaryň hukuklarynyň goraglylygynyň ýokary derejede üpjün edilmeginde hem-de halkymyzyň ýaşaýyş-durmuşynyň has-da abadanlaşdyrylmagynda uly ähmiýete eýedir. Bilşimiz ýaly, Türkmenistanyň Milli Geňeşiniň Halk Maslahatynyň agzalygyna saýlawlar bilen baglylykda, şu ýylyň 2-nji ýanwaryndan ýurdumyzda saýlaw möwsümi başlandy. Saýlaw möwsümi Halk Maslahatynyň agzalygyna dalaşgärleri erkin we deňhukukly hödürlemek, aýanlyk we açyklyk, wagyz erkinligi başlangyçlarynda, ähli dalaşgärler üçin deň mümkinçiliklerde amala aşyrylýar.

11 Fewral 2021

Jemgyýet

Ynanyşmagyň hukuk binýady

Bagtyýarlyk döwrüniň aýdyň ýoly Gahryman Arkadagymyzyň öňdengörüjilikli baştutanlygynda dost-doganlykdan, agzybirlikden we ynsanperwerlikden badalga alyp, dünýä içre uzap barýar. Milli Liderimiziň öňe süren ajaýyp başlangyjy esasynda BMG-niň Baş Assambleýasy tarapyndan «2021-nji ýyl — Halkara parahatçylyk we ynanyşmak ýyly» atly Kararnamanyň kabul edilmegi halkymyzyň ynsanperwerlik, dost-doganlyk ýörelgeleriniň bütin dünýä nusga bolýandygynyň aýdyň nyşanyna öwrüldi.

11 Fewral 2021

Jemgyýet

Howpsuzlyk kadalaryny berjaý ediň!

Türkmenistanyň Içeri işler ministrliginiň Döwlet ýangyn howpsuzlygy gullugynyň işgärleri tarapyndan döwletimizdäki ilatly nokatlarda, eýeçiligiň görnüşlerine garamazdan, ykdysadyýet desgalarynda, guramalarynda, oba hojalyk ekinleri bilen bagly işleriň alnyp barylýan oba senagat toplumlarynda ýangynlaryň öňüni alyş çäreleri yzygiderli geçirilýär. Bu işler ýangynlaryň sanlarynyň azalmagyna getirýär. Ýaşaýyşdyr edara jaýlarynda ýangyn howpsuzlyk düzgünleriniň kadalaryny her bir raýatyň bilmegi hökmanydyr. Eziz ildeşler, ilki bilen, ýaşaýyş jaý-ulanyş edaralarynyň, şeýle-de edara jaýlarynyň ýangyn howpsuzlygyna jogapkär adamlar, düzgün bozulmalaryň häsiýetine, şonuň bilen bir hatarda getiren netijelerine laýyklykda, kanunda bellenilen tertipde jogapkärçilik çekýändiklerini bilmelidir. Ýaşaýyş jaýy kärendesine alan adamlar, jaý eýeleri, umumy ýaşaýyş jaýlarynda ýaşaýanlar, edaralaryň işgärleri ýangynyň döremegine getirip biljek, jaýlardaky, otaglardaky adamlaryň janyna hem-de saglygyna howp salýan hereketlere ýol bermeli däldirler. Ýangyn dörän halatynda, adamlary dessin halas etmäge ýardam berýän ýörite enjamlary elmydama işjeň ýagdaýda saklamaly. Halas ediş ýollarynda ýanyjy serişdeleri ulanmagy çäklendirip, adamlary binalardan halas etmekligi pese düşürýän gurluşyk-gurnama işlerini, şeýle-de jaý gurluşyk taslamasynyň çözgütlerini üýtgedip gurmak, özbaşdak gurluşyk-gurnama

11 Fewral 2021

Jemgyýet

Wagyz-nesihat duşuşyklary

Ýakynda «Ahalmiwe» oba hojalyk senagat birleşiginde wagyz-nesihat duşuşygy geçirildi. Raýatlaryň sagdyn bedenli bolmagyny gazanmak, dürli kesellere garşy ukybyny ýokarlandyrmak hem-de howanyň üýtgemegi bilen bagly döräp biläýjek keselleriň öňüni almak maksadyndan ugur alnan maslahat welaýat häkimliginiň ýörite meýilnamasyna laýyklykda guraldy. Oňa ady agzalan oba hojalyk senagat birleşiginiň işçi-hünärmenleri gatnaşdylar. Welaýatyň jemgyýetçilik guramalarynyň hem-de saglygy goraýyş edaralarynyň işgärlerinden ybarat bolan wagyz-nesihat toparynyň agzalary maslahatda täsirli çykyş etdiler. Olar çykyşlarynda häzirki ajaýyp döwrümizde hormatly Prezidentimiziň «Döwlet adam üçindir!» diýen baş taglymatynyň iş ýüzünde üstünlikli amala aşýandygy, ata Watanymyzda raýatlaryň has-da eşretli günlerde ýaşamaklary ugrunda guwandyryjy işleriň durmuşa geçirilýändigi barada gürrüň etdiler.

11 Fewral 2021

Jemgyýet

Edep-terbiýe — ýaşlara ýaraşyk

Tejen etrabyndaky 1-nji hem-de 12-nji orta mekdepleriň ýokary synp okuwçy gyzlarynyň arasynda türkmen zenanlaryna mahsus bolan edep-terbiýe kadalaryny düşündirmek, milli däp-dessurlarymyzy wagyz etmek maksady bilen wagyz-nesihat duşuşygy geçirildi. Halkymyzyň gadymyýetden gözbaşly asylly ýörelgelerinden, şol sanda ýaşaýşyň gözbaşy bolan, ömrümize ýaraşyk berýän enelere hem-de gelin-gyzlara sarpa goýmak, olaryň mertebesini belende götermek ýörelgelerinden ugur alnan duşuşyklary Türkmenistanyň Magtymguly adyndaky Ýaşlar guramasynyň etrap Geňeşi hem-de Türkmenistanyň Zenanlar birleşiginiň etrap bölümi bilelikde gurady. Duşuşyklarda bellenilişi ýaly, ene-mamalarymyz gyz edebine ýaşlykdan aýratyn üns gönükdiripdir, gymmatly nesihatlaryň, öwüt-ündewleriň üsti bilen olara edep-terbiýe beripdir.

11 Fewral 2021

Jemgyýet

Abadan durmuşyň bähbidine

Golaýda Türkmenistanyň Merkezi bankynyň welaýat şahamçasynyň mejlisler zalynda welaýat häkimliginiň meýilnamasy esasynda ilatyň arasynda ýurdumyzda hereket edýän kanunçylygy düşündirmek, neşekeşlige hem-de korrupsiýa garşy göreşmek, ýol hereketiniň kadalaryny we düzgünlerini dogry berjaý etmek meselelerine bagyşlanan wagyz-nesihat çäresi geçirildi. Oňa şu edaranyň işgärleri gatnaşdylar. Hormatly Prezidentimiziň taýsyz tagallalary netijesinde, ýurdumyzda sagdyn durmuş ýörelgesi barha rowaçlanýar. Parahorluga we korrupsiýa garşy hereket etmek, ilatyň beden we ruhy taýdan sagdyn bolmagyny gazanmak, ahlak arassalygyny ündemek maksady bilen, uly işler durmuşa geçirilýär. Şular dogrusynda Türkmenistanyň Merkezi bankynyň welaýat şahamçasynyň başlygynyň orunbasary, bank gözegçiligi bölüminiň başlygynyň wezipesini wagtlaýyn ýerine ýetiriji Öwlüýäguly Gutlyýew, welaýat Polisiýa müdirliginiň 4-nji bölüminiň uly gözegçileri Selbi Saparnazarowa, Näzik Ýusupowa, welaýat prokurorynyň hukuk üpjünçiligi boýunça uly kömekçisi 1-nji derejeli ýurist Bilbil Saparowa, TKA-nyň welaýat birleşmesiniň pudaklar boýunça utgaşdyryjysy Mämmetdurdy Muhamedow, Daşoguz şäher polisiýa bölüminiň ýol gözegçilik bölüminiň wagyz-nesihat işleri boýunça uly gözegçisi Akmyrat Mosanow, döwlet edaralarynyň işgärleriniň kärdeşler arkalaşyklarynyň Daşoguz şäher geňeşiniň başlygy Bibigül Amanowa, TDP-niň welaýat komitetin

10 Fewral 2021

Jemgyýet

Terbiýe mekdebi

Gahryman Arkadagymyzyň «Türkmeniň döwletlilik ýörelgesi» atly eseri türkmen halkynyň milli ýol-ýörelgelerine sarpa goýmagy, olary hormatlamagy öwredýän, asylly häsiýetleri ündeýän gymmatly gollanmadyr. Kitapda ynsaplylyk, adalatlylyk, paýhaslylyk, myhmansöýerlik, zähmetsöýerlik ýaly ýörelgelerimiz barada täsirli gürrüň edilýär. Onuň «Durmuşyň kadasy — paýhas pendi» atly bölüminde şeýle bellenilýär: «Ýiti akyly bolan, pähimli oýlanmagy başarýan nesiller döwrüň zerurlygyna aýdyň düşünip bilýärler. Akylly ogul-gyzlar Watan gymmatlygynyň manysyna aýdyň düşünýän pähimdarlaryň nesilleridir.

10 Fewral 2021

Jemgyýet