Türkmenmetbugat

''Arkadagly ýaşlar" žurnaly

Esaslandyryjysy-Türkmenistanyň magtymguly adyndaky ýaşlar guramasy Salgysy: aşgabat ş.,garaşsyzlyk şaýoly; 104 Tel.:(993 12) 44-88-80; faks:44-88-94 Poçta salgysy: arkadaglyyashlar@gmail.com

Gazeti PDF görnüşinde ýükläp almak

Habarlar

Eneler — ýaşaýşyň manysy

Eneler, bu dünýäde ýaşamagyň manysy sizden başlanýar. Elbetde, her bir ynsan ene söýgüsinden taplanýar, kemala gelýär. Öwüt-ündewleri bilen ulalýar. Durmuşda adam begenen pursatynda hem, gynananda hem ilkinji aýdýan sözi ene bolýar. Çagalykdan ilki mähir bilen gurşap, her bir zadyň zyýany-peýdasy barada ilkinji sapaklary beren käbelere ömürboýy minnetdardyrys. Şahyrlaryň döredijiligi biziň üçin iň bir täsin meýdan bolup görünýär. Şol döredijiligiň seresi ene mukaddesligidir. Şu ýerde şahyryň «Ene öz mährinden döredýär ynsan» diýen setirlerindäki ýaly, biz ene söýgüsinden kemala gelýäris. Biz ene söýgüsine, onuň mukaddesligine mähriban Arkadagymyzyň ajaýyp kitaplary arkaly has-da çuň  düşündik. Gahryman Arkadagymyzyň  «Enä tagzym — mukaddeslige tagzym» atly kitabynda ene hakda gymmatly pikirler bar. Ene — mähriban ynsan, ýaşaýşymyzyň özeni. Olaryň aýdan her bir sözi ýüreklerimize ornap, emer-damarlarymyza baryp, süňňümize siňýär. Enäniň söýgüsi bahasyna ýetip bolmajak gymmatlykdyr. Olar irden mähir bilen oýaryp,  päk arzuwlar bilen durmuşa ýollar, geljegiň üçin gije-gündiz dileg edip oturandyr. Dogrudan hem ene çagasynyň üstünde gijesini gündiz edip, dileg-doga bilen kökenekdir. Durmuşda halal ýaşamagyň, päkligiň ynsanyň ýüzüniň tuwagydygyny sargyt edip oturan käbelerimizdir. Olaryň halallyga ýugrulan sözleri hakydamyzda ebedi galýar.

11 Maý 2023

Geliň, kebelek ýasalyň!

Eziz çagalar, ýaz paslynda gülden-güle gonýan dürli öwüşginli kebelejikler tebigatymyzyň gözelligine gözellik goşýar. Ýazyň, bagdyr gülleriň gelşigi, ýaraşygy bolan täsin kebelekleriň owadan keşbi her birimiziň ünsümizi özüne çekýär. Žurnalymyzyň şu sanynda bolsa kebelekleriň şekiliniň kagyzlardan, monjuklardan, iliklerden ýasalyşynyň dürli görnüşlerini size öwretmegi makul bildik. Olaryň şekilini ýasap, deň-duşlaryňyza, mähriban käbeleriňize sowgat edip, begendirip bilersiňiz, şeýle-de öz otagyňyzy bezäp bilersiňiz. Geliň, onda hemmämiz bilelikde kebelekleriň şekilini ýasamaga başlalyň! Gerekli esbaplar:

11 Maý 2023

Almaly süýjülik

Gerekli önümler: • 250 ml gatyk;

11 Maý 2023

«BEREKETLI TÜRKMEN SAÇAGY»

ÝAGLY PETIR TAÝÝARLAMAK ÜÇIN GEREKLI ÖNÜMLER:

4 Maý 2023

Eneler

Eneler — gojaman dünýäniň görki. Mähri ojar közi ýaly mährem eneler — ojagyň zynaty. Şonuň üçin dünýäde iň gowy eserler enelere bagyşlanyldy. Beýik söz ussady Magtymguly Pyragynyň «Walydym, Mekge-Medinäm, mähribanym, kaýda sen», Gurbandurdy Gurbansähedowyň «Dünýäniň bar görki enedir-ene», Kerim Gurbannepesowyň «Okyjy haty esasynda dörän sowal-jogap» goşgusyndaky: — Ol kim bolar, ynsanlaryň belendi?

3 Maý 2023

Terbiýe bagta binýat

Perzendiň edep-terbiýeli, ilhalar adam bolup ýetişmeginde, ilki bilen, maşgalada berilýän terbiýä uly orun degişlidir. Ene-atanyň yhlasy hem-de göreldesi bilen perzent adamzada mahsus bolan iň gowy häsiýetlere eýe bolýar, zähmet terbiýesiniň ilkinji endiklerini ele alýar. Perzendiniň durmuşda öz ornuny tapmagy, bir käriň başyny tutmagy, agzybir maşgala gurmagy üçin ene-ata yhlasyny gaýgyrmaýar. Çagalygyndan halkymyzyň asylly ýörelgelerine eýeren terbiýäni alan ýaşlar ata Watanymyza wepaly, edepli, zähmetsöýer, watansöýüji adamlar bolup ýetişýärler. Ene söýgüsi perzende berilýän terbiýäniň gözbaşydyr. Çünki ene söýgüsiniň özeninde perzendiniň bagtly bolmagy babatdaky alada ýatandyr. Maşgalada berilýän terbiýe heniz çaga sallançakda süýji ukuda ýatan mahaly, enäniň oňa aýdýan terbiýeçilik ähmiýetli şirin mukamly hüwdüsinden başlanýar. Enäniň edep-ekram baradaky çuňňur manyly, ýakymly owazly hüwdüsiniň ganatly setirleri çaganyň aňyna siňip, ykbalyna altynsow nur bolup dolýar. Maşgalanyň bagtyny agzybirlikde görýän ene maşgala abadançylygynyň binýadydyr. Perzendine kiçiliginden durmuşy sapaklary berip kemala getirýän ene, onuň bagtyýar döwran sürmegini arzuwlaýar we munuň üçin halkymyzyň asylly ýörelgelerine kybap terbiýe berýär.

2 Maý 2023

Alysdaky arzymanlarym (durmuş pursaty)

Şol gün iş sapary bilen Türkmenbaşy şäherine ýola rowana bolupdym. Otlynyň üstünde jaýlaşanym hem şoldy welin, gabadymda ýerleşen kärdeşim gyzgynjak çaý içmegi teklip etdi-de, çaý demlemegiň ugruna çykdy. Otlynyň penjiresiniň aňyrsynda ýaýylyp ýatan meýdanyň şeýle ajaýyp keşbe girendigine men diňe şol pursat göz ýetirdim. Içimi gepledip durmuşyň ownuk-uşak iş-aladalary bilen gümra bolup ýörşüme gözel tebigatyň adamzada az salymlyk eçilýän bu ajaýyp bahar serpaýyny hut häzire çenli nazarymdan sowanyma gynandym. Gyzyl çog bolup ýatan depe-düzleri, jümjümedir gök otly meýdanlary, ak bulutdan kerwen guraýan asmany gözlerim bilen surata alyp, gözellik diýlen gudratyň gül görküne maýyl bolup barşyma eňňit-eňňit gum depeleriniň arasyndan sil ýaly yňyp barýan demir ulagyň içinde hoşboý ysly çaýyň başyndaky täsirli söhbetdeşlik başlandy. Işdeş ýoldaşym meniň pikirlere gark bolanymy bada-bat aňdy-da: —Dost, iş-alada bilen ýazyň ýakymyny gözden sowana meňzeýäň. Gel, gyzgynjak çaý başynda tebigaty bile synlap, söhbet edeli! — diýdi.

2 Maý 2023

Alma hakynda käbir gyzykly maglumatlar

Dünýä boýunça alma bagynyň umumy meýdany 5 000 000 gektar hasaplanýar. ***

2 Maý 2023

Maşgala terbiýesi mukaddesdir

Hormatly Prezidentimiz Serdar Berdimuhamedowyň parasatly baştutanlygynda eziz Watanymyzyň geljegi bolan maşgala ojagynyň berkligi, agzybir maşgalalarda terbiýelenýän ýaş nesliň edepli-terbiýeli, bilimli-hünärli, watansöýüji, zähmetsöýer, maksada okgunly bolup ýetişmegi üçin uly tagallalar edilýär. Şol tagallalar ýurdumyzda çagalaryň hemmetaraplaýyn ösüşiniň üpjün edilmegine, belent ahlak sypatlarynyň terbiýelenmegine gönükdirilendir. Häzirki ajaýyp döwrümizde ýaş nesiller milli ruhda terbiýelenýär. Şonuň üçin hem olar milli medeniýetimize, ene dilimize sarpa goýýarlar. Ýokary medeniýetlilik her bir adamyň hereketinde, gündelik işinde, maşgala durmuşynda aýdyň görünmelidir. Ýaşlaryň özüni medeniýetli alyp barmagy, okuwlaryna oňat ýetişmegi, medeniýetli sözlemegi milli terbiýäniň özenidir. “Maşgalam - baş galam” diýen pähimi miras galdyran ata-babalarymyzyň asylly ýol-ýörelgeleri Berkarar döwletiň täze eýýamynyň Galkynyşy döwründe döwrebap many-mazmuna beslenip, mynasyp dowam etdirilýär. Maşgala terbiýesi islendik çaga üçin täze bir dünýäniň gapysyny açýar. Döwletimiz tarapyndan maşgalanyň binýadynyň berk bolmagy, onuň agzalarynyň agzybir, eşretli durmuşda ýaşamaklary üçin ähli şert-mümkinçilikleriň döredilýändigi döwrümiziň buýsançly hakykatydyr. Gadymy zamanlardan bäri maşgala ojagy türkmen halky üçin mukaddeslik saýylyp, ol milli ahlak, medeni, ruhy gymmatlyklary

2 Maý 2023

Sen mydam ýadymda, eje!

Bularyň barysy, barysy göz öňümde. Men olary hiç wagt, hiç hili ýagdaýda unudyp bilmerin. Eger şeýtsem, özüm hem hiç kim bolup galaryn. Ähli zatlaryň manysy ýiter. Arzuwym-umydym, buýsanjym-bagtym, ýürekde yhlasym, söýgim hem mährim, ynamym-ygrarym, köňülde yşkym, eý görenim, durkum-düýrmegim şygra meňzeş dünýäsine eýlenenim — meniň geçmişim, süýji ýatlamalarym dälmi, eýsem?! Şol ýatlamalaryň gözbaşynda, mukaddes töründe, tyllaýy tagtynda, gözlerimiň üstünde, ýüregimiň çuňunda ornuň bar, eje! Her bir aýdan sözüň, hereketleriň, eden yhlas-aladalaryň, mähir-muhabbet gatyşykly ýylgyryşlaryň, bize — öz perzentleriňe bolan buýsanjyň, ösüp ýetişmegimiz, ylym-bilim almagymyz, öý-işik bolmagymyz üçin çeken irginsiz zähmetiň, ukusyz gijeleriň... barysy, ählisi gözlerimiň öňünde. Kakam ikiňizi ýatlanymda, kalbyma gussa gatyşykly bir süýji ahwal aralaşýar, hyýalymda ýalňyz özüm siziň bilen galyp, söhbet edýärin, hereketleriňizi, aýdan sözleriňizi, şol bagtly pursatlary, geçen günleri, hut şu mahal bolup duran ýaly, birme-bir göz öňüme getirýärin. Oýa batýaryn, rahatlanýaryn, ýakymly duýgulara berlip, täzeden edil çaga ýaly, ataly-eneli günleriň gujagynda hüwdülenýärin. Uzak ýoldan gelenimde, «Sag-aman geldiňmi, oglum?! Men derrew çaý-naharyň ugruna çykaýyn» diýip zowzuldaýşyň, ugradan çagyň, garam ýitýänçä, gollaryňy salgap duran nurana keşbiň, edil surat ýaly, hiç göz öňümden gidenok.

21 Aprel 2023

Süýji ylham

Ýazyjylaryň biri: «Eger ähli adamlaryň dili süýjüdenem süýji bolan bolsady, onda çaýyň gapdaly bilen süýji sözüň özem ýeterlik bolardy» diýip belläpdir. Bu örän dogry. Çagakam, «Iň süýji zat näme?» diýseler, «Süýji» diýip, jogap bererdim. Soň düşündim, iň süýji zat arzuw eken. Häzir welin, süýji arzuwlary süýji zatlaryň döredýändigine göz ýetirdim. Süýjüler durmuşda bagtly adamlaryň hasam bagtly bolmagy üçin döredilen ýaly. Meniň ýylgyrmagym üçinem birje şokolad ýeterlik. Sebäbi men Françesko Petrarkanyň: «Bir bölejik süýji ençe gussanyň dermany» diýen sözleri bilen ylalaşýaryn. Konditer önümlerini öndürijileriň arasynda Peggi Porşeniň ady täze bolup görünse-de, onuň öndürýän süýjülikleri ýaly juda göze ýakymly kafesi eýýäm tutuş dünýäde bellidir. Içi-daşy durşuna gülgüne reňke boýalan, her dürli güller, bezegler bilen owadanlanan «Peggi Porşeniň meşhur süýjüli butgajygy» diňe bir Londona baryp görmek däl, eýsem, internet sahypalarynda suratlaryna duşanyňda hem ünsüňi derrew özüne çekýär. Häzirki wagtda bu süýji kafesi jahankeşdeler tarapyndan iň köp barylýan we internet sahypalarynda köp mahabatlandyrylýan ýerleriň birine öwrüldi. Sebäbi Londonyň bu ýeri bir käsejik kofeniň ýanynda bir bölejik şirinnan bilen durmuşyň lezzetini duýmak üçin, şeýle-de ýadygärlik surata düşmek üçin iň gözel ýerleriň biri hasaplanýar.

21 Aprel 2023

Dünýä atyr saçanda

«Atyr geçmişe dolap bilýän ýeke-täk jadyly çüýşejik» diýsek ýalňyşmarys. Duýgulary hiç bir zat hoşboý ys ýaly çuňňur oýaryp bilmeýär. Hakykatdan-da, atyr göýä çüýşä gaplanan geçmişiň bir bölegi. Şonuň üçinem häzirki döwürde parfýumeriýa pajarlap ösdi. Indi atyrlar diňe bir geçmiş, ýatlamalar ýa-da kimdir biri barada däl, eýsem, tutuş dünýä, gözel ýerler, ülkeler barada-da söz açýar. Hyýalyňyzda dünýä syýahat etmek isleseňiz, «Memo» atyryndan sepiniň. Onuň bir çüýşesi Mýanmanyň «Inle» kölüni, ýene biri Müsüriň «Siwa» jülgesini, Latyn Amerikasynyň «Manaosyny», Afrikany, Aziýany we dünýä kartasyndaky beýleki täsin ýerleriň özboluşly tebigatyny hyýalyňda janlandyrýar. Sebäbi «Memo» markaly atyrlary döreden ispaniýaly Klara Molloý dürli ýerlere syýahat etmegiň aşygy. Ol syýahatçylygy ömrüňi bezemek, gözelleşdirmek hasaplaýar.

21 Aprel 2023

Öý bikesi öwrense...

Ýaga bişen dolama Hamyry üçin gerekli önümler: suw, 1 ýumurtga, 2 çemçe ýag, duz, un.

21 Aprel 2023

Maşgala ojagy – terbiýe mekdebi

Berkarar döwletimiziň täze eýýamynyň Galkynyşy döwründe parahat ýaşaýşyň hözirini görýän türkmen halkymyz ýurdumyzyň geljekgi eýeleri bolan ýaş nesillerimize, olaryň edep-terbiýesine uly üns berip, bu babatda çäksiz uly işler amala aşyrylýar. Hormatly Prezidentimiziň bimöçber tagallalary esasynda ýaşlara dünýä ülňülerine laýyk bilim bermek, olaryň saglygyny goramak maksady bilen, eziz Diýarymyzyň ähli künjeginde döwrebap çagalar baglary, okuw mekdepleri, sagaldyş-dynç alyş merkezleri gurlup ulanylmaga berilýär. Okuw-terbiýeçilik edaralary ösen ylmy-innowasion tehnologiýalar, interaktiw-multimediýa enjamlary, kompýuterler bilen doly üpjün edilýär. Bu bolsa biziň röwşen geljegimiz bolan bagtyýar nesillerimize tälim-terbiýe bermegiň netijeliligini artdyryp, olaryň kämil tehnologiýalary ele almaklaryna we ylym, bilim, hünär öwrenmeklerine giň ýol açýar. Her bir çaga maşgalanyň dowamaty hem-de berkleşdiriji güýçdür. Bagtyýar çagalar bilen her bir ojak şatlyk-gülki bilen beslenýär. Maşgala döwletiň kiçijik bir bölegi bolup nesliň dowamat bolýan, däp-dessurlarynyň berjaý edilýän ýeridir. Her bir bagtyýar maşgalada çaganyň dogulmagy iň şatlykly pursatlaryň biridir. Ene ençeme çaganyň arasynda öz bäbeginiň agy sesini seljerip bilýär, göwsüniň syzlamasyndan ukuda ýatan çagasynyň naharlanmak isleýändigini duýýar. Çaganyň sähelçe hereketine süýji ukuda ýatan ene oýanýar.

20 Aprel 2023

Eziz Arkadagymyzyň «Enä tagzym — mukaddeslige tagzym» atly kitabyndan

... Men mähriban käbämiň öňünde özümiň perzentlik borjumyň has uludygyny duýýaryn. Çünki öz il-halkymyň ykbalyna nur çaýýan işleri durmuşa geçirmäge güýçli ymtylyşymyň we yhlasymyň özeninde käbämiň ynamynyň ilkinji orny eýeleýändigine ynanýaryn. Biz eneleriň arzuwynyň geljegiň abadanlygydygy barada hemişe aýdýarys. Eneleriň arzuwy abatlyk hem-de saglykdyr diýilýär. Watany üçin edermenligi hem-de gaýratlylygy özüne ýörelge edinen perzendini enäniň yhlasy bişowlukdan hem ýakymsyz täsirlerden goraýar. Ene — dünýäniň sazlaşygy hem-de ebediligi. Taryhyň müňläp çylşyrymlylyklaryna we külpetlerine ýan bermedik ykbalyň eýeleri — beýik şahsyýetler hem hemişe özleriniň ulalyp, kemala gelmeklerinde özüni dünýä inderen ynsanyň ornuna ýokary baha berýärler. Bu heňňamlar aýlanyp, ýaradylyşa mahsus üýtgewsiz kada diýilse, dogrudyr. Her bir asylly ýörelgäniň dowam etdirilmegi eneleriň görüm-göreldesiniň, öwüt-ündewiniň, ynamynyň netijesinde amala aşýar. Adam ogly nähili güýçli, paýhasly, edermen bolaýsyn, ol özüni dünýä inderen, jigerinden jan beren ynsanyň öňünde indi kemala gelmeli, hemişe goralmaly çaga mysalydyr. Çünki enäniň perzendine bolan söýgüsiniň ornuny tutup biljek gudrat heniz jahana inen däldir. «Ene» diýmegiň özi ähli gowy zatlary aňladýandyr. Şonda diňe «söýgi» diýen düşünje bärden gaýdýar. Ene biziň üçin ähli gowy zatlaryň, ynsanlyga mahsus asylly ýörelgeleriň jemini aňladýar.

19 Aprel 2023

Serhetçi zenanyň zähmet ýoly

Eneler hakynda gürrüň gozgalsa, şahyryň «Dünýäniň bar görki enedir ene» diýen setirleri biygtyýar ýadyňa düşýär. Çünki dünýäniň görkem, gözelligem, owadanlygam, umuman, gowulyklar diýlende ýada düşýän ähli ajaýyplyklar beýik mukaddeslikde — enede jemlenýär. Şonuň üçin ata Watanyň mukaddes topragy hem enä deňelýär. Watan mukaddesligine deňelýän mähribanlar edermen ýigitlerimiz bilen bir hatarda ene topragymyzyň goragyny üpjün etmekde hem özleriniň mynasyp goşantlaryny goşýarlar. Olaryň alyp barýan işleri ýatlanmaga mynasyp. Ömrüniň 25 ýylyny Watan goragyna bagyşlan, mähribanlygy, mähirliligi, adamkärçiligi bilen özüni tanadan Oguljan Pirgulyýewa hem 1965-nji ýylyň 10-njy fewralynda Lebap welaýatynyň Saýat etrabynyň Seýdi geňeşliginde dünýä inýär. Ol 1972 — 1982-nji ýyllarda şol geňeşlikde ýerleşýän öňki Seýitnazar Seýdi adyndaky 3-nji orta mekdepde bilim alýar. Erjelligi, başarjaňlygy, höwesjeňligi bilen mugallymlaryna özüni aldyrmagy başaran Oguljan 1984-nji ýylda Magtymguly adyndaky Türkmen döwlet uniwersitetiniň gapysyndan ätleýär. Çagalykdan mugallymçylyk kärini arzuw edýän Oguljan iňlis dili we edebiýaty hünäri boýunça bilim alýar. 1989-njy ýylda ýokary okuw mekdebi üstünlikli tamamlap, göbek ganynyň daman ene topragynda zähmet ýoluna başlaýar. 1998-nji ýylda Oguljan gelneje ýanýoldaşynyň harby gullugy üçin etraplaryň birine gaýtmaly bolýar. Şol ýyl hem ol ka

19 Aprel 2023

Ata-ene perzent üçin görelde

Türkmen halky ýaş nesliň kemally, edepli, zähmetsöýer şahsyýet bolup ýetişmegi üçin olaryň terbiýe meselesine mydama çynlakaý çemeleşipdir. Perzent terbiýesi maşgaladan gözbaş alyp, ata-ene munda görelde mekdebidir. Olar öz perzentleriniň şahsy häsiýetlerini, güýmenjelerini, boş wagtlaryny nämä sarp edýändigini göz astynda saklamalydyr. Ata öz terbiýesinde mertlige, paýhasa ýugrulan dözümlilige ýykgyn edýär, jogapkärçilik, dogruçyllyk, lebzihalallyk ýaly häsiýetleri kemala getirýär. Ene ýüregi näzik hem syzgyr bolany üçin, çaga terbiýesinde edep-ekrama, maşgala agzalarynyň agzybirligine, öý-hojalyk işlerindäki borçlaryny öwretmeklige, özara sylag-hormatyň wajyplygyna ähmiýet berýär, perzendini zehinini açyp görkezmegine ugrukdyrýar. Perzendiň halal, adamkärçilikli, akylly, ylymly-bilimli, watansöýüji, sagdyn, il-halkyna wepaly adam bolup ýetişmegi üçin maşgalada ähli tagallalar edilmelidir. Munuň üçin ata-enäniň öz perzentlerine diňe asylly göreldesi bilen gowulykda nusga bolmagy zerurdyr. Haçan-da, perzendiň bilmezlikden bir ýakymsyzlyk edende, oňa ýalňyşyny düşündirmek, temmi hökmünde goşmaça ýumuş buýurmak ýa-da höwes bilen oýnaýan oýunlaryndan bellibir wagtlyk çetleşdirmek nädogrudyr. Munuň üçin çagaň bilen dost bolup, öwüt berseň, bu meselede kynçylyk bolmaz.

18 Aprel 2023

Lawaşly ertirlik

Gerekli önümler: • Ýumurtga;

17 Aprel 2023

Maşgala terbiýesinde milli ýörelgeler

Berkarar dӧwletimiziň täze eýýamynyň Galkynyşy dӧwründe hormatly Prezidentimiz Serdar Berdimuhamedowyň başda durmagynda dӧwletimiz barha uly ӧsüşlere we ӧzgerişlere eýe bolýar. Ýurdumyzda durmuşa geçirilýän, il-halk bähbitli amala aşyrylýan asylly işler her bir raýatyň watançylyk duýgusyny, ene topragyna bolan päk sӧýgini has-da pugtalandyrýar. Hormatly Prezidentimiziň: «Watan diňe halky bilen Watandyr! Döwlet diňe halky bilen döwletdir!» diýen ajaýyp şygarynda adam hakdaky, aýratyn hem milletimiziň genofonduny gorap saklamak baradaky aladanyň bimӧçberdigini bu günki gün biziň ählimiz duýup ýaşaýarys. Hormatly Prezidentimiziň parasatly baştutanlygynda, her bir maşgalanyň berk, kämil bolmagy we abadan, bagtyýar durmuşda ýaşamagy üçin ähli şertler dӧredilýär. Bu ugurda toplumlaýyn çäreler yzygiderli durmuşa geçirilýär. Ýurdumyzda maşgalany goramak we ony goldamak dӧwlet syýasatynyň esasy ugurlarynyň biri bolup durýar. Maşgala gatnaşyklaryny we maşgalada çaga terbiýesi baradaky kadalary düzgünleşdirýän kanunçylyk namalarynyň dӧwrüň talabyna gӧrä kämil we halkara hukuk kadalaryna laýyk bolmagy üçin netijeli işler amala aşyrylýar. Adamzat özüniň uzak taryhy ýolunda maşgala bolup ýaşamaga uly sarpa goýup gelipdir. Häzirki döwürde hem türkmen maşgalasyna goýulýan sarpa, hormat uludyr. Bagtyýar maşgalalarda terbiýelenýän we kemala gelýän ýaş nesilde pederlerimiziň watansö

17 Aprel 2023

Orny ýüreklerde keşde

Milli Liderimiziň «Enä tagzym — mukaddeslige tagzym» atly ajaýyp kitabyndaky: «Ejemiz — Ýerdäki örkümiz, Arşdaky umydymyz. Asmanda hem eneleriň alkyşy ganat ýaýyp durandaky ýaly, nuranalygyň bardygyny duýanyňda, şeýle pikir edýärsiň» diýen parasatly setirlerini tolgunman okamak mümkin däl. Ogulabat ejäniň ýüreklerimize siňen, gözlerimiziň öňünde duran nurana keşbinde türkmen gelin-gyzlarynyň asyllylygy, salyhatlylygy, mähremligi, agraslygy, sadalygy, maşgala ojagyna wepalylygy jemlenýär. Ene, sözüň doly manysynda, mukaddeslikdir. Ene özüniň çäksiz mähribanlygy bilen ýüreklerimiziň töründe hemişelik orun eýeleýär. Gahryman Arkadagymyzyň köňül aýdymy bolup ýaňlanýan sözleri bilen aýdanymyzda: «Mähribanlyk bilen ynsana dünýäni söýmek duýgusy ornaýar. Ol duýgy eneden gaýdýar. Ene iň gowy gylyk-häsiýetleriň, şeýle hem söýgä gurşalan duýgularyň, mähribanlygyň ýaradylyşa serpaýydyr. Bular bitewülikdir. «Ene» diýmegiň özi ähli gowy zatlary aňladýandyr».

13 Aprel 2023

‹
1
2
...
15
16
17
18
19
20
21
...
50
51
›