Türkmenmetbugat

"Watan" gazeti

Esaslandyryjysy: Türkmenistanyň Ministrler Kabineti
Salgysy: Aşgabat şäheri, Garaşsyzlyk şaýoly, 100, Türkmenbaşynyň erkin döredijilik mekany
Telefon belgileri: 38-61-16, 38-61-17, 38-61-07
Email: watan@sanly.tm

Gazeti PDF görnüşinde ýükläp almak

Habarlar

Milli Liderimiziň amala aşyrýan «Açyk gapylar» syýasatynyň ugry bilen

Daşary ýurtly hyzmatdaşlar bilen nobatdaky wideoduşuşyk AŞGABAT, 12-nji ýanwar (TDH). Şu gün Ýewropanyň täzeleniş we ösüş bankynyň (ÝTÖB) wekilleri bilen geçirilen wideoduşuşygyň gün tertibine ikitaraplaýyn hyzmatdaşlygy ösdürmek we onuň geljegi bilen baglanyşykly meseleler girizildi. Duşuşyga Maliýe we ykdysadyýet ministrliginiň, «Halkbank» paýdarlar täjirçilik bankynyň ýolbaşçylary hem-de hünärmenleri, ÝTÖB-niň Türkmenistandaky wekilhanasynyň ýolbaşçysy gatnaşdylar.

13 Ýanwar 2021

Balkan welaýaty: täze üstünliklere ynamly badalga

Ýurdumyzyň Balkan welaýaty dünýäniň ähli künjeklerine uzaýan polat, howa, deňiz-derýa we gara ýollaryň, uglewodorod çig mallaryny akdyrmaga niýetlenen turbageçirijileriň künjegidir. Welaýat bilen içgin tanşanyňda, ummasyz uly giňişlikde asuda çaýkanyp ýatan mawy deňizde, ululy-kiçili derýalardyr çeşme-çaýlarda, belent başly daglaryň aýagujundan ýaýlyp gidýän uç-gyraksyz sähralardyr mes toprakly ýaýlalarda, ýokumly ot-çöplere baý bolan öri meýdanlarda nazaryň eglenýär. Çar ýany beýik dag gerişleri bilen gurşalan Margyz, Sumbar, Çendir jülgeleriniň okgeçmez jeňňellikleridir gyrymsy tokaýlyklary, çeşme-bulaklary, Hazar deňziniň durnanyň gözi ýaly arassa suwly hem çägesöw kenary, uç-gyraksyz Garagum sährasynyň pasly-baharlarda läle-reýhana gark bolýan giňişlikleri özüne jennetiň bir künjegidir diýdirýär. Diňe bir Garabogaz köli sözüň doly manysyndaky hazynalar ojagydyr. Guwlyduzuň ätiýaçlyk gorlary hem tapylgysyz baýlyklarymyzyň hatarynda durýar. Ýurdumyzda çykarylýan nebitiň esasy bölegi, tebigy gazyň milliardlarça kub metri, balyk we balyk önümleriniň köp bölegi, şonuň ýaly-da nahar duzunyň, tehniki ýoduň, uglerodyň, bromuň ähli möçberleri sebitde jemlenendir. Sapaly dynç alşyň merjenine öwrülýän “Awaza” milli syýahatçylyk zolagynyň, Demirgazyk — Günorta demir ýol geçelgesiniň, «Altyn asyr» Türkmen kölüniň, Gündogar — Günbatar gaz geçirijisiniň, Garabogazdaky karbamid zaw

13 Ýanwar 2021

Türkmenistan ─ parahatçylyk dörediji döwlet

Edil taryhdaky ýaly, häzirki döwürde-de türkmen halky parahatlyk tuguny göteren halk hökmünde tanalýar. Parahatçylygyň tarapdarydygy mundan 25 ýyl öň türkmen diplomatiýasynyň şowly, pähimli ädimleriniň biri, ýagny baky Bitaraplygyň gazanylmagynda has aýdyň görünýär. Baky Bitaraplyk türkmen halkynyň bütin dünýäde pasyrdadyp ýören Parahatlyk baýdagydyr. Şol baýdagyň saýasynda Türkmenistan ― parahatçylygyň we ynanyşmagyň Watanyna öwrüldi. Mälim bolşy ýaly, 2019-njy ýylyň 12-nji sentýabrynda BMG-niň Baş Assambleýasynyň 73-nji mejlisinde Garaşsyz, hemişelik Bitarap Türkmenistanyň başlangyjy boýunça «2021-nji ýyl — Halkara parahatçylyk we ynanyşmak ýyly» atly Kararnama kabul edildi. Munuň özi ýurdumyzyň parahatçylyk söýüjilikli syýasatynyň dabaralanýandygynyň ýene-de bir subutnamasy bolmak bilen, hormatly Prezidentimiziň «Parahatçylyk sazy, dostluk, doganlyk sazy» atly kitabyndaky: «Dünýäde parahatçylyk söýüjilikli meýilleri aýan etmek biziň döwlet syýasatymyzda jemlenendir» diýen sözleriniň durmuşda aýdyň şöhlelenmesidir.

12 Ýanwar 2021

Ýyllara at ýaraşýar

Soňky ýyllarda hormatly Prezidentimiziň parasatly başlangyjy bilen durmuşymyza ajaýyp bir däp ornaşdy — ýyllara at dakyp, olary adyna laýyk geçirmek däbi. Onuň netijesinde, ýyllarymyza has-da öwüşgin çaýylyp, durmuşymyz has-da gözelleşýär. Atlary ýyllaryna, ýyllary hem atlaryna şan getirip taryh sahypalaryny bezäp otyr. «Türkmenistan — parahatçylygyň we ynanyşmagyň Watany» atlandyrylan 2021-nji ýylymyz hem hut şeýle ýyllaryň biri bolar. Sebäbi parahatçylyk hem ynanyşmak baky Bitaraplyk syýasatymyzyň baş ýörelgeleri. Bu düşünjeler çuňňur mana eýe. Aýdylyşy ýaly, Dünýä biziň umumy öýümiz. Biziň bagtyýar durmuşymyz onuň parahat aýlanmagyna bagly. Şonuň üçin-de gojaman Zeminiň asuda dem almagy tutuş ynsanyýetiň arzuwy. Şol arzuwy wysala gowuşdyrjak hem hut adamzadyň özi. Ata-babalarymyzyň asudalyk taglymaty bolan baky Bitaraplygymyz türkmeni bu isleglerine ýetirdi. Berkarar döwletimiziň bagtyýarlyk döwründe parasatly Liderimiziň baştutanlygynda Bitaraplyk syýasaty bilen Türkmenistan tutuş ynsanyýetiň ýagty ertirlerini nazarlaýar.

12 Ýanwar 2021

Žurnalyň täze sany

Ministrler Kabinetiniň ýanyndaky Baş arhiw müdirliginiň Türkmenistanyň Prezidentiniň Arhiw gaznasy tarapyndan neşir edilýän «Syýasat we jemgyýet» ylmy-amaly žurnalynyň ýörite sany çapdan çykdy. Onda ýerleşdirilen makalalar Bitaraplyga, 2020-nji ýylda Watanymyzyň hemişelik Bitaraplyk derejesine eýe bolmagynyň 25 ýyllyk senesine we onuň çдklerinde geçirilen dabaralara bagyşlandy. Umumy syn beriji häsiýetdäki makalada döwlet Baştutanymyz Gurbanguly Berdimuhamedowyň Türkmenistanyň dünýä giňişliginde alyp barýan möhüm işleriniň biri hökmünde kesgitlän, Birleşen Milletler Guramasy bilen köpugurly gatnaşyklary ösdürmek meseleleri öz beýanyny tapýar.

12 Ýanwar 2021

“Syýasat we jemgyýet” žurnaly

Ministrler Kabinetiniň ýanyndaky Baş arhiw müdirliginiň Türkmenistanyň Prezidentiniň Arhiw gaznasy tarapyndan neşir edilýän «Syýasat we jemgyýet» ylmy-amaly žurnalynyň ýörite sany çapdan çykdy. Onda ýerleşdirilen makalalar Bitaraplyga, «Türkmenistan — Bitaraplygyň mekany» şygary astynda geçen ýylda Watanymyzyň hemişelik Bitaraplyk derejesine eýe bolmagynyň 25 ýyllyk senesine we onuň çäklerinde geçirilen dabaralara bagyşlandy. Umumy syn beriji häsiýetdäki makala döwlet Baştutanymyz Gurbanguly Berdimuhamedowyň Türkmenistanyň dünýä giňişliginde alyp barýan möhüm işleriniň biri hökmünde kesgitlän, Birleşen Milletler Guramasy bilen köpugurly gatnaşyklary ösdürmek meselelerine garalýar. Hyzmatdaşlygyň köpýyllyk tejribesine daýanmak arkaly däp bolan bu gatnaşyklar häzirki döwürde ählumumy maksatly möhüm meseleleri öz içine almak bilen, çäklerini barha giňeldýär.

12 Ýanwar 2021

Ahal welaýaty: rowaçlygyň röwşen menzilleri

Hormatly Prezidentimiziň baştutanlygynda Bitarap Watanymyzda her bir ýyl şan-şöhrata beslenip, taryha altyn harplar bilen ýazylýar. Geçen «Türkmenistan — Bitaraplygyň mekany» ýyly hem eziz Diýarymyza, il-ulsumyza rowaçlyklary, üstünlikleri getiren ýyllaryň biri boldy. Gadymy Ahal ýaýlasynda durmuşyň dürli ugurlarynda ýetilen sepgitlere, gazanylan üstünliklere nazar aýlanyňda-da, bu hakykata göz ýetirýärsiň. Täze taryhy döwürde ýurdumyzyň depginli ösýän welaýatlarynyň birine öwrülen Ahal welaýatynda halk hojalygynyň dürli ugurlarynda guwandyryjy işler alnyp baryldy, iri taslamalaryň birnäçesi üstünlikli amala aşyryldy.

12 Ýanwar 2021

Baky abadançylygyň mekany

Müňýyllyklara uzaýan taryhyň dowamynda parahatçylygy, abadançylygy ähli zatdan ýokarda goýan mähriban halkymyz arassa asmanyň astynda agzybir il bolup, millet bolup ýaşamagy bagtyň başy saýypdyr. Pederlerimiziň arzuwlan häzirki bagtyýar zamanynda hormatly Prezidentimiziň öňdengörüjilikli baştutanlygynda parahatçylygy, dostlugy dünýä ýaýýan baky Bitarap Türkmenistanyň halkara abraýy gün-günden artýar. Hemişelik Bitarap ýurt hökmünde Birleşen Milletler Guramasyna agza döwletler tarapyndan iki gezek 1995-nji we 2015-nji ýyllarda biragyzdan ykrar edilen Türkmenistan halkara hukuk ýagdaýyndan ugur alyp, sebitde we dünýäde adamzadyň ýagty geljegine gönükdirilen asylly başlangyçlary öňe sürýär we bu babatda giň goldawa mynasyp bolýar. Häzirki wagtda ýurdumyzyň baş şäherinde dürli maksatly desgalaryň onlarçasynyň gurluşygy batly depginlerde alnyp barylýar. Hormatly Prezidentimiziň başlangyjy bilen bu babatda giň gerimli taslamalaryň ýene-de ençemesini amala aşyrmak göz öňünde tutulýandygy bolsa mähriban halkymyzyň guwanjyny goşalandyrýar.

11 Ýanwar 2021

Nurana ertirleriň synmaz sütüni

Senenamamyzda ХXI asyryň 21-nji ýylynyň hasabynyň ýöräp ugranyna eýýäm bir hepdeden gowrak wagt geçdi. Gelen ýylyň ilkinji alamatlarynyň ýakymynyň her kimiň hem ýyly duýgularyny yzarlamagy tebigat bilen ynsanyň arasyndaky sazlaşygyň netijesi diýsek ýalňyş bolmasa gerek. Aslyýetinde, şeýle sazlaşyk milli senenamamyzdaky taryhy wakalar bilen biziň ýürek buýsanjymyzyň arasynda hem bar. Ol öz milli aýratynlygy boýunça ýokary gymmatlyk derejesine göterilen beýik sazlaşykdyr, aňyýetimiziň ruhy çeşmesi hökmündäki belentligi boýunça elýetmez çyragdyr. Bu mukaddeslikleriň gözbaşynda milli Liderimiziň durmagy bolsa türkmen döwletini parahatçylykly ýaşaşmagyň we özara ynanyşmagyň bütindünýä sazlaşygynyň öňbaşçylarynyň hataryna çykarýar.

11 Ýanwar 2021

Hem döwletliligiň, hem ömrüň ýörelgesi

Hormatly Prezidentimiziň «Türkmeniň döwletlilik ýörelgesi» kitabynyň «Zeminiň abatlygy ― ýaşaýşyň ebediligi» diýlip atlandyrylýan ikinji bölümi 50 sahypa çemesi aralygy eýeleýär. Ýöne şol sahypalaryň jümmüşine siňip başlaýarsyň welin, pikirleriň giden bir ummanyny boýlap ýörene dönýärsiň. Pikirler rowaýatlar, rowaýatlar durmuş hakykaty bilen utgaşyp, seni şeýle bir özüne baglaýar welin, wagtal-wagtal gözleriňi setirleriň arasyndan aýryp, «Asyl, şeýle eken-ow!» diýip, çuňňur oýa çümýärsiň. «Zeminiň abatlygy» diýlen düşünjä şygyr ýa-da kyssa eserlerinde kän gabat gelendiris. Ýöne «Türkmeniň döwletlilik ýörelgesi» okyjyny bu düşünjäniň çuňlugyna ýene bir ýola nazar aýlamaga imrindirýär. Zemin ― ähli janly-jandarlaryň, şol sanda adamzat bilen tebigatyň biri-biri bilen sazlaşykda ýaşaýan ýeri. Şonuň üçin onuň abatlygyny gazanmak hem adamyň, hem tebigatyň goýnundaky beýleki ýaşaýjylaryň iň mukaddes borçlarynyň biri. Milli Liderimiz bu düşünjä «Dünýäniň owadanlygy, tebigy deňagramlylygyň hemişelik saklanmagy» diýip, kesgitleme berýär.

11 Ýanwar 2021

Parahatlyk hemra her bir ynsana, ynam bilen geljegimiz nurana

Halkymyzda ata-babalarymyzdan gelýän bir ajaýyp adat bar. Ol hem maşgalada täze dünýä inen perzende mynasyp at goýmak. Bu babatda ýaňy dünýä inen bäbegiň ata-enesi maşgalanyň hormatly ýaşulularydyr, maşgala agzalary bilen maslahatlaşyp, saýlanan atlaryň içinden iň naýbaşysy diýlip kabul edilen ady çaga dakýarlar. Çünki perzende goýlan at onuň bütin ömrüne, ykbalyna özüniň täsirini ýetirýär diýen ynama eýerýän pederlerimiz perzendiň öz adyna mynasyp bolup ýetişmegini gazanmak üçin onuň dünýä inen ilkinji günlerinden alada edipdirler. Taryha we durmuş tejribesine ser salsak, bu köplenç babatda dogry bolup çykýar. Megerem, «Ýagşydan at galar» diýen parasatly jümle hem şondan gelip çykandyr. Pederlerden miras galan göwün guşuňy ganatlandyryp, dideleriňe röwşen çaýýan asylly ýörelgelere uýmak, ajaýyp däplere eýermek, durmuşda ähli zady oňatlyga ýorup, ýagşylyga ýanamak biziň her birimiziň zandymyzda, ganymyzda, ruhumyzda bar.

10 Ýanwar 2021

Milli Liderimiziň amala aşyrýan “Açyk gapylar” syýasatyna eýerip

AŞGABAT, 8-nji ýanwar (TDH). Şu gün Maliýe we ykdysadyýet ministrliginde Ýewropanyň täzeleniş we ösüş bankynyň (ÝTÖB) Türkmenistandaky wekili bilen iş duşuşygy geçirildi. Onda Türkmenistan bilen ÝTÖB-niň arasyndaky hyzmatdaşlygy, şol sanda netijeli gatnaşyklaryň oňyn tejribesi toplanylan karz bermek we maýa goýum ulgamynda hyzmatdaşlygy işjeňleşdirmegiň meseleleri ara alnyp maslahatlaşyldy. Ýurdumyzyň halk hojalyk toplumynyň ähli ulgamlarynda üstünlikli durmuşa geçirilýän özgertmeleriň çäklerinde hormatly Prezidentimiz Gurbanguly Berdimuhamedow tarapyndan başy başlanan giň gerimli düzümleýin taslamalara Ýewropa bankynyň gatnaşmagynyň geljegine garalmagy duşuşygyň aýratyn meselesi boldy.

9 Ýanwar 2021

Watanymyzyň waspy aýdymlarda, sazlarda

«Türkmenistan — parahatçylygyň we ynanyşmagyň Watany» ýyly mynasybetli welaýat döwlet drama teatrynda welaýat häkimliginiň we welaýat medeniýet müdirliginiň bilelikde guramaklarynda aýdym-sazly dabara geçirildi. Dabarada çykyş edenler «Türkmenistan — Bitaraplygyň mekany» ýylynda ýurdumyzda gazanylan üstünlikler, ýetilen belent sepgitler, milli Liderimiziň başlangyjy bilen «Türkmenistan — parahatçylygyň we ynanyşmagyň Watany» ýylynda öňde durýan möhüm wezipeler dogrusynda buýsançly gürrüň etdiler. Ýurdumyzda her ýyly mynasyp atlandyrmagyň indi asylly däbe öwrülendigini bellediler. 2021-nji ýylda ata Watanymyza täze üstünlikleriň ýaran bolmagyny arzuw etdiler. Soňra sungat ussatlarynyň çykyşlaryna giň orun berildi. Teatryň artistleriniň ýerine ýetiren edebi-sazly kompozisiýasynda Arkadag Prezidentimiziň alyp barýan beýik işleriniň waspy ýetirildi. Olaryň hormatly Prezidentimiziň jöwher paýhasyndan dörän eserlerinden hem-de «Asly-Kerem» dessanyndan ýerine ýetiren parçalary, welaýat ýörite sungat mekdebiniň «Bagtyýarlyk» tans, şeýle-de bagşylar, dutarçylar toparlarynyň çykyşlary tomaşaçylara egsilmez ruhy lezzet paýlady.

8 Ýanwar 2021

Halkara parahatçylyk we ynanyşmak ýyly

Garaşylan beýik sene, elimiz berip ele, Ýetip geldik bu gün, ine, jebis halkymyz bile,Şöhratlanar şanly sene, çäksiz bagt paýlap ile, Halkara parahatçylyk we ynanyşmak ýyly. Şat bagtyýar ili bilen, göterip ýaşyl Tugun,Bitaraplyk ýoly bilen, galkyp geldi dost-dogan,Arkadag teklibi bilen ykrar edildi bu gün, Halkara parahatçylyk we ynanyşmak ýyly.

8 Ýanwar 2021

Binanyň gurluşygy ýokary depginde

Berkarar döwletimiziň bagtyýarlyk döwründe hormatly Prezidentimiziň parasatly ýolbaşçylygynda dürli maksatly binalar, önümçilik kärhanalary, ýaşaýyş jaý toplumlary gurlup, ulanmaga berilýär. Bu döwrebap binalar halkymyza ygtybarly hyzmat edip, etrapdyr şäherlerimiziň, obalarymyzyň görküne görk goşýar. Köneürgenç şäherinde hem soňky ýyllarda birnäçe önümçilik kärhanalary, orta mekdepler, çagalar baglary, ýaşaýyş jaýlary gurlup, ulanylmaga berildi. Häzirki wagtda hem şäheriň merkezi köçesiniň ugrunda Türkmenistanyň «Halkbank» paýdarlar täjirçilik bankynyň Köneürgenç etrap şahamçasynyň iki gatly edara binasynyň gurluşyk işleri ýokary depginde barýar. Bu binanyň gurluşygyny welaýat häkimliginiň gurluşyk önümleri kärhanasynyň ezber elli gurluşykçylary alyp barýarlar. Şu günler bu ýerde binanyň suwag işleri tamamlaýjy tapgyrda dowam edýär. Şeýle hem binanyň aýna-gapylaryny oturtmak işlerine-de taýýarlyk görülýär. Parahat Togalakow, Şatlyk Şukurow, Meýlis Annaýew, Dädemyrat Kakajanow ýaly tejribeli ussalar has netijeli zähmet çekýärler. Gurluşyk işleriniň talabalaýyk alnyp barlyşyna degişli hünärmenler berk gözegçilik edýärler. Bu binanyň mukaddes Garaşsyzlygymyzyň 30 ýyllyk toýunyň toýlanjak şu ýylda ulanmaga berilmegi meýilleşdirilýär. Yzygiderli gurlup, ulanmaga berilýän döwrebap binalar şäheriň gözelligine gözellik goşýar.

8 Ýanwar 2021

Ählumumy ösüşiň möhüm çelgileri

Mälim bolşy ýaly, 6-njy ýanwarda paýtagtymyzda ýerleşýän BMG-niň Merkezi Aziýa üçin öňüni alyş diplomatiýasy boýunça sebit merkeziniň edara binasynda köpçülikleýin habar beriş serişdeleri üçin metbugat maslahaty geçirildi. Oňa milli hem-de Türkmenistanda akkreditirlenen daşary ýurt köpçülikleýin habar beriş serişdeleriniň wekilleri, şol sanda onlaýn usulynda Azerbaýjanyň, Beýik Britaniýanyň, Gruziýanyň, Gazagystanyň, Gyrgyz Respublikasynyň, Hytaýyň, Malaýziýanyň, Pakistanyň, Russiýanyň, Täjigistanyň, Türkiýäniň we Özbegistanyň žurnalistleri gatnaşdylar. Metbugat maslahatynyň dowamynda BMG-niň Baş sekretarynyň Merkezi Aziýa boýunça ýörite wekili, BMG-niň Merkezi Aziýa üçin öňüni alyş diplomatiýasy boýunça sebit merkeziniň ýolbaşçysy Natalýa German çykyş edip, tamamlanan ýylda merkeziň ýerine ýetiren işleri barada giňişleýin gürrüň berdi. Aşgabat jemleýji resminamasynyň BMG-niň resmi dillerinde çap edilip, gurama agza döwletlere ýaýradylmagynyň ähmiýeti we dünýä derejesinde «Halkara parahatçylyk we ynanyşmak ýyly» şygary astynda geçýän 2021-nji ýylda öňde durýan wezipeler bilen bagly meseleler bolsa maslahatyň esasy özenini düzdi. Geçen, 2020-nji ýylyň dowamynda möhüm çärelerdir seneleriň, şol sanda Birleşen Milletler Guramasynyň esaslandyrylmagynyň 75 ýyllyk ýubileýiniň hem-de Türkmenistanyň baky Bitaraplygynyň şanly 25 ýyllygynyň ýokary derejede geçirilendigini belläp,

8 Ýanwar 2021

Ilçi işe başlady

Öňňin hormatly Prezidentimiz Gurbanguly Berdimuhamedow Koreýa Respublikasynyň Türkmenistanda täze işe başlan Adatdan daşary we Doly ygtyýarly ilçisi Şin Sung-çuly kabul etdi. Diplomat ynanç hatyny gowşuryp, döwlet Baştutanymyzy we ýurdumyzyň ähli halkyny Türkmenistanyň başlangyjy boýunça BMG-niň Baş Assambleýasynyň ýörite Kararnamasy bilen «Halkara parahatçylyk we ynanyşmak ýyly» diýlip yglan edilen täze, 2021-nji ýyl bilen gutlady hem-de hormatly Prezidentimiz Gurbanguly Berdimuhamedowa Koreýa Respublikasynyň Prezidenti Mun Çže Iniň hoşniýetli arzuwlaryny we gutlag sözlerini ýetirdi.

8 Ýanwar 2021

Asudalygyň goragynda

Golaýda hormatly Prezidentimiz Gurbanguly Berdimuhamedow Döwlet howpsuzlyk geňeşiniň mejlisini geçirdi. Onda ýurdumyzyň harby we hukuk goraýjy edaralarynyň geçen, 2020-nji ýylda amala aşyran işleriniň netijelerine, olaryň öňünde ýakyn geljek üçin durýan wezipelere garaldy. Milli Liderimiz harby we hukuk goraýjy edaralaryň ýolbaşçylarynyň hasabatlaryny diňläp, Milli Goşunyň Berkarar döwletimiziň bagtyýarlyk döwrüniň beýik gazananlarynyň goragynda sak durmalydygyny hem-de türkmen döwletiniň harby-syýasy strategiýasyny yzygiderli amala aşyrmalydygyny belledi. Bu strategiýanyň mazmuny ýurdumyzyň Bitaraplyk derejesi nazara alnyp, işlenip taýýarlanylan, goranyş häsiýetli Harby doktrinadan hem-de alyp barýan parahatçylyk söýüjilikli daşary syýasy ugrumyzdan ybaratdyr diýip, döwlet Baştutanymyz nygtady.

8 Ýanwar 2021

Hyzmatdaşlygyň gerimi giňeldilýär

7-nji ýanwarda hormatly Prezidentimiz Gurbanguly Berdimuhamedow Koreýa Respublikasynyň Türkmenistanda täze işe başlan Adatdan daşary we Doly ygtyýarly ilçisi Şin Sung-çuly kabul etdi. Duşuşygyň dowamynda deňhukuklylyk we özara bähbitlilik esasynda ýola goýlan köpýyllyk netijeli hyzmatdaşlygyň ähli ugurlary boýunça gyzyklanma bildirilýän pikir alyşmalar boldy. Iki ýurduň arasynda syýasy-diplomatik, söwda-ykdysady we medeni-ynsanperwer ugurlardaky gatnaşyklary mundan beýläk-de ösdürmek boýunça gazanylan ylalaşyklaryň ýerine ýetirilişine möhüm ähmiýet berildi.

8 Ýanwar 2021

Resmi habarlar gysga setirlerde

Türkmenistanyň Prezidenti Gurbanguly Berdimuhamedowyň adyna Koreýa Respublikasynyň Prezidenti Mun Çže Inden hat gelip gowuşdy. Onda: «Jenap Şin Sung-çuly Koreýa Respublikasynyň Türkmenistandaky Adatdan daşary we Doly ygtyýarly ilçisi wezipesine belleýändigimi Siziň Alyhezretiňize hormat bilen habar berýärin. Jenap Şin Sung-çuluň özüniň belent abraýy hem-de ýokary ukyplylygy bilen biziň ýurtlarymyzyň arasyndaky dostlugy mundan beýläk-de berkitmek we özara bähbitleri ilerletmek üçin ähli tagallalary etjekdigine ynanýaryn» diýlip bellenilýär. * * *

8 Ýanwar 2021

‹
1
2
...
68
69
70
71
72
73
74
...
76
77
›