Golaýda şanly Garaşsyzlygymyzyň 30 ýyllygyna, Aşgabadyň esaslandyrylmagynyň 140 ýyllygyna bagyşlanyp yglan edilen «Aşgabat bahary» atly kinofestiwalynyň jemi jemlendi. Diňe bir paýtagtymyzdaky däl, eýsem, welaýatlarymyzdaky kinorežissýorlaryň gatnaşmagynda geçirilen bu festiwal ýatdan çykmajak pursatlara beslendi. Bäsleşige jemi 33 kino hödürlenildi.
Bäsleşikde baş baýraga Oguz han adyndaky «Türkmenfilm» birleşiginiň «Meniň kakam» atly filmi mynasyp boldy. Bäsleşikde eminler topary «Iň gowy kinossenariýaçy», «Iň gowy kinorežissýor», «Iň gowy kinossenariýa eseri», «Iň gowy kinooperatoryň işi», «Tomaşaçylar tarapyndan saýlanan film», «Iň gowy erkek keşbi», «Iň gowy zenan keşbi» ýaly ugurlarda ýeňijileri saýladylar.
