Türkmen halkynyň Milli Lideri Gahryman Arkadagymyzyň «Türkmeniň döwletlilik ýörelgesi» atly kitabynda: «Akyldar şahyrymyz Magtymguly Pyragy: «Dürdür bu janyň lezzeti, saglyk anyň soltanydyr» diýýär. Halkymyzyň edep-terbiýe ulgamyndaky päkize ýaşamak babatyndaky edim-gylymlary hem saglyk hakyndaky aladalardan gözbaş alýar» diýip belleýşi ýaly, Magtymguly Pyragynyň döredijiliginiň aglaba bölegi adamzat saglygy hakyndaky taglymatdan gözbaş alýar.
Dana akyldarymyz Magtymgulynyň döredijiligi ýaşlary döwrebap terbiýelemekde, olary halal zähmet çekmäge gönükdirmekde, adam saglygyna zyýanly endiklerden daşda saklamakda, ynsanperwer, sagdyn nesil, ygrarlylyk häsiýetli şahsyýetler edip ýetişdirmekde bahasyna ýetip bolmajak hazynadyr.Ata-babalarymyz ýaşamak bagtynyň esasy üç sütüniniň biriniň saglykdygyny aýratyn nygtapdyrlar. Bu hakynda beýik Pyragy atamyz «Il ýagşy» diýen şygrynda şeýle setirleri getirýär:
