Halkymyzyň behişdi bedewlerine goýýan hormat-sarpasynyň örän uludygyna we egsilmezdigine «Pähim-paýhas ummany Magtymguly Pyragy» ýylynda Türkmen bedewiniň milli baýramynyň dünýä ýaň salan dabaralarynyň mysalynda ýene bir ýola aýdyň göz ýetirdik. Şol dabaralara Arkadagly Gahryman Serdarymyzyň gatnaşmagy bolsa olary taryhy ähmiýete eýe etdi.
27-nji aprelde Aba Annaýew adyndaky Halkara atçylyk akademiýasynda Türkmen bedewiniň milli baýramy mynasybetli dabaralar geçirilip, olara hormatly Prezidentimiz Serdar Berdimuhamedow gatnaşdy.
