Her bir halkda maşgala ojagy mukaddes saýylýar. Halkymyzda maşgala mukaddesligi aýratyn ähmiýete eýedir.
Çaganyň maşgalada alýan terbiýesi geljekde öwreniljek bilim-terbiýäniň özeni hasaplanýar. Maşgalada agzybirlik, jebislik, sabyr-kanagat jemlenýär. Olaryň birleşen ýerinde islendik bir meseläni çözmek bolýar. Maşgalada ata-enäniň orny mukaddes hasaplanýar. Olaryň berýän nesihatlary, wesýetleri çagalarynyň durmuşynda, geljekki işlerinde nusga alarlyk taýýar durmuş sapaklary bolup durýar. Ata-eneler çagalarynyň kynçylyklardan baş alyp çykmagynyň ýollaryny diňe pikirlenip, ýedi ölçäp, bir kesmek esasynda amala aşyryp boljakdygyny öwran-öwran ýatladyp durýarlar.
