"Standart, hil we howpsuzlyk" žurnaly

Esaslandyryjysy: Türkmen Standartlar maglumat merkezi
Salgysy: Aşgabat şäheri, Oguzhan köçesi 201-nji jaýy
Telefon belgileri: 39-25-76

Gazeti PDF görnüşinde ýükläp almak

Habarlar

Tehnologiýalar – kämilligiň binýady

Sport we tehnologiýalar bir-biri bilen berk baglanyşykly düşünjelerdir. Häzirki zaman sportuny tehnologik enjamlardan, innowasion serişdelerden üzňe göz öňüne getirmek kyn. Tehnologiýalaryň ösmegi sportuň meşhurlygyny artdyrmaga ýardam edýär. Sportuň ösmegi bolsa bu ugurda tehnologiýalaryň barha köp peýdalanylmagyny şertlendirýär. Halkara bilermenler geljekde sportuň we bedenterbiýäniň meşhurlygynyň yzygiderli ýokarlanjakdygyny belleýärler. Hereket işjeňliginiň azlygy zerarly, bedeniň agramynyň artmagy häzirki wagtda dünýäniň köp ýurtlarynda möhüm meselä öwrüldi. Şoňa görä-de, öňdebaryjy tehnologiýalar sagdyn durmuş ýörelgesini ilerletmäge gönükdirilen enjamlaryňdyr mobil goşundylaryň işlenip taýýarlanylmagyny güýçlendirýärler. Ýakyn geljekde ýüregiň, dem alyş we ýürek-damar ulgamynyň işini ykjam mobil enjamlar arkaly seljermäge mümkinçilik berýän tehnologiýalary işläp taýýarlamakda öňegidişlik gazanmak meýilleşdirilýär. Şeýle-de, emeli aň tehnologiýalaryny şahsy tälimçi hökmünde peýdalanmagyň mümkinçilikleri artýar.

15 Noýabr 2024

Garaşsyzlyk

Bedenterbiýe we sport

Aşgabat şäheriniň bedenterbiýe we sport baradaky Baş müdirliginiň «Täze zaman» bedenterbiýe-sagaldyş toplumynyň sport zalynda 2010-2011-nji ýyllarda doglan ýetginjekleriň arasynda erkin göreş boýunça Aşgabat şäheriniň çempionaty geçirildi. Çekeleşikli geçen bu ýaryşda paýtagtymyzyň sport mekdepleriniň ýaş türgenleri ussatlyklaryny görkezdiler. Onda Orazmyrat Rejepow (41 kg), Mekan Muhammetgulyýew (35 kg), Hemra Halmyradow (38 kg), Rahym Geldiýew (52 kg), Dörtguly Haýdarow (52 kg) 1-nji orny eýelediler. Abdyrahman Myratgulyýew (62 kg), Rahymnazar Pälwanow (68 kg), Mälikmyrat Kiçigulyýew (75 kg), Aýmyrat Mämmedow (85 kg) 2-nji, Abdyrahman Batyrow (48 kg), Emirhan Röwşenow (48 kg) 3-nji orunlara mynasyp boldular.

15 Noýabr 2024

Garaşsyzlyk

Welaýatlardan habarlar

Ýaş nesilleri sporta we bedenterbiýä köpçülikleýin çekmek, olaryň berk bedenli, sagdyn ruhly bolup ýetişmeklerini gazanmak maksady bilen, TMÝG-niň Mary welaýatynyň Tagtabazar etrap geňeşiniň etrapdaky sport mekdebi bilen bilelikde guramagynda woleýbol boýunça bäsleşik geçirildi. Bäsleşik ýaş türgenlere ukyp-başarnyklaryny açyp görkezmäge şert döretdi. Çekeleşikli ýagdaýda geçen bäsleşikde «Berkarar» topary öňdeligi eýeledi. «Bagtyýar» topary 2-nji orna mynasyp boldy. Ýeňijilere guramaçylar tarapyndan Hormat hatlary we sowgatlar gowşuryldy.

15 Noýabr 2024

Garaşsyzlyk

Türkmenistanyň ýyllyk statistik neşiri

Türkmenistanyň Statistika baradaky döwlet komiteti tarapyndan nobatdaky «Türkmenistanyň ýyllyk statistik neşiri» taýýarlanylyp, çap edildi. Ol 2007 — 2023-nji ýyllarda ýurdumyzyň durmuş-ykdysady ösüşi baradaky maglumatlary özünde jemleýär. Mälim bolşy ýaly, statistik hasabat ykdysadyýet bilen bagly dürli işjeňlikdäki ýagdaýlarydyr hadysalary seljermek we olara baha bermek üçin iň möhüm gurallaryň biri bolup durýar. Hasabatyň bu görnüşi hakyky ýagdaýlardyr sanlara esaslanýan, netije çykarmak babatda binýat bolup hyzmat edýän toplumlaýyn we yzygiderli maglumatlardan ybaratdyr. Ol aýry-aýry çeşmelerden ýygnalan maglumatlary özünde jemleýär hem-de olary umumylaşdyrmak üçin statistik seljermäniň dürli usullaryndan peýdalanylýar. Ýurdumyzda düzümleýin özgertmeleriň çuňlaşdyrylmagyna esaslanýan täze durmuş-ykdysady nusga, ykdysadyýetiň ähli pudaklarynda, maliýe ulgamynda, durmuş çygrynda sanly tehnologiýalary ornaşdyrmagyň binýadynda senagat-innowasion görnüşli ykdysadyýeti çalt depginde kemala getirmäge geçilýän häzirki döwürde statistikanyň orny aýratyn ähmiýete eýedir. Statistiki maglumatlar Türkmenistanda makroykdysady işleri dolandyrmak we meýilleşdirmek ulgamynda, býujet taslamalaryny düzmekde, uzak möhletli durmuş-ykdysady maksatnamalaryny işläp taýýarlamakda örän möhümdir. «Statistika hakynda» Türkmenistanyň Kanunyna laýyklykda, Statistika baradaky döwlet komitet

15 Noýabr 2024

Garaşsyzlyk

Netijeli gatnaşyklar işjeňleşdirilýär

Öňňin Ýagşygeldi Kakaýew adyndaky Halkara nebit we gaz uniwersitetinde sanly ulgam arkaly «Himiýa we gazhimiýa innowasion tehnologiýalarynyň geljegi» atly halkara ylmy-amaly maslahat geçirildi. Oňa Türkmenistanyň, Hytaýyň, Germaniýanyň, Beýik Britaniýanyň, Kataryň, Türkiýäniň, Birleşen Arap Emirlikleriniň, Eýranyň, Russiýanyň, Rumyniýanyň, Gazagystanyň, Özbegistanyň, Gyrgyzystanyň, Täjigistanyň, Belarusuň, Azerbaýjanyň, Gruziýanyň, Ermenistanyň ýokary okuw mekdepleriniň 34-sinden, daşary ýurt kompaniýalarynyň 4-sinden wekiller, ýurdumyzyň edara-kärhanalaryndan hünärmenler, alymlar, professor-mugallymlar, talyplar işjeň gatnaşdylar. Ýagşygeldi Kakaýew adyndaky Halkara nebit we gaz uniwersitetiniň rektory B.Atamanowyň gutlag sözünden soňra, maslahatda daşary ýurtly alymlaryň, hünärmenleriň çykyşlary diňlenildi. Şeýle-de Malaýziýanyň «PETRONAS Çarigali (Türkmenistan) Sdn Bhd» kompaniýasynyň esasy inžener-tehnology I.Zakaria çykyş edip, ýurdumyzda 30 ýyla golaý wagt bäri üstünlikli işläp gelýän bu kompaniýada alnyp barylýan ylmy-barlag işleri barada giňişleýin gürrüň berdi. Soňra onlaýn maslahat «Himiýa senagatynyň ösüş ugurlary», «Gazhimiýa senagatynda innowasion tehnologiýalar», «Himiýa we gazhimiýa senagatlarynyň ykdysady we ekologik meseleleri» atly bölümçelerde dowam etdi. Çykyşlarda Türkmenistanyň ägirt uly tebigy serişdelere, baý uglewodorod gorlaryna eýe bolma

15 Noýabr 2024

Garaşsyzlyk

Ýa­şyl ýa­şaý­şa go­şant

Türk­men hal­ky asyr­la­ryň do­wa­myn­da te­bi­ga­ta aýaw­ly çe­me­leş­me­giň we onuň bi­len saz­la­şyk­ly ýa­şa­ma­gyň öz­bo­luş­ly ýö­rel­ge­le­ri­ni ke­ma­la ge­ti­rip­dir. Ber­ka­rar döw­le­tiň tä­ze eý­ýa­my­nyň Gal­ky­ny­şy döw­rün­de ama­la aşy­ryl­ýan ýur­du­my­zyň eko­lo­gi­ýa sy­ýa­sa­ty şeý­le asyl­ly ýö­rel­ge­le­re esas­lan­ýar. 9-njy no­ýabr­da hormatly Prezidentimiz Ser­dar Berdimuhamedowyň gat­naş­ma­gyn­da Di­ýa­ry­myz­da äh­li­halk bag ek­mek da­ba­ra­sy­nyň güýz­ki möw­sü­mi­ne ba­dal­ga ber­lip, onuň do­wa­myn­da tu­tuş ýur­du­myz bo­ýun­ça müň­ler­çe düýp agaç na­hal­la­ry­nyň ekil­me­gi hem bu ha­ky­ka­tyň aý­dyň şöh­le­len­me­si­dir. Äh­li­halk bag ek­mek da­ba­ra­sy­na gat­na­şy­jy­la­ryň ha­ta­ryn­da Mej­li­siň Baş­ly­gy, Mi­nistr­ler Ka­bi­ne­ti­niň Baş­ly­gy­nyň orun­ba­sar­la­ry, har­by we hu­kuk go­raý­jy eda­ra­la­ryň, mi­nistr­lik­le­riň, pu­dak­la­ýyn do­lan­dy­ryş eda­ra­la­ry­nyň, da­şa­ry ýurt­la­ryň we hal­ka­ra gu­ra­ma­la­ryň dip­lo­ma­tik we­kil­ha­na­la­ry­nyň ýol­baş­çy­la­ry hem-de we­kil­le­ri, halk köp­çü­li­gi bar.

14 Noýabr 2024

Garaşsyzlyk

Türkmenistanyň Ministrler Kabinetiniň mejlisinden

Hor­mat­ly Pre­zi­den­ti­miz Ser­dar Berdimuhamedowyň 25-nji okt­ýabr­da san­ly ul­gam ar­ka­ly ge­çi­ren Mi­nistr­ler Ka­bi­ne­ti­niň no­bat­da­ky mej­li­si­ne türk­men hal­ky­nyň Mil­li Li­de­ri, Türk­me­nis­ta­nyň Halk Mas­la­ha­ty­nyň Baş­ly­gy Gurbanguly Berdimuhamedow hem gat­naş­dy. Gahryman Arkadagymyz hormatly Prezidentimize hem-de Mi­nistr­ler Ka­bi­ne­ti­niň ag­za­la­ry­na ýüz­le­nip, 24-nji okt­ýabr­da Bir­le­şen Mil­let­ler Gu­ra­ma­sy­nyň esas­lan­dy­ryl­ma­gy­na 79 ýyl bo­lan­dy­gy­ny, döw­let Baş­tu­ta­ny­my­zyň bu ab­raý­ly hal­ka­ra gu­ra­ma­nyň Baş sek­re­ta­ry An­to­niu Gu­ter­riş bi­len du­şuş­ma­gy­nyň, ony gu­ra­ma­nyň gü­ni bi­len gut­la­ma­gy­nyň äh­li­miz üçin uly mer­te­be bo­lup dur­ýan­dy­gy­ny ka­na­gat­lan­ma bi­len bel­le­di. Türk­men hal­ky­nyň Mil­li Li­de­ri dün­ýä­de he­mi­şe­lik Bi­ta­rap döw­let hök­mün­de yk­rar edi­len Ga­raş­syz Türk­me­nis­ta­nyň «Açyk ga­py­lar» sy­ýa­sa­ty­ny alyp bar­ýan­dy­gy­ny aý­dyp, hor­mat­ly Pre­zi­den­ti­mi­ziň Rus­si­ýa Fe­de­ra­si­ýa­sy­nyň Ta­ta­rys­tan Res­pub­li­ka­sy­nyň Ka­zan şä­he­rin­de ge­çi­ri­len BRICS sam­mi­tin­de eden çy­ky­şy­nyň hem mu­nuň aý­dyň gü­wä­si bo­lup dur­ýan­dy­gy­ny nyg­ta­dy.

14 Noýabr 2024

Garaşsyzlyk

Belent maksatlar bi­len ro­waç gel­je­ge

Hormatly Prezidentimiz Serdar Berdimuhamedowyň 8-nji noýabrda sanly ulgam arkaly geçiren Ministrler Kabinetiniň nobatdaky mejlisinde şu ýylyň on aýynda alnyp barlan işleriň jemleri jemlenildi hem-de ýurdumyzy durmuş-ykdysady taýdan ösdürmek boýunça gündelik wezipeler ara alnyp maslahatlaşyldy. Mej­li­siň ba­şyn­da mil­li par­la­men­tiň ýol­baş­çy­sy şu ýy­lyň ýan­war — okt­ýabr aý­la­ryn­da ýur­du­my­zyň ka­nun­çy­ly­gy­ny kä­mil­leş­dir­mek bo­ýun­ça ýe­ri­ne ýe­ti­ri­len iş­ler ba­ra­da mag­lu­mat ber­di. Soň­ra yk­dy­sa­dy­ýe­tiň pu­dak­la­ry­na, ylym-bi­lim, sport, me­de­ni­ýet ul­gam­la­ry­na gö­zeg­çi­lik ed­ýän wi­se-prem­ýer­le­riň ha­sa­bat­la­ry diň­le­nil­di. De­giş­li ha­sa­bat­dan mä­lim bol­şy ýa­ly, mak­sat­na­ma­la­ýyn çä­re­le­riň üs­tün­lik­li dur­mu­şa ge­çi­ril­me­gi ne­ti­je­sin­de, şu ýy­lyň on aýyn­da yk­dy­sa­dy­ýe­tiň äh­li pu­dak­la­ry­nyň we se­bit­le­riň dur­nuk­ly ösü­şi üp­jün edil­di, hu­su­san-da, je­mi içer­ki önüm 6,3 gö­te­rim art­dy. Bu gör­ke­zi­ji se­na­gat pu­da­gyn­da 2,5 gö­te­ri­me, gur­lu­şyk­da 10,9 gö­te­ri­me, ulag-ara­gat­na­şyk pu­da­gyn­da 6,7 gö­te­ri­me, söw­da­da 9 gö­te­ri­me, oba ho­ja­ly­gyn­da 5,3 gö­te­ri­me, hyz­mat­lar ul­ga­myn­da 8,6 gö­te­ri­me deň bol­dy. 2023-nji ýy­lyň de­giş­li döw­ri bi­len de­ňeş­di­ri­len­de, je­mi ön­dü­ri­len önüm 11,8 gö­te­rim art­dy. Ge­çen ýy­lyň de­giş­li döw­rü­ne gö­rä, şu ýy­l

14 Noýabr 2024

Garaşsyzlyk

Türk­me­nis­tan — ra­ýat­syz­ly­gy aradan aýran ýurt

8-nji no­ýabr­da paý­tag­ty­myz­da­ky «Ýyl­dyz» myh­man­ha­na­syn­da ge­çi­ri­len Mer­ke­zi Azi­ýa­da ra­ýat­syz­ly­gy ara­dan aýyr­mak bo­ýun­ça mi­nistr­ler de­re­je­sin­dä­ki se­bit­le­ýin mas­la­ha­ta Ga­za­gys­ta­nyň, Gyr­gy­zys­ta­nyň, Tä­ji­gis­ta­nyň, Öz­be­gis­ta­nyň, BMG-niň agent­lik­le­ri­niň, hal­ka­ra gu­ra­ma­la­ryň we­kil­le­ri gat­naş­dy­lar. Bu giň ge­rim­li çä­rä­niň baş mak­sa­dy Mer­ke­zi Azi­ýa­da «#IBe­long» (Men­De­giş­li) äh­lu­mu­my baş­lan­gy­jy­nyň je­mi­ni jem­le­mek­den yba­rat­dyr. Mas­la­ha­tyň do­wa­myn­da oňa gat­na­şy­jy­lar bu äh­lu­mu­my me­se­lä­ni çöz­mek­de öň­de­ba­ry­jy or­ny eýe­le­ýän Mer­ke­zi Azi­ýa ýurt­la­ry­nyň ga­za­nan­la­ry ba­ra­da­ky gi­ňiş­le­ýin syn bi­len ta­nyş­dy­ryl­dy. Yn­san­per­wer­li­giň ýo­ka­ry tag­lym­la­ry­na, de­mok­ra­tik ösü­şiň, hä­zir­ki za­man hu­kuk jem­gy­ýe­ti­niň ýö­rel­ge­le­ri­ne yg­rar­ly Türk­me­nis­tan dün­ýä­de ra­ýat­syz­ly­gyň so­ňu­na çy­kan ýurt­la­ryň bi­ri bol­dy. BMG-niň Bos­gun­la­ryň işi ba­ra­da­ky Ýo­ka­ry ko­mis­sa­ry­nyň mak­sat­na­ma­sy­nyň Ýe­ri­ne ýe­ti­ri­ji ko­mi­te­ti­niň he­mi­şe­lik ag­za­sy we Hal­ka­ra Mig­ra­si­ýa Gu­ra­ma­sy­nyň ag­za­sy bo­lan ýur­du­myz bu me­se­lä­ni çöz­mek bo­ýun­ça kö­pu­gur­ly iş­le­ri alyp ba­ryp, äh­lu­mu­my baş­lan­gyç­lar­da iş­jeň stra­te­gik gat­na­şy­jy hök­mün­de çy­kyş ed­ýär. Ne­ti­je­li hyz­mat­daş­ly­gyň do­wa­myn­da Dur­nuk­ly

14 Noýabr 2024

Garaşsyzlyk

Sag­dyn jem­gy­ýet — kuw­wat­ly döw­let

2-nji no­ýabr­da hor­mat­ly Prezidentimiz Serdar Berdimuhamedowyň gat­naş­ma­gyn­da paý­tag­ty­my­zyň Sag­lyk ýo­lun­da ge­çi­ri­len köp­çü­lik­le­ýin ýö­riş jem­gy­ýe­ti­miz­de sag­dyn dur­muş ýö­rel­ge­le­ri­niň ber­ki­dil­me­gin­de, aý­ra­tyn-da, ýaş­la­ryň be­den­ter­bi­ýe we sport bi­len meş­gul­lan­mak­la­ryn­da mö­hüm äh­mi­ýe­te eýe bol­dy. Mä­lim bol­şy ýa­ly, 25-nji okt­ýabr­da ge­çi­ri­len Mi­nistr­ler Ka­bi­ne­ti­niň no­bat­da­ky mej­li­sin­de hor­mat­ly Pre­zi­den­ti­miz Ser­dar Berdimuhamedow Türk­me­nis­ta­nyň baş­lan­gy­jy bi­len Bir­le­şen Mil­let­ler Gu­ra­ma­sy­nyň Baş As­samb­le­ýa­sy­nyň 78-nji ses­si­ýa­syn­da «Bir­le­şen Mil­let­ler Gu­ra­ma­sy­nyň oýun­la­ry» at­ly Ka­rar­na­ma­nyň ka­bul edi­len­di­gi­ni aýt­dy. Şu­nuň bi­len bag­ly­lyk­da, döw­let Baş­tu­ta­ny­myz bu mö­hüm äh­mi­ýet­li Ka­rar­na­ma­nyň ka­bul edil­me­gi my­na­sy­bet­li 2-nji no­ýabr­da sport çä­re­si­ni ge­çir­me­gi, hem­me­le­riň bi­le­lik­de jem­gy­ýet bo­lup, sag­dyn dur­muş ýö­rel­ge­si­ne eýe­rip, Sag­lyk ýo­lun­dan geç­me­gi, bu çä­re­de ýy­lyň do­wa­myn­da hal­ka­ra ýa­ryş­lar­da go­wy ne­ti­je ga­za­nyp, ýa­şyl tu­gu­my­zy be­lent­de par­la­dan tür­gen­le­ri­mi­zi ga­za­nan sport üs­tün­lik­le­ri bi­len gut­la­ma­gy, my­na­syp bo­lan sy­lag­la­ry­ny da­ba­ra­ly ýag­daý­da gow­şur­ma­gy tek­lip et­di.

14 Noýabr 2024

Garaşsyzlyk

Okuw-maslahat netijeli häsiýete eýe boldy

Türkmenistanyň Dokma senagaty ministrliginiň mejlisler jaýynda “Kärdeşler arkalaşyklarynyň işini kämilleşdirmek Berkarar döwletiň täze eýýamynyň Galkynyşy döwrüniň möhüm talabydyr” atly okuw-maslahat geçirildi. Türkmenistanyň Dokma senagaty işgärleriniň kärdeşler arkalaşyklarynyň Geňeşiniň ýyllyk iş meýilnamasy esasynda guralan okuw-maslahata paýtagtymyzyň we Ahal welaýatynyň çägindäki dokma pudagyna degişli kärhanalaryň Kärdeşler arkalaşyklarynyň ilkinji guramalarynyň işgärleri, degişli hünärmenler we utgaşdyryjylar gatnaşdy. Türkmenistanyň Dokma senagaty işgärleriniň kärdeşler arkalaşyklarynyň Geňeşiniň başlygy Oguljeren Şyhyýewanyň giňişleýin çykyşy okuw-maslahata gatnaşyjylar tarapyndan uly dykgat bilen diňlendi. Ol çykyşynda “Pähim-paýhas ummany Magtymguly Pyragy” ýylynda ýurdumyzda bolup geçýän taryhy ähmiýetli wakalar, halk hojalygynyň dürli ugurlarynda, şol sanda dokma senagaty pudagynda gazanylýan üstünlikler, ýetilýän sepgitler dogrusynda gürrüň edip, Kärdeşler arkalaşyklarynyň ilkinji guramalarynda işleri döwrüň ruhuna laýyklykda guramagyň wajypdygyna ünsi çekdi.

14 Noýabr 2024

Garaşsyzlyk

Taryhy gymmatlyklara sarpa

Gahryman Arkadagymyzyň belleýşi ýaly, türkmen halky müňýyllyklaryň dowamynda milli öwüşginli medeni-ruhy gymmatlyklary döredip, umumadamzat medeniýetiniň ösüşine goşant goşup gelen gadymy millet hasaplanýar. Şu nukdaýnazardan, Daşoguz welaýatynda hem şöhratly taryhymyzy öwrenmek, gadymy ýadygärlikleri gorap saklamak, geljek nesillere ýetirmek babatda uly işler alnyp barylýar. Daşoguz şäheri 2016-njy ýylda “Garaşsyz Döwletleriň Arkalaşygynyň medeni paýtagty” diýlip yglan edildi. Şu mynasybetli halkara derejede geçirilen medeni çäreler, ylmy-amaly maslahatlar gadymy şäheriň taryhy-medeni baýlyklaryny, syýahatçylyk kuwwatyny has giňden açyp görkezmek, Arkalaşygyň ýurtlary bilen medeni gatnaşyklary ilerletmek üçin täze mümkinçilikleri açdy. Bu gün Daşoguz şäherine geçmişi, şu güni we geljegi birleşdirýän, medeniýetleridir halklary biri-birine ýakynlaşdyrýan dostlugyň, doganlygyň şäheri diýsek, hakykatdan daş düşmesek gerek. Bu toprakda keramatly ýerleriň, gadymy galalaryň 20-ä golaýy ýerleşýär. Köp sanly arheologik we binagärlik ýadygärlikleri, taryhy ýerler üstünden Beýik Ýüpek ýoly geçen keramatly topragyň şöhratly geçmişinden, bu toprakda şol döwürde medeniýetiň, binagärligiň, ylmyň, bilimiň, sungatyň gülläp ösendiginden habar berýär.

14 Noýabr 2024

Garaşsyzlyk

Rysgal-bereketli zamana

Geçen ýekşenbede ýurdumyzyň paýtagty Aşgabatda Hasyl toýy mynasybetli baýramçylyk dabarasy geçirildi. Garagum derýasynyň kenarynda tutulan toýa ýurdumyzyň dürli ýerlerinden gelen myhmanlar gatnaşdylar. Bu toý gününde ýurdumyzda «akylly» şäher hökmünde ykrar edilen Arkadag şäheriniň pawilýonynyň bolmagy bolsa buýsandyryjydyr. Toý lybasyna bürenen meýdançadaky «akylly» şäheriň powilýonynda oba hojalyk pudagynda öndürilen dürli görnüşli önümler görkezildi.

13 Noýabr 2024

Garaşsyzlyk

Ýaşlar baradaky döwlet syýasaty — röwşen geljegiň kepili

Türkmenistanda ýaşlaryň hukuklarynyň üpjün edilmeginiň we giňeldilmeginiň Durnukly ösüş maksatlaryny durmuşa geçirmek bilen baglanyşygyny öwrenmegiň wajyp ähmiýete eýedigi barada netijä gelmek bolar. Ýaşlaryň hukuklary adamyň hukuklaryny we azatlyklaryny goramagyň bitewi ulgamynyň aýrylmaz düzüm bölegidir. Ýaşlaryň hukuklarynyň we azatlyklarynyň ykrar edilmegi hem-de üpjün edilmegi üçin adamyň we raýatyň hukuklarynyň hem-de azatlyklarynyň amala aşyrylmagynyň kepillendirilmegi düýpli ähmiýete eýedir. Ýaşlaryň hukuklaryny goramak we giňeltmek babatda strategiýalaryň, ileri tutulýan ugurlarynyň emele getirilmegi hem-de durmuşa geçirilmegi arkaly ýaşlar syýasatynyň amala aşyrylmagy döwletiň borjy hökmünde çykyş edýär. Ýaşlar çygrynda döwlet dolandyrylyşy ýaşlar bilen işlemegiň konseptual ugurlaryny işläp taýýarlamagy, ýaş nesil üçin hukuk kepilliklerini, onuň durmuş taýdan erkin ösüşine, döredijilik başlangyçlaryna bolan hukuklaryny üpjün etmek maksady bilen, durmuş-ykdysady, guramaçylyk çäreleriniň bitewi ulgamyny döretmegi öz içine alýar. Şu jähetden ähli derejedäki häkimiýet edaralarynyň işi ýaşlaryň ösüşi üçin zerur şertleri döretmäge gönükdirilýär. Bu şertler ýaşlar baradaky döwlet syýasaty hakynda milli kanunçylykdan gelip çykýar.

13 Noýabr 2024

Garaşsyzlyk

Ösüşleriň täze belentliginde

Düýpli ösüş-özgerişlere beslenýän üstümizdäki ýyl tamamlanyp barýar. Halk hojalygynyň pudaklarynyň agzybir işgärleri şanly ýyly şowly jemlemek ugrunda joşgunly zähmet çekýärler. Olaryň arasynda welaýatymyzyň senagat kärhanalarynyň işgärleri hem bar. Möhüm pudagyň kärhanalarynda şu ýylyň geçen on aýynda öndürilen senagat önümleriniň hereket edýän nyrhlardaky möçberi 20466,4 million manatlyga barabar boldy. Şonda döwlete degişli kärhanalaryň paýy 5346,6 million manatlykdan gowrak boldy. Geçen ýylyň degişli döwri bilen deňeşdirilende iri we orta senagat kärhanalarynyň öndüren önümleriniň ýokary artyş depginleri himiýa senagaty, un üweýji-ýarma we dürüşdelenen iým senagatynda we ýeňil senagatynda emele geldi.

13 Noýabr 2024

Garaşsyzlyk

«Bize Töräni iberiň!»

Ilkinji gezek hatarara bejergi geçirmek üçin traktory bilen gowaçaly pele gireni edil düýnjük ýaly Töräniň ýadyna düşýär. Örän tolgunypdy. Hatda: «Bu meniň işim däl bolaýmasyn, traktorçylygy öwredýän üç aýlyk gysga möhletli okuwy tamamlap, irräk begenäýipdirin öýdýän» diýen ýaly şübheli oý-pikirlerem serine gelmän durmandy. Şonda gowaçaly peliň gyrasynda duran baýry traktorçy Muhammet aga nazary düşende, geçen gün daýhan birleşiginiň başlygy bilen bolan söhbetdeşlik dessine hyýalynda gaýtalandy. — Ilkinji gezek bejergi geçirmek seniň ýaly ýaş traktorçylara kyn düşjegini bilýäris. Şonuň üçin Muhammet Ýangibaýewe ýörite tabşyryk berendiris. Ol saňa işiň aýratynlyklaryny öwreder. Bir atyzda ol hem seniň ýanyňda bejergi geçirer. Ol öz traktorynda, sen öz traktoryňda. Bilmeýäniňi soranyň hiç hili aýby ýok — diýip, başlygyň aýdanlary oňa teselli bolup eşidildi.

13 Noýabr 2024

Garaşsyzlyk

Dünýä — parahatçylyk, ýurda — abadançylyk

Agzybir we ruhubelent halkymyz ýene bir şanly senäni — Garaşsyz Watanymyzyň hemişelik Bitaraplygynyň 29 ýyllygyny uly tutum bilen bellemäge giňden taýýarlyk görýär. Ýerlerde geçirilýän çärelerde diňe bir sebitde däl, eýsem, tutuş dünýäde parahatçylygy berkitmekde, döwletleriň arasynda hyzmatdaşlygy giňeltmekde, halklaryň arasynda dost-doganlyk gatnaşyklaryny pugtalandyrmakda uly hyzmaty ýerine ýetirýän türkmen Bitaraplygy, bu ugurdan Milli Liderimiziň we hormatly Prezidentimiziň alyp barýan dünýä nusgalyk işleri hakynda giňden durlup geçilýär. Türkmenistanyň hemişelik Bitaraplyk hukuk derejesi we parahatçylyk söýüjilige esaslanýan daşary syýasaty dünýäniň ähli döwletleri we halkara guramalary bilen deňhukukly, özara bähbitli hyzmatdaşlygy hemmetaraplaýyn ösdürmäge gönükdirilendir. Hormatly Prezidentimiz bular barada sanly ulgam arkaly Ministrler Kabinetiniň 8-nji noýabrda geçen mejlisinde aýratyn belläp geçdi. Mejlisde bellenilişi ýaly, şu ýylyň geçen on aýynda döwlet Baştutanymyzyň öňde goýan wezipelerine laýyklykda Bitarap Türkmenistanyň daşary ýurtlar we halkara guramalary bilen ikitaraplaýyn hem-de köptaraplaýyn gatnaşyklary barha ýygjam häsiýete eýe boldy. Şeýle özara bähbitli, dünýä ähmiýetli gatnaşyklar syýasy-diplomatik, söwda-ykdysady, medeni-ynsanperwer, ylym-bilim ulgamlaryny giňden gurşap alýar. Şeýle gatnaşyklar bolsa ählumumy parahatçylyga we abadan

13 Noýabr 2024

Garaşsyzlyk

Watana söýgi — iň beýik duýgy

Berkarar döwletiň täze eýýamynyň Galkynyşy döwründe beýik söz ussady Magtymguly Pyragynyň arzuwlan berkarar döwletiniň şan-şöhraty halkymyzyň eşretli durmuşynyň, parahatçylygyň we abadançylygyň, özara ynanyşmagyň hem-de ylalaşygyň kepili bolup, dünýä ýüzüne aýlanýar. Arkadagly Gahryman Serdarymyzyň parasatly baştutanlygynda ösüşlerden-ösüşlere barýan halkymyzyň kalbynda Watan beýikligi, Garaşsyzlyk we hemişelik Bitaraplyk mukamy belentden-belent ýaňlanýar. Watan düşünjesi örän uly we çuň mana eýe bolmak bilen, her bir ynsanyň diliniň senasy, kalbynyň joşgunydyr. Watanyň näderejede belentdigine, onuň ýönekeý bir düşünje däl-de, bahasyna ýetip bolmajak gymmatlykdygyna, mukaddeslikdigine Gahryman Arkadagymyzyň ýürek joşgunyndan, milli buýsanjyndan syzylyp çykan «Watan goragy mukaddesdir», «Mertler Watany beýgeldýär», «Mert ýigitler gaýrat üçin dogulýar» atly kitaplaryny okanyňda hem aýdyň göz ýetirmek bolýar.

13 Noýabr 2024

Garaşsyzlyk

Rowaç ertirlere rowana ýollar

Biziň her birimiziň nesibämize bagtyýar durmuşyň hözirini görüp ýaşamak ýaly beýik hem mukaddes ykbal ýazylypdyr. Men muny Garaşsyz döwletimiziň asuda daň-säherlerini, arassa asmanyny, ak ertirleriniň ak bagtyny gulaçlap çagalar bagyna gatnaýan körpelerini, ak mekdepleriň gujagyna dolýan okuwçylaryny, ýurdumyzyň jemgyýetçilik durmuşyna işjeň gatnaşýan ýaşlaryny, halal zähmetiň eşret-hözirini görüp, döwletimiziň ösüşlerine saldamly goşant goşýan merdana zähmet adamlaryny görüp aýdýaryn. Çünki men hem şol bagtyýar nesliň biri. Şeýle bolansoň bu bagtly pursatlary her gün synlap, kalbym begenç-buýsançdan püre-pürlenýär. Gahryman Arkadagymyz we Arkadagly Gahryman Serdarymyz bolsa il-ulsumyzyň bu bagtyýarlygynyň üstüne ýene-de we ýene-de eşret goşmak üçin taýsyz tagallalary edýärler. Munuň şeýledigini Türkmenistanyň Halk Maslahatynyň nobatdaky mejlisinde Gahryman Arkadagymyzyň eden taryhy çykyşy hem aýdyň subut edýär.

13 Noýabr 2024

Garaşsyzlyk

Göwni kiçi, sarpasy uly

Ömür kerweni yraň atyp gidip otyr. Sen bolsa kerwene çatylan arwananyň üstünde hataba ýapyşyp oturşyňa ömür salynyň tanapyny külterleýärsiň. Şonda, bu durumsyz dünýäniň dört künjünde bolup geçen wakalar bilen bir hatarda, öz başyňdan geçen ahwalatlar hem hatar-hatar bolup hakydaňda janlanýar. Olaryň käsi seni agyr oýlara atarsa, käsi ýakymly ýylgyryşa, käsi bolsa gülküdir şatlyk-şagalaňly pursatlara gaplar. Hakyda horjunynda olaryň aglabasy ýagşylyk ýatlamalary bolup ornap galypdyr. Köpekmyrat Akow hem ýagşylykda ýatlanylmaga mynasyp adam. 1976-njy ýylda Seýitnazar Seýdi adyndaky Türkmen döwlet mugallymçylyk institutynyň mejlisler zalynda talyplar klubynyň sahnalaşdyran täze spektakly görkezilýärdi. Biz ýokary okuw mekdebiniň talyplary bolup sapakdan soň hezil edip, täze sahna oýnuna tomaşa edýärdik. Sahnada dürli keşpleri döredýän talyplaryň arasynda öz bile okaýan ýoldaşlarymyzyň çykyş etmegi bizi diýseň buýsandyrýardy. Spektakl tamamlanandan soň alyp baryjy oňa gatnaşyjylaryň ählisini, şol sanda talyplar klubunyň direktory Köpekmyrat Akowy hem sahna çagyrdy. Güwwüldili el çarpyşmalar tamamlanandan soň talyplar klubunyň direktory söz sözläp, çykyşynyň soňunda şol gün agşam şäheriň medeni-dynç alyş seýilbagynda ýokary okuw mekdebiniň «Jeýhun» wokal-instrumental ansamblynyň ýörite konsert berýändigini aýdyp, hemmeleri oňa tomaşa etmäge çagyrdy. Asyl, ol şol ansamb

13 Noýabr 2024

Garaşsyzlyk