Türkmen tebigatynyň özboluşly ösümligi bolan gandym çydamlylygy bilen bir hatarda halkymyzyň durmuşyna ymykly siňip gidendir.
Gandym dürli görnüşe we ada eýe bolmak bilen, Demirgazyk Afrikadan — Sahara çöllüklerinden başlap Alaşan we Ordos çöllükleri aralygynda duş gelýär. Onuň 150-den gowrak görnüşi bar. Gandym çägelikde gowy ösýär. Ol tas çür başyna çenli çäge basmagyna-da çydap bilýär. Gandymlar sähralyklaryň ýerüsti lanşaftlaryny kesgitleýärler. Esasan-da, gysga wagtlyk bahar aýazlaryndan zeper çekýärler. Şol günlerde howanyň -20-50 derejä çenli aşaklamagy netijesinde gandymyň ýaş çybyklary garalyp guraýar. Ýöne biraz wagtdan soň olaryň ornuna täze çybyklar ösüp ýetişýär.
