Welaýat kitaphanasynda Türkmenistanyň Kärdeşler arkalaşyklarynyň welaýat birleşmesiniň Saglygy goraýyş işgärleriniň kärdeşler arkalaşyklarynyň Balkanabat şäher geňeşi bilen bilelikde geçiren bäsleşigi «Elimden çykan egnime ýarar» diýlip atlandyryldy. Zenanlarymyzyň başarnygyny we ukybyny ýüze çykarmak, häzirki zaman jemgyýetinde olaryň ornuny, halkymyzyň ruhy-medeni we durmuş-ykdysady ösüşine goşýan saldamly goşandyny açyp görkezmek maksady bilen geçirilen bäsleşige saglygy goraýyş ulgamynda işleýän gelin-gyzlar gatnaşdylar. Olaryň el hünärini kämilleşdirmekde alyp barýan işleri baradaky çykyşlary, beýan eden iş we durmuş pursatlary, ýerine ýetiren aýdymlary, tanslary, degişme sahnalary örän täsirli boldy. Netijede, welaýat inçekesel hassahanasynyň topary birinji, Balkanabat şäheriniň 2-nji saglyk öýüniň topary ikinji, welaýat enäniň we çaganyň saglygyny goraýyş merkeziniň topary üçünji orunlara mynasyp boldular.
Ýeňijilere ýadygärlik sowgatlary dabaraly ýagdaýda gowşuryldy.