Sagdyn bolmak, ilkinji nobatda, biziň özümize bagly. Şoňa görä-de, güýz paslynyň dowam edýän, howanyň üýtgäp durýan günlerinde ýüze çykyp biläýjek möwsümleýin keselleriň öňüni almak üçin birnäçe düzgünleri berjaý etmeli. Ylaýta-da, bedeniň kesele garşy durnuklylygyny ýokarlandyrmak üçin kadaly iýmitlenmeli, ýaramaz endiklerden daşda durmaly, bedenterbiýe maşklaryny ýerine ýetirmeli, özbaşdak antibakterial derman serişdelerini kabul etmekden saklanmaly. Keseliň öňüni almak üçin, ilkinji nobatda, arassaçylyk kadalaryny berjaý etmeli, möwsüme görä geýinmeli.
Ýuwlup ütüklenen arassa eşik geýmeli. Öýüň içinde gündelik arassalaýyş işlerini geçirmeli. Üzärligiň tüssesi bilen öýüň howasyny tämizläp durmaly, penjiräni açyp, otagyň içini ýelejiretmeli.
