Häzirki wagtda dowam edýän güýz pasly howa şertleriniň dürli-dürlüligi bilen tapawutlanýar. Saba-säherleri salkyn, günortan çagy güneşli, agşamara sergin howaly güýz günlerinde her birimiziň saglygymyza seresaply çemeleşmegimiz zerurdyr. Sebäbi howanyň üýtgäp durmagy zerarly möwsümleýin ýokanç keselleriň ýüze çykmak ähtimallygy artýar.
Parasatly pederlerimiziň: «Bedeni berkitmegiň we sagalmagyň wajyp şertleriniň biri sagdynlyga ymtylmakdyr» diýip belleýişleri ýaly, biz ýönekeý düzgünleri, sagdyn durmuş ýörelgesini yzygiderli berjaý etmek bilen, bedenimiziň kesele garşy göreşijilik ukybyny ýokarlandyrýarys.
