Türkmen halkynyň Milli Lideri Gahryman Arkadagymyz «Ömrümiň manysynyň dowamaty» atly eseriniň «Arçman» şypahanasy barada ýatlama» atly bölüminde: «Ýurdumyzyň her bir raýatynyň saglygy baradaky alada döwlet syýasatynyň hemişe-de iň ileri tutulýan ugurlarynyň biridir. Berkarar döwletiň täze eýýamynyň Galkynyşy döwründe hem bu şeýle bolmagynda galýar» diýip nygtaýar.
Alym Arkadagymyzyň şu ýylyň 2-nji sentýabrynda «Arçman» şypahanasynda bolan pursatlarynda gurulmagy meýilleşdirilýän we durky täzelenilýän binalaryň taslamalary, şypahananyň bejeriş düzümini kämilleşdirmegiň mümkinçilikleri bilen tanyşmagy hem-de degişli ýolbaşçylaryň gatnaşmagynda iş maslahatyny geçirmegi bütin halkymyzy buýsandyrdy. Bu taryhy pursatlar Milli Liderimiziň döwletimizi ösdürmekdäki işleri oýlanyşykly, meýilnamalaýyn alyp barmakdaky çuň paýhasynyň aýdyň dabaralanmasy boldy.
