Güýzde berjaý edilmeli kadalar
Sagdyn ýaşamak üçin ýylyň ähli paslynda dogry iýmitlenmeli. Dogry iýmitlenmek adamyň saglygyny berkidip, ömrüni uzaldýar. Bosagada güýz pasly. Güýz paslynda günler gysgalyp, gijeler uzalyp ugraýar. Howa az-kem salkynlaşýar. Adatça, bu döwürde dowamly keseller gozgaýar. Witaminlere, mikroelementlere baý gök önümleri iýip, bedeni gyşa taýýarlamaly. Güýzde aterosklerozda we beýleki ýürek-damar kesellerinde peýdaly gawunyň, böwrek kesellerinde nepli garpyzyň bol hasyly ýetişýär.