Žurnalist Narjan Kasymowa tomusda sagdyn ýaşamagyň ugur-ýollary barada gürrüň bermegi Myrat Garryýew adyndaky TDLU-nyň gospital hirurgiýasy kafedrasynyň öwreniji mugallymy Nurýagdy Gylyjowdan haýyş etdi.
Yssy tomus aýlarynda howanyň temperaturasynyň biçak ýokarlanmagy islendik bir adamyň bedenine täsir edýär. Aýratyn hem ýürek-damar ulgamyna, ýagny jöwzaly yssyda gan damarlary giňelip, arterial gan basyşy peselýär. Ýüregiň işjeňligi kadadakydan ýokarlanýar. Gan goýalyp, tromblaryň döremek, infarkt, insult keselleriniň ýüze çykmak howpy peýda bolýar.