Türkmenmetbugat

Газета "Нейтральный Туркменистан"

Esaslandyryjysy: Türkmenistanyň Ministrler Kabineti
Salgysy: Aşgabat şäheri, Garaşsyzlyk şaýoly, 100, Türkmenbaşynyň erkin döredijilik mekany
Telefon belgileri: 38-61-18, 39-95-82, 39-95-88
Email: neytralnyturkmenistan-gazeti@online.tm

Gazeti PDF görnüşinde ýükläp almak

Habarlar

«Louis Vuitton»-yň söwdalary 23% artdy

«Louis Vuitton»-yň we «Dior»-yň önümlerine bolan ýokary isleg «LVMH» korporasiýasynyň 2022-nji ýylyň birinji çärýegindäki söwdalaryny ýokarlandyrdy. «Hennessy» we «Sephora» ýaly dünýä belli brendleriň eýesi «LVMH» korporasiýasy 2021-nji ýylyň degişli döwri bilen deňeşdireniňde, söwdalaryny 23% artdyryp, 18 milliard ýewro ýetirdi. Bu görkeziji «Jefferies» maýa goýum bankynyň beren 18% çaklamasyndan artyk geldi. Korporasiýanyň ýokary derejeli moda egin-eşik we deri önüm bölümçesiniň söwdalary 30% ösüp, bilermenleriň 17% çaklamasyndan has ýokary boldy.

17 Aprel 2022

«Epic Games» kompaniýasy ABŞ-nyň 2 milliard dollary möçberinde maýa çekdi

Internet oýunlaryny döredýän «Epic Games» kompaniýasy «Sony Group»-dan we «Lego Group» kompaniýasynyň eýesi «Kirkbi» holdinginden ABŞ-nyň 2 milliard dollary möçberinde maýa çekdi. Şeýlelikde, «Fortnite» oýnuny dörediji kompaniýanyň bazar bahasy 31,5 milliard dollara barabar boldy. Geleşik amala aşyrylandan soň «Kirkbi» şol kompaniýanyň 3%-niň, «Sony» bolsa, 4,9%-niň eýesi bolar. «Epic Games» bilen «Lego» 2022-nji ýylyň 7-nji aprelinde çagalar üçin howpsuz internet giňişligini döretmek babatda uzakmöhletleýin hyzmatdaşlyga gol çekipdiler. «Epic Games»-iň baş direktory Tim Suiniň sözlerine görä, bu maýa goýum çagalar üçin ýöriteleşdirilen internet giňişligini döretmäge ýardam berer.

17 Aprel 2022

Hususy pudakda gazanylan üstünlikler milli ykdysadyýetimiziň binýadynyň barha berkeýändigini kepillendirýär

13-nji aprelde döwlet Baştutanymyz Serdar Berdimuhamedow Senagatçylar we telekeçiler birleşmesiniň döredilmeginiň 14 ýyllygyna bagyşlanan sergide bolup, ýurdumyzyň işewür düzümleriniň öndürýän önümleri, senagat harytlary hem-de olaryň görnüşleri bilen tanyşdy. Paýtagtymyzdaky Söwda-senagat edarasynda guralan sergide görkezilýän dürli önümler barada Ministrler Kabinetiniň Başlygynyň söwda toplumyna gözegçilik edýän orunbasary hem-de ýurdumyzyň Senagatçylar we telekeçiler birleşmesiniň başlygy hormatly Prezidentimize hasabat berdiler. Birleşme häzirki wagtda ýurdumyzyň hususy işewürliginiň wekilleriniň 27 müňden gowragyny özünde jemleýär. Sergide Senagatçylar we telekeçiler birleşmesiniň düzümleýin edaralary, «Rysgal» paýdarlar täjirçilik banky, paýtagtymyzda hem-de welaýatlarda giň gerimli döwlet taslamalaryny durmuşa geçirýän iri kärhanalardyr hojalyk jemgyýetleri öz diwarlyklaryny gurnadylar.

15 Aprel 2022

Telekeçilik: täze başlangyçlar, şanly sepgitler

12-nji aprelde paýtagtymyzdaky Söwda-senagat edarasynda Senagatçylar we telekeçiler birleşmesiniň döredilmeginiň 14 ýyllygyna bagyşlanan sergi öz işine başlady we ol aýyň 18-ine çenli dowam eder. Serginiň ikinji gününde hormatly Prezidentimiziň sergä gatnaşmagy hem-de telekeçilerimiziň öndüren önümleri bilen tanyşmagy örän ähmiýetli boldy. Sergä ýurdumyzyň hususyýetçileriniň 200-den gowragy öz diwarlyklary we öndüren önümleri bilen gatnaşdy. Sergi Berkarar döwletiň täze eýýamynyň Galkynyşy döwründe ýurduň altyn gaznasyna öwrülen hususy pudagyň bedew batly ösüşlere beslenýändigini, türkmen telekeçileriniň milli ykdysadyýetde tutýan ornunyň barha ýokarlanýandygyny aýdyň görkezdi. «Nesil» gazetiniň döredijilik topary sergä gatnaşyp, işi rowaç telekeçiler bilen söhbetdeş boldy.

15 Aprel 2022

Döredijilikli gözlegiň miwesi

Gözel paýtagtymyzyň Günorta böleginde ýerleşýän Türkmenistanyň Söwda-senagat edarasynda ýurdumyzyň Senagatçylar we telekeçiler birleşmesiniň döredilmeginiň 14 ýyllygyna bagyşlanylyp guralan sergi dowam edýär. Sergi Senagatçylar we telekeçiler birleşmesiniň agzalary bolan hususy önüm öndürijileriň hormatly Prezidentimiziň daşary ýurtlardan getirilýän harytlaryň ornuny tutýan önümleri ýurdumyzda öndürmek bilen bagly berýän tabşyryklaryny ýerine ýetirmek ugrunda döredijilikli gözlegde bolýandyklaryny görkezdi.

15 Aprel 2022

Telekeçileriň dabaraly maslahaty

Türkmenistanyň Senagatçylar we telekeçiler birleşmesiniň döredilen gününiň 14 ýyllygy mynasybetli, welaýat kitaphanasynda dabaraly maslahat geçirildi. Türkmenistanyň Senagatçylar we telekeçiler birleşmesiniň welaýat bölüminiň, TSTP-niň welaýat komitetiniň bilelikde guran bu maslahatyna welaýatymyzyň dürli ýerlerinde iş alyp barýan telekeçilik kärhanalarynyň wekilleri, hususy telekeçiler gatnaşdylar. Maslahatda Türkmenistanyň Senagatçylar we telekeçiler partiýasynyň welaýat komitetiniň başlygynyň orunbasary Maksud Töräýew, «Ynsan kalby» hususy kärhanasynyň ýolbaşçysy Agamyrat Söýünow, telekeçi Döwletgeldi Durdyýew we beýlekiler çykyş edip. Garaşsyz ýurdumyzyň telekeçilik pudagyny ösdürmek barada amala aşyrylýan işler, telekeçileriň yhlasly zähmet çekmekleri üçin döredilýän şertler barada giňişleýin gürrüň berdiler. Olardan görnüşi ýaly, şeýle mümkinçiliklerden ýerlikli peýdalanmak bilen, welaýatymyzyň telekeçileri giň gerimli işleri durmuşa geçirýärler. Häzirki wagtda welaýatymyzda telekeçilere degişli bolan önümçilik kärhanalarynyň, ýyladyşhanalaryň köp sanlysy hereket edip, ilatyň isleg bildirýän dürli görnüşli önümlerini öndürmekde oňat netijeleri gazanylýar. Munuň özi halkymyzyň ýaşaýyş derejesiniň has-da ýokarlandyrylmagyna goşant goşmak babatynda öňde goýlan wezipeleriň üstünlikli ýerine ýetirilmegine ýardam berýär. Maslahatyň ahyrynda göreldeli telekeçileriň birnäçesine H

14 Aprel 2022

Hormatly Prezidentimiz Senagatçylar we telekeçiler birleşmesiniň gazananlarynyň sergisi bilen tanyşdy

Aşgabat, 13-nji aprel. Şu gün hormatly Prezidentimiz Serdar Berdimuhamedow Senagatçylar we telekeçiler birleşmesiniň döredilmeginiň 14 ýyllygyna bagyşlanan sergide bolup, ýurdumyzyň işewür düzümleriniň öndürýän önümleri, senagat harytlary hem-de olaryň görnüşleri bilen tanyşdy. Häzirki döwürde milli ykdysadyýetimiziň döwlete dahylsyz ulgamyny ösdürmek, telekeçilik başlangyçlaryny goldamak döwlet syýasatynyň ileri tutulýan ugurlarynyň biri bolup durýar. Şunuň bilen baglylykda, dünýäniň ösen tejribesinden ugur alnyp, hususy ulgamyň ykdysadyýetimizde eýeleýän ornunyň berkidilmegine aýratyn ähmiýet berilýär. Munuň özi türkmen telekeçileriniň dürli ugurlar, şol sanda azyk we beýleki harytlaryň önümçiligi boýunça belent sepgitleri eýelemegine giň ýol açýar.

14 Aprel 2022

Işewürligiň röwşen gadamlary

Hormatly Prezidentimiz Türkmenistanyň Senagatçylar we telekeçiler birleşmesiniň döredilmeginiň 14 ýyllygy mynasybetli ýurdumyzyň senagatçylarynyň we telekeçileriniň sergisine hem-de birleşmäniň agzalarynyň maslahatyna gatnaşyjylara iberen Gutlagynda: “Türkmen telekeçileri rowaçlyklaryň röwşen ýoly bilen ynamly öňe barýarlar” diýip belledi. Bu hakykaty paýtagtymyzdaky Söwda-senagat edarasynda birnäçe gün bäri dowam edýän sergi aňryýany bilen subut edýär. Sergi zalynyň giň pawilýonlaryny bezän önümleriň aglabasynyň täze harytlardygy hususy eýeçilikde döredijilikli işlenilýändiginiň alamatydyr. Gahryman Arkadagymyzyň öňdengörüjilikli başlangyjy bilen, 2008-nji ýylyň 17-nji martynda Türkmenistanyň Senagatçylar we telekeçiler birleşmesi döredildi. Şol taryhy günden başlap, türkmen telekeçileri bir supranyň başyna jemlenip, agzybirlikde iş alyp barýarlar. «Kiçi we orta telekeçiligi döwlet tarapyndan goldamak hakynda», «Türkmenistanyň Senagatçylar we telekeçiler birleşmesi hakynda (rejelenen görnüşi)» Kanunlaryň kabul edilmegi gowy netijeleri berdi. Birleşmäniň Ahal welaýatynyň Ak bugdaý etrabynyň çäginde 260 gektardan gowrak meýdanda döredilen Senagat zolagynda häzirki wagtda döwrüň ösen talaplaryna laýyklykda, innowasion tehnologiýalar esasynda iş alnyp barylýar.

14 Aprel 2022

Ýylyň iň gowy telekeçileri

Ýurdumyzyň Söwda-senagat edarasynyň sergi zalynda giňden ýaýbaňlandyrylan türkmen işewürleriniň önümleriniň sergisinde ýokary hilli, ekologik taýdan arassa, dünýä bazarynda bäsdeşlige ukyply, eksport ugurly azyk, senagat, gurluşyk harytlarydyr bu pudakda sanly ulgam arkaly amal edilýän giň möçberli işler, täze taslamalar bilen tanyşmaga, pikir we tejribe alyşmaga hem mümkinçilik bar. Serginiň çäklerinde guralan birleşmäniň agzalarynyň maslahatynda dürli ugurlar boýunça alnyp barlan işler baradaky hasabatlar diňlenildi. Oňa gatnaşyjylar Türkmenistany 2022 — 2052-nji ýyllarda durmuş-ykdysady taýdan ösdürmegiň Milli maksatnamasynda hususy telekeçiligi ösdürmek boýunça kesgitlenen çäreleri durmuşa geçirmek bilen baglanyşykly meseleleri ara alyp maslahatlaşdylar. Şeýle-de hususy eýeçilige täze tehnologiýalary, sanly ulgamy ornaşdyrmak babatda öňde goýlan wezipeler kesgitlenildi. Maslahatda birleşmäniň hususy telekeçileriň arasynda dürli ugurlar boýunça yglan eden «Ýylyň iň gowy telekeçisi» bäsleşiginiň jemi jemlendi. Netijede, 12 ugur boýunça bäsleşige gatnaşan hususy kärhanalaryň, hojalyk jemgyýetleriniň, daýhan hojalyklarynyň, telekeçileriň arasyndan iň mynasyplary ýeňiji diýlip yglan edildi. Şolaryň hatarynda hususy pudakda göreldeli işleri bilen adygan «Derýaplastik», «Ak bulut», «Zamana», «Ýigit» hojalyk jemgyýetleri, «Batly gadam», «Çaly» hususy kärhanalary bilen birlikde, «T

14 Aprel 2022

Ýurdumyzyň altyn gaznasy

12-nji aprelde paýtagtymyzda iri guramanyň — Senagatçylar we telekeçiler birleşmesiniň döredilmeginiň 14 ýyllygyna bagyşlanan serginiň we maslahatyň açylyş dabarasy boldy. Häzirki wagtda bu birleşme ýurdumyzyň hususy işewürliginiň wekilleriniň 27 müňden gowragyny özünde jemleýär hem-de ykdysadyýetiň döwlete dahylsyz ulgamyny ösdürmek, telekeçilik başlangyçlaryny goldamak boýunça giň gerimli işleri amala aşyrýar. Hormatly Prezidentimiz Serdar Berdimuhamedowyň Türkmenistanyň Senagatçylar we telekeçiler birleşmesiniň sergisine hem-de maslahatyna gatnaşyjylara iberen Gutlagynda nygtaýşy ýaly, Senagatçylar we telekeçiler birleşmesiniň agzalarynyň gazananlarynyň, hususy pudagyň ýeten sepgitleriniň gözden geçirilişine öwrülen bu çäreler hususy haryt öndürijileriň öndürýän önümleriniň möçberini içerki we daşarky bazarlarda artdyrmaga, maýa goýum we innowasion işewürligi ösdürmegiň has möhüm ugurlaryny kesgitlemäge ýardam berýär.

13 Aprel 2022

Sazlaşykly ösüşleriň Diýary

Türkmenistanyň Senagatçylar we telekeçiler birleşmesiniň agzalary tarapyndan daşary ýurtlardan getirilýän harytlaryň ornuny tutýan önümleri özümizde öndürýän täze önümçilikler bilen birlikde eksporta gönükdirilen harytlary öndürýän ýokary tehnologiýaly kärhanalar hem gurlup, işe girizilýär. Netijede, ýurdumyzyň hususy haryt öndürijileriniň senagat, oba hojalyk önümleriniň, şeýle hem amala aşyrýan hyzmatlarynyň daşary ýurt bazarlaryndaky orny yzygiderli pugtalanýar. Garaşsyz, hemişelik Bitarap Türkmenistan häzirki wagtda ykdysadyýetiň we medeniýetiň dürli ugurlarynda uly ösüşleri gazanyp, ösen döwletleriň hataryndaky ornuny has-da pugtalandyrýar. Hormatly Prezidentimiz Serdar Berdimuhamedowyň 8-nji aprelde geçiren Ministrler Kabinetiniň mejlisinde agzalan milli ykdysadyýetimiziň pudaklaryny ösdürmegiň şu ýylyň birinji çärýeginde gazanylan ýokary netijeleri hem bulara aýdyň şaýatlyk edýär. Mejlisde agzalan maglumatlardan mälim bolşy ýaly, 2022-nji ýylyň ýanwar — mart aýlarynyň makroykdysady görkezijileri durnukly häsiýete mahsusdyr. Ähli ministrlikleriň hem-de pudaklaýyn dolandyryş edaralarynyň jemleýji maglumatlaryna laýyklykda, öndürilen önümiň möçberi, geçen ýylyň degişli döwründäkä garanyňda, 11,1 göterim artdy. Şu ýylyň ýanwar — mart aýlarynda bölek-satuw dolanyşygy, geçen ýylyň degişli döwri bilen deňeşdirilende, 10,4 göterim köp boldy. Daşarky söwdanyň möçberi şu ýy

13 Aprel 2022

Hususy telekeçilik — ykdysady ösüşe goşant

«Halkyň Arkadagly zamanasy» ýylynda Türkmenistanyň Senagatçylar we telekeçiler birleşmesiniň döredilmegine 14 ýyl boldy. Sanagly wagt geçen hem bolsa, türkmen telekeçileri tarapyndan alnyp barylýan işleriň gerimi giňeýär, öndürilýän önümler dünýä ýüzünde uly islegden peýdalanýar. Hususy telekeçileriň durmuşa geçirýän işleri gurluşyk pudagynda, halkyň sarp edýän harytlaryny öndürmekde, dürli hyzmatlary etmekde ýokary hilliligi we netijeliligi bilen tapawutlanýar. Olaryň öndürýän önümleri ýurdumyzda guralýan dürli sergilerde, bäsleşiklerde mynasyp baha eýe bolýar. Ýurdumyzda bazar gatnaşyklaryny ösdürmek, içerki we daşarky bazarlarda bäsdeşlige ukyply bolan harytlaryň öndürilişini artdyrmak, öňdebaryjy tehnologiýalary önümçilige ornaşdyrmak Türkmenistanyň Senagatçylar we telekeçiler birleşmesiniň alyp barýan esasy işleri bolup durýar. Garaşsyz, hemişelik Bitarap Diýarymyzda hususy telekeçilere döwletimiz tarapyndan ýakyndan goldaw edilmegine, hususy telekeçiligi ösdürmegiň pudaklaýyn geriminiň giňeldilmegine örän uly ähmiýet berilýär. Kiçi we orta telekeçiligi ösdürmegiň, täze kärhanalary gurmagyň, bar bolanlarynyň durkuny täzelemegiň hasabyna ýurdumyzyň senagat kuwwatlyklaryny artdyrmak boýunça birnäçe wezipeler durmuşa geçirilýär. Häzirki wagtda kiçi we orta telekeçiligiň wekilleri ýurdumyzyň azyk we ýeňil senagatynda, gurluşyk pudagynda, syýahatçylykda, awtoulag

13 Aprel 2022

Türkmen telekeçiliginiň aýdyň ýoly

Telekeçiligiň ýurdumyzyň altyn gaznasy hasaplanylýan döwletimizde Senagatçylar we telekeçiler birleşmesiniň döredilenine 14 ýyl doldy. Şu şanly sene mynasybetli 12-13-nji aprelde Türkmenistanyň Söwda-senagat edarasynda sergi guraldy. «Türkmen telekeçileri rowaçlyklaryň röwşen ýoly bilen ynamly öňe barýarlar» diýlip, hormatly Prezidentimiz Serdar Berdimuhamedowyň bu şanly waka mynasybetli iberen Gutlagynda aýdylýar. Şol sergide Türkmenistanyň Senagatçylar we telekeçiler birleşmesiniň dürli ulgamlarda işleýän agzalarynyň 200-den gowragy geçen döwürde gazanan üstünliklerini görkezdi. Sergi bilen utgaşyklykda geçirilen maslahatda türkmen telekeçileriniň gazanan üstünlikleri we täze wezipeleri, hususan-da, innowasion tehnologiýalary, sanly ulgamlary ornaşdyrmak, Berkarar döwletiň täze eýýamynyň Galkynyşy: Türkmenistany 2022 — 2052-nji ýyllarda durmuş-ykdysady taýdan ösdürmegiň Milli maksatnamasynda hususy ulgamy ösdürmek boýunça öňde goýlan wezipeler ara alnyp maslahatlaşyldy. Ýeri gelende aýtsak, Senagatçylar we telekeçiler birleşmesi boýunça şu ýylyň üç aýynda oba hojalyk we azyk önümlerini öndürmegiň ösüş depgini 164,5 göterime hem-de senagat önümleriniň öndürilişiniň ösüş depgini 108,1 göterime barabar boldy.

13 Aprel 2022

Aşgabatda Senagatçylar we telekeçiler birleşmesiniň sergisi hem-de maslahaty geçirilýär

Aşgabat, 12-nji aprel. Şu gün paýtagtymyzda iri guramanyň — Senagatçylar we telekeçiler birleşmesiniň döredilmeginiň 14 ýyllygyna bagyşlanan serginiň we maslahatyň açylyş dabarasy boldy. Häzirki wagtda bu birleşme ýurdumyzyň hususy işewürliginiň wekilleriniň 27 müňden gowragyny özünde jemleýär hem-de ykdysadyýetiň döwlete dahylsyz ulgamyny ösdürmek, telekeçilik başlangyçlaryny goldamak boýunça giň gerimli işleri amala aşyrýar. Türkmenistanda telekeçiligiň hemmetaraplaýyn ösdürilmegi, häzirki zaman bazar gurallarynyň giňden ornaşdyrylmagynyň hasabyna hususy ulgamyň ornunyň berkidilmegi hormatly Prezidentimiz Serdar Berdimuhamedowyň amala aşyrýan durmuş-ykdysady syýasatynyň ileri tutulýan ugurlarynyň biridir. Döwlet Baştutanymyz wezipä girişmek dabarasynda eden çykyşynda: “Döwlet eýeçiligini hususylaşdyrmak we döwlete dahylsyz pudagy ösdürmek döwlet syýasatymyzyň aýrylmaz bölegi bolup durýar. Ýurdumyzda milli ykdysadyýetimiziň ähli pudaklarynda işlejek kiçi, orta we iri tehnologik kärhanalaryň gurluşygy ýokary depginler bilen alnyp barlar. Bu bolsa ykdysady kuwwatymyzy berkitmäge oňyn täsir eder” diýip belledi. Bu maksatlara ýetmegiň ýoly Milli Geňeşiň Halk Maslahatynyň 11-nji fewralda geçirilen taryhy mejlisinde kabul edilen “Berkarar döwletiň täze eýýamynyň Galkynyşy: Türkmenistany 2022 — 2052-nji ýyllarda durmuş-ykdysady taýdan ösdürmegiň Milli maksatnamasynda” beýan edildi.

13 Aprel 2022

Türkmenistanyň ykdysadyýetiniň hususy pudagynyň kuwwaty artýar

Aşgabatda Senagatçylar we telekeçiler birleşmesiniň sergisi hem-de maslahaty geçirilýär Aşgabat, 12-nji aprel (TDH). Şu gün paýtagtymyzda iri guramanyň — Senagatçylar we telekeçiler birleşmesiniň döredilmeginiň 14 ýyllygyna bagyşlanan serginiň we maslahatyň açylyş dabarasy boldy. Häzirki wagtda bu birleşme ýurdumyzyň hususy işewürliginiň wekilleriniň 27 müňden gowragyny özünde jemleýär hem-de ykdysadyýetiň döwlete dahylsyz ulgamyny ösdürmek, telekeçilik başlangyçlaryny goldamak boýunça giň gerimli işleri amala aşyrýar.

13 Aprel 2022

Telekeçilere berilýän döwlet goldawynyň miweleri

Düýn Söwda-senagat edarasynda ýurdumyzyň Senagatçylar we telekeçiler birleşmesiniň döredilmeginiň 14 ýyllygy mynasybetli sergi hem-de maslahat öz işine başlady. Şu gün hem dowam edýän foruma hususyýetçileriň 200-den gowragy gatnaşyp, dürli ugurlar boýunça alyp barýan işleri, önümleridir hyzmatlary bilen tanyşdyrýarlar. Biz ýurduň altyn gaznasyna deňelýän hususy pudagyň wekilleriniň käbiriniň beren gürrüňlerini ýazga geçirdik.

13 Aprel 2022

Işewürlik döwrüň talaby

Türkmenistanyň Prezidentiniň «Türkmeniň Altyn asyry» atly bäsleşigine Ýurdumyzyň milli ykdysadyýetini ösdürmekde bazar gatnaşyklary ulgamyny döwrebaplaşdyrmagyň esasy şertleriniň biri bolan telekeçiligiň kämilleşdirilmegi döwletiň ösüşlerine täze badalgadyr. Şonuň üçin hem innowasion ykdysadyýetiň kemala getirilmegine hususy işewürligiň gatnaşmagyny üpjün etmek ýa-da oňa telekeçileri giňişleýin çekmek esasy şertleriň biridir. Dünýä döwletlerinde bolşy ýaly, Türkmenistanda hem hususy telekeçilik ýurduň ykdysady ösüşinde derwaýys orny eýeleýär. Ýurdumyzyň önümçilik kuwwatynyň artmagynda, importyň azalyp, eksportda täze mümkinçilikleriň emele gelmeginde ykdysadyýetiň döwlete degişli bolmadyk bu pudagynyň paýy barha ýokarlanýar. Munuň şeýledigini «Türkmenistany 2019 — 2025-nji ýyllarda durmuş-ykdysady taýdan ösdürmegiň Maksatnamasyna» laýyklykda ýerine ýetirilen işlere nazar aýlanyňda-da görmek bolýar. Maksatnamada hususy pudagy diwersifikasiýalaşdyrmaga, önümçiligiň täze ugurlaryny emele getirmäge we eksport ugurly harytlaryň önümçiligini ýokarlandyrmaga gönükdirilen maýa goýumlar üns çekijidir.

12 Aprel 2022

Önümleriň görnüşleri 1000-den geçýär

«Täze Aý» önümçilik birleşiginiň düzümindäki hususy kärhanalar elýeterli bahalardan ýokary hilli önümleri öndürmekde diňe bir Mary welaýatynda däl, eýsem, ýurdumyzyň ähli sebitinde hem adyganlaryň hatarynda tanalýar. Senagatçylar we telekeçiler birleşmesiniň agzasy bolan bu önümçilik kärhanasynyň agzybir işgärleriniň birleşen tagallasy bilen öndürilýän önümler bolsa, diňe bir daşary ýurtlardan getirilýän azyk harytlarynyň ornuny tutmak bilen çäklenmän, eýsem, Hytaý Halk Respublikasy, Russiýa Federasiýasy, Gazagystan, Täjigistan ýaly döwletlere-de eksport edilýär.

12 Aprel 2022

«Düzmergeniň» pomidorlary

Uly Balkan dagynyň degresindäki mes toprakly Düzmergen ýaýlasynda bina edilen häzirki zaman ýyladyşhananyň Türkmenistanyň Senagatçylar we telekeçiler birleşmesiniň hem-de Senagatçylar we telekeçiler partiýasynyň agzasy Halmämmet Amanmämmedowa degişlidigi aýratyn bellenmäge mynasypdyr. Ýyladyşhananyň önümçilik mümkinçilikleri hususy pudagyň okgunly ösüşlere eýe bolýandygyny ýene bir gezek aýdyňlygy bilen görkezýär. Türkiýe Respublikasynyň, Gollandiýanyň ösen enjamlary bilen birkemsiz üpjün edilen ýyladyşhanada ähli işler kuwwatly tehnologiýalara, kämil kompýuterlere daýanylýar. Munuň özi ýyladyşhananyň ýylylyk, çyglylyk, suwaryş ulgamlarynyň işlerini talabalaýyk ýola goýmakda hem möhüm ähmiýete eýe bolup durýar. Gök önümleriň dürli görnüşlerini ösdürip ýetişdirmäge niýetlenen, ekerançylyk meýdany 4 gektara, umumy tutýan meýdany bolsa 5 gektara barabar bolan ýyladyşhana täze iş orunlarynyň birbada 60-a golaýyny döretmäge mümkinçilik berdi. Bu ýyladyşhanada agrotehniki talaplara laýyk idegi ýetirilen pomidorlary ýygnamak işi «Halkyň

12 Aprel 2022

Telekeçiligiň batly gadamlary

12-nji aprelde paýtagtymyzdaky Söwda-senagat edarasynda Türkmenistanyň Senagatçylar we telekeçiler birleşmesiniň döredilmeginiň 14 ýyllygy mynasybetli ýurdumyzyň senagatçylarynyň we telekeçileriniň sergisi öz işine başlady. Serginiň açylyş dabarasyna hökümet agzalary, Milli Geňeşiň Halk Maslahatynyň agzalary we Mejlisiniň deputatlary, ministrliklerdir pudaklaýyn dolandyryş edaralarynyň, jemgyýetçilik guramalarynyň, ýurdumyzda hereket edýän diplomatik gulluklaryň hem-de habar beriş serişdeleriň wekilleri gatnaşdylar.

12 Aprel 2022

‹
1
2
...
29
30
31
32
33
34
35
...
49
50
›