Газета "Нейтральный Туркменистан"

Esaslandyryjysy: Türkmenistanyň Ministrler Kabineti
Salgysy: Aşgabat şäheri, Garaşsyzlyk şaýoly, 100, Türkmenbaşynyň erkin döredijilik mekany
Telefon belgileri: 38-61-18, 39-95-82, 39-95-88
Email: neytralnyturkmenistan-gazeti@online.tm

Gazeti PDF görnüşinde ýükläp almak

Habarlar

Telekeçilik ulgamy ösdürilýär

Ýurdumyzda bazar gatnaşyklaryny işjeň ornaşdyrmakda, ykdysadyýetimiziň döwlete dahylsyz ulgamynyň okgunly ösüşini gazanmakda döwletli tutumlar amala aşyrylýar. Kiçi we orta telekeçiligi ösdürmekde toplumlaýyn işler alnyp barylýar, ulgamyň kadalaşdyryjy-hukuk esaslary yzygiderli kämilleşdirilýär. Döwlet syýasatynyň ileri tutulýan ugurlarynyň biri bolan telekeçiligi hemmetaraplaýyn ösdürmek, öňdebaryjy bazar usullaryny giňden ornaşdyrmak arkaly hususy pudagyň milli ykdysadyýetimizde eýeleýän orny has-da pugtalanýar. Ajaýyp zamanamyzda hususy işewürleriň gazanýan üstünlikleri hormatly Prezidentimiziň durmuşa geçirýän durmuş-ykdysady özgertmeleriniň ajaýyp miwesidir. Ýurdumyzyň hususyýetçileri daşary ýurt harytlarynyň ornuny tutýan önümleri öndürmek bilen, döwlet Baştutanymyzyň özleri barada edýän aladalaryna mynasyp zähmet üstünlikleri bilen jogap berýärler. Eziz Diýarymyzyň ähli künjekleri bilen bir hatarda, welaýatymyzda ýerleşýän hususy kärhanalar, hojalyk jemgyýetleri hem telekeçiligiň ösmeginde, raýatlaryň isleglerini kanagatlandyrmakda mynasyp işleri ýerine ýetirmegi başarýarlar.

26 Aprel 2023

Telekeçilik

Süýt kölüniň önümleri

Gürrüň Türkmenistanyň Senagatçylar we telekeçiler birleşmesiniň agzasy, tejribeli telekeçi Berdimuhammet Çaryýewiň ýolbaşçylygyndaky önümhanada alnyp barylýan işler hakda. Halkymyzy ýokary hilli, ekologik taýdan arassa süýt we süýt önümleri bilen üpjün edip gelýän, paýtagtymyzda geçirilýän sergilere gatnaşyp, sergi diwarlyklaryny öz önümleri bilen yzygiderli bezeýän telekeçiniň alyp barýan işleri bilen gyzyklanyp, Mary welaýatynyň Baýramaly etrabyna tarap ýola düşdük. Hususy telekeçiniň önümhanasy etrap merkezinden daş bolmadyk «Täze durmuş» daýhan birleşiginiň çäginde ýerleşýär. Ýoluň iki tarapyna uzap gidýän gowaçaly hem bugdaýly meýdanlary synlap barşymyza, obanyň çetindäki önümhananyň deňinde saklandyk. Bizi ýaş hünärmen Myrat Möwliýew garşy aldy. Önümhana daýhan birleşiginiň çäginden bölünip berlen bir gektar ýeriň tas ýarysyny eýeläp dur. Onuň öň tarapy giden ýorunjalyk meýdan. Bu ýerde miweli baglar ekilipdir. Çet-gyrakdaky bag nahallarynyň aşagynda ikibir, üçbir adam oturar ýaly, agaç oturgyçlar goýlupdyr. Öz ýanymdan: «Bu ýerde işçiler arakesme wagtynda arassa howadan dem alýan bolsalar gerek. Bahar paslynda bu ýerde oturyp dynç almagyň lezzeti bir başgadyr...» diýip, pikir etdim. Ony duýan ýaly, Myradam gürrüňi dynç alyşdan başlady. Ol:

26 Aprel 2023

Telekeçilik

Hiliň kepili — esasy ýörelge

Täze taryhy döwürde eziz Diýarymyzyň beýleki sebitlerinde bolşy ýaly, Ahal welaýatymyzda-da hususy pudagyň wekillerine degişli innowasion häsiýetli senagat kärhanalarynyň onlarçasy hereket edýär. Bu gün üstünlikli işleri alyp barýan şeýle kärhanalaryň hatarynda Türkmenistanyň Senagatçylar we telekeçiler birleşmesiniň agzasy «Täç hil» hususy kärhanasyny agzamak bolar. Ak bugdaý etrabynyň çägindäki senagat zolagynda ýerleşýän bu kärhananyň häzirki zaman döwrebap önümçilik binasy 2019-njy ýylyň iýunynda dabaraly ýagdaýda açylyp, ulanylmaga berlipdi. Ýurdumyzda telekeçiligi hemmetaraplaýyn ösdürmek, orta we kiçi telekeçiligi goldamak, daşary ýurtlardan getirilýän harytlaryň ýerini tutýan önümleri öndürmek we ýurdumyzyň eksport kuwwatyny ýokarlandyrmak ugrunda döredilýän şertlerdir mümkinçilikler, hususy pudagyň wekillerine berilýän goldaw-hemaýatlar netijesinde geçen döwrüň içinde kärhananyň işiniň gerimi has-da giňäp, öndürýän önümleriniň görnüşleri artdy.

25 Aprel 2023

Telekeçilik

«Ak­ kent» hu­su­sy kär­ha­na­sy ýeňil hem berk su­w gaplaryny öndürýär

Ýurdu­myz­da alyjylaryň islegini ka­na­gat­lan­dyr­mak, dur­muş-yk­dy­sa­dy we­zi­pe­le­ri ne­ti­je­li çöz­mek, dur­nuk­ly ösüş ga­zan­mak, öňi bi­len, Türk­me­nis­ta­nyň Se­na­gat­çy­lar we te­le­ke­çi­ler bir­leş­me­si­niň ag­za­la­ry­nyň ga­zan­ýan üs­tün­lik­le­ri­ne bag­ly­dyr. Türk­me­nis­ta­nyň Se­na­gat­çy­lar we te­le­ke­çi­ler bir­leş­me­si­niň ag­za­sy «Ak kent» hu­su­sy kär­ha­na­sy 2017-nji ýyl­dan bä­ri, suw sak­la­mak üçin ni­ýet­le­nen gap­la­ryň 30-a go­laý gör­nü­şin­i, şeý­le-de po­lie­ti­len önüm­le­ri­niň dür­li gör­nüş­le­ri­ni el­ýe­ter­li ba­ha­dan hal­ky­my­za hö­dür­läp gel­ýär. Bu kär­ha­na­da ýa­ňy-ýa­kyn­da plast­mas­sadan ça­ga­la­ryň oýun meý­dan­ça­la­ry­nyň gur­na­ma­la­ry hem ön­dü­ri­lip baş­lan­dy. Gün şöh­le­si­ne çy­dam­ly, so­wuk ho­wa­da hem dur­nuk­ly­ly­gy­ny sak­la­ýan bu önüm­le­re kär­ha­na ta­ra­pyn­dan 1 ýyl ke­pil­lik be­ril­ýär.

24 Aprel 2023

Telekeçilik

Bazar bolçulygy: rowaçlygyň we berekediň nyşany

Hormatly Prezidentimiziň belleýşi ýaly, Diýarymyzyň eksport kuwwatyny artdyrmakda, täze önümçilikleri ýola goýmakda, bazar bolçulygyny döretmekde, iş üpjünçiliginde hususy pudaga möhüm orun degişlidir. Türkmen telekeçileri halkara derejede ýurdumyza mynasyp wekilçilik edýärler, döwletimiziň abraýyny has-da belende göterýärler. Täzeçillik, ylma we ösen tehnologiýalara daýanmak, durnukly ösüş, «ýaşyl» ykdysadyýetiň ýörelgelerine eýermek bu ugurdaky işleriň has-da ilerlemegini üpjün edýär. Döwlet Baştutanymyz ýurdumyzda bazar ulgamynyň döredilmeginiň möhüm bölegi bolan hususy işewürligiň ösdürilmegine ýardam bermek bilen, olaryň innowasion ykdysadyýeti kemala getirmäge gatnaşýandygyny goldaýar. Netijede, ýurdumyzyň halk hojalygynyň düzüminde işewürleriň paýy ýylsaýyn artýar. Döwrebap önümçilikleriň, bilelikdäki kärhanalaryň, hojalykdyr paýdarlar jemgyýetleriniň sany yzygiderli köpelýär. Şunlukda, ýurdumyzda azyk bolçulygy üpjün edilýär. Daşary ýurtlardan getirilýän harytlaryň ornuny tutýan önümleriň öndürilişiniň mukdary barha artýar. Bular ýurdumyzda bazar bolçulygyny döredýär. Bolçulyk bolsa halkymyzy guwandyrýar. Bolçulyk rowaçlygyň, abadançylygyň, eşretli durmuşyň nyşanydyr.

24 Aprel 2023

Telekeçilik

Telekeçi zenanlaryň mynasyp goşandy

Arkadag Serdarly bagtyýar ýaşlar ýylynyň mart aýynda ýurdumyzda Türkmenistanyň Senagatçylar we telekeçiler birleşmesiniň döredilmeginiň 15 ýyllygy dabaraly bellenilip geçildi. Gahryman Arkadagymyzyň öňdengörüjilikli syýasaty bilen döredilen birleşme gysga döwrüň içinde türkmen işewürliginiň 28 müňden gowrak wekilini özünde jemledi. Döwlet tarapyndan berlen goldaw-hemaýatlaryň, döredilen ýeňillikleriň, agzybirlikli çekilen zähmetiň netijesinde belent sepgitlere ýetildi, uly üstünlikler gazanyldy, ýurdumyzyň altyn gaznasyna öwrülen türkmen telekeçileriniň at-owazasy, şan-şöhraty äleme doldy.

21 Aprel 2023

Telekeçilik

Mahmal ýürekli mähirli zenan

Ony başgaça atlandyrmak mümkinem däl. Meger, Gahryman Arkadagymyzyň aýdyşy ýaly, eli çeper, jadyly elleri bilen gudrat döredýän zenanlaryň ýüregi mahmal, göwünleri umman kibidir. Ýurdumyzyň hususy pudagynda çeper el işleri bilen adygan «Mähirli zenan» modalar öýüniň ýolbaşçysy Aýna Durdylyýewa-da şeýle zenanlardan. «Gara gadyr» diýilýänlerden. Barsaň, güler ýüz bilen garşy alar. Möhümiňi bitirmän, goýbermez. Onuň ýolbaşçylygynda işleýän tikinçi zenanlar islän biçüwiňdäki lybasy göwnüňdäki ýaly tikip, ýakasyny-da bejerip bererler. Şonuň üçin-de, bu modalar öýüniň müşderisi ýeterlik. Olaryň keşdeleriniň her biri asylzada gelin-gyzlarymyzyň yhlasyndan hem-de kalbynyň hoş owazyndan döreýär. Al-elwan güllere çalymdaş lybaslaryň owadanlygyny hiç zat bilen deňeşdirip bolmaýar.

21 Aprel 2023

Telekeçilik

Ýaşlaryň gujury bilen

Hormatly Prezidentimiz Türkmenistanyň Senagatçylar we telekeçiler birleşmesiniň döredilmeginiň 15 ýyllygy mynasybetli ýurdumyzyň senagatçylarynyň we telekeçileriniň sergisine hem-de birleşmäniň agzalarynyň maslahatyna gatnaşyjylara iberen Gutlagynda: «Geçen 15 ýylda birleşmäniň agzalarynyň ýeten sepgitleri hususy pudagyň döwletimiziň ykdysadyýetiniň esasy hereketlendiriji güýjüne öwrülendigine şaýatlyk edýär» diýip belledi. Ýurdumyzyň hususy eýeçiliginde hereket edýän kärhanalary dolandyrýan, şeýle-de olarda zähmet çekýän hünärmenleriň aglabasynyň ýaşlardygy guwandyrýar. Çünki munuň özi bu pudakda täzeçilligiň, innowasion ösüşleriň we özgertmeleriň üstünlikli amala aşyrylmagyna getirýär. Bu hakykata ýaş hünärmen, Türkmenistanyň Senagatçylar we telekeçiler birleşmesiniň agzasy Serdar Hommadowyň ýolbaşçylygyndaky «Geljege miras» hususy kärhanasynda alnyp barylýan işleriň mysalynda-da göz ýetirmek bolýar.

20 Aprel 2023

Telekeçilik

Telekeçiler — ýurdumyzyň altyn gaznasy

Berkarar döwletiň täze eýýamynyň Galkynyşy döwründe bedew bady bilen ynamly öňe barýan mähriban Watanymyzyň beýik ösüşleri, tutumly maksatlary barha rowaçlanýar, bagtyýar halkymyzyň abadan durmuşy, ýurdumyzyň döredijilik kuwwaty täze belentliklere göterilýär. Bu ösüşlerde hususy pudagyň uly paýy bar. Nygtalyşy ýaly, Türkmenistanyň ykdysady strategiýasy jemi içerki önümiň möçberinde hususy eýeçilikdäki kärhanalaryň paýyny tapgyrlaýyn artdyrmagy göz öňünde tutýar. 2008-nji ýylda döredilen Türkmenistanyň Senagatçylar we telekeçiler birleşmesi kuwwatly işewürlik birleşmesi bolup durýar. Bu birleşme milli ykdysadyýetiň esasy pudaklarynyň ençemesinde işleri amala aşyrýar. Hormatly Prezidentimiz Serdar Berdimuhamedowyň belleýşi ýaly, ýurdumyzyň hususy pudagyny ösdürmek milli ykdysadyýetimiziň ileri tutulýan ugurlarynyň biridir. Diýarymyzyň eksport kuwwatyny artdyrmakda, täze önümçilikleri ýola goýmakda, bazar bolçulygyny döretmekde, iş üpjünçiliginde hususy pudaga möhüm orun degişlidir. Türkmen telekeçileri halkara derejede-de ýurdumyza mynasyp wekilçilik edýärler, döwletimiziň abraýyny has-da belende göterýärler. Ýurdumyzyň hususy işewürliginiň müňlerçe wekilini özünde jemleýän bu birleşme ykdysadyýetiň döwlete dahylly bolmadyk bölegini ösdürmek, telekeçilik başlangyçlaryny goldamak we döwrebap işewürlik düzümlerini kemala getirmek boýunça giň gerimli işleri amala aşyr

19 Aprel 2023

Telekeçilik

Tämizlik, arassaçylyk — sagdynlyk

Hormatly Prezidentimiziň goldaw bermegi we uly ynam bildirmegi netijesinde ýurdumyzyň telekeçilik ulgamy barha ösýär. Hususy pudak bazarlarymyzda haryt bolçulygyny döredip, milli ykdysadyýetimiziň kuwwatlanmagynda öz mynasyp ornuny berkidýär. Türkmen işewürleri täze tehnologiýalara daýanyp, daşary ýurtlardan getirilýän harytlaryň ýerini birkemsiz tutup bilýän önümçiligi döredýärler. Ýurdumyzda öndürilýän harytlaryň daşary döwletlere çykarylmagynda-da işewürlerimiz yhlaslylyk görkezýärler. Olar ýurdumyzyň ähli pudagynda zähmet çekip, harytlaryň dürli görnüşini, şol sanda durmuş himiýasyna degişli önümleri hem öndürýärler. Durmuş himiýasyna degişli önümleri öndürmekde «Täç hil» hususy kärhanasynyň ýeterlik tejribesi bar. Golaýda bu hususy kärhananyň hünärmeni Haknazar Haljanow bilen söhbetdeş bolduk. Şonda ol şeýle gürrüň berdi: — Mälim bolşy ýaly, şu ýylyň 17 — 23-nji martynda Türkmenistanyň Senagatçylar we telekeçiler birleşmesiniň döredilmeginiň 15 ýyllygy mynasybetli senagatçylaryň hem-de telekeçileriň sergisi geçirildi. 18-nji martda hormatly Prezidentimiziň hut özi sergä baryp, ýurdumyzyň işewür düzümleriniň öndürýän önümleri, senagat harytlary hem-de olaryň görnüşleri bilen tanyşdy. Döwlet Baştutanymyz telekeçileriň işine gowy baha berip, olaryň milli ykdysadyýetimiziň okgunly ösüşinde möhüm orun eýeleýändigini belledi hem-de ýurdumyzda kiçi we orta telekeçil

19 Aprel 2023

Telekeçilik

«Gerçegiň» önümçilik hem eksport gerimi giňeýär

Hormatly Prezidentimiziň taýsyz tagallalarynyň netijesinde, türkmen telekeçileri halkymyzyň ýokary hilli önümlere bolan isleglerini kanagatlandyrmak maksady bilen, döwrebap işleri ýola goýýarlar. Döwletimiziň döredip berýän mümkinçiliklerinden ruhlanýan türkmen telekeçileri daşary ýurtlardan getirilýän harytlaryň ornuny tutýan hem-de eksport ugurly önümleri öndürmek, şeýle hem ilatyň iş bilen üpjünçiligine goşant goşmak ugrunda ýokary netijeleri gazanýarlar. Şeýle hususy düzümleriň biri hem, Mary şäherindäki «Gerçek» haryt nyşanly aýakgap önümlerini öndürýän kärhanadyr. «Gerçek» haryt nyşanly aýakgap önümlerini öndürýän kärhanada häzirki zaman tehnologik enjamlar arkaly köp görnüşli we dürli ölçegdäki aýakgaplar öndürilýär. Kärhanada Arkadagly Serdarymyzyň telekeçileri goldamak baradaky tagallalaryndan ruhlanyp, öndürilýän önümleriň hilini ýokarlandyrmak we görnüşlerini artdyrmak, şeýle hem iş orunlaryny köpeltmek babatda yzygiderli işler alnyp barylýar. Kärhana 2015-nji ýylda esaslandyrylyp, häzirki wagtda iş orunlarynyň sany 600-den hem geçýär.

16 Aprel 2023

Telekeçilik

Hususyýetçiligiň täze ugry

Bu günki gün eziz Diýarymyz bagy-bossanlyga bürenýär. Ýurdumyzyň çar künjeginde tokaý zolaklary döredilýär. Baglar, göýä keşde kimin, dag-düzlerimizi, oba-kentlerimizi jähekläp, olara özboluşly bezeg berýär. Aýratyn-da, soňky ýyllarda miweli baglary köpeltmek boýunça ägirt uly işler durmuşa geçirilýär. Bagbanlarymyzyň maňlaý deri siňen ene topragymyzda ýetişýän ir-iýmişleriň görnüşi-de, mukdary-da ýylsaýyn artýar. Bu sogap işden türkmen işewürleri-de çetde durmaýarlar. Kiçi we orta telekeçilige döwlet tarapyndan berilýän goldawyň netijesinde işewürler ýurdumyzyň dürli künjeginde alma, erik, ülje, şetdaly, hurma, beýi, garaly ýaly miweleriň köp hasyl berýän görnüşini ekip, bol hasyl alýarlar. Bu babatda «Miwe» açyk görnüşli paýdarlar jemgyýetiniň alyp barýan işleri aýratyn bellärliklidir.

15 Aprel 2023

Telekeçilik

Döwrebap kärhanada

Telekeçiler ýurdumyzyň altyn gaznasyna deňelip, bu ugurdaky işlere barha giň gerim berilýär. Importyň möçberini azaltmak, eksport ugurly harytlaryň sanawyny artdyrmak we şonuň bilen birlikde hyzmatlar ulgamyny giňeltmek ýurdumyzda ileri tutulýan ugurlaryň biridir. Döwrümiziň bu aýratynlygy döwrebap innowasiýalar ornaşdyrylyp, ýokary hilli, dünýä ülňülerine laýyk gelýän önümleri öndürýän «Ak kent» hususy kärhanasynyň işinde hem öz beýanyny tapýar. Bu kärhana 2017-nji ýyldan bäri plastmassa önümlerinden çagalaryň oýun meýdançalarynyň gurnamalaryny, suw guýulýan gaplaryň 28 görnüşinden gowragyny, şeýle-de polietilen önümleriniň dürli görnüşlerini elýeterli bahadan hödürleýär. Gün şöhlesine çydamly, sowuk howada hem durnuklylygyny saklaýan harytlara kärhana tarapyndan 1 ýyl kepillik berilýär.

13 Aprel 2023

Telekeçilik

“Täze kerwen” hojalyk jemgyýeti gerim alýar

Berkarar döwletiň täze eýýamynyň Galkynyşy döwründe Gahryman Arkadagymyzyň, Arkadagly Serdarymyzyň ýolbaşçylygynda ähli pudaklar bilen birlikde, kiçi we orta telekeçiligi ösdürmäge uly üns berilýär. Ata Watanymyzyň ykdysadyýetiniň gerim almagynda hukuk binýadynyň berkemegine gönükdirilen kanunlardyr kadalaşdyryjy hukuknamalaryň kabul edilmegi muňa doly güwä geçýär. Sakarçäge etrap häkimliginiň hünärmenleri bize etrabyň çäginde hereket edýän “Täze kerwen” hojalyk jemgyýeti bilen tanyşmagy maslahat berdiler. Bizi hojalyk jemgyýetiniň başlygy Muhammet Şemsetdinow bilen duşurdylar. Muhammet telekeçilik mekdebini Hytaýda 7-8 ýyl okap, özüne gerekli ýeterlik iş tejribäni toplandygyny mälim etdi. Türkmenistanyň Senagatçylar we telekeçiler birleşmesiniň işjeň agzasy Muhammet Şemsetdinow 2017-nji ýylda inisi Döwletmyrat bilen polietilen we polipropilen önümçiligini alyp barýan “Täze kerwen” hojalyk jemgyýetini esaslandyrypdyr. Kärhanada Hytaý Halk Respublikasynyň ösen, döwrebap tehnologiýalary hereketde. Täze tehnologiýalara türkmen ýigitleridir gelin-gyzlary erk edýärler. Kärhananyň kuwwatlylygy aýda 100 tonna önüm öndürmäge niýetlenen.

12 Aprel 2023

Telekeçilik

Köpugurlylyk, täzeçillik we ýokary hil

Diýarymyzda azyk önümlerini öndürýän, önümleriniň köpdürlüligi bilen tapawutlanýan hususy kärhanalaryň sany barha artýar. Şolaryň biri-de «Parahat» hususy kärhanasydyr. Şu ýyl döredilmegine 30 ýyl dolýan kärhananyň önümleri diňe bir milli bazarlarda däl, eýsem, dünýä bazarlarynda-da uly islegden peýdalanýar. Biz hem kärhananyň söwda bölüminiň operatory Güljemal Geldimyradowa bilen söhbetdeş bolup, onuň bu ýerde alnyp barylýan işler barada beren gürrüňlerini ýazga geçirdik. — Hususy pudagyň bir ülşi hökmünde, «Parahat» hususy kärhanasy 1993-nji ýylda işewürlige şöhlat önümçiligi bilen başlady. 2013-nji ýylda dürli görnüşli miweli içgiler, 2017-nji ýylda pomidor goýaltmasy, 2018-nji ýylda süýt we süýt önümleri, 2022-nji ýylda bolsa süýjülik önümleri bilen haryt görnüşleriniň üsti ýetirildi. Mundan başga-da, çagalar üçin niýetlenen pýureleriň onlarça görnüşini ilata hödürleýäris. Bu ugurda öz işine ussat işçi-hünärmenlerimiziň 300-den gowragy döredijilikli zähmet çekýär. Kärhanamyz 2012-nji ýylda Şweýsariýanyň «Tetra Pak» kompaniýasy bilen şertnama baglaşdy we 2013-nji ýyldan miwe şiresini öndürmäge başlady. Döwrebap tehnikanyň önümçilige ornaşdyrylmagy netijesinde, aseptik gaplara gaplanan «Joş» atly milli haryt nyşanly miweli içgileri müşderilere hödürledik. Ýörite niýetlenen gaplar önümiň tiz zaýalanmagynyň öňüni almak bilen birlikde, uzak wagt saklanmagyny hem şe

10 Aprel 2023

Telekeçilik

Guwandyryjy işleriň aýdyň beýany

Paýtagtymyzdaky Söwda-senagat edarasynda Türkmenistanyň söwda toplumynyň sergisi geçirildi. Bu gezekki gözden geçirilişde ýurdumyzyň Söwda we daşary ykdysady aragatnaşyklar, Dokma senagaty ministrlikleriniň, Döwlet haryt-çig mal biržasynyň, «Türkmenhaly» döwlet birleşiginiň, Söwda-senagat edarasynyň, Senagatçylar we telekeçiler birleşmesiniň agzalarynyň pawilýonlarynda ýurdumyzyň bu ugurda gazananlary, ýerli kärhanalaryň harytlary – azyk, senagat önümleri, sarp ediş harytlary, haly, dokma önümleri, kompýuter we kommunikasiýa mümkinçilikleri şöhlelendirildi. Serginiň açylyş dabarasyna Hökümet agzalary, Mejlisiň ýolbaşçylary, ministrlikleriň hem-de pudaklaýyn dolandyryş edaralarynyň, Türkmenistanda işleýän daşary ýurtlaryň we halkara guramalaryň diplomatik wekilhanalarynyň, şeýle hem köpçülikleýin habar beriş serişdeleriniň wekilleri gatnaşdylar. Bu ýere ýygnananlar hormatly Prezidentimiz Serdar Berdimuhamedowyň sergä gatnaşyjylara iberen Gutlagyny uly ruhubelentlik bilen diňlediler. Döwlet Baştutanymyzyň Gutlagynda nygtalyşy ýaly, durmuşa geçirilýän tutumly işleriň netijesinde harytlarymyzyň bäsdeşlige ukyplylygy ýokarlanyp, ýurdumyzyň içerki bazaryny ýokary hilli harytlar bilen üpjün etmekde, daşarky söwdany giňeltmekde ýokary netijeler gazanylýar.

6 Aprel 2023

Telekeçilik

Söwda gatnaşyklarynda täze mümkinçilikler

Düýn Türkmenistanyň söwda-senagat edarasynyň binasynda ýurdumyzyň söwda toplumynyň sergisi öz işine başlady. Ýurdumyzda öndürilýän her bir harydyň, önümiň hil taýdan ýokary derejededigi guwandyryjy hakykatdyr. Şoňa görä-de, türkmen önümleri dünýä bazarynda bäsdeşlige ukyply, islegli önümler bolup durýar. Ykdysady üstünliklerimizi, söwda gatnaşyklarynyň netijesinde gazanylan sepgitleri açyp görkezýän we örän guramaçylykly geçirilýän sergide işewürler özara tejribe alyşmaga, utgaşykly işleri alyp barmaga, bilelikdäki gatnaşyklary ýola goýmaga uly mümkinçilikleri aldylar.

4 Aprel 2023

Telekeçilik

Le­bap­ly te­le­ke­çi­ler el iş önüm­le­ri­ni «eBay» plat­for­ma­sy­na çy­kar­dy­lar

31-nji mart­da Le­bap we­la­ýa­ty­nyň ta­ry­hy we ül­kä­ni öw­re­niş mu­ze­ýin­de «Le­bap Hand­ma­de Exports» (LHE) star­tap mak­sat­na­ma­sy­ny gol­da­mak mak­sa­dy bi­len, el zäh­me­ti bi­len ön­dü­ri­len eks­port mak­sat­ly önüm­le­riň ser­gi­si gu­ral­dy. LHE tas­la­ma­sy ABŞ-nyň Hal­ka­ra ösüş gu­ra­ma­sy­nyň (USAID), Ýew­ro­pa Bi­le­le­şi­gi­niň Türk­me­nis­tan­da­ky we­ki­li­ýe­ti­niň, şeýle hem, ÝU­NES­KO-nyň iş­le­ri bo­ýun­ça Türk­me­nis­ta­nyň Mil­li to­pa­ry­nyň gol­daw ber­mek­le­rin­de le­bap­ly se­net­çi­le­riň hal­ka­ra on­laýn plat­for­ma­la­ryn­da gir­de­ji ga­zan­mak­la­ry hem-de müm­kin­çi­lik­le­ri­ni gi­ňelt­mek­le­ri üçin iş­le­nip dü­zül­di.

3 Aprel 2023

Telekeçilik

Döwrebap ýyladyşhana

Döwletimiz telekeçiligi yzygiderli höweslendirýär we ony goldaýar. Bu günki gün türkmen işewürleri ähli pudaklarda yhlasly zähmet çekýärler. Olaryň öndürýän azyk önümleri — türkmeniň bereketli saçagynyň bezegi. Ilatyň gündelik isleginden peýdalanýan bu önümler ekologiýa taýdan arassalygy, hiliniň ýokarylygy bilen tapawutlanýar. Kiçi we orta telekeçilik ulgamynda önümçilige täze tilsimatlar, kämil enjamlar ornaşdyrylyp, bäsdeşlige ukyply, uly islegden peýdalanýan azyk önümleri öndürilýär. Şunda ýyladyşhanalara uly orun degişlidir. Döwrebap ýyladyşhana toplumynyň biri Kaka etrabynda ýerleşýär. Ol «Ýigit» hojalyk jemgyýetine degişlidir. Ýyladyşhana üçin 1000 gektar ýer bölünip berildi. Häzirki wagtda bu meýdanlaryň ählisi özleşdirildi. 34 gektar ýeri ýyladyşhana toplumy tutýar. Onda pomidoryň «Huanita», «Merlis», «Tommimaro muçe» sortlary ösdürilip ýetişdirilýär. Bu görnüşler diňe ýurdumyzda däl, daşary bazarlarda-da bellidir. Ýyladyşhanalara dünýä belli «Siemens», «Crundfas», «Wilo», «Intacrone», «Thermata» kompaniýalarynyň tehnologik enjamlarynyň ornaşdyrylandygy aýratyn bellärliklidir. Bu enjamlar howa ulgamyny, ýagny ýylylygy, çyglylygy, ýagtylygy kada laýyk saklamaga ýardam edýär. Olar awtomatik usulda sazlanýar. Şu ýerde ýene bir bellemeli zat, şertler deň bolsa-da, pomidorlaryň her biriniň hasyllylygy biri-birinden tapawutlanýar. Käbir mysallara salgylanalyň!

1 Aprel 2023

Telekeçilik

Bal tagamly önümler

Baharda zenanlar hakda gürrüň etmek ýakymly. Bu, megerem, bahar paslynyň zenanlara meňzedilýändigi üçin şeýledir. Hususy eýeçilikde önümçilik kärhanalaryny döredip, halkymyzyň bereketli saçaklarynyň azyk önümleri bilen baýlaşmagyna goşant goşýan telekeçi zenanlarymyzyň sany barha artýar. Olaryň biri hem bal tagamly konditer önümleri bilen tanalýan «Balam» konditer kärhanasynyň ýolbaşçysy Amandursun BEGJANOWADYR. Ýakynda bu telekeçi zenan bilen kärhanada alnyp barylýan işler dogrusynda söhbetdeş bolduk. — Konditer kärhanaňyzyň işläp başlanyna köp wagt geçmedigem bolsa, önümleriňiz diňe ýurdumyzyň çäginde däl, eýsem, daşarky bazarlarda hem tanalýar. Tiz wagtda adygyp gitmegiňize sebäp bolan zat näme?

31 Mart 2023

Telekeçilik