Türkmenmetbugat

Газета "Нейтральный Туркменистан"

Esaslandyryjysy: Türkmenistanyň Ministrler Kabineti
Salgysy: Aşgabat şäheri, Garaşsyzlyk şaýoly, 100, Türkmenbaşynyň erkin döredijilik mekany
Telefon belgileri: 38-61-18, 39-95-82, 39-95-88
Email: neytralnyturkmenistan-gazeti@online.tm

Gazeti PDF görnüşinde ýükläp almak

Habarlar

Dünýäde dabaralanýan ýörelge

Täze taryhy döwürde Arkadagly Gahryman Serdarymyzyň Watanymyzyň durmuş-ykdysady taýdan ösüşini üpjün etmek, halkymyzyň ýaşaýyş-durmuş şertlerini has-da gowulandyrmak we tutuş dünýäde parahatçylygy gorap saklamaga mynasyp goşant goşmak hem-de özara ynanyşmak ýörelgelerini berkitmek ýaly maksatlary rowaçlyklara beslenýär. Ýurdumyzyň başlangyjy esasynda BMG-niň Baş Assambleýasy tarapyndan «2025-nji ýyl — Halkara parahatçylyk we ynanyşmak ýyly» atly Kararnamanyň kabul edilmegi hem munuň aýdyň subutnamasydyr. Birleşen Milletler Guramasy tarapyndan iki gezek ykrar edilen Bitaraplygymyzyň dünýäde asudalygy, parahatçylygy, dostlugy we goňşuçylyk gatnaşyklaryny berkitmekde uly ähmiýeti bardyr. Hemişelik Bitaraplyk türkmeniň taryhyna altyn harplar bilen ýazylyp, halkymyzyň beýik gymmatlygyna öwrüldi. Türkmen Bitaraplygynyň asyrlaryň jümmüşinden aşyp gelýän ruhy-ahlak gymmatlyklarymyzdan, milli däp-dessurlarymyzdan gözbaş alýandygy buýsanç bilen bellärliklidir. Bitaraplyk Ýer ýüzünde asuda durmuşy, halklaryň dost-doganlygyny, ynsanperwerligi, özara bähbitli hyzmatdaşlygy hem-de ösüşi dabaralandyrýan taglymatdyr. Ähli ugurda gazanylýan üstünlikler, ýurdumyzyň halkara giňişlikdäki belent abraýy, beýik ösüşleri munuň aýdyň mysalydyr.

11 Dekabr 2024

Parahatçylyk söýüjilik taglymaty

Ata Watanymyz bu gün diňe bir sebitde däl, eýsem, tutuş dünýäde parahatçylyk söýüji, dost-doganlyk gatnaşyklaryny berkidýän, ylalaşdyryjy merkez hökmünde tanalýar. Munuň özi Türkmenistanyň sebit we dünýä möçberinde parahatçylygy, howpsuzlygy hem-de durnukly ösüşi üpjün etmäge gönükdirilen netijeli daşary syýasatynyň ählumumy ykrar edilýändiginiň subutnamasydyr. Türkmenistanyň Bitaraplyk derejesiniň taryhy tejribesi we ähmiýeti, halkara hyzmatdaşlyk ulgamynda dostlukly we özara bähbitli gatnaşyklary ösdürmekdäki hyzmaty ýokary baha mynasyp bolýar. Ýurdumyzyň başlangyçlary bilen Birleşen Milletler Guramasynyň Baş Assambleýasy tarapyndan birnäçe möhüm ähmiýetli Kararnamalaryň kabul edilmegi türkmen döwletiniň bütin dünýäde parahatçylygy berkitmegiň, birek-birege ynanyşmagyň tarapdary bolup çykyş edýändigini görkezýär. Türkmenistanyň söwda-ykdysady gatnaşyklary ösdürmek, howanyň üýtgemegi bilen bagly ekologiýa howpsuzlygyny gazanmak, daşky gurşawy goramak we halkara ulag geçelgelerini döretmek bilen baglanyşykly alyp barýan işleri tutuş adamzadyň bagtyýarlygyna gönükdirilendir. Şonuň üçinem dünýä ähmiýetli bu işler giňden dabaralanýar.

11 Dekabr 2024

Joşgunly ýaňlanan owazlar

Welaýat häkimliginiň welaýat medeniýet müdirligi bilen bilelikde Balkanabat şäherindäki «Türkmeniň ak öýi» binasynda hemişelik Bitaraplygymyzyň 29 ýyllyk baýramçylygy mynasybetli «Bitaraplyk — erkinligiň güwäsi, Arkadagly Serdar — dillerimiziň senasy» ady bilen geçiren aýdym-sazly dabarasy ýokary ruhubelentlige beslendi. Onda çykyş edenler dabara ýygnananlary Halkara Bitaraplyk güni bilen mähirli gutlap, baky Bitaraplygymyzyň many-mazmuny, ähmiýeti, şeýle-de hormatly Prezidentimiziň paýhaslylyk bilen ýöredýän daşary syýasaty, hoşniýetli halkara gatnaşyklary ösdürmekdäki beýik işleri dogrusynda giňişleýin durup geçdiler. 

11 Dekabr 2024

Abadançylygyň, durnukly ösüşiň kepili

12-nji dekabr — Halkara Bitaraplyk güni Garaşsyz Türkmenistanyň daşary syýasatynyň esasy hem möhüm ugurlarynyň biri-de Ýer ýüzünde ählumumy howpsuzlygy hem-de abadançylygy üpjün etmäge mynasyp goşant goşmakdan ybaratdyr. Bu babatda bütin dünýäde ykrar edilen Bitaraplyk derejesi ýurdumyza aýratyn hukuklary berýär we halkara ähmiýetli giň gerimli işleri üstünlikli durmuşa geçirmek üçin uly mümkinçilikleri döredýär.

11 Dekabr 2024

Bitaraplyk — baky bagtymyz

Änew şäherindäki “Bagt ýyldyzy” toý mekanynda “Bitaraplyk—baky bagtymyz” ady bilen baýramçylyk dabarasy geçirildi. Baky Bitaraplygymyzyň şanly 29 ýyllygy, Halkara Bitaraplyk güni mynasybetli geçirilen dabara welaýatymyzyň edara-kärhanalarynyň işgärleri, jemgyýetçilik guramalarynyň wekilleri hem-de ýaşlaryň uly topary gatnaşdy. Dabarada çykyş edenler eşretli döwrümizde toýlarymyzyň toýa ulaşýandygy, Halkara Bitaraplyk gününiň hem naýbaşy baýramlarymyzyň biri hökmünde uludan bellenilip geçilýändigi barada aýdyp, bu baýramyň ähmiýeti dogrusynda söhbet açdylar.

11 Dekabr 2024

Bitaraplygyň şanly toýy

Şu günler eziz Diýarymyzda baky Bitaraplygymyzyň 29 ýyllyk şanly toýy Halkara Bitaraplyk gününiň dabaralary bilen utgaşýar. Watanymyzyň hemişelik Bitaraplyk halkara hukuk ýagdaýynyň şanyna giňden bellenýän şanly senäniň halkymyz üçin uly ähmiýeti we manysy bar. Çünki Bitaraplyk Watanymyzyň daşary syýasatynyň baş taglymatydyr. Bu taglymat Bitarap Watanymyzyň beýik geljeginiň şanyna döredýän, gurýan bagtyýar halkymyza has-da beýik ýeňişleri gazanmaga ruhy güýç berýär. Şoňa görä-de, Gahryman Arkadagymyzyň we Arkadagly Gahryman Serdarymyzyň daşyna jebisleşen halkymyz baky Bitaraplygyň şanly toýuny şatlyk-şowhuna besleýär. Şu günler bilim-terbiýeçilik edaralarynda hem şanly sene mynasybetli baýramçylyk çäreleri guralýar. Bilim işgärleridir ýaş nesliň gatnaşmagynda geçirilýän baýramçylyk dabaralarynda çagalaryň Bitarap Watanymyzy, eşretli döwrümizi, asuda durmuşymyzy, dost-doganlygy wasp edip ýerine ýetirýän aýdym-sazlaryny, labyzly okaýan goşgularyny diňlemek diýseň täsirli hem lezzetli. Baýramçylyk çäreleriniň barşynda ýaş nesle ajaýyp senäniň giňden toý edilmeginiň ähmiýeti hem düşündirilýär. Munuň özi ýaş nesliň watançylyk duýgusyny ösdürmekde ähmiýetlidir. Şeýle bagtyýarlygy peşgeş beren hormatly Prezidentimize we Gahryman Arkadagymyza päk ýürekden çykýan alkyşlarymyzy aýdýarys.

11 Dekabr 2024

Magtymguly Pyragynyň 300 ýyllyk ýubileýi mynasybetli sylaglar gowşuryldy

Aşgabat, 10-njy dekabr (TDH). Şu gün Magtymguly Pyragynyň döredijilik mirasyny öwrenmäge, dünýäde giňden wagyz etmäge, nesilleri milli gymmatlyklarymyza, däp-dessurlarymyza hormat goýmak ruhunda, ynsanperwer häsiýetlerde terbiýelemäge uly goşandyny goşmak arkaly dürli ulgamlarda zähmet çekip, aýratyn tapawutlanan raýatlarymyzy hormatly Prezidentimiz Serdar Berdimuhamedowyň gol çeken resminamalaryna laýyklykda, Türkmenistanyň «Magtymguly Pyragynyň 300 ýyllygyna» atly ýubileý medaly, «Magtymguly Pyragynyň 300 ýyllygyna» atly ýadygärlik nyşanlar bilen sylaglamak dabaralary geçirildi. Dabaralar ähli toplumlarda geçirilip, olara Türkmenistanyň Mejlisiniň Başlygy, Ministrler Kabinetiniň Başlygynyň orunbasarlary gatnaşdylar. Olar ýygnananlary Halkara Bitaraplyk güni bilen mähirli gutladylar hem-de halkymyzyň bagtyýarlygynyň, ýurdumyzyň abadançylygynyň, Watanymyzy gülledip ösdürmegiň bähbidine alyp barýan işlerinde täze üstünlikleri arzuw etdiler. Sylaglananlaryň hatarynda Mejlisiň deputatlary, daşary ýurtlarda döwletimiziň bähbitlerine wekilçilik edýän diplomatlar, döredijilik, medeniýet we sungat, köpçülikleýin habar beriş serişdeleri, bilim, ylym, saglygy goraýyş, sport ulgamlarynyň işgärleri, jemgyýetçilik guramalarynyň, maliýe, söwda, bank, ykdysadyýet, ýangyç-energetika, gurluşyk-senagat, oba hojalyk, ulag-kommunikasiýa pudaklarynyň wekilleri, harby we hukuk goraýjy edaral

11 Dekabr 2024

Magtymguly Pyragynyň 300 ýyllyk ýubileýi mynasybetli sylaglar gowşuryldy

Aşgabat, 10-njy dekabr (TDH). Şu gün Magtymguly Pyragynyň döredijilik mirasyny öwrenmäge, dünýäde giňden wagyz etmäge, nesilleri milli gymmatlyklarymyza, däp-dessurlarymyza hormat goýmak ruhunda, ynsanperwer häsiýetlerde terbiýelemäge uly goşandyny goşmak arkaly dürli ulgamlarda zähmet çekip, aýratyn tapawutlanan raýatlarymyzy hormatly Prezidentimiz Serdar Berdimuhamedowyň gol çeken resminamalaryna laýyklykda, Türkmenistanyň «Magtymguly Pyragynyň 300 ýyllygyna» atly ýubileý medaly, «Magtymguly Pyragynyň 300 ýyllygyna» atly ýadygärlik nyşanlar bilen sylaglamak dabaralary geçirildi. Dabaralar ähli toplumlarda geçirilip, olara Türkmenistanyň Mejlisiniň Başlygy, Ministrler Kabinetiniň Başlygynyň orunbasarlary gatnaşdylar. Olar ýygnananlary Halkara Bitaraplyk güni bilen mähirli gutladylar hem-de halkymyzyň bagtyýarlygynyň, ýurdumyzyň abadançylygynyň, Watanymyzy gülledip ösdürmegiň bähbidine alyp barýan işlerinde täze üstünlikleri arzuw etdiler. Sylaglananlaryň hatarynda Mejlisiň deputatlary, daşary ýurtlarda döwletimiziň bähbitlerine wekilçilik edýän diplomatlar, döredijilik, medeniýet we sungat, köpçülikleýin habar beriş serişdeleri, bilim, ylym, saglygy goraýyş, sport ulgamlarynyň işgärleri, jemgyýetçilik guramalarynyň, maliýe, söwda, bank, ykdysadyýet, ýangyç-energetika, gurluşyk-senagat, oba hojalyk, ulag-kommunikasiýa pudaklarynyň wekilleri, harby we hukuk goraýjy edaral

11 Dekabr 2024

«Bitaraplyk, doganlyk — saýlan aýdyň ýolumyz!»

Aksoltan ATAÝEWA,Türkmenistanyň BMG-niň ýanyndaky hemişelik wekili, Türkmenistanyň Gahrymany, Magtymguly adyndaky halkara baýragyň eýesi.

11 Dekabr 2024

Magtymguly Pyragynyň dünýäsi köňülleri birleşdirýär

Düýn ýurdumyzyň dürli pudaklarynda hormatly Prezidentimiziň Permany we Karary bilen Berkarar döwletiň täze eýýamynyň Galkynyşy döwründe ýurdumyzyň medeniýet ulgamyny ösdürmek boýunça giň gerimli maksatnamalary üstünlikli durmuşa geçirmekde, halkymyzyň asyrlardan gözbaş alýan medeni mirasyny, ruhy gymmatlyklaryny dikeltmekde, nusgawy şahyr Magtymguly Pyragynyň döredijilik mirasyny öwrenmekde, aýawly saklamakda, wagyz etmekde hem-de geljekki nesillere ýetirmekde bitiren hyzmatlary üçin watandaşlarymyzyň hem-de daşary ýurtly raýatlaryň köp sanlysyna Türkmenistanyň «Magtymguly Pyragynyň 300 ýyllygyna» atly ýubileý medalynyň, ýadygärlik nyşanlaryň gowşurylyş dabarasy boldy. Biz döwletimiziň sylag-serpaýyna mynasyp bolanlaryň käbirleriniň ýürek sözlerini ýazga geçirdiler. Orazgeldi HÜMMEDOW,Türkmenistanyň Mejlisiniň umumy bölüminiň terjime bölümçesiniň müdiri:

11 Dekabr 2024

Parahatçylyk, ynanyşmak, asudalyk

Arkadagly Gahryman Serdarymyzyň alyp barýan parahatçylyk, dost-doganlyk ýörelgesi dünýä bileleşiginiň giň goldawyna mynasyp bolýar. Hormatly Prezidentimiziň «Pähim-paýhas ummany Magtymguly Pyragy» ýylynda paýtagtymyzda geçirilen Türkmenistanyň Halk Maslahatynyň nobatdaky mejlisinde «2025-nji — Halkara parahatçylyk we ynanyşmak ýylyny geçirmek boýunça çäreler hakynda» Permana gol çekmegi ýurdumyzyň parahatçylyk söýüjilikli döwlet syýasatynyň anyk subutnamasy boldy. Diýarymyzda ýokary guramaçylykly geçirilýän halkara forumlar paýtagtymyz Aşgabady dost-doganlygyň merkezine öwürýär. Birleşen Milletler Guramasynyň Baş Assambleýasynyň Kararnamasy esasynda 2025-nji ýylyň «Halkara parahatçylyk we ynanyşmak ýyly» diýlip yglan edilmegi türkmen paýhasynyň dünýä jemgyýetçiligi tarapyndan gyzgyn goldawa eýe bolýandygynyň güwäsidir. Türkmenistan Birleşen Milletler Guramasynyň agzasy hökmünde parahatçylyk söýüji daşary syýasaty alyp barýar, sebitleýin hem-de Halkara derejede netijeli hyzmatdaşlygy ösdürmekde, parahatçylygy we howpsuzlygy berkitmekde uly orun eýeleýär, ählumumy howpsuzlygyň we durnukly ösüşiň üpjün edilmegine uly goşant goşýar. Munuň özi Türkmenistanyň hemişelik Bitaraplyk hukuk derejesini has-da belende göterýär.

10 Dekabr 2024

Bitaraplyk – şöhrat-şanymyz

Ertir, hormatly Prezidentimiziň parasatly baştutanlygynda eziz Watanymyzda hemişelik Bitaraplygymyzyň şanly 29 ýyllyk toýy uludan tutular. «Dünýäde BMG-niň Baş Assambleýasy tarapyndan ykrar edilen ilkinji Bitarap döwlet — bu biziň ata Watanymyz — eziz Türkmenistandyr!» diýen ýaly, nurana, buýsançly sözler bu gün mähriban halkymyzyň diliniň senasyna, ýürek owazyna öwrüldi. Türkmenistan BMG-niň iň ýakyn we ynamdar hyzmatdaşy. Gahryman Arkadagymyzyň hem-de hormatly Prezidentimiz Arkadagly Gahryman Serdarymyzyň taýsyz tagallalary bilen ak şäherimiz Aşgabat bolsa, häzirki wagtda sebitde ylalaşdyryjy merkez hökmünde dünýä meşhurdyr. Hemişelik Bitaraplyk derejesiniň ykrar edilen geçen 29 ýyllyk döwrüniň tejribesi munuň şeýledigini doly subut edýär. Türkmenistan birnäçe gezek BMG-niň Baş Assambleýasynyň dürli ýyllarda geçirilen mejlislerine wise-başlyklyga, şeýle hem bu guramanyň abraýly düzümlerine saýlanyldy. Mälim bolşy ýaly, BMG-niň Baş Assambleýasynyň 78-nji sessiýasynyň 63-nji plenar mejlisinde Türkmenistanyň başlangyjy esasynda «2025-nji ýyl — Halkara parahatçylyk we ynanyşmak ýyly» atly Kararnama biragyzdan kabul edildi. Bu Kararnama ýüze çykýan gapma-garşylykly ýagdaýlary parahatçylykly, syýasy-diplomatik ýollar we usullar arkaly kadalaşdyrmaga, döwletleriň arasynda ynanyşykly gatnaşyklary pugtalandyrmaga ýardam bermäge gönükdirilendir.

10 Dekabr 2024

Eziz Diýar — ak geljege barýar

Dillerimize gazal, ömürlere özen bolan Bitaraplyk derejesi dogrusynda söhbet etmek – bagt hakynda söhbet etmekdir. Çünki bu derejä eždatlarymyzyň ruhy, jemgyýetimiziň köp asyrlyk taryhy siňipdir. Türkmenistan diýlende, hemişelik Bitaraplyk derejesiniň hakyda dolmagy, ýöne ýerden däldir. Bu gün bitarap döwleti gurmagy başaran türkmen halky jümle-jahanda derejeli millet saýylýar. Bu kämil milletiň tämiz göwnüniň, ak niýetiniň hem ýagşy päliniň wysalydyr. Il içinde ynsan ykbaly, Ýer ýüzüniň ykrary bilen dahylly gymmatlyklar mukaddeslikleriň hatarynda görülýär. Şonuň üçin hem biz döwletimiziň Bitaraplyk derejesine mukaddeslik hökmünde garamaga haklydyrys. Biz parahatsöýüjiligiň tarapdarlary bolan Gahryman Arkadagymyzyň, Arkadagly Gahryman Serdarymyzyň taýsyz tagallalary netijesinde baky Bitaraplygymyzyň goja Zemindäki mertebesiniň barha artýandygynyň şaýady bolýarys. Şonuň üçin Bitaraplykdan ýalkanan ýyllaryň taryhy pursatlarynyň bu beýik ynsanlaryň ady bilen bagly bolmagy kanunalaýyklykdyr.

10 Dekabr 2024

Türkmen Bitaraplygy — durnukly ösüşiň kepili

Her ýylyň 12-nji dekabry Halkara Bitaraplyk güni hökmünde giňden bellenilýär. Bu şanly senäniň Watanymyz, halkymyz üçin taryhy ähmiýeti bardyr. Türkmen Bitaraplygynyň oňyn netijeleri bu gün tutuş dünýä jemgyýetçiligi tarapyndan ykrar edilýär. Bitaraplyk häzirki we geljekki abadan ösüşimiziň aýdyň kepilidir. Parahatçylyk we durnuklylyk ýagdaýynda döwletiň öz ykdysady ösüşini üpjün etmek mümkinçiliginiň ýokary bolýandygyny bu gün Türkmenistanyň tejribesi bütin dünýä äşgär edýär. Halkara hyzmatdaşlygyň düýbünden täze nusgasyny kemala getirmek bilen, häzirki zaman dünýäsiniň möhüm meselelerine täzeçe çemeleşmek ýörelgesini ugur edinen ýurdumyzyň hemişelik Bitaraplyk hukuk ýagdaýy diňe bir Türkmenistanyň däl, eýsem tutuş sebitiň, galyberse-de, dünýä döwletleriniň durnukly ösüşine gönükdirilendir. Türkmenistanyň bitaraplyk ýoly halkymyzyň ýörelgelerine, taryhy, medeni däplerine, şeýle hem geografiki ýerleşişi we serişdeler kuwwaty nazaryndan, ýüzbe-ýüz bolýan anyk ýagdaýlaryna sazlaşykly laýyk gelýän nusgalyk ýoldur. Ösüşi, parahatçylygy we howpsuzlygy aňladýan baky Bitaraplyk ýurdumyzyň okgunly durmuş-ykdysady ösüşini üpjün etmekde uly orun eýeleýän ykdysady hyzmatdaşlygyň netijeli nusgalarynyň işlenip taýýarlanmagyna ýardam berýär. Syýasy durnuklylyk şertlerinde döwletler arasyndaky durnukly hem-de uzak möhletleýin söwda-ykdysady gatnaşyklary goldamakda, şeýle hem sebitara, sebit

10 Dekabr 2024

Parahatçylyk ýoly bilen

Agzybirligiň, jebisligiň netijesinde barha pajarlap ösýän Türkmenistanyň hemişelik Bitaraplyk hukuk ýagdaýyna eýe bolmagynyň 29 ýyllyk şanly toýy halkymyzyň buýsanjydyr, bagtyýarlygyň, döwletliligiň aýdyň nyşanydyr. Hormatly Prezidentimiziň giň dünýägaraýşynyň, halkara başlangyçlarynyň miwesi bolan bagtyýar zamanada ýaşaýan halkymyz bu baýramy halkara derejesinde dabaralandyrýar. Halkara Bitaraplyk gününe hem-de Garaşsyz, baky Bitarap Türkmenistanyň milli senenamasynyň esasy seneleriniň biri bolan Bitaraplyk halkara hukuk ýagdaýyna eýe bolmagynyň 29 ýyllygyna bagyşlanan baýramçylyk çäreleri uly şowhun-şagalaňa beslenýär. Ýurdumyzyň bitarap, parahatçylyk söýüjilikli daşary syýasatynda gazanylýan üstünlikleriň netijelerini Birleşen Milletler Guramasy bilen hyzmatdaşlygyň mysalynda görmek bolýar. Türkmenistanyň halkara gatnaşyklarynda syýasy, ykdysady we ynsanperwer hyzmatdaşlygyň miweleri hemişelik Bitaraplyk hukuk ýagdaýynyň 29 ýyllyk tejribesinde aýdyň şöhlelenýär. Hemişelik Bitaraplyk hukuk ýagdaýyna eýe bolmak bilen, Türkmenistan BMG-niň öňünde durýan meseleler boýunça sebitde ylalaşdyryjy merkeze öwrüldi. Halkara hyzmatdaşlygyň ösüşiniň mysallarynyň hatarynda 2007-nji ýylda Aşgabatda BMG-niň Merkezi Aziýa üçin öňüni alyş diplomatiýasy boýunça sebit merkeziniň açylmagyny, BMG-niň Baş Assambleýasynyň mejlislerinde Türkmenistanyň öňe süren dünýä ähmiýetli halkara başlangyçlary

10 Dekabr 2024

Oňyn başlangyçlar — abadançylygyň hatyrasyna

Baky Bitarap türkmen döwleti abraýly halkara, sebit we döwletara hyzmatdaşlyk gatnaşyklaryna parahatçylyk hem-de ynanyşmak medeniýetini pugtalandyrmaga mynasyp goşant goşýar. Türkmenistan abraýly halkara guramasy bolan Birleşen Milletler Guramasy bilen maksada okgunly hyzmatdaşlygy durmuşa geçirýär, oňyn halkara dialoga hemmetaraplaýyn ýardam berýär. Ýurdumyz sebitde we bütin dünýäde durnuklylygy, howpsuzlygy üpjün etmek, ýaragsyzlanmak, terrorçylyga we neşe serişdeleriniň getirilmegine, döwrüň beýleki wehimlerine garşy göreşmek çygrynda hyzmatdaşlygy pugtalandyrmaga uly üns gönükdirýär. Parahatçylyk we abadançylyk BMG-niň Durnukly ösüş maksatlaryny durmuşa geçirmegiň esasy şertleri bolup durýar. Şonuň üçin hormatly Prezidentimiziň tagallalary bilen, ýurdumyzyň daşary syýasatynyň strategik ugry esasynda öňe sürülýän başlangyçlaryň uly ähmiýeti bardyr. Ine, 6-njy dekabrda geçirilen Hökümet mejlisinde beýan edilen BMG-niň Baş Assambleýasynyň 79-njy sessiýasynyň dowamynda Türkmenistanyň başlangyjy bilen «Merkezi Aziýada ýadro ýaragyndan azat zolak hakyndaky Şertnama» atly Kararnamanyň biragyzdan kabul edilendigi baradaky hoş habar munuň aýdyň subutnamasydyr. Berkarar döwletiň täze eýýamynyň Galkynyşy döwründe Arkadagly Gahryman Serdarymyzyň tagallalary bilen, oňyn başlangyçlar öňe sürlüp, olar halkara giňişliginde uly goldawa eýe bolýar. Türkmenistan sebiti ösüş arkaly parahatçyl

10 Dekabr 2024

Baky bagtyň şuglasy

Türkmenistan dünýäde parahat ýurt, asudalygyň mekany hökmünde tanalýar. Halkymyzyň asylly ýörelgesinden gözbaş alýan oňyn Bitaraplyk syýasatymyz halklaryň arasyndaky dost-doganlygy ösdürmekde hem möhüm ähmiýete eýe bolup durýar. Munuň özi ýurdumyzyň dünýädäki abraýyny has-da artdyryp, belent derejelere ýetirýär. 1995-nji ýylyň 12-nji dekabrynda Birleşen Milletler Guramasynyň Baş Assambleýasynyň 50-nji mejlisinde dünýäniň 185 döwletiniň biragyzdan goldamagynda ýurdumyza hemişelik Bitaraplyk hukuk derejesi berildi. Şu ýyl hemişelik Bitaraplygymyzyň 29 ýyllyk toýuny toýlaýarys. Şol döwürden bäri ýurdumyzda syýasy, ykdysady we medeni taýdan beýik üstünlikler gazanyldy. 2015-nji ýylyň 3-nji iýunynda Birleşen Milletler Guramasynyň Baş Assambleýasynyň 69-njy mejlisinde 193 döwletiň goldamagynda «Türkmenistanyň hemişelik Bitaraplygy» atly Kararnamanyň ikinji gezek kabul edilmegi taryhyň altyn sahypalaryna ýazyldy. Bu bolsa Gahryman Arkadagymyzyň beýik başlangyçlarynyň, halkymyzyň we umumadamzadyň bähbidine gönükdirilen beýik işleriniň rowaçlygyny görkezdi.

10 Dekabr 2024

Hemişelik Bitaraplyga buýsanç

Häzirki ajaýyp döwrümizde hemişelik Bitaraplygymyz çuňňur many-mazmuna eýe boldy. Ýurdumyzyň hoşniýetli, parahatçylyk söýüjilikli syýasatynyň netijesinde halklaryň arasyndaky dost-doganlyk has-da ösdürilýär. Bu günki gün dünýäniň ähli döwletleri we iri halkara guramalary bilen gatnaşyklar ýygjamlaşdyryldy. Hemişelik Bitaraplygyň nuruny jahana ýaýýan Türkmenistan sebitde we dünýäde ylalaşdyryjy merkez, umumadamzat bähbitli başlangyçlary öňe sürýän döwlet we dost-doganlyk gatnaşyklaryna ygrarly bolan ygtybarly hyzmatdaş hökmünde halkara syýasy, ykdysady we medeni gatnaşyklaryň işjeň agzasyna öwrüldi. Durnukly ösüşiň möhüm şerti bolan parahatçylyga, abadançylyga uly baha berilýär. Munuň özi ýurdumyzyň dünýä derejesindäki beýik ösüşleriniň nusgasydyr. Türkmenistan ykdysady taýdan kuwwatly, okgunly gülläp ösýän ýurda öwrüldi. Ylymda, bilimde, medeniýetde düýpli özgerişler bolup geçdi. Ilimiziň agzybirligi we jebisligi, jemgyýetçilik durnuklylygy, ýurdumyzyň hemmetaraplaýyn sazlaşykly ösmegi Garaşsyz, hemişelik Bitarap döwletimiziň gazanan guwandyryjy netijeleridir. Ýurdumyzyň gülläp ösmegi üçin zerur bolan ähli esaslar, ýagny uly ykdysady mümkinçiliklere eýe bolan pudaklar, ýerli çig mal we zähmet serişdelerini netijeli ulanmaga ähli şertler bar.

10 Dekabr 2024

Hoşniýetlilik ýörelgesi rowaçlanýar

Türkmen halkynyň asyrlardan dowam edip gelýän hoşniýetlilik, parahatçylyk söýüjilik ýörelgeleri häzirki ajaýyp döwrümizde rowaçlanýar. Berkarar döwletiň täze eýýamynyň Galkynyşy döwründe hormatly Prezidentimiziň parasatly baştutanlygynda beýik ösüşler gazanylýar, uly-uly üstünliklere ýetilýär. Türkmen halkynyň asyrlaryň dowamynda nesillerden-nesillere geçip gelýän däp-dessurlary, parahatçylyk, dost-doganlyk ýaly asylly ýol-ýörelgeleri dünýä nusgalyk derejede kämilleşdirilýär. Bu günki günde eziz Diýarymyz dostlugyň mekanyna öwrüldi. Parahatçylyk, hoşniýetlilik, ynsanperwerlik, dünýäniň döwletleri we halklary bilen özara bähbitli gatnaşyklary ileri tutmak ýörelgelerine ygrarly bolan ýurdumyz özüniň amatly geosyýasy we geoykdysady kuwwatyny umumadamzat bähbitlerini hem-de ösüşi üpjün etmäge gönükdirýär. Türkmenistanyň hemişelik Bitaraplyk syýasaty halkymyzyň goňşy halklar, ýurtlar bilen dostlukly gatnaşyklaryna giň ýollary açýar. Garaşsyz, hemişelik Bitarap ýurdumyzda parahatçylygyň, asudalygyň rowaçlanmagy halkymyzda buýsanç döredýär.

10 Dekabr 2024

Dost-doganlygyň we parahatçylygyň çeşmesi

Berkarar döwletiň täze eýýamynyň Galkynyşy döwründe hormatly Prezidentimiziň baştutanlygynda ýurdumyz dünýä döwletleri bilen hoşniýetli gatnaşyklary barha ösdürýär. Hormatly Prezidentimiziň parasatly syýasaty netijesinde Watanymyzyň abraý-mertebesi barha belende galýar. Ýurdumyzyň hemişelik Bitaraplyk, parahatçylyk söýüjilik we ynsanperwerlik syýasaty bütin dünýäde belent mertebä mynasypdyr. 1995-nji ýylyň 12-nji dekabry halkymyzyň hakydasynda şanly sene hökmünde orun aldy. Birleşen Milletler Guramasynyň Baş Assambleýasynda 185 döwletiň biragyzdan goldamagy esasynda «Türkmenistanyň hemişelik Bitaraplygy» hakynda ýörite Kararnama kabul edildi. Bu şanly pursat türkmen halkynyň asudalygynyň, parahatçylyk söýüjiliginiň dabaralanmasy boldy. Şol belent üstünlikden soňra, agzybir halkymyz hemişelik Bitaraplyk syýasatyny şygar edinip, arzyly menzilleri nazarlady. Hemişelik Bitaraplyk syýasaty halkara derejesinde uly ykrarnama eýe boldy. 2015-nji ýylyň 3-nji iýunynda BMG-niň Baş Assambleýasynyň 69-njy mejlisinde 193 döwletiň biragyzdan goldamagy netijesinde «Türkmenistanyň hemişelik Bitaraplygy» atly Kararnamanyň gaýtadan kabul edilmegi ýurdumyzyň bitaraplyk ýörelgelerine pugta eýerýändiginden nyşandyr. Dünýä bileleşiginiň halklarynyň Türkmenistanyň hemişelik Bitaraplygyny goldaýandyklaryny şu taryhy wakanyň özi ýene bir gezek äşgär etdi. Türkmenistan bütin dünýäde we sebitde parahatçy

10 Dekabr 2024

‹
1
2
3
4
5
6
7
8
...
75
76
›